This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
იბანდრონის მჟავა
Ibandronic acid
ა.თ.ქ. კლასიფიკაცია:
	
 
M05BA06	
M ძვალ-კუნთოვანი სისტემა
	
05 პრეპარატები ძვლების დაავადებების მკურნალობისათვის
	
B ძვლების მინერალიზაციაზე მოქმედი პრეპარატები
	
A ბიფოსფონატები
ანოტაცია:
	
	
ჩვენება:
	
ჰიპერკალციემიით მიმდინარე სიმსივნური დაავადებები.
ფარმაკოლოგიური თვისება:
	
ძვლის ქსოვილის რეზორბციის ინჰიბიტორი. იბანდრონის მჟავა წარმოადგენს ბიფოსფონატების ჯგუფის ძვლის ქსოვილის რეზორბციის ინჰიბიტორს. იგი შერჩევით მოქმედებს ძვლის ქსოვილზე, რაც განპირობებულია მისი მაღალი აფინურობით ძვლის მინერალური კომპონენტების მიმართ. პრეპარატი თრგუნავს ძვლის ქსოვილის გაძლიერებულ რეზორბციას. იგი ხასიათდება მაინჰიბირებელი მოქმედებით ჰიპერკალციემიით მიმდინარე სიმსივნურ ოსტეოლიზზე.
გვერდითი მოვლენები:
	
ხშირად გრიპის მსგავსი სინდრომი (ცხელება, შემცივნება, ძვლების და კუნთების ტკივილი), პლაზმაში ფოსფატების კონცენტრაციის შემცირებით მიმდინარე კალციუმის ექსკრეციის შემცირება თირკმელების საშუალებით; შესაძლებელია ალერგიული რეაქციების განვითარება, ჰიპოკალციემია; ცალკეულ შემთხვევებში - კუჭ-ნაწლავის ტრაქტის მხრივ ცვლილებები.
დოზირება და მიღების წესი:
	
პრეპარატის დოზა დამოკიდებულია ჰიპერკალციემიის სიმძიმის ხარისხზე და სიმსივნის ტიპზე. ვენაში ინფუზიის დროს პრეპარატის დოზა შეადგენს 2-4მგ-ს მისი ერთჯერადი შეყვანისას. არასაკმარისი თერაპიული ეფექტის შემთხვევაში პირველი შეყვანისას ან ჰიპერკალციემიის რეციდივის დროს შესაძლებელი ხდება პრეპარატის განმეორებითი შეყვანა. პრეპარატის ერთჯერადი შეყვანისას 2-4მგ დოზით რეციდივის განვითარებამდე პერიოდი შეადგენს 18-19 დღეს.
უკუჩვენება:
	
პრეპარატის მიმართ მომატებული მგრძნობელობა. თირკმელების მძიმე უკმარისობა (შრატი კრეატინინი-5მგ/დლ, ან 442მკმოლი/ლ-ში).
ორსულობა და ლაქტაცია:
	
ორსულობის პერიოდში პრეპარატის გამოყენება ნებადართული არ არის, ვინაიდან არ არსებობს ადექვატური და მკაცრად კონტროლირებადი კვლევები მისი ზემოქმედების შესახებ რეპროდუქციულ სისტემაზე. ლაქტაციის პერიოდში პრეპარატის გამოყენება ნებადართული არ არის.
განსაკუთრებული მითითებები:
	
პრეპარატი სიფრთხილით ინიშნება სხვა ბიფოსფონატების მიმართ მომატებული მგრძნობელობის მქონე პაციენტებში. პრეპარატით მკურნალობის პროცესში საჭიროა თირკმელების ფუნქციის, სისხლის პლაზმაში კალციუმის, ფოსფორის და მაგნიუმის მაჩვენებლების პერიოდული კონტროლი. სისხლმიმოქცევის უკმარისობით შეპყრობილ პაციენტებში რეკომენდებულია ჭარბი ჰიდრატაციისაგან თავის შეკავება. ბიფოსფონატების გამოყენება ბრონქული ასთმით და აცეტილსალიცილის მჟავას მიმართ მომატებული მგრძნობელობით შეპყრობილ პაციენტებში იწვევს ბრონქოსპაზმს. კლინიკური მონაცემების არ არსებობის გამო, ბავშვებში პრეპარატის გამოყენება რეკომენდებული არ არის. პრეპარატის შეყვანა არტერიაში დაუშვებელია.
ურთიერთქმედება სხვა მედიკამენტებთან:
	
ბიფოსფონატები სიფრთხილით ინიშნება ამინოგლიკოზიდებთან კომბინაციაში, რადგან აღნიშნული ჯგუფის პრეპარატები ამცირებენ კალციუმის რაოდენობას სისხლის პლაზმაში ხანგრძლივი დროის განმავლობაში, აგრეთვე არსებობს ჰიპომაგნიემიის განვითარების რისკი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022030734 sec.