This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ბენდაზოლი
Bendazol
ა.თ.ქ. კლასიფიკაცია:
	
 
C04AX	
C გულ-სისხლძარღვთა სისტემა
	
04 პერიფერიული ვაზოდილატატორები
	
A პერიფერიული ვაზოდილატატორები
	
X პერიფერიული სხვა ვაზოდილატატორები
ანოტაცია:
	
	
ფარმაკოლოგიური თვისება:
	
მიოტროპული მოქმედების სპაზმოლიზური საშუალება, ბენზიმიდაზოლის წარმოებული. ახდენს სპაზმოლიზურ მოქმედებას სისხლის ძარღვებისა და შინაგანი ორგანოების გლუვ კუნთებზე. აქვეითებს არტერიულ წნევას გულიდან გადასროლილი სისხლის მოცულობის შემცირებისა და პერიფერიული სისხლძარღვების გაფართოების ხარჯზე. ბენდაზოლის ჰიპოტენზიური აქტივობა ზომიერია, ხოლო ეფექტი არახანგრძლივი. იწვევს ტვინის სისხლძარღვების არახანგრძლივ გაფართოებას. აადვილებს სინაფსურ გადაცემას ზურგის ტვინში. იმუნომასტიმულირებელი აქტივობა დაკავშირებულია იმუნურ უჯრედებში ცგმფ–ისა (ციკლური გუანოზინმონოფოსფატი) და ცამფ–ის (ციკლური ადენოზინმონოფოსფატი) კონცენტრაციის თანაფარდობის რეგულაციაზე (ზრდის ცგმფ–ის შემცველობას), რასაც მივყავართ მწიფე სენსიბილიზირებული T- და B-ლიმფოციტების პროლიფერაციამდე, მათ მიერ ხდება ურთიერთმარეგულირებელი ფაქტორების სეკრეცია, კოოპერაციული რეაქციები და უჯრედების საბოლოო ეფექტორული ფუნქციების აქტივაცია.
ჩვენება:
	
არტერიული ჰიპერტენზია, ჰიპერტონული კრიზი. შინაგანი ორგანოების გლუვი კუნთების სპაზმი (მათ შორის კუჭის, ნაწლავების). პოლიომიელიტის ნარჩენი მოვლენები, სახის ნერვის პერიფერიული დამბლა.
დოზირება და მიღების წესი:
	
ჰიპერტონული კრიზის კუპირებისას – ი/ვ ან ი/მ 30-40მგ. არტერიული ჰიპერტენზიის მიმდინარეობის გამწვავება, არტერიული წნევის მნიშვნელოვანი მატებით– ი/მ 20-30 მგ 2-3ჯერ, მკურნალობის კურსი 8-14 დღე. შინაგანად - 20-50მგ 2-3ჯერ 3-4 კვირა. ნერვული დაავადებების მკურნალობის დროს - მოზრდილებში დოზით 5მგ 1ჯერ/ ან დღეგამოშვებით 5-10 დღის განმავლობაში, 3-4 კვირის შემდეგ მკურნალობის კურს იმეორებენ. შემდეგში კურს ატარებენ 1-2 თვიანი შესვენებით. ბავშვებში ასაკის მიხედვით დოზა შეადგენს 1-5მგ 1 ჯერ.
გვერდითი მოვლენები:
	
შესაძლოა ალერგიული რეაქციები. ხანგრძლივი მიღებისას – ეკგ–ს მონაცემების გაუარესება გულიდან გადმოსროლილი სისხლის მოცულობის შეცირებასთან დაკავშირებით. მაღალი დოზებით მიღებისას: სიცხის შეგრძნება, მომატებული ოფლდენა, თავბრუსხვევა, გულისრევა, თავის ტკივილი.
უკუჩვენება:
	
მომატებული მგრძნობელობა ბენდაზოლის მიმართ.
განსაკუთრებული მითითებები:
	
სიფრთხილით ინიშნება ხანდაზმული ასაკის პაციენტებში. არარეკომენდირებულია პრეპარატის ხანგრძლივად მიღება არტერიული ჰიპერტენზიის მკურნალობის მიზნით, განსაკუთრებით ხანდაზმული ასაკის პაციენტებში.
ურთიერთქმედება სხვა მედიკამენტებთან:
	
ერთდროულად მიღებისას ანტიჰიპერტენზიულ და დიურეზულ საშუალებებთან შესაძლოა ანტიჰიპერტენზიული მოქმედების გაძლიერება. ბენდაზოლის ერთდროული მიღება აფერხებს ბეტა–ადრენობლოკატორებით განპირობებული სპსწ–ის (საერთო პერიფერიული სისხლძარღოვანი წინააღმდეგობა) გაზრდას. ერთდროულად მიღებისას ფენტოლამინი აძლიერებს ბენდაზოლის ჰიპოტენზიურ მოქმედებას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020216452 sec.