This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
პირაცეტამი
Piracetam
ა.თ.ქ. კლასიფიკაცია:
	
 
N06BX03	
N ნერვული სისტემა
	
06 ფსიქოანალეფსიური საშუალებები
	
B ფსიქომასტიმულირებელი და ნოოტროპული პრეპარატები
	
X ფსიქომასტიმულირებელი და ნოოტროპული სხვა პრეპარატები
ანოტაცია:
	
	
ფარმაკოლოგიური თვისება:
	
პირაცეტამი წარმოადგენს ნოოტროპულ საშუალებას, რომელიც ახდენს დადებით ზეგავლენას თავის ტვინის სისხლმიმოქცევასა და ცვლის პროცესებზე. იგი ზრდის გლუკოზის უტილიზაციას, აუმჯობესებს მეტაბოლურ პროცესებს და მიკროცირკულაციას იშემიზირებულ უბნებში, აინჰიბირებს გააქტივებული თრომბოციტების აგრეგაციას. ამასთან ერთად ხასიათდება დამცავი მოქმედებით თავის ტვინის დაზიანების დროს, რომელიც გამოწვეულია ჰიპოქსიით, ინტოქსიკაციით, ელექტროშიკით. იგი აუმჯობესებს თავის ტვინის ინტეგრაციულ ფუნქციას, ასტიმულირებს ჟანგვააღდგენით პროცესებს, ზრდის ადენილატციკლაზას აქტივობას და აინჰიბირებს ნუკლეოტიდფოსფატაზას.
ჩვენება:
	
პირაცეტამი გამოიყენება ნევროლოგიურ, ფსიქიატრიულ და ნარკოლოგიურ პრაქტიკაში. ნევროლოგიურ პრაქტიკაში გამოიყენება თავის ტვინის სისხლძარღვების დაავადებების დროს (ათეროსკლეროზი, სისხლძარღვოვანი პარკინსონიზმი), რომლებიც ვლინდება ცერებრული სისხლძარღვების ქრონიკული უკმარისობით, მეხსიერების, ყურადღების, მეტყველების დარღვევით, თავბრუსხვევითა და თავის ტკივილით, თავის ტვინში სისხლმიმოქცევის მხრივ ცვლილებებით; აგრეთვე თავის ტვინის ტრავმისა და ინტოქსიკაციის შემდეგ კომატოზური და სუბკომატოზური მდგომარეობის დროს,, აღდგენითი თერაპიის მიზნით პაციენტის ფსიქიური აქტივობისა და მოძრაობის გაუმჯობესების მიზნით. პირაცეტამი გამოიყენება აგრეთვე ნერვული სისტემის დაავადებების დროს, რომელთაც თან ახლავს ინტელექტუალური ფუნქციისა და ემოციური სფეროს მხრივ დარღვევები. ფსიქიატრიულ პრაქტიკაში პირაცეტამი გამოიყენება პაციენტებში, რომლებსაც აღენიშნებათ სხვადასხვა წარმოშობის ნერვულ-დეპრესიული მდგომარეობები, რომელთა თანმხლებია: ადინამიის ნიშნები, ასთენიურ სენესტო-იპოქონდრიული დარღვევები და იდეატორული შეზღუდვა, აგრეთვე დუნე, აპათიური დეფექტური მდგომარეობისას შიზოფრენიით შეპყრობილ პაციენტებში, სხვადასხვა ეტიოლოგიის ფსიქოორგანული სინდრომებისას, სენილური და ატროფიული პროცესების, სხვადასხვა ფსიქიური დაავადებისას კომპლექსური თერაპიისათვის. პირაცეტამი გამოიყენება დამხმარე საშუალებად დეპრესიული მდგომარეობის სამკურნალოდ იმ პაციენტებში, რომლებსაც ანტიდეპრესიული სამკურნალო საშუალებების მიმართ გააჩნიათ რეზისტენტობა, აგრეთვე როდესაც ნეიროლეფსიური და სხვა ფსიქოტროპული სამკურნალო საშუალებების მიმართ გააჩნიათ აუტანლობა. იგი გამოიყენება ზემოთაღნიშნული სამკურნალო საშუალებების მოქმედებით გამოწვეული სომატოვეგეტატური, ნევროლოგიური ან ფსიქიური გართულებების პრევენციის ან ნიველირების მიზნით. პირაცეტამი ნარკოლოგიურ პრაქტიკაში გამოიყენება აბსტინენციის სინდრომის მოსახსნელად პრე და დელირიოზული მდგომარეობისას ალკოჰოლიზმისა და ნარკომანიის შემთხვევაში, აგრეთვე ალკოჰოლით, მორფინით, ბარბიტურატებით მოწამვლის დროს. პირაცეტამი ქრონიკული ალკოჰოლიზმის დროს გამოიყენება ასთენიის მდგომარეობის შესამცირებლად. პედიატრიაში იგი გამოიყენება შესწავლის პროცესის გასაუმჯობესებლად და თავის ტვინის პერინატალური დაზიანებების ნარჩენი მოვლენების ლიკვიდაციისათვის, რომლებიც გამოწვეულია ინფექციით, ჰიპოქსიით, სამშობიარო ტრავმით. აგრეთვე მას უნიშნავენ ოლიგოფრენიის, გონებრივი განვითარების მხრივ ჩამორჩენის, ბავშვთა ცერებრული დამბლის დროს. პირაცეტამი გერონტოლოგიურ პრაქტიკაში კომპლექსურ თერაპიაში გამოიყენება მოხუცთა დემენციის (მათ შორის ალცჰაიმერის დაავადება) სამკურნალოდ.
დოზირება და მიღების წესი:
	
პირაცეტამი ჩვეულებრივ ინიშნება პერორალურად ჭამამდე საწყისი დოზით 1.2 გდან (400 მგ 3-ჯერ დღეში) 2.4 გ-მდე, ხანდახან დღეღამეში 3.2 გ-მდე ან მეტი. აღნიშნული დოზის მიღების შემთხვევაში მკურნალობის ეფექტი როგორც წესი აღინიშნება 2-3 კვირის შემდეგ. შემდგომში დოზას ამცირებენ 1.2-1.6 გ-მდე (400 მგ 3-4-ჯერ დღეში). მკურნალობის კურსის ხანგრძლივობა შეადგენს 2-3 კვირიდან 26-თვემდე, რომელსაც აუცილებლობის შემ-თხვევაში იმეორებენ 6-8 კვირის შემდეგ. პირაცეტამით მკურნალობის დროს შესაძლებელია ფსიქოტროპული, გულ-სისხლძარღვთა და სხვა სამკურნალო საშუალებების ერთდროული გამოყენება. თავის ტვინის მწვავე დაზიანების სამკურნალოდ პირაცეტამი ინიშნება სხვა დეზინტოქსიკაციურ მეთოდებთან და აღდგენით თერაპიასთან კომბინაციაში, ხოლო ფსიქოზური მდგომარეობის სამკურნალოდ - ფსიქოტროპულ საშუალებებთან ერთად. ბავშვებში პირაცეტამი გამოიყენება ყოველდღე 30-50 მგ/კგ სხეულის წონის მიხედვით 2 მიღებაზე დილას და შუადღისას. 5 წლამდე ასაკის ბავშვებში პრეპარატი მიიღება 3-ჯერ დღეში 200 მგ-ის ოდენობით (დღეღამეში 600 მგ-ის ოდენობით). 5-დან 16 წლამდე ბავშვებში - 400 მგ დღეში 3-ჯერ (მაქსიმალური სადღეღამისო დოზა შეადგენს 1.8 გ-ს). აუცილებლობის შემ-თხვევაში პრეპარატით მრავალწლიანი მკურნალობის დროს რეკომენდებულია ერთი წლის განმავლობაში 2-3 მკურნალობის კურსის ჩატარება. იმ შემთხვევაში, თუკი არ იქნა მიღებული მორიგი დოზა, მკურნალობის კურსს აგრძელებენ ადრე დანიშნული დოზის მიხედვით. აუცილებლობის შემთხვევაში საჭიროა ექიმთან კონსულტაცია.
გვერდითი მოვლენები:
	
პირაცეტამი ჩვეულებრივ კარგი ტოლერანტობით ხასიათდება პაციენტების მხრივ. გვერდითი მოვლენები ძირითადად აღინიშნება მაღალი დოზის მიღებისას და ხანდაზმულ პაციენტებში. ზოგიერთ პაციენტებში შესაძლებელია გაღიზიანებადობა, ძილის დარღვევა, თავის ტკივილი, დისპეფსიური ხასიათის დარღვევები, სექსუალური სტიმულაცია, მოძრაობითი აქტივობა, ზოგჯერ ალერგიული რეაქციები. ხანდაზმულ პაციენტებში იშვიათად მოსალოდნელია კორონარული უკმარისობის განვითარება. ასეთ შემთხვევებში საჭიროა დოზის შემცირება ან პრეპარატის მიღების შეწყვეტა. პირაცეტამის გამოყენებისას, განსაკუთრებით გონებრივად ჩამორჩენილ ბავშვებში შესაძლებელია აფორიაქება, მოუსვენრობა, მოძრაობითი შეფერხება, ყურადღების მოდუნება, გაღიზიანებადობა, გაუწონასწორებლობა. აღნიშნული გვერდითი მოვლენები ქრება დოზის შემცირების ან პრეპარატის მიღების შეწყვეტისთანავე.
უკუჩვენება:
	
პირაცეტამის ან მის შემადგენლობაში შემავალი კომპონენტების მიმართ მომატებული მგრძნობელობა, აგრეთვე თირკმელების მძიმე ხარისხის უკმარისობა (კრეატინინის კლირენსი ნაკლებია 20 მლ/წთ-ში), დეპრესია და მოუსვენრობა (აჟიტირებული დეპრესია), ჰანტინგტონის დაავადება, ორსულობა და ლაქტაციის პერიოდი, 1 წლამდე ასაკის ბავშვები.
განსაკუთრებული მითითებები:
	
სიფრთხილით ინიშნება თირკმელების ფუნქციის უკმარისობის დროს.
ჭარბი დოზირება:
	
პრეპარატი პრაქტიკულად არ არის ტოქსიკური. ჭარბი დოზირების შემთხვევაში მოსალოდნელია გვერდითი მოვლენების გაძლიერება.
ურთიერთქმედება სხვა მედიკამენტებთან:
	
შესაძლებელია ურთიერთქმედება პირაცეტამსა და ცნს-ის მასტიმულირებელ, ასევე ნეიროლეფსიურ საშუალებებთან მისი კომბინირებულ გამოყენების დროს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021894231 sec.