| უნიფიცირებული დასახელება: | ელეტრიპტანიEletriptan | ||
| ა.თ.ქ. კლასიფიკაცია: | |||
N02CC06 | N ნერვული სისტემა | ||
| 02 ანალგეზიური საშუალებები | |||
| C შაკიკის საწინააღმდეგო პრეპარატები | |||
| C 5HT1-რეცეპტორების სელექტიური აგონისტები | |||
| ანოტაცია: | |||
| ფარმაკოლოგიური თვისება: | პრეპარატი ამცირებს შაკიკის შეტევის განვითარებას და ამავე დროს არ ავლენს უშუალო ანალგეზიურ ეფექტს. იგი ააქტიურებს თავის ტვინის ღეროს სეროტონინერგულ ანტინოციცეპტურ მექანიზმებს, შერჩევითად ააგზნებს 5-HT ID თავის ტვინის სისხლძარღვების სეროტონინერგულ რეცეპტორებს, აქვეითებს ტრიგემინალური სისტემის აქტივაციას და სამწვერა ნერვის ბირთვში ამცირებს სპეციფიური მასტიმულირებელი პროტეინის დაგროვებას. იგი იწვევს შეტევის შედეგად გაფართოვებული სისხლძარღვების შევიწროვებას და ამით ხსნის შეტევას. | ||
| ფარმაკოკინეტიკა: | პრეპარატი პერორალურად მიღების შემდეგ სწრაფად და მთლიანად შეიწოვება კუჭნაწლავის ტრაქტიდან. პრესისტემური მეტაბოლიზმის მეშვეობით მისი აბსოლუტური ბიოშეღწევადობა შეადგენს მხოლოდ 15%-ს. იგი ბიოტრანსფორმაციას განიცდის მაო-ს ინჰიბიტორების, ძირითადად A იზოფერმენტის მონაწილეობით და წარმოქმნის ინდოლილაცეტატსა და მის გლუკურონიდს. 100 მგ პრეპარატის პერორალურად მიღებისას Cmax შეადგენს 51 ნგ/მლ და აღინიშნება 2-2,5 სთ-ის განმავლობაში. იგი მცირედ უკავშირდება პლაზმის ცილებს (14-21%). პრეპარატის ორგანიზმში განაწილების საშუალო მოცულობა შეადგენს 2,4 კგ/ლ, ხოლო TЅ -2,5 სთ-ს. პრეპარატის 60% გამოიყოფა თირკმელების მეშვეობით, ხოლო დანარჩენი ნაწილი კი ფეკალიებით. მისი 97% ელიმინირდება ძირითადად არააქტიური მეტაბოლიტების სახით. | ||
| ჩვენება: | პრეპარტი გამოიყენება შაკიკის შეტევის კუპირებისათვის და კორტონის სინდრომის სამკურნალოდ. | ||
| დოზირება და მიღების წესი: | პრეპარატი მიიღება პერორალურად მოზრდილებსა და ხანდაზმულ პაციენტებში (18-65 წწ). საწყისი დოზა შეადგენს 20 მგ-ს; რეკომენდებული დოზა კი 40 მგ-ს; მაქსიმალური დოზა არ უნდა აღემატებოდეს 80 მგ-ს. | ||
| გვერდითი მოვლენები: | პრეპარატის მიღებისას ვლინდება ისეთი გვერდითი მოვლენები და გართულებები როგორიცაა: ჩხვლეტის შეგრძნება, წნევის მომატება ან სხეულის სხვადასხვა ნაწილ-ში სიმძიმის შეგრძნება, სისუსტე, არტერიული წნევის მომატება, სტენოკარდიული ხასიათიოს ტკივილი გულმკერდის არეში, მიოკარდიუმის ინფარქტი, მძიმე პარკუჭოვანის ტაქიკარდია, პარკუჭების ფიბრილაცია, კისრის არეში ტკივილები, მიალგია, გულისრევა, ღებინება, მუცლის არეში დისკომფორტი, წვის შეგრძნება ყელისა და ცხვირის არეში, სისხლდენა ცხვირიდან, დისფაგია, თვალის გაღიზიანება, მხედველობის დაქვეითება. | ||
| უკუჩვენება: | პრეპარატის მიღება წინააღმდეგნაჩვენებია მასში შემავალი კომპონენტების მიმართ მომატებული მგრძნობელობისას, აგრეთვე ბაზილარული ან ჰემიპლეგიური შაკიკის, ჰიპერტონული კრიზის, არტერიული ჰიპერტენზიის, სტენოკარდიული შეტევის, გულის იშემიური დაავადებების, ვაზოსპასტიური ვარიანტული სტენოკარდიის, ღვიძლისა და თირკმელების ფუნქციის დარღვევის, ეპილეფსიის დროს. პრეპარატის მი-ღება არ არის რეკომენდბული ორსულობისა და ლაქტაციის პერიოდში, აგრეთვე ბავშვებსა და ხანდაზმულებში. | ||
| განსაკუთრებული მითითებები: | მკურნალობამდე და მის პროცესში საჭიროა დიეტის დაცვა. პაციენტი უნდა იკვებებოდეს რეგულარულად. კვების რაციონში აუცილებელია გამოვრიცხოთ თირამინის შემცველი პროდუქტები (კაკაო, შოკოლადი, ნიგოზი, ციტრუსები, პომიდორი და ყველი), აგრეთვე ალკოჰოლური სასმელები. ვინაიდან პრეპარატის მიღებისას განსკუთრებით გულის იშემიური დაავადებით შეპყრობილ პაციენტებსა და ხანდაზმულ პაციენტებში მოსალოდნელია კორონალური არტერიული სპაზმის განვითარება, ამ უკანასკნელის პირველი 2-3 მიღება საჭიროა ექიმის მეთვალყურეობის ქვეშ. აღნიშნული პრეპარატის ერგოტამინთან კომბინაცია არ არის რეკომენდებული. პაციენტებში, რომლებსაც აღენიშნებათ ანამნეზში ფიქსირებული სულფანილამიდური ერითემა, შესაძლოა განვითარდეს ალერგიული რეაქციები. ვინაიდან პრეპარატი მოქმედებს სატრანსპორტო საშუალებების მართვის უნარზე ამიტომ საჭიროა აღნიშნული პრეპარატის მიღების დროს თავი შევიკავოთ ისეთი სამუშაოების შესრულებისაგან, რომლებიც მოითხოვენ ყურადღების მაქსიმალურ კონცენტრაციას. |
Page generation time: 0. 024914099 sec.
