This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
ნაპროქსენი
Naproxen
ა.თ.ქ. კლასიფიკაცია:
	
 
M02AA12	
M ძვალ-კუნთოვანი სისტემა
	
02 პრეპარატები ძვალ-კუნთოვანი სისტემის დაავადებებისას გარეგანი გამოყენებისათვის ტკივილის სინდრომის დროს
	
A პრეპარატები ძვალ-კუნთოვანი სისტემის დაავადებებისას გარეგანი გამოყენებისათვის ტკივილის სინდრომის დროს
	
A ანთების საწინააღმდეგო არასტეროიდული პრეპარატები გარეგანი გამოყენებისათვის
M01AE02	
M ძვალ-კუნთოვანი სისტემა
	
01 ანთების და რევმატიზმის საწინააღმდეგო პრეპარატები
	
A ანთების საწინააღმდეგო არასტეროიდული პრეპარატები
	
E პროპიონის მჟავას წარმოებულები
G02CC02	
G შარდსასქესო სისტემა და სასქესო ჰორმონები
	
02 სხვა პრეპარატები გინეკოლოგიური დაავადებების მკურნალობისათვის
	
C სხვა პრეპარატები გინეკოლოგიური დაავადებების მკურნალობისათვის
	
C ანთების საწინააღმდეგო პრეპარატები ინტრავაგინალური გამოყენებისათვის
ანოტაცია:
	
	
ფარმაკოლოგიური თვისება:
	
ნაპროქსენი წარმოადგენს ანთების საწინააღმდეგო არასტეროიდულ საშუალებას. იგი ხასიათდება ანთების საწინააღმდეგო, ტკივილგამაყუჩებელი და სიცხის დამწევი თვისებებით. მისი მოქმედების ძირითადი მექანიზმი რეალიზდება პროსტაგლანდინების სინთეზის ინჰიბირებით ფერმენტ ციკლოოქსიგენაზას ბლოკირების შედეგად.
ჩვენება:
	
პრეპარატი გამოიყენება ტემპერატურული რეაქციით და ტკივილით მიმდინარე დაავადებების სამკურნალოდ: რევმატიული დაავადებები, რევმატიზმის დეგენერაციული და არასახსროვანი ფორმა, ართრიტები, მიმდინარე ტკივილის სხვადასხვა სინდრომით, პირველადი დისმენორეის დროს, დედებში მშობიარობის შემდგომი ტკივილების კუპირებისათვის, რომლებიც არ კვებავენ ახალშობილებს ძუძუთი, რბილი ქსოვილების დაზიანებისას, სხვადასხვა სახის ქირურგიული ჩარევისა და ოპერაციის შემდგომ პერიოდში.
დოზირება და მიღების წესი:
	
მოზრდილებში ჩვეულებრივი დოზა შეადგენს 500-დან 1000 მგ-ს დღეში. პრეპარატი ინიშნება დილას და საღამოს. ჩვენების მიხედვით შესაძლებელია იგი მივიღოთ ყოველ 8 საათში ერთხელ. პაციენტებში, რომლებიც კარგად იტანენ პრეპარატს და არ გააჩნიათ ანამნეზში საჭმლისმომნელებელი ორგანოების დაავადებები, აუცილებლობისას შესაძლებელია დოზის მომატება დღეში 1500 მგ-მდე. მოზრდილებში რევმატიული ართრიტის, ოსტეოართრიტის და მაანკილოზირებელი სპონდილიტის მკურნალობისას ჩვეულებრივი სადღეღამისო დოზა შეადგენს 500დან 1000 მგ-მდე დილას და საღამოს. შემანარჩუნებელი მკურნალობისას დოზა შეადგენს 375 მგ-დან 1000 მგ-მდე დილას და საღამოს. პოდაგრის მწვავე შეტევის დროს საწყისი დოზა შეადგენს 750 მგ-ს, შემდგომში 375 მგ ყოველ 8 საათში შეტევის კუპირებამდე. შაკიკის პროფილაქტიკისათვის ინიშნება 500 მგ, რომელიც მიიღება დღეში 2 ჯერ. თუკი 4-6 კვირის განმავლობაში სასურველი შედეგი არ იქნა მიღწეული, საჭიროა პრეპარატის მიღება შევწყვეტა. შაკიკის პირველი შეტევის დროს საჭიროა 750 მგის მიღება, აუცილებლობისას კი დამატებით 375-დან 500 მგ-მდე ნახევარსაათიანი ინტერვალის შემდეგ. იმ შემთხვევაში, როდესაც ნაპროქსენი გამოიყენება როგორც ანალგეზიური საშუალება, მისი საწყისი დოზა შეადგენს 375 მგ-დან 750 მგ-მდე, შემდეგში ყოველ 8 საათში 375 მგ-ს. ბავშვებში ერთი წლის ასაკის ზევით ქრონიკული ართრიტის სამკურნალოდ პრეპარატი გამოიყენება 10მ/კგ წონაზე, ხოლო შემდგომში - ყოველ 8 საათში 2,5 მგ-დან 5 მგ/კგ წონაზე. პრეპარატის პირველი მიღების შემდეგ დღეღამური დოზა არ უნდა აჭარბებდეს 15 მგ/კგ წონაზე.
გვერდითი მოვლენები:
	
ალერგიული რეაქციები კანის მხრივ და ანაფილაქტოიდური რეაქციები, შესაძლებელია ტკივილი ეპიგასტრალურ მიდამოში, კუჭის წვა, ღებინება, სისუსტე, თავბრუსხვევა, თავის ტკივილი, ღებინება, ყურებში შუილი. აღნიშნული გვერდითი მოვლენების განვითარებისას მკურნალობის შეწყვეტა არ არის რეკომენდებული. იშვიათად - გრანულოციტოპენია, თრომბოციტოპენია, ჰემოლიზური და აპლასტიური ანემია, ღვიძლის და თირკმელების ფუნქციის დარღვევა, სისხლდენა კუჭ-ნაწლავის ტრაქტიდან. სუპოზიტორიის გამოყენებისას მოსალოდნელია სუსტად გამოხატული წვის შეგრძნება.
უკუჩვენება:
	
პრეპარატის მიღება წინააღმდეგნაჩვენებია ნაპროქსენის მიმართ ალერგიის, ბრონქული ასთმის, რინიტის ფორმით მიმდინარე ალერგიის დროს, სხვა არასტეროიდული ანტირევმატიული საშუალებების და აცეტილსალიცილის მჟავას მიმართ ალერგიის არსებობისას, კუჭისა და 12-გოჯა ნაწლავის გამწვავებული წყლულის, საჭმლისმომნელებელი ორგანოებიდან სისხლდენა; 1 წლამდე ასაკის ბავშვებში, ორსულობისა და ლაქტაციის პერიოდში, თირკმელების, ღვიძლის და გულის მწვავე ფორმის უკმარისობისას; აგრეთვე წყლულოვანი კოლიტისა და კრონის დაავადების, ქირურგიული ჩარევის დროს, ვინაიდან შესაძლებელია ოპერაციის შემდგომი სისხლდენა, აგრეთვე სისხლმბადი ორგანოების ფუნქციის დარღვევისას.
ჭარბი დოზირება:
	
ჭარბი დოზირებისას საჭიროა კუჭის ამორეცხვა და სიმპტომატური მკურნალობის ჩატარება.
განსაკუთრებული მითითებები:
	
პაციენტებში, რომლებსაც ანამნეზში აღენიშნებათ საჭმლისმომნელებელი ტრაქტის ორგანოების დაავადებები, ნაპროსინით მკურნალობა უნდა ჩატარდეს კონტროლის ქვეშ. პრეპარატი სიფრთხილით ინიშნება ღვიძლის უკმარისობით შეპყრობილ პაციენტებში. თირკმელების დაზიანებული ფუნქციის მქონე პირებში პრეპარატით მკურნალობის დაწყებამდე საჭიროა კრეატინინის კლირენსის განსაზღვრა და მკურნალობის პროცესში ამ უკანასკნელის მონიტორინგი. იმ შემთხვევაში, როდესაც კრეატინინის კლირენსი ნაკლებია 20 მლ/წთ-ში ნაპროქსენით მკურნალობა არ არის რეკომენდებული. არ არის მიზანშეწონილი პრეპარატის აცეტილსალიცილის მჟავასთან და სხვა არასტეროიდულ ანტირევმატულ საშუალებებთან ერთად გამოყენება, ვინაიდან მოსალოდნელია გვერდითი მოვლენების განვითარება. ნაპროქსენი ახანგრძლივებს სისხლდენას, რაც გასათვალისწინებელია ამ უკანასკნელის ანტიკოაგულანტებთან კომბინირებისას. პრეპარატი სიფრთხილით ინიშნება ხანდაზმულ პაციენტებში.
ურთიერთქმედება სხვა მედიკამენტებთან:
	
იმის გამო, რომ ნაპროქსენი კარგად უკავშირდება პლაზმის ცილებს, მისი სულფანილშარდოვანასთან ნაწარმებთან და ჰიდანტოინის წარმოებულებთან ერთროული გამოყენება არ არის რეკომენდებული. ნაპროქსენი აქვეითებს ფუროსემიდის ნატრიურეზულ მოქმედებას და პროპრანოლოლისა და სხვა ბეტა-ადრენობლოკატორების ანტიჰიპერტენზიულ ეფექტს. ლითიუმისა და ნაპროქსენის ერთდროული გამოყენება იწვევს პლაზმაში ლითიუმის დონის მომატებას. ნაპროქსენი ამცირებს მეტოტრექსატის ტუბულარულ ექსკრეციას, რის გამოც მათი ერთდროული გამოყენებისას შესაძლებელია მეტოტრექსატის ტოქსიკური მოქმედების გაძლიერება. არ არის მიზანშეწონილი მისი აცეტილსალიცილის მჟავასთან და სხვა არასტეროიდული ანტირევმატულ საშუალებებთან ერთად გამოყენება, ვინაიდან მოსალოდნელია გვერდითი მოვლენების განვითარება. ნაპროქსენი ახანგრძლივებს სისხლდენას, რაც გასათვალისწინებელია ამ უკნასკნელის ანტიკოაგულანტებთან კომბინირებისას.
ორსულობა და ლაქტაცია:
	
პრეპარატის გამოყენება აღნიშნულ პერიოდში არ არის რეკომენდებული.








Page generation time: 0. 022118536 sec.