| უნიფიცირებული დასახელება: | ფლუკონაზოლიFluconazole | ||
| ა.თ.ქ. კლასიფიკაცია: | |||
S01XA | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| X სხვა პრეპარატები თვალის დაავადებების მკურნალობისათვის | |||
| A სხვა პრეპარატები თვალის დაავადებების მკურნალობისათვის | |||
D01AC15 | D დერმატოლოგია | ||
| 01 სოკოს საწინააღმდეგო პრეპარატები კანის დაავადებების მკურნალობისათვის | |||
| A სოკოს საწინააღმდეგო პრეპარატები გარეგანი გამოყენებისათვის | |||
| C იმიდაზოლის წარმოებულები | |||
J02AC01 | J მიკრობების საწინააღმდეგო პრეპარატები სისტემური გამოყენებისათვის | ||
| 02 სოკოს საწინააღმდეგო პრეპარატები სისტემური გამოყენებისათვის | |||
| A სოკოს საწინააღმდეგო პრეპარატები სისტემური გამოყენებისათვის | |||
| C ტრიაზოლის წარმოებულები | |||
| ანოტაცია: | |||
| ჭარბი დოზირება: | დიდი რაოდენობით პრეპარატის ერთჯერადად მიღების შემთხვევაში შესაძლებელია სხვადასხვა გვერდითი მოვლენების განვითარება, რომელთა კორეგირება წარმოებს ექიმთან კონსულტაციით შესაბამისი მკურნალობის გამოყენებით სამკურნალო დაწესებულებაში. | ||
| ფარმაკოლოგიური თვისება: | პრეპარატი წარმოადგენს ტრიაზოლური ჯგუფის ანტიფუნგინალურ საშუალებას, რომელიც იწვევს სოკოს უჯრედში სტეროლების სინთეზის სელექტიურ ინჰიბირებას. იგი აქტიურია ოპორტუნისტული მიკოზების, მათ შორის Candida spp., Cryptococcus neoformans, Microsporum spp., Trichophyton spp. მიმართ. პრეპარატი ავლენს მაღალსპეციფიკურ მოქმედებას ციტოქრომ P450-ზე დამოკიდებულ სოკოს ფერმენტებზე. | ||
| ფარმაკოკინეტიკა: | პრეპარატის ფარმაკოკინეტიკური მახასიათებლები ერთნაირია მისი პერორალური და ინტრავენური გამოყენებისას. პერორალური მიღებისას იგი კარგად შეიწოვება კუჭ-ნაწლავის ტრაქტიდან, პრეპარატის პლაზმური დონე და შედარებითი ბიოშეღწევადობა აჭარბებს მისი პლაზმური დონის 90%-ს ინტრავენური შეყვანისას. საკვების მიღება არ ახდენს გავლენას პრეპარატის აბსორბციაზე. პლაზმაში კონცენტრაციის პიკი აღინიშნება 0.5-1.5სთ-ის შემდეგ პრეპარატის უზმოზე მიღებისას. ნახევრადგამოყოფის პერიოდი შეადგენს დაახლოებით 30სთ-ს. პლაზმური კონცენტრაცია პირდაპირპროპორციულია დოზის. წონასწორული კონცენტრაცია აღინიშნება მკურნალობიდან მე-4-5 დღეს მისი ერთხელ დღეში მიღებისას. პრეპარატი კარგად აღწევს ორგანიზმის ბიოლოგიურ სითხეებში. პლაზმის ცილებთან მისი შეკავშირების ხარისხი შეადგენს 11-12%-ს. სოკოვანი მენინგიტის დროს პრეპარატის კონცენტრაცია ცერებროსპინალურ სითხეში მისი პლაზმური კონცენტრაცის 80%-ს შეადგენს. იგი გამოიყოფა თირკმელებით. | ||
| ჩვენება: | პრეპარატი ინიშნება ექიმის რეკომენდაციით შემდეგი ინფექციების სამკურნალოდ: - კანდიდოზური სტომატიტი ან პირის ღრუსა და ხორხის რძიანა (ლორწოვანი გარსების ინფექცია). რძიანას ძირითადად იწვევს კანდიდას ჯგუფის სოკო; - ფილტვების, შარდგამომყოფი სისტემის და კანის კანდიდოზური ინფექციები; - პირის ღრუს კანდიდოზური ინფექციები კბილების პროთეზის მქონე პირებში (პირის ღრუს ლორწოვანი გარსების წყლულები, რაც დაკავშირებულია კბილების პროთეზის ტარებასთან); - კანის ინფექციები, მაგ, ტერფების მიკოზები, დერმატომიკოზები, ფრჩხილის ინფექციები; -კანდიდას ჯგუფის სოკოთი გამოწვეული შინაგანი ორგანოების სოკოვანი (სისტემური) ინფექციები, მაგ, სისხლის (კანდიდემია), საშარდე გზების (კანდიდურია) ან სხვა ორგანოების ინფექციები; - ინფექციები დაქვეითებული იმუნური სისტემის მქონე ავადმყოფებში ინტენსიურ თერაპიულ განყოფილებებში; - კრიპტოკოკოზი, მათ შორის კრიპტოკოკური მენინგიტი და სხვა ლოკალიზაციის (ფილტვი, კანი და სხვა) კრიპტოკოკური ინფექციები. პრეპარატის გამოყენება შესაძლებელია აგრეთვე კრიპტოკოკით გამოწვეული მეორადი სოკოვანი ინფექციების პროფილაქტიკის მიზნით: - სასქესო ორგანოების კანდიდოზური ინფექცები, მაგ.: ვაგინალური კანდიდოზი, აგრეთვე ვაგინალური კანდიდოზის რეციდივების შესამცირებლად (3 და მეტი ეპიზოდი წელიწადში); | ||
| დოზირება და მიღების წესი: | პრეპარატის კაფსულები და დასალევი სუსპენზიის მოსამზადებელი ფხვნილი გამოიყენება მხოლოდ შიგნით მისაღებად. კაფსულებს იღებენ მცირე რაოდენობის წყალთან ერთად. დასალევი სუსპენზიის მოსამზადებელ ფხვნილით სავსე ფლაკონს ანჯღრევენ და უმატებენ 24 მლ წყალს. ფლაკონის შენჯღრევა წარმოებს უშუალოდ გამოყენების წინ. კაფსულების და სუსპენზიის მიღება ხდება ერთსა და იმავე დროს. პრეპარატის მიღება შესაძლებელია, როგორც საკვების მიღების დროს, აგრეთვე მისი მიღების შორის ინტერვალში. პრეპარატის საინფუზიო ხსნარი შეჰყავთ ვენაში არაუმეტეს 10 მლ/წთ-ში სიჩქარით. საჭიროა იმ ავადმყოფების ინფორმირება, რიმელთაც შეზღუდული აქვთ ნატრიუმის მიღება, პრეპარატის საინექციო ხსნარში არსებული 0.9% ნატრიუმის ქლორიდის არსებობის შესახებ. მოზრდილებში: - პირის ღრუს ლორწოვანი გარსის და ხორხის კანდიდოზური ინფექციები - 50-100გ მგ ერთხელ დღეში 7-14 დღის და მეტი ხნის გ.ნმავლობაში; - პირის ღრუს ლორწოვანი გარსის ინფექციები კბილების პროთეზის მქონე ავადმყოფებში - 50 მგ ერთხელ დღეში 14 დღის განმავლობაში (პროთეზის დეზინფექციის შემთხვევაში); - საყლაპავის კანდიდოზური ინფექციები, ფილტვების არაინვაზიური ინფექციები, შარდგამომყოფი სისტემის ინფექციები, აგრეთვე კანისა და ლორწოვანის კანდიდოზით გამოწვეული მდგომარეობა - 50-10გ მგ ერთხელ დღეში 14-30 დღის განმავლობაში; - შიდსით, დაავადებულ ავადმყოფებში პირის ღრუსა და ხორხის განმეორებითი კანდიდოზური ინფექციების პროფილაქტიკა- 150 მგ კვირაში ერთხელ; - სასქესო ორგანოების კანდიდოზური ინფექციების მკურნალობა - 150 მგ ერთჯერადად; - ვაგინალური კანდიდოზის რეციდივებით შეპყრობილი ქალების მკურნალობა (3 და მეტი ეპიზოდი წელიწადში)- 150 მგ თვე-ში ერთხელ 4-12 თვის განმავლობაში ან მეტი აუცილებლობის შემთხვევაში; - კანის მიკოზური ინფექციები - 50 მგ ერთხელ დღეში 2-4 კვირის განმავლობაში; - ტერფის დერმატომიკოზების დროს შესაძლებელია მკურნალობის გახანგრძლივება (6 კვირამდე); - მრავალფეროვანი ლიქენის დროს რეკომენდებულ დოზას შეადგენს 300 მგ ერთხელ კვირაში 2 კვირის განმავლობაში. ზოგიერთ ავადმყოფებში შესაძლებელია 300 მგ პრეპარატის მესამედის გამოყენება კვირაში, მაშინ როდესაც სხვა ავადმყოფებში საკმარისია 300-400 მგ პრეპარატის ერთჯერადად მიღება. მკურნალობის ალტერნატიულ სქემას წარმოადგენს პრეპარატის 50 მგ მიღება ერთხელ დღეში 24 კვირის განმავლობაში; - ონიქომიკოზის დროს - 150 მგ კვირაში ერთხელ. მკურნალობა გრძელდება შესაბამისად 3-6 თვე (ხელებზე) და 6-12 თვე (ქვემო კიდურებზე); - შინაგანი ორგანოების კანდიდოზური ინფექციები - 400 მგ პირველ დღეს, შემდგომში 200-400 მგ ერთხელ დღეში. სიცოცხლისათვის საშიში კანდიდოზური ინფექციების დროს შესაძლებელია პრეპარატის დოზის გაზრდა 800 მგ-მდე დღეში; - განმეორებითი კანდიდოზური ინფექციების პროფილაქტიკა - 50-400 მგ ერთხელ დღეში ინფექციის განვითარების მომატებული რისკის პერიოდში; - შინაგანი ორგანოების კრიპტოკოკული ინფექციები - 400 მგ პირველ დღეს, შემდგომში 200-400 მგ ერთხელ დღეში 6-8 კვირის და მეტი ხნის განმავლობაში. სიცოცხლისათვის საშიში კრიპტოკოკული ინფექციის დროს შესაძლებელია პრეპარატის დოზის გაზრდა 800 მგ-მდე დღეში; - შიდსით დაავადებულ აეადმყოფებში კრიპტოკოკული მენინგიტის რეციდივის პროფილაქტიკა - 200 მგ ერთხელ დღეში განუსაზღვრელი ხანგრძლივი დროის განმავლობაში; - კოკციდიომიკოზის, პარაკოკციდიომიკოზის, სპიროტრიქოზის და ჰისტოპლაზმოზის დროს - 200-400 მგ ერთხელ დღეში 2 წლის და მეტი ხნის განმავლობაში. ბავშვებში 4 კვირიდან 15 წლის ასაკამდე: - ლორწოვანი გარსების კანდიდოზური ინფექციები -3 მგ/კგ წონაზე ერთხელ დღეში პირვვლ დღეს, შემდგომში 6 მგ/კგ წონაზე დღეში; - შინაგანი ორგანოების კანდიდოზური ან კრიპტოკოკული ინფექციები - 6-12 მგ/კგ წონაზე ერთხელ დღეში; - სოკოვანი ინფექციების პროფილაქტიკა მათი განვითარების მომატებული რისკის პერიოდში - 3-12 მგ/კგ წონაზე ერთხელ დღეში; ახალშობილებს დაბადებიდან პირველი 2 კვირის განმავლობაში პრეპარატი ენიშნებათ იგივე დოზებში (მგ/კგ წონაზე), როგორც შედარებით მოზრდილი ასაკის ბავშვებს, მაგრამ 72 სთ-იანი ინტერვალით, ხოლო 2-4 კვირის ახალშობილებში იგივე დოზა შეჰყავთ 48 სთ-იანი ინტერვალით. ხანდაზმულ ავადმყოფებს, რომელთაც არ აღენიშნებათ თირკმელების ფუნქციის დარღვევა პრეპარატი ენიშნებათ ჩვეულებრივი დოზებით. თირკმელების ფუნქციის უკმარისობის მქონე ავადმყოფებში საჭიროა დოზის კორექცია. | ||
| გვერდითი მოვლენები: | პრეპარატი ძირითადად ხასიათდება კარგი ამტანობით. მაგრამ ზოგჯერ შესაძლებელია შემდეგი გვერდითი მოვლენები: გულისრევა, ღებინება, დიარეა, მეტეორიზმი, გამონაყარი კანზე. იმ შემთხვევაში, როდესაც ზედაპირული სოკოვანი ინფექციის მკურნალობის პროცესში წარმოიქმნება გამონაყარი, რომელიც დაკავშირებულია პრეპარატის მიღებასთან საჭიროა პრეპარატით მკურნალობის შეწყვეტა. ინვაზიური/სისტემური ინფექციების მკურნალობის პროცესში გამონაყარის წარმოქმნის შემთხვევაში საჭიროა ექიმთან კონსულტაცია. ბულოზური გამონაყარის ან მულტიფორმული ერითემის წარმოქმნის შემთხვევაში საჭიროა პრეპარატით მკურნალობის შეწყვეტა. ზოგჯერ შესაძლებელია თავის ტკივილი. იშვიათ შემთხვევებ-ში პრეპარატის გამოყენებისას აღინიშნება ღვიძლის მხრივ ტოქსიკური ცვლილებები, რომელიც, როგორც წესი, აღენიშნებათ მძიმე სოკოვანი ინფექციებით დაავადებულ ავადმყოფებს. ამიტომ ღვიძლის დაზიანების კლინიკური გამოვლინებისთანავე საჭიროა შეწყდეს პრეპარატით მკურნალობა. იშვიათად შესაძლებელია აგრეთვე ცვლილებები სისხლის, ღვიძლის ფუნქციის, შარდის ან ბიოქიმიური მაჩვენებლების მხრივ. აღნიშნული ცვლილებების შემთხვევაში საჭიროა განსაკუთრებული სამედიცინო კონტროლი. პრეპარატით მკურნალობისას იშვიათ შემ-თხვევებში ვითარდება კანის მხრივ ექსფოლიატური რეაქციები. შიდსით დაავადებულ ავადმყოფებში მნიშვნელოვნად მომატებულია კანის მძიმე რეაქციების განვითარების რისკი სხვადასხვა პრეპარატების გამოყენებისას. იშვიათად ზოგიერთ ავადმყოფებს აღენიშნებათ ალერგიული რეაქციები პრეპარატის მიმართ: მოხრჩობის უეცარი შეგრძნება, სუნთქვის გაძნელება ან მოჭერითი ხასიათის ტკივილი გულმკერდის არეში; ქუთუთოების, სახის და ტუჩების შეშუპება; კანზე გამონაყარი ან ქავილით მიმდინარე წითელი ლაქები; მთელი სხეულის ქავილი. აღნიშნული გვერდითი მოვლენების შემთხვევაში საჭიროა ექიმთან კონსულტაცია. | ||
| უკუჩვენება: | მომატებული მგრძნობელობა პრეპარატის ან მისი შემადგენელი კომპონენტების მიმართ. ალერგიული რეაქციები, ქავილის, კანის ჰიპერემიის ან სუნთქვის გაძნელების ჩათვლით. პრეპარატის კომბინაცია ტერფენადინთან და ციზაპრიდთან ნებადართული არ არის. | ||
| განსაკუთრებული მითითებები: | პრეპარატი სიფრთხილით ინიშნება ისეთი მდგომარეობების დროს როგორიცაა: - არსებული ან დაგეგმილი ორსულობა; - ლაქტაციის პერიოდი; - თირკმელების დაავადებები. | ||
| ურთიერთქმედება სხვა მედიკამენტებთან: | პრეპარატი განსაკუთრებული სიფრთხილით ინიშნება ისეთ პრეპარატებთან კომბინაციაში როგორიცაა: ვარფარინი ან კუმარინის ტიპის ანტიკოაგულანტები, პერორალური ჰიპოგლიკემიური საშუალებები, რიგორიცაა ქლორპროპამიდი, გლიბენკლამიდი, გლიპიზიდი ან ტოლბუტამიდი, ჰიდროქლოროთიაზიდი, ფენიტოინი, რიფამპიცინი, რიფაბუტინი, ციკლოსპორინი, ტაკროლიმუსი, თეოფილინი, ტერფენადინი და ასთემიზოლი, ციზაპრიდი, ზიდოვუდინი. |
Page generation time: 0. 022873836 sec.
