This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
ენალაპრილი
Enalapril
ა.თ.ქ. კლასიფიკაცია:
	
 
C09AA02	
C გულ-სისხლძარღვთა სისტემა
	
09 რენინ ანგიოტენზიურ სისტემაზე მოქმედი პრეპარატები
	
A ანგიოტენზინ გარდამქმნელი ფერმენტის (აგფ) ინჰიბიტორები
	
A აგფ ინჰიბიტორები
ანოტაცია:
	
	
ფარმაკოლოგიური თვისება:
	
ენალაპრილი აბლოკირებს ანგიოტენზინმაკონვერტირებელ ფერმენტს და ამცირებს ანგიოტენზინ-I-დან ანგიოტენზინ-II-ის წარმოქმნას, რომელიც ხასიათდება პრესორული თვისებებით. ამის შედეგად იგი აფართოვებს სისხლძარღვებს, ამცირებს სისხლძარღვთა საერთო პერიფერიულ წინააღმდეგობას, რაც იწვევს სისხლის წნევის დაქვეითებას, სისხლმიმოქცევის გაუმჯობესებას, გულის კუნთის და სხვა ორგანოების ჟანგბადით მომარაგების გაზრდას.
ფარმაკოკინეტიკა:
	
პერორალური მიღებისას ორგანიზმში შეიწოვება ენალაპრილის 60%. იგი მეტაბოლიზდება ღვიძლში აქტიური ნივთიერებისენალაპრილატის წარმოქმნით. ენალაპრილის მაქსიმალური კონცენტრაცია პლაზმაში აღინიშნება მისი მიღებიდან 3-4 სთ-ის შემდეგ, ხოლო სტაბილური კონცენტრაცია-4 დღის შემდეგ. ორგანიზმიდან გამოიყოფა ძირითადად თირკმელების საშუალებით. პრეპარატის მაქსიმალური ეფექტი ვლინდება 6-8 სთ-ის შემდეგ და გრძელდება 24 სთ-ს, რის გამოც საკმარისია მისი მიღება ერთხელ ან 2-ჯერ დღეში. ზოგადი თერაპიული ეფექტი აღინიშნება მკურნალობიდან რამოდენიმე კვირის შემდეგ.
ჩვენება:
	
- არტერიული ჰიპერტენზია; - გულის უკმარისობისას - შარმდენ საშუალებებთან, აგრეთვე საგულე გლიკოზიდებთან კომბინაციაში; - მარცხენა პარკუჭის უსიმპტომო დისფუნქცია. მეორადი ჰიპერტენზია თირკმელების დაავადებების დროს (თირკმელების უკმარისობა და დიაბეტით გამოწვეული მათი ფუნქციის მოშლა), გულის შეგუბებითი უკმარისობა. დოზირების რეჟიმი ჰიპერტენზიის მკურნალობა: რეკომენდებული საწყისი დოზაა 5 მგ ერთხელ დღეში, სითხის მცირე რაოდენობას-თან ერთად, შესაძლებელია მისი მიღება ჭამამდე, ჭამის დროს ან მის შემდეგ. დოზის კორექცია დამოკიდებულია სისხლის არტერიული წნევის დაქვეითების ხარისხზე. ჩვეულებრივ, ეფექტის შემანარჩუნებელი დოზა შეადგენს 10 მგ-დან 20 მგ-მდე, იშვიათ შემთხვევებში 40 მგ-ს დღეში ერთ ან ორ მიღებაზე. გულის შეგუბებითი უკმარისობის მკურნალობა: რეკომენდებული საწყისი დოზა შეადგენს 2.5 მგ-ს ერთხელ დღეში. საჭიროა ენალაპრილის დოზის თანდათანობითი მომატება მაქსიმალური კლინიკური ეფექტის მიღებამდე (ძირითადად 2-4 კვირის შემდეგ). ეფექტის შემანარჩუნებელი დოზა შეადგენს 2.5 მგ-დან 10 მგ-მდე, ხოლო მაქსიმალური - 20 მგ. მარცხენა პარკუჭის უსიპტომო დისფუნქციის მკურნალობა: რეკომენდებული საწყისი დოზა შეადგენს 2.5 მგ-ს 2-ჯერ დღეში, ხოლო ეფექტის შემანარჩუნებელი დოზა - 10 მგ 2-ჯერ დღეში. თირკმელების დაავადების დროს მეორადი ჰიპერტენზიის მკურნალობა: ენალაპრილის დოზა განისაზღვრება თირ კმელების ფუნქციის და ან კრეატინინის კლირენსის მაჩვენებლებით. ავადმყოფებში კრეატინინის კლირენსით 0.5 მ/წმ (30 მლ/წთ) მეტი - საწყისი დოზა შეადგენს 5 მგ-ს დღეში. ავადმყოფებში კრეატინინის კლირენსით 0.5 მლ/წმ (30 მლ/წთ) ნაკლები - საწყისი დოზა შეადგენს 2.5 მგ-ს დღეში, რომელსაც თანდათან ზრდიან კლინიკური ეფექტის მიღწევამდე. ჰემოდიალიზზე მყოფი პაციენტები: ჰემოდიალიზის ჩატარების დღეს-2.5 მგ, დანარჩენ დღეებში ექიმის მიერ დოზის კორექცია ხდება სისხლის წნევის მაჩვენებლებთან მიმართებაში. ენალაპრილით მკურნალობა ხანგრძლივია, თუ საჭირო არ გახდა სხვადასხვა გარემოების გამო მისი მოხსნა.
გვერდითი მოვლენები:
	
მშრალი ხველა, რომელიც გაივლის რამოდენიმე კვირის შემდეგ მკურნალობის შეწყვეტიდან, თავბრუსხვევა, თავის ტკივილი, საერთო სისუსტე, სწრაფი დაღლა, იშვიათად ჰიპოტენზია, გულის წასვლა, ღებინება, დიარეა, კუნთების სპაზმები, კანზე გამონაყარი, ხმის შეცვლა ან გემოს დაკარგვა, ლეიკოპენია. იშვიათად შესაძლებელია წითელი მგლურას მსგავსი სინდრომის განვითარება (სხეულის ტემპერატურის მომატება, ართრალგია, მიალგია, სეროზიტი, ვასკულიტი, ლეიკოციტოზი და ეოზინოფილია).
უკუჩვენება:
	
- ენალაპრილის ან მასში შემავალი ინგრედიენტების, ან სხვა ამფ ინჰიბიტორების მიმართ მომატებული მგრძნობელობა; - ავადმყოფებში ანგიონევროზული შეშუპებით (ალერგიული რეაქცია ტუჩების, სახის, კისრის მკვეთრი შეშუპებით, შესაძლებელია ხელებისა და ფეხების შეშუპება, რასაც თან ახლავს ხმის ჩახლეჩვა და მოხრჩობის შეგრძნება); - პორფირიით დაავადებულ პაციენტებში ენალაპრილის ეფექტურობა და უსაფრთხოება ბავშვებში დადგენილი არ არის, რის გამოც პრეპარატი მათ არ ენიშნებათ.
ორსულობა და ლაქტაცია:
	
პრეპარატი წინააღმდეგნაჩვენებია ორსულებში და ლაქტაციის პერიოდში. ენალაპრილით მკურნალობის დროს ორსულობის დადგომის შემთხვევაში, საჭიროა ექიმის კონსულტაციით სხვა ანტიჰიპერტენზიული პრეპარატის მიღება.
განსაკუთრებული მითითებები:
	
ჰიპოტენზია აღენიშნებათ (პრეპარატის პირველი დოზის მიღებიდან რამოდენიმე სთ-ის შემდეგ) ავადმყოფებს გულის მწვავე უკმარისობით, თირკმელების ფუნქციის მძიმე დაზიანებით და წყლისა და ელექტროლიტების ბალანსის დარღვევით, რაც გამოწვეულია დიურეზული საშუალებებით მკურნალობით, უმარილო დიეტით, დიარეით, ღებინებით ან ჰემოდიალიზზე ყოფნით. ჰიპოტენზია ძირითადად ვლინდება გულის რითმის გახშირებით და წნევის დაქვეითებით, რასაც შეიძლება მოჰყვეს გულის წასვლა. ჰიპოტენზია და მისი მძიმე თანამოვლენები იშვიათად ვლინდება და გარდამავალი ხასიათისაა. ენალაპრილით მკურნალობის დასაწყისში, ჰიპოტენზიის თავიდან აცილების მიზნით, საჭიროა დიურეზული საშუალებებით მკურნალობის შეწყვეტა და უმარილო დიეტისაგან თავის შეკავება (თუ ეს შესაძლებელია). ჰიპოტენზიის რეციდივის შემთხვევაში, რომელიც მიმდინარეობს ისეთი სიმპტომებით, როგორიცაა: ღებინება, გულის რითმის გახშირება და გულის წასვლა, აუცილებელია ექიმთან კონსულტაცია. პრეპარატის მიღებისაგან საჭიროა თავის შეკავება ავადმყოფებში თირკმლის არტერიის ორმხრივი სტენოზით, ან ცალი თირკმლის არტერიის სტენოზით. სიფრთხილით ენიშნებათ ავადმყოფებს მძიმე ხარისხის გულის იშემიური და ცერებროვასკულური დაავადებების და ჰემოდინამიკურად გამოხატული აორტის სტენოზით (აორტის სარქვლის შევიწროვება), ან მარცხენა პარკუჭიდან გადმოსროლილი სისხლის ნაკადის მიმართ სხვა სახის სტენოზის დროს, რადგან არსებობს ჰიპოტენზიის განვითარების და სასიცოცხლოდ აუცილებელ ორგანოებში სისხლის არასაკმარისი რაოდენობით მიწოდების რისკი. საჭიროა ჩატარდეს თირკმელების ფუნქციის მონიტორინგი მკურნალობის დაწყებამდე და მკურნალობის პერიოდში. ენალაპრილით მკურნალობის დასაწყისში, ზოგიერთ ავადმყოფებში შესასაძლებელია სისხლის არტერიული წნევის მკვეთრი დაქვეითება და თავბრუსხვევა, რის გამოც იგი სიფრთხილით ენიშნებათ ავტომობილის მძღოლებს და იმ პირებს, რომელთაც მუშაობა უხდებათ სხვადასხვა დანადგარებთან. ენალაპრილით მკურნალობის დასაწყისში შესაძლებელია პლაზმაში კალიუმის დონის მომატება, განსაკუთრებით ავადმყოფებში შაქრიანი დიაბეტით, თირკმელების ქრონიკული უკმარისობით, კალიუმის შემნახველ დიურეზულ საშუალებებთან (როგორიცაა სპირონოლაქტონი, ამილორიდი და ტრიამტერენი) ან კალიუმის შემცველ პრეპარატებთან ერთად მისი დანიშვნისას. ალერგიული რეაქციები შესაძლებელია გამოიწვიოს ჰემოდიალიზის ან სისხლის სხვა სახის ფილტრაციების დროს გამოყენებულმა მემბრანებმა. იდიოსინკრაზიის შემთხვევაში მკურნალობა დაუყოვნებლივ წყდება და ავადმყოფს უტარდება ადექვატური მკურნალობა.
ჭარბი დოზირება:
	
ხშირად - ჰიპოტენზია, რომლის დროსაც ავადმყოფს უნდა მივაღებინოთ ჰორიზონტალური მდგომარეობა თავით ოდნავ ქვემოთ. პრეპარატის ჭარბი რაოდენობით მიღებისას საჭიროა ღებინების ხელოვნურად გამოწვევა და შემდეგ ადექვატური სიმპტომატური თერაპიის ჩატარება. სხვა წამლებთან ურთიერთქმედება მკურნალობის პროცესში საჭიროა ალკოჰოლური სასმელების მიღებისაგან თავის შეკავება, რადგან ალკოჰოლი აძლიერებს ენელაპრილით არტერიული წნევის დაქვეითებას. ენალაპრილის კომბინაციისას დიურეზულ ან სხვა ანტიჰიპერტენზიულ პრეპარატებთან მისი ეფექტი ძლიერდება. ენალაპრილის და ანთების საწინააღმდეგო არასტეროიდული საშუალებების ან ასპირინის ერთდროულმა დანიშვნამ შესაძლებელია დააქვეითოს ენალაპრილის ეფექტურობა და გაზარდოს თირკმელების ფუნქციის დარღვევის რისკი. იგი აგრეთვე აქვეითებს თეოფილინის შემცველი პრეპარატების მოქმედებას, მისმა ერთდროულმა დანიშვნამ კალიუმის შემნახველ დიურეზულ საშუალებებთან (სპირონოლაქტონი, ამილორიდი ან ტრიამტერენი) ან კალიუმის შემცველ პრეპარატებთან, შესაძლებელია გამოიწვიოს სისხლში კალიუმის დონის მომატება (ჰიპერკალიემია). ლითიუმისა და ენალაპრილის ერთდროული გამოყენებით, ძლიერდება ლითიუმის გვერდითი ეფექტები. ციმეტიდინის შემცველი პრეპარატები ახანგრძლივებენ ენალაპრილის მოქმედებას.








Page generation time: 0. 020989374 sec.