| უნიფიცირებული დასახელება: | ალიმემაზინიAlimemazine | ||
| ა.თ.ქ. კლასიფიკაცია: | |||
R06AD01 | R სასუნთქი სისტემა | ||
| 06 ანტიჰისტამინური პრეპარატები სისტემური გამოყენებისათვის | |||
| A ანტიჰისტამინური პრეპარატები სისტემური გამოყენებისათვის | |||
| D ფენოთიაზიდის წარმოებულები | |||
| ანოტაცია: | |||
| ფარმაკოლოგიური თვისება: | ალიმემაზინი ანტიფსიქოზური (ნეიროლეპსიური) საშუალებაა. იგი ქიმიური სტრუქტურით ახლოა დიპრაზინსა და ლევომეპრომაზინთან. დიპრაზინისაგან განსხვავდება დამატებითი მეთილენის ჯგუფის (СН2) არსებობით გვერდით ჯაჭვში, ხოლო ლევომეპრომაზინისაგან – ОСН3 ჯგუფის არ არსებობით ფენოთიაზინის ბირთვის 2 პოზიციაში. ფარმაკოლოგიურად უკავია შუალედური მდგომარეობა სედატიური ეფექტის მქონე ანტიჰისტამინურ პრეპარატ დიპრაზინსა და ნეიროლეპსიურ ამინაზინს შორის. ანტიჰისტამინური და სედატიური მოქმედებით უფრო აქტიურია, ვიდრე დიპრაზინი, და აგრეთვე აქვს თვისებები, რომლებიც დამახასიათებელია ამინაზინისა და სხვა ფენოთიაზინის ჯგუფის ნეიროლეფსიური საშუალებებისათვის. ამინაზინთან შედარებით ახდენს ნაკლებად გამოხატულ ადრენომაბლოკირებელ მოქმედებას; აქვს სუსტი ანტიქოლინერგული აქტივობა. ალიმემაზინი არის ზომიერი აქტივობის ანტიფსიქოტური საშუალება. გამოხატული ფსიქოზების დროს შედარებით ნაკლებეფექტურია; უპირატესად მოქმედებს, როგორც მსუბუქი სედატიური და შფოთვისსაწინააღმდეგო საშუალება, აქვს დადებითი ეფექტი სენესტოპათიის, აკვიატებული იდეებისა და ფობიების შემთხვევაში. ძირითადად გამოიყენება ფსიქოსომატური გამოვლინებების დროს, რომლებიც ვითარდება ცნს–ის ფუნქციის სისხლძარღვოვანი, ტრავმატული, სომატოგენური, ინფექციური დარღვევების შედეგად და ნეიროვეგეტატიური მოშლილობის დროს. სედატიური ეფექტი განაპირობებს ძილის ნორმალიზებას ამ კატეგორიის ავადმყოფებში. ანტიჰისტამინური აქტივობის გამო ალიმემაზინი გამოიყენება ალერგიული დაავადებების–განსაკუთრებით სასუნთქი გზების ალერგიებისა და კანის ქავილის დროს. ახასიათებს ღებინების საწინააღმდეგო და ხველების საწინააღმდეგო მოქმედება. | ||
| ჩვენება: | ენდოგენური და ორგანული გენეზის ნევროზები და ნევროზისმსგავსი მდგომარეობები უპირატესად სენესტოპათიური, იპოქონდრიული, ფობიური და ფსიქოვეგეტატიური მოშლილობებით; ფსიქოპათიები ასთენიური ან ფსიქოასთენიური მოშლილობებით; მშფოთვარე–დეპრესიული მდგომარეობა მოსაზღვრე ენდოგენურ და სისხლძარღვოვან დაავადებებს შორის; სენესტოპათიური დეპრესიები, სომატიზირებული ფსიქიური მოშლილობები; მღელვარებისა და შფოთვის მდგომარეობა სომატური დაავადებების დროს; სხვადასხვა გენეზის ძილის მოშლა; ალერგიული რეაქციები. | ||
| დოზირება და მიღების წესი: | მიიღება პერორალურად, ი/მ და ი/ვ. პერორალურად ინიშნება, როგორც დამამშვიდებელი, ალერგიის საწინააღმდეგო, ქავილის საწინააღმდეგო საშუალება: მოზდრილებში 10-40მგ/; ბავშვებში 7,5-25 მგ/ 3-4-ჯერ მიღებაზე. მწვავე შემთხვევებსა და ფსიქიატრიულ პრაქტიკაში მოზრდილებს უნიშნავენ 100-400მგ/მდე. მაქსიმალური დოზაა: მოზრდილებისათვის-500მგ/, ხანდაზმულთათვის-200მგ. ი/მ შეყავთ 0,5% ხსნარი. ი/ვ წვეთოვნად შეყვანისას საწყისი დოზაა-25მგ, მისი შემდგომი ზრდით 75-100მგ- მდე. | ||
| გვერდითი მოვლენები: | ნერვული სისტემის მხრივ: ექსტრაპირამიდული მოშლილობები (ჰიპოკინეზია, აკატიზია, ტრემორი), ცნს–ის დათრგუნვა. იშვიათად: კუნთოვანი რელაქსაცია, პირის სიმშრალე, ბრონქული სეკრეტის წებოვნების მომატება, აკომოდაციის მოშლა, შეკრულობა, შარდის გამოყოფის შეკავება, ძილიანობა, ჰოპოტერმია, აგრანულოციტოზი. | ||
| უკუჩვენება: | დახურულკუთხიანი გლაუკომა, ღვიძლისა და თირკმელების მძიმე პათოლოგიები, წინამდებარე ჯირკვლის დაავადებები, 1 წლამდე ასაკი, მომატებული მგრძნობელობა ალიმემაზინის მიმართ. | ||
| ორსულობა და ლაქტაცია: | ორსულობისა და ლაქტაციის დროს ალიმემაზინის გამოყენება არ არის რეკომენდირებული. | ||
| განსაკუთრებული მითითებები: | საინფუზიო ხსნარი შეიცავს სულფიტებს, რომლებსაც ზოგიერთ შემთხვევაში შეუძლიათ გამოიწვიონ ან გააძლიერონ ანაფილაქსიური ტიპის რეაქცია. მისი დანიშვნა1 წლამდე ასაკის ბავშვებში არ არის რეკომენდირებული, თუ ანამნეზში აღნიშნულია გართულება ფენოთიაზინის რიგის პრეპარატების მიმართ. მკურნალობის პერიოდში ალკოჰოლის მიღება არ არის რეკომენდირებული. პრეპარატის გავლენა ავტომობილისა და მექანიზმების მართვაზე. პრეპარატის გავლენა ავტომობილისა და მექანიზმების მართვაზე. | ||
| ურთიერთქმედება სხვა მედიკამენტებთან: | აძლიერებს საძილე პრეპარატების, ოპიოიდური ანალგეტიკების, ეთანოლისა და სანარკოზე საშუალებების მოქმედებას. ანტიქოლინერგული ნივთიერებები აძლიერებენ ალიმემაზინის ატროპინისმსგავს აქტივობას. |
Page generation time: 0. 021109660 sec.
