| უნიფიცირებული დასახელება: | დისულფირამიDisulfiram | ||
| ა.თ.ქ. კლასიფიკაცია: | |||
N07BB01 | N ნერვული სისტემა | ||
| 07 სხვა პრეპარატები ნერვული სისტემის დაავადებების მკურნალობისათვის | |||
| B პრეპარატები დამოკიდებულების მკურნალობისათვის | |||
| B ალკოჰოლური დამოკიდებულების სამკურნალო პრეპარატები | |||
P03AA04 | P პარაზიტების საწინააღმდეგო პრეპარატები, ინსექტიციდები და რეპელენტები | ||
| 03 ექტოპარაზიტების (მათ შორის მუნის ტკიპას) გასანადგურებელი პრეპარატები, ინსექტიციდები და რეპელენტები | |||
| A ექტოპარაზიტების (მათ შორის მუნის ტკიპას) გასანადგურებელი პრეპარატები | |||
| A გოგირდის შემცველი პრეპარატები | |||
V03AA01 | V სხვა პრეპარატები | ||
| 03 სხვადასხვა პრეპარატები | |||
| A სხვადასხვა პრეპარატები | |||
| A პრეპარატები ქრონიკული ალკოჰოლის მკურნალობისათვის | |||
| ანოტაცია: | |||
| ფარმაკოლოგიური თვისება: | დისულფირამი წარმოადგენს ალკოლური დამოკიდებულების სამკურნალო საშუალებას. იგი იწვევს სხვადასხვა ფერმენტების, კერძოდ ეთილის სპირტის მეტაბოლიზმში მონაწილე აცეტალდეჰიდ-დეჰიდროგენაზას ინჰიბირებას, რის შედეგადაც ადგილი აქვს ეთილის სპირტის მეტაბოლიტის აცეტალდეჰიდის კონცენტრაციის მომატებას, რომლისთვისაც დამახასიათებელია მთელი რიგი არასასურველი ეფექტები: სახის ჰიპერემია, გულისრევა და ღებინება, ტაქიკარდია, არტერიული წნევის დაქვეითება. აღნიშნული მოვლენების გამო, ალკოჰოლის მიღება პრეპარატის გამოყენების შემდეგ მეტად არასასიამოვნო და ძნელად გადასატანია. ფარმაკოკინეტიკა პრეპარატის პერორალურად მიღების შემდეგ აღინიშნება მისი სწრაფი, მაგრამ არასრული აბსორბციის პროცესი, 70-დან 90%-მდე კუჭ-ნაწლავის ტრაქტიდან. იგი სწრაფად მეტაბოლიზდება, აღდგება დიეთილ-დითიოკარბამატამდე, რომელიც თვითონვე გამოიყოფა გლუკურონ-კონიუგატის სახით ან ტრანსფორმირდება დიეთილამინად და გოგირდნახშირბადად, რომლის ნაწილი (4-53%) გამოიყოფა ფილტვების საშუალებით. მაქსიმალური თერაპიული ეფექტი აღინიშნება დისულფირამის პერორალური მიღებიდან 12 სთ-ის შემდეგ და გრძელდება 1014 დღის განმავლობაში პრეპარატით მკურნალობის შეწყვეტის შემდეგ. | ||
| ჩვენება: | ქრონიკული ალკჰოლიზმის მკურნალობის პროცესში რეციდივების პროფილაქტიკა. | ||
| დოზირება და მიღების წესი: | სტანდარტული დოზა: მკურნალობის დასაწყისში ინიშნება 1 აბი. დღეში. შემდგომში დოზა თანდათან მცირდება 1/2 ან 1/4 აბამდე დღეში. დისულფირამის აბებს იღებენ დილას საუზმის დროს ალკოჰოლის გარეშე. გვერდითი მოვლენები დისულფირამით გამოწვეული: - პირში ლითონის გემოს შეგრძნება; - არასასიამოვნო სუნი ავადმყოფებში კოლოსტომიით (გამოწვეული გოგირდნახშირბადით); - ჰეპატიტის იშვიათი შემთხვევები; - ქვედა კიდურების პოლინევრიტი, მხედველობის ნერვის ნევრიტი; - ნეიროფსიქიკური მოშლილობები, მეხსიერების დაქვეითება, გონების დაბინდვა, დეზორიენტაცია, ასთენია, - თავის ტკივილი; - კანის ალერგიული რეაქციები. დისულფირამ -ეთილის სპირტით გამოწვეული: აღწერილია სუნთქვის დათრგუნვის, დეპრესიის, გულ-სისხლძარღვთა კოლაფსის, გულის რითმის დარღვევის ან მწვავე სტენოკარდიის შემთხვევები, იშვიათად მიოკარდიუმის ინფარქტი ლეტალური გამოსავლით, აგრეთვე ნევროლოგიური დარღვევები: ტვინის შეშუპება, მენინგეალური სისხლდენები, კონვულსიები. | ||
| უკუჩვენება: | - მომატებული მგრძნობელობა პრეპარატის მიმართ; - ღვიძლის ფუნქციის მოშლილობა; - შაქრიანი დიაბეტი; - ნეიროფსიქიკური დარღვევები. ეპილეფსია; - გულის იშემიური დაავადება; - ალკოჰოლის ან ალკოჰოლური სასმელების მიღება 24 სთ-ის განმავლობაში; - ორსულობა. | ||
| ორსულობა და ლაქტაცია: | პრეპარატის უსაფრთხოება ორსულობის და ლაქტაციის პერიოდში არ არის დადგენილი, რის გამოც დისულფირამის მიღება ამ დროს არ არის ნებადართული. არ არსებობს მონაცემები პრეპარატის უარყოფითი მოქმედების შესახებ ავტოტრანსპორტის მძღოლებში და იმ პირებში, რომელთა მუშაობა ტექნიკასთან მოითხოვს გაძლიერებულ ყურადღებას. | ||
| განსაკუთრებული მითითებები: | დისულფირამი სიფრთხილით ენიშნებათ თირკმელების უკმარისობით, ჰიპოთირეოიდიზმით, ღვიძლისა და სასუნთქი სისტემის დაავადების მქონე პირებს. | ||
| ჭარბი დოზირება: | კომბინაცია-დისულფირამ-ეთანოლი (ძირითადად სუიციდის მიზნით) იწვევს კომას ან დათრგუნვის სინდრომს, გულ-სისხლძარღვთა კოლაფსს, ზოგიერთ შემთხვევებში-ნევროლოგიური გართულებებით. მკურნალობა სიმპტომატურია. | ||
| ურთიერთქმედება სხვა მედიკამენტებთან: | წინააღმდეგნაჩვენები კომბინაციები: - ალკოჰოლი: რეაქცია (წამოხურება, ერითემა, ღებინება, ტაქიკარდია). საჭიროა სპირტიანი სასმელებისაგან და სპირტის შემცველი სამკურნალო საშუალებებისაგან თავის შეკავება. არასასურველი კომბინაციები: - იზონიაზიდი: მოძრაობის და კოორდინაციის დარღვევა. - ნიტრო-5-იმიდაზოლები (მეტრონიდაზოლი, ორნიდაზოლი, სეკნიდაზოლი, ტინიდაზოლი): მწვავე თეთრი ცხელება, გონების დაბინდვა. - ფენიტოინი: ტოქსიკური სიმპტომებით მიმდინარე (მისი მეტაბოლიზმის დათრგუნვა) ფენიტოინის რაოდენობის სწრაფი მომატება პლაზმაში. იმ შემთხვევაში, როდესაც აღნიშნული კომბინაცია გარდუვალია, საჭიროა ავადმყოფებზე კლინიკური დაკვირვება დაპლაზმაში პრეპარატის კონცენტრაციის კონტროლი, დისყლფირამით, როგორც მკურნალობის პროცესში, ასევე მკურნალობის შემდგომ პერიოდში. კომბინაციები, რომლებიც სიფრთხილეს მოითხოვს: - ვარფარინი (სხვა პერორალურ ანტიკოაგულანტებზე ექსტრაპოლაციით): პერორალური ანტიკოაგულანტების მოქმედების ეფექტის გაძლიერება და სისხლდენის საშიშროება (ღვიძლში ვარფარინის დაშლისპროცესის დაქვეითება). ამ დროს რეკომენდებულია სისხლში პროთრომბინის დონის უფრო ხშირი კონტროლი და ანტიკოაგულანტების დოზის კორექცია, 8 დღის განმავლობაში დისულფირამით მკურნალობის შეწყვეტის შემდეგ. - თეოფილინი: დისყლფირამი აინჰიბირებს თეოფილინის მეტაბოლიზმს, რის გამოც თეოფილინის დოზის კორექცია (დოზის დაქვეითება) წარმოებს დაავადების კლინიკური სიმპტომებისა და სისხლის პლაზმაში პრეპარატის კონცენტრაციაზე დამოკიდებულებით. - ბენზოდიაზეპინები: დისულფირამი ბენზოდიაზეპინების ჟანგვითი მეტაბოლიზმის ინჰიბირების გზით აძლიერებს მათ სედატიურ ეფექტს (განსაკუთრებით ქლორდიაზეპოქსიდის და დიაზეპამის). ბენზოდიაზეპინის დოზის კორექცია წარმოებს დაავადების კლინიკური სიმპტომების შესაბამისად. - ტრიციკლური ანტიდეპრესანტები: იმ შემთხვეეაში, როდესაც დისულფირამით მკურნალობის შემდეგ ავადმყოფები იღებენ სპირტიან სასმელებს, ადგილი აქვს ალკოჰოლზე არასასურველი რეაქციების გაძლიერებას. |
Page generation time: 0. 023618154 sec.
