| უნიფიცირებული დასახელება: | აურანოფინიAuranofin | ||
| ა.თ.ქ. კლასიფიკაცია: | |||
M01CB03 | M ძვალ-კუნთოვანი სისტემა | ||
| 01 ანთების და რევმატიზმის საწინააღმდეგო პრეპარატები | |||
| C რევმატიზმის საწინააღმდეგო ბაზისური პრეპარატები | |||
| B ოქროს პრეპარატები | |||
| ანოტაცია: | |||
| გვერდითი მოვლენები: | კუჭ-ნაწლავის ტრაქტის მხრივ: იშვიათად ტკივილი ეპიგასტრიუმის არეში, გულისრევა, ღებინება, დიარეა, დისპეფსია. ცნს-ის მხრივ: იშვიათად - თავის ტკივილი, თავბრუსხევავა. მგრძნობელობის ორგანოების მხრივ: გემოვნების შეცვლა, ლითონის გემო პირში, სტომატიტი, კონიუნქტივიტი. დერმატოლოგიური რეაქციები: გამონაყარი კანზე, ნეფროზული სინდრომი. ღვიძლის მხრივ: ღვიძლის ფუნქციის დარ-ღვევა, კრეატინინის შემცველობის გაზრდა სისხლის შრატში, იშვიათად - სიყვითლე. სისხლმბადი სისტემის მხრივ: ცალკეულ შემთხვევაში - ლეიკოპენია, ჰემოლიზური ანემია, აპლასტიური ანემია, აგრანულოციტოზი, თრომბოციტოპენია. სხვა: ძალიან იშვიათად - ალოპეცია, ინტერსტიციული პნევმონია, ფილტვების ფიბროზი. | ||
| უკუჩვენება: | - მომატებული მგრძნობელობა პრეპარატის და მისი კომპონენტების მიმართ; - თირკმელების და ღვიძლის ფუნქციის დარღვევა; - სისხლმბადი ორგანოების ფუნქციის დარ-ღვევა; - ორსულობა და ლაქტაცია; შედარებითი წინააღმდეგჩვენება: ექსფოლიატური დერმატიტი, სისტემური წითელი მგლურა, წყლულოვანი ენტეროკოლიტი, ფილტვების ფიბროზი, პორფირია. მკურნალობის დაწყების წინ და მის დროს აუცილებელია პერიფერიული სისხლის სურათის მუდმივი კონტროლი (ჰემოგლობინის შემცველობა, თრომბოციტების რაოდენობა), თირკმელების ფუნქციის (შარდოვანას კონცენტრაცია, ცილის შემცველობა შარდში) და ღვიძლის ფუნქციის (ღვიძლის ფერმენტების აქტივობა) მონიტორინგი პირველი წლის განმავლობაში - ყოველთვიურად, მე-ორე წლის განმავლობაში - ყოველ 23 თვეში. თუ აღინიშნება პროტეინურია (1 გზე მეტი დღეღამეში), მკურნალობა უნდა შეწყდეს. | ||
| ორსულობა და ლაქტაცია: | პრეპარატი არ ინიშნება ორსულობის და ლაქტაციის პერიოდში მისი შესაძლო ტერატოგენული ეფექტის გამო. აუცილებელია გულმოდგინე კონტრაცეპცია მკურნალობის დაწყებამდე და პრეპარატით მკურნალობის დამთავრებიდან 6 თვის შემდეგ. | ||
| განსაკუთრებული მითითებები: | გულმკერდის რენტგენოლოგიური გამოკვლევა აუცილებელია წელიწადში ერთხელ. აუცილებელია სიფრთხილე ბავშვების მკურნალობის დროს, აგრეთვე პაციენტებში, რომლებიც დაავადებულნი არიან შაქრიანი დიაბეტით, გულის შეგუბებითი უკმარისობით, ჰემორაგიული დიათეზით, ტუბერკულოზით, ექსფოლიატური დერმატიტით და არაკონტროლირებადი ჰიპერტენზიით (ამ დაავადებების მიმდინარეობის გაუარესების გამო); აგრეთვე ხანდაზმულ პაციენტებში და კუჭ-ნაწლავის ტრაქტის დაავადებების დროს. პრეპარატი არ მოქმედებს ფსიქომოტორულ რეაქციებზე. | ||
| ჭარბი დოზირება: | მწვავე ჭარბი დოზირების შემთხვევაში რეკომენდებულია კუჭის ამორეცხვა და სიმპტომატური მკურნალობა. უფრო მძიმე შემ-თხვევაში იყენებენ მძიმე ლითონების ქელატორებს. ჭარბი დოზირების სიმპტომებია: პროტეინურია, ჰემატურია, ენცეფალოპათია, ნეიროპათია, ასევე ძვლის ტვინის ფუნქციის დათრგუნვა. | ||
| ურთიერთქმედება სხვა მედიკამენტებთან: | აურანოფინი არ ინიშნება ერთდროულად იმუნოსუპრესორებთან, როგორიცაა აზათიოპრინი, ციკლოსპორინი. პრეპარატი შეუთავსებადია პენიცილინებთან, ლევამიზოლთან, ქლოროქინთან. შესაძლებელია აურანოფინის კომბინაცია ანთების საწინააღმდეგო არასტეროიდულ საშუალებებთან და ანალგეტიკებთან. | ||
| ფარმაკოლოგიური თვისება: | აურანოფინი ოქროს პრეპარატია პერორალური გამოყენებისათვის. მას გააჩნია ანთების საწინააღმდეგო და მადესენსიბილიზირებელი მოქმედება. იგი თრგუნავს ლიზოსომური ფერმენტების გამონთავისუფლებას და აქტივობას, აფერხებს რევმატოიდული ართრიტის პროგრესირებას. | ||
| ჩვენება: | რევმატოიდული ართრიტი (სახრების ადრეული, რენტგენოლოგიურად გამოვლენილი ცვლილებების მკურნალობა და პროფილაქტიკა). | ||
| დოზირება და მიღების წესი: | ტაბლეტები ინიშნება პერორალურად ჭამის დროს. მოზრდილებში: 6 მგ დღეში ერთჯერადად ან გაყოფილი 2 მიღებაზე (1 აბი 3 მგ დილას და საღამოს). ბავშვებში: 0.15 მგ/კგ დღეში. პრეპარატით 4-6 თვის მკურნალობის შემდეგ, თუ არ იქნა მიღწეული თერაპიული ეფექტი, მოზრდილებში დოზა იზრდება 9 მგ/დღეში, ბავშვებში - 0.2 მგ/კგ/დღეში, მაგრამ არაუმეტეს 6 მგ-ზე მეტი დღეში. თუ პრეპარატის დოზის გაზრდის შემდეგ თერაპიული ეფექტი არ აღინიშნება, პრეპარატის მიღება წყდება. |
Page generation time: 0. 020664935 sec.
