This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ზიდოვუდინი
Zidovudine
ა.თ.ქ. კლასიფიკაცია:
	
 
J05AF01	
J მიკრობების საწინააღმდეგო პრეპარატები სისტემური გამოყენებისათვის
	
05 ვირუსების საწინააღმდეგო პრეპარატები სისტემური გამოყენებისათვის
	
A პირდაპირი მოქმედების ვირუსების საწინააღმდეგო პრეპარატები
	
F ნუკლეოზიდები - უკუ ტრანსკრიპტაზას ინჰიბიტორები
ანოტაცია:
	
	
უკუჩვენება:
	
- მომატებული მგრძნობელობა ზიდოვუდინის მიმართ. - ნეიტროპენია (ნეიტროფილების რაოდენობა 0.75X109/ლ-ზე ნაკლები). ჰემოგლობინის მაჩვენებელი 7.5გ/დლ-ზე ნაკლები.
ფარმაკოლოგიური თვისება:
	
ზიდოვუდინი წარმოადგენს ანტივირუსულ პრეპარატს. იგი აქტიურია ადამიანის იმუნოდეფიციტის ვირუსის მიმართ. უჯრედში შეღწევის შემდეგ ზიდოვუდინი თანდათან მეტაბოლიზდება ზიდოვუდინის ტრიფოსფატის წარმოქმნით. იგი უშუალოდ უკავშირდება ფერმენტ უკუტრანსკრიპტაზას, აბლოკირებს რნმ და დნმ-დამოკიდებული პოლიმერაზას აქტივობას და იწვევს ფერმენტის კატალიზური უბნის დაშლას. ზიდოვუდინის მიერ შიდსიის ვირუსის უკუტრანსკრიპტაზას ინჰიბირება ადამიანის დნმ-ის პოლიმერაზას დათრგუნვის ხარისხთან შედარებით 100-300-ჯერ უფრო მეტია.
ფარმაკოკინეტიკა:
	
ზიდოვუდინი შიგნით მიღებისას სწრაფად და თითქმის მთლიანად აბსორბირდება კუჭ-ნაწლავის ტრაქტის მიერ. იგი გაივლის ჰემატოენცეფალურ ბარიერს და პლაცენტას. სისხლის პლაზმის ცილებთან პრეპარატის შეკავშირების ხარისხი შეადგენს 3038%-ს. მეტაბოლიზდება ღვიძლში. ზიდოვუდინის ნახევრადდაშლის პერიოდი მისი პერორალური მიღებისას შეადგენს 1სთ-ს. შარდთან ერთად გამოიყოფა პრეპარატის შეუცვლელი ნაწილის-14-18%, ხოლო 60-74%-მეტაბოლიტების სახით.
ჩვენება:
	
შიდს-ის ვირუსით გამოწვეული ინფექციების პროფილაქტიკა და მკურნალობა. დოზირების რეჟიმი ინდივიდუალურია და დამოკიდებულია დაავადების მიმდინარეობაზე, ძვლის ტვინის ფუნქციურ მდგომარეობაზე, ავადმყოფის სხეულის წონაზე და მკურნალობის მიმართ რეაქციაზე. მოზრდილებს შიგნით მისაღებად ენიშნებათ 500-600მგ 2-5-ჯერ დღეღამეში; ბავშვებს 3 თვიდან 12 წლის ასაკამდე-360-720 მგ/მ2 4-ჯერ დღეღამეში.
გვერდითი მოვლენები:
	
სისხლის სურათის მხრივ: ანემია, ნეიტროპენია, ლეიკოპენია, თრომბოციტოპენია, პანციტოპენია ძვლის ტვინის ჰიპოპლაზიით. საჭმლის მომნელებელი სისტემის მხრივ: გულისრევა, ღებინება, ანორექსია, ტკივილი მუცლის არეში, დიარეა, ჰეპატომეგალია, ღვიძლის ცხიმოვანი დისტროფია, ღვიძლის ტრანსამინაზების აქტივობისა და ბილირუბინის რაოდენობის მომატება. ც.ნ.ს-ის მხრივ: თავის ტკივილი, თავბრუსხვევა, პარესთეზიები, უძილობა, ძილიანობა, საერთო სისუსტე, მოთენთილობა, განგაშის შეგრძნება, დეპრესია, კრუნჩხვები. საშარდე სისტემის მხრივ: ხშირი შარდვა. ალერგიული რეაქციები: კანზე გამონაყარი, ქავილი. სხვადასხვა: გაძლიერებული ოფლისდენა, მიალგია, მიოპათია, ფრჩხილების პიგმენტაცია, ტკივილი გულმკერდის არეში, ქოშინი.
ორსულობა და ლაქტაცია:
	
ორსულებში პრეპარატის გამოყენების კლინიკური კვლევების შესახებ მონაცემები არ არსებობს. დადგენილია, რომ ზიდოვუდინი გაივლის პლაცენტას. მონაცენები, ზიდოვუდინის ექსტრაქციის შესახებ დედის რძეში, დღეისათვის არ არსებობს, ამიტომ ლაქტაციის პერიოდში პრეპარატის დანიშვნის აუცილებლობის შემთხვევაში საჭიროა შეწყდეს ძუძუთი კვება.
განსაკუთრებული მითითებები:
	
იგი განსაკუთრებული სიფრთხილით ენიშნებათ ღვიძლისა და თირკმელების ფუნქციის დარღვევით დაავადებულ, აგრეთვე ხანდაზმულ ავადმყოფებს. ამ შემთხვევაში, პრეპარატის სისხლის პლაზმაში არსებული კონცენტრაციის დინამიკის მიხედვით, რეკომენდებულია დოზირების რეჟიმის კორექცია. მკურნალობის პროცესში აუცილებელია ღვიძლისა და პერიფერიული სისხლის სურათის სისტემატური კონტროლი (მკურნალობის 3 თვის განმავლობაში - ყოველ 2 კვირაში; შემდგომში - თვეში ერთხელ). იმ შემთხვევაში, როდესაც ჰემოგლობინის მაჩვენებელი 7.5გ/დლ-ზე და/ან ნეიტროფილების რაოდენობა 0.75X109/ლ-ზე ნაკლებია, საჭიროა პრეპარატით მკურნალობის შეწყვეტა. აღნიშნული მაჩვენებლების აღდგენის შემდგომ (ძირითადად 2-კვირიანი შესვენების შემდეგ) შესაძლებელია მკურნალობის განმეორება. მზარდი ჰეპატომეგალიის, ამინოტრანსამინაზების მაჩვენებლების სწრაფად ზრდისა და ლაქტოაციდოზის განვითარების შემთხვევაში საჭიროა პრეპარატით მკურნალობის შეწყვეტა.
ურთიერთქმედება სხვა მედიკამენტებთან:
	
პრეპარატები, რომლებიც ღვიძლში მეტაბოლიზდებიან გლუკურონის მჟავასთან კონიუგაციის გზით (პარაცეტამოლი ასპირინი, ინდომეტაცინი, კეტოპროფენი, კოდეინი, მორფინი, ოქსაზეპამი, ლორაზეპამი, ციმეტიდინი, სულფანილამიდები, აქვეითებენ ზიდოვუდინის რენულ კლირენსს. ამიტომ აღნიშნულ პრეპარატებთან ზიდოვუდინის კომბინაციით იზრდება ზიდოვუდინის ან მასთან კომბინირებული პრეპარატების ტოქსიკური მოქმედების რისკი. ზიდოვუდინთან დაფსონის, პენტამიდინის, ამფოტერიცინის, ფლუციტოზინის, განციკლოვირის, ინტერფერონის, ვინკრისტინის, ვინბლასტინის, დოქსორუბიცინის კომბინაციით იზრდება ზიდოვუდინის ტოქსიკური მოქმედების რისკი. რიბავირინთან კომბინაციაში, ანტივირუსული მოქმედების მხრივ, დადგენილია ზიდოვუდინის ანტაგონისტური თვისება.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021802282 sec.