| უნიფიცირებული დასახელება: | ფოლიტროპინ ალფაFollitropin alpha | ||
| ა.თ.ქ. კლასიფიკაცია: | |||
G03GA05 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| G გონადოტროპინი და ოვულაციის სხვა სტიმულატორები | |||
| A გონადოტროპინები | |||
| ანოტაცია: | |||
| ფარმაკოლოგიური თვისება: | ალფა ფოლიტროპინი წარმოადგენს ფოლიკულომასტიმულირებელ ჰორმონს, რომელიც მიიღება გენური ინჟინერიის მეთოდით ჩინური ჯიშის ზაზუნას საკვერცხეების გამოყენებით. პრეპარატი ხელს უწყობს საკვერცხეებში ფოლიკულების მომწიფებასა და ზრდას, იგი აგრეთვე ზრდის ესტროგენების დონეს. პრეპარატი ასტიმულირებს ენდომეტრიუმის პროლიფერაციას ქალებში, რომლებსაც დაქვეითებული აქვთ გონადოტროპინების ენდოგენური სეკრეცია. | ||
| გვერდითი მოვლენები: | ენდოკრინული და გინეკოლოგიური სტატუ-სი: პრეპარატის მიღებისას შესაძლებელია საკვერცხეების ჰიპერსტიმულაციის სინდრომის განვითარება, რომლის პირველი სიმპტომებია მუცლის ქვედა არეში ტკივილის შეგრძნება, გულისრევა, ღებინება, სხეულის წონის მომატება; შედარებით მძიმე შემთხვევების დროს აღინიშნება საკვერცხეების ზომაში მომატება, საკვერცხეების კისტის წარმოქმნა, ასციტი, ჰიდროთორაქსი, თრომბოემბოლია. პრეპარატის მიღებისას ქალებში, რომლებსაც აღენიშნებათ ფალოპის მილების დაავადება ანამნეზში, არსებობს საშვილოსნოს გარე ორსულობის შესაძლებლობის საფრთხე. პრეპარატის შეყვანისას შესაძლებელია ისეთი ადგილობრივი რეაქციების განვითარება, როგორიცაა: ტკივილის შეგრძნება და ჰიპერემია ინექციის ადგილას, არ-თრალგია და ცხელება. | ||
| უკუჩვენება: | პრეპარატის მიღება წინააღმდეგნაჩვენებია ორსულობის, საკვერცხეების ზომაში მომატების ან მათი კისტის წარმოქმნისას, აგრეთვე საკვერცხეების პოლიკისტოზის სინდრომის არსებობისას. პრეპარატის მი-ღება არ არის რეკომენდებული უცნობი ეტიოლოგიის გინეკოლოგიური სისხლდენის, სარძევე ჯირკვლის, საშვილოსნოს ან საკვერცხის კარცინომის, ჰიპოფიზის ან ჰიპოთალამუსის სიმსივნის დროს. პრეპარატის მიღება წინააღმდეგნაჩვენებია მის მიმართ მომატებული მგრძნობელობის, აგრეთვე რეპროდუქციული სისტემის ფუნქციური და ორგანული დარღვევისას, რომელიც განაპირობებს პრეპარატის არაეფექტურ გამოყენებას: პირველი რიგის ოოციტების არ არსებობა, სასქესო ორგანოების არასწორი განვითარება, საშვილოსნოს ფიბრომა, რომელიც შეუთავსებელია ორსულობასთან. | ||
| ჭარბი დოზირება: | არ არსებობს მონაცემები ჭარბი დოზირების შესახებ. მიუხედავად ამისა, სავარაუდოა საკვერცხეების ჰიპერსტიმულაციის სინდრომის განვითარება. | ||
| ურთიერთქმედება სხვა მედიკამენტებთან: | პრეპარატისა და ოვულაციის სხვა მასტიმულირებელი საშუალებების ერთდროულმა მიღებამ შესაძლებელია გააძლიეროს ფოლიკულების წარმოქმნას, მაშინ როდესაც ჰიპოფიზის ერთდროულმა დესენსიტიზაციამ გონადოტროპინ-რილიზინგ ჰორმონის აგონისტებით, შესაძლოა გამოიწვიოს პრეპარატის დოზის მომატების აუცილებლობა, რომელიც თავის მხრივ გამოიწვევს საკვერცხეების მხრივ ადექვატურ რეაქციას. | ||
| დოზირება და მიღების წესი: | პრეპარატი გამოიყენება უნაყოფობის დროს, რომელიც განპირობებულია ანოვულაციის შედეგად ჰიპოთალამო-ჰიპოფიზური დარღვევებით, რომელთა თანმხლებია როგორც ოლიგომენორეა, ასევე ამენორეა (მათ შორის საკვერცხეების პოლიკისტოზის დროს). პრეპარატს იღებენ აგრეთვე ოვულაციის სტიმულაციისათვის, როდესაც გამოყენებულია ჩასახვის დამხმარე რეპროდუქციული მეთოდი: In vitro განაყოფიერება, გამეტას ან ზიგოტას გადანერგვა ფალოპის მილში (მრავლობითი ფოლიკულების ზრდის სტიმულაცია). ალფა ფოლირტოპინი განკუთვნილია კანქვეშ ან კუნთებში მისაღებად. ამისათვის მშრალი ნივთიერება უნდა გაიხსნას თანმხლებ გამხსნელში უშუალოდ გამოყენების წინ. 1 მლ გამხსნელში შესაძლებელია გავხსნათ 3 ამპულამდე 37.5; 75 და 150 სე-ის კონცენტრაციის მქონე პრეპარატი, რაც საშუალებას გვაძლევს შევამციროთ შეყვანილი ინექციის მოცულობა. ანოვულატორული უნაყოფობის დროს პაციენტებში, რომლებსაც შენარჩუნებული აქვთ მენსტრუალური ციკლი პრეპარატის მიღება რეკომენდებულია დაწყებულ იქნას ციკლის პირველი 7 დღის განმავლობაში პაციენტის რეაქციის მიხედვით. მკურნალობის კურსი აუცილებელია დადგინდეს ინდივიდუალურად, რომელიც განისაზღვრება ულტრაბგერითი გამოკვლევით ფოლიკულების ზომების განსაზღვრით და ესტროგენების სეკრეციის დონით. მკურნალობა საჭიროა დაწყებულ იქნას ყოველდღიური დოზებით 75-150 სე, რომლებიც 7-14 დღიანი ინტერვალის შემდეგ აუცილებლობის შემთხვევაში შესაძლოა გავზარდოთ 37.5 სე-ით (75 სე). იმ შემ-თხვევაში, როდესაც არ არსებობს დადები-თი ეფექტი 5 კვირიანი მკურნალობის შემდეგ პრეპარატის მიღება აუცილებლად უნდა შევწყვიტოთ. ადამიანის ქორიონული გონადოტროპინის ერთჯერადი დოზა 10 000 სე-მდე შეჰყავთ ბოლო ინექციიდან 24-48 საათის შემდეგ. ინექციის დღეს და მომდევნო დღეს რეკომენდებულია პაციენტს ჰქონდეს კოიტუსი. დამხმარე რეპროდუქციული მეთოდის ჩატარებისას ყოველდღიურად ინიშნება პრეპარატის 150-225 სე, ციკლის დაწყებიდან მე-2-ე ან მე-3ე დღეს. მკურნალობა გრძელდება მანამ, სანამ არ წარმოიქმნება ადექვატური ფოლიკულები, რაც მოწმდება ესტროგენის კონცენტრაციის მიხედვით შრატში და /ან ულტრაბგერითი გამოკვლევით. პრეპარატის დოზა რეგულირდება პაციენტის მდგომარეობის შესაბამისად ჩატარებული მკურნალობის მიხედვით. მაქსიმალური დოზა შეადგენს 450 სე-ს. ადამიანის ქორიონული გონადოტროპინის ერთჯერადი დოზა 10 000 სე-მდე შეჰყავთ ბოლო ინექციიდან 24-48 საათის შემდეგ, რაც ხელს უწყობს მომწიფებული ფოლიკულების საბოლოო ინდუცირებას. უკურეგულაციისათვის ჩვეულებრივ გამოიყენება გონადოტროპინ-რილიზინგ ჰორმონის ანტაგონისტი, რომელიც თრგუნავს ენდოგენური მალუთეინიზირებელი ჰორმონის გამოყოფას, დგინდება რა ამ უკანასკნელის აუცილებელი მასტიმულირებელი დონე. პრეპარატი ჩვეულებრივ გამოიყენება ანტაგონისტებით მკურნალობის პარალელურად. ამასთანავე ორივე კურსის პროცედურა გრძელდება მანამ, სანამ არ იქნება მიღწეული ფოლიკულების განვითარების ადექვატური დონე. | ||
| განსაკუთრებული მითითებები: | პრეპარატის გამოყენების წინ საჭიროა დადგინდეს უნაყოფობის ფაქტის არსებობა და ორსულობის შესაძლო წინააღმდეგჩვენება. პაციენტს უნდა ჩაუტარდეს გამოკვლევა: ჰიპოთირეოზის, ადრენოკორტიკული უკმარისობის, ჰიპერპროლაქტინემიის, ჰიპოთალამუსის და ჰიპოფიზის სიმსივნის არსებობაზე. საჭიროების შემთხვევაში ტარდება მკურნალობის კურსი. აუცილებელია პრეპარატის რეკომენდებული დოზის მკაცრად დაცვა. მხედველობაში უნდა ვიქონიოთ, რომ არსებობს საკვერცხეების ჰიპერსტიმულაციის და მრავლობითი ოვულაციის წარმოშობის შესაძლებლობა, ვინაიდან გასკდომისადმი მიდრეკილება გააჩნია საკვერცხის დიდი ზომის კისტას. მომატებულ ესტროგენული რეაქცია იშვია-თად იწვევს მნიშვნელოვან ჰიპერსტიმულაციას, თუ ოვულაციის ინდუქციისათვის არ არის დანიშნული ქორიონული გონადოტროპინი. თუ არსებობს ესტროგენული რეაქციის მომატების ალბა-თობა, პაციენტებმა 4 დღის განმავლობაში თავი უნდა შეიკავონ კოიტუსისაგან. პაციენტებში, რომლებიც იტარებენ სუპეროვულაციის პროცედურას არსებობს ჰიპერსტიმულაციის წარმოშობის ალბათობა, რომელიც შესაძლებელია ოვულაციის წინ ფოლიკულების გამოწოვის გზით დაქვეითდეს. მრავალნაყოფიანი ორსულობის რისკის ხარისხი არსებობს იმ შემთხვევაში, როდესაც გამოყენებული ხელოვნური რეპროდუქციის ტექნოლოგია დაკავშირებულია ოოციტებისა და ემბრიონების რიცხვის შეცვლასთან. პრეპარატის გამოყენების შემდეგ, ისევე როგორც სხვა ოვულაციის მასტიმულირებელი პრეპარატების მიღებისას რიგ პაციენტებში აღინიშნება მრავალნაყოფიანი ორსულობისა და მშობიარობის რიცხვის გაზრდა. ამასთანავე მრავალნაყოფიანობის უმრავლეს შემთხვევაში იბადებიან ტყუპები. პრეპარატის მიღება რეკომენდებულია უშუალოდ მისი საინექციო ხსნარის მომზადებიანავე. |
Page generation time: 0. 021691531 sec.
