| უნიფიცირებული დასახელება: | დოქსიციკლინიDoxycycline | ||
| ა.თ.ქ. კლასიფიკაცია: | |||
D06A | D დერმატოლოგია | ||
| 06 ანტიმიკრობული პრეპარატები კანის დაავადებების მკურნალობისათვის | |||
| A ანტიბიოტიკები გარეგანი გამოყენებისათვის | |||
A01AB22 | A საჭმლის მომნელებელი ტრაქტი და ნივთიერებათა ცვლა | ||
| 01 სტომატოლოგიური პრეპარატები | |||
| A სტომატოლოგიური პრეპარატები | |||
| B მიკრობების საწინააღმდეგო პრეპარატები ადგილობრივი გამოყენებისათვის პირის ღრუს დაავადებების დროს | |||
J01AA02 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| A ტეტრაციკლინები | |||
| A ტეტრაციკლინები | |||
| ანოტაცია: | |||
| ფარმაკოკინეტიკა: | დოქსიციკლინი პერორალურად მიღებისას კარგად შეიწოვება და უკავშირდება პლაზმის ცილებს. პრეპარატი გროვდება ნაღველში და გამოიყოფა შარდთან და განავალთან ერთად მაღალი კონცენტრაციებით და ბიოლოგიურად აქტიური ფორმების სახით. დოქსიციკლინი შიგნით მიღებისას თითქმის მთლიანად შეიწოვება კუჭ-ნაწლავის ტრაქტიდან. დადგენილია, რომ დოქსიციკლინის შეწოვის პროცესზე ზოგიერთი სხვა ტეტრაციკლინებისაგან განსხვავებით, არსებით გავლენას არ ახდენს საკვებისა და რძის მიღება. მოზრდილებში პრეპარატის 200 მგ დოზით მიღებისას დოქსიციკლინის კონცენტრაცია სისხლის პლაზმაში პიკს აღწევს 2 სთ-ის შემდეგ და შეადგენს 2.6 მკგ/მლს, ხოლო 24 სთ-ის შემდეგ მცირდება 1.45 მკგ/მლ-მდე. თირკმელების ნორმალური ფუნქციის (კრეატინინის კლირენსი დაახლოებით 75 მლ/წთ-ში) მქონე პაციენტებში 72 სთ-ის განმავლობაში თირკმელების მიერ გამოიყოფა პრეპარატის მიღებული დოზის დაახლოებით 40%. თირკმელების ფუნქციის მძიმე უკმარისობით (კრეატინინის კლირენსი 10 მლ/წთ-ზე ნაკლები) შეპყრობილ პაციენტებში, თირკმელების მიერ პრეპარატის გამოყოფის პროცესი მცირდება 1-5%-მდე 72 სთ-ის განმავლობაში. დოქსიციკლინის ნახევრადგამოყოფის პერიოდი სისხლის შრატიდან შეადგენს 18-დან 22 სთ-მდე. | ||
| ჩვენება: | დოქსიციკლინის გამოყენება შემდეგი ინფექციების სამკურნალოდ: - პარტახტიანი ტიფი და ტიფის სხვა სახეები, ქუ - ცხელება, რიკეტსიებით გამოწვეული ვეზიკულური რიკეტსიოზი და ტკიპისმიერი ცხელებები; - Mycoplasma pneumoniae-ით გამოწვეული რესპირატორული ინფექციები; - Chlamydia psittaci-ით, გამოწვეული ფსიტაკოზი; - Chlamydia trachomatis -ით გამოწვეული ვენერიული ლიმფოგრანულემატოზი; -Chlamydia trachomatis-ით გამოწვეული გაურთულებელი ურეთრული, ენდოცერვიკალური და რექტალური ინფექციები მოზრდილებში; - Chlamydia trachomatis-ით გამოწვეული ტრაქომა; - Chlamydia trachomatis-ით გამოწვეული კონიუნქტივიტი: დოქსიციკლინის პერორალური გამოყენება შესაძლებელია, როგორც მონოთერაპიის სახით, აგრეთვე - კომბინაციაში სხვა ადგილობრივ საშუალებებთან ერთად; - Calymmatobacterium granulomatis -ით გამოწვეული საზარდულის გრანულომა (დონოვანოზი); - Borrelia burgdorferi-ით გამოწვეული ლაიმას დაავადების ადრეული (I და II)სტადიები; - Borrelia recurentis -ით გამოწვეული შებრუნებითი ტიფი; - Borrelia duttonii -ით გამოწვეული ტკიპისმიერი შებრუნებითი ტიფი; - Ureaplasma urealyticum- (T-მიკოპლაზმით) გამოწვეული არაგონოკოკური ურეთრიტი. დოქსიციკლინი გამოიყენება აგრეთვე გრამუარყოფითი მიკროორგანიზმებით გამოწვეული ინფექციების სამკურნალოდ: Acinetobacter spesies; Bacteroides species; Fusobacterium species; Brucella species-ით (სტრეპტომიცინთან კომბინაციაში) გამოწვეული ბრუცელოზი; Yersinia pestis-ით გამოწვეული შავი ჭირი; Francisella tularensis-ით გამოწვეულიტულარემია; Bartonella bacilliformis-ით გამოწვეული ბართონელოზი; Campylobacter fetus. ქვემოთ ჩამოთვლილი მიკროორგანიზმების მრავალი შტამები მდგრადნი არიან ტეტრაციკლინის მიმართ, ამიტომ რეკომენდებულია დათესვის პროცედურის ჩატარება და ანტიბიოტიკების მიმართ მგრძნობელობის განსაზღვრა. იმ შემთხვევაში, როდესაც ბაქტერიოლოგიური გამოკვლევებით დამტკიცებულია მიკროორგანიზმების ადექვატური მგრძნობელობა პრეპარატის მიმართ, დოქსიციკლინს იყენებენ შემდეგი გრამუარყოფითი მიკროორგანიზმებით გამოწვეული ინფექციების სამკურნალოდ: - Shigella species; - Neisseria gonorrhoeae-ით გამოწვეული გაურთულებელი გონორეა; - Haemophilus influenzae-ით გამოწვეული რესპირატორული ინფექციები; - Klebsiella species-ით გამოწვეული სასუნთქი გზების და შარდგამომყოფი ტრაქტის ინფექციები; - Escherichia coli; - Enterobacter aerogenes; - Moraxella catarrhalis. იმ შემთხვევაში, როდესაც ბაქტერიოლოგიური გამოკვლევებით დამტკიცებულია მიკროორგანიზმების ადექვატური მგრძნობელობა პრეპარატის მიმართ, დოქსიციკლინს იყენებენ შემდეგი გრამდადებითი მიკროორგანიზმებით გამოწვეული ინფექციების სამკურნალოდ: Streptococcus species, Streptococcus pyogenes და Streptococcus faecalis შტამების გარკვეული პროცენტი მდგრადია ტეტრაციკლინის მიმართ. სტრეპტოკოკური ინფექციების დროს ტეტრაციკლინების გამოყენება ნებადართული არ არის, იმ შემთხვევაში, როდესაც აღნიშნული ჯგუფის პრეპარატების მიმართ დადგენილი არ არის გამომწვევი მიკროორგანიზმის მგრძნობელობა. პენიცილინის დანიშვნის წინააღმდეგჩვენების შემთხვევაში, დოქსიციკლინის გამოყენება შესაძლებელია ალტერნატიული მკურნალობის სახით შემდეგი დაავადებების სამკურნალოდ: - Actinomyces spp.-ით გამოწვეული აქტინომიკოზი; - Clostridium spp.-ით გამოწვეული ინფექციები; - Treponema pallidum -ით და Treponema pertenue-ით გამოწვეული ენდემიური ათაშანგი (ტრეპონემატოზები); - Listeria monocytogenes -ით გამოწვეული ლისტერიოზი; - Bacillus anthracis -ით გამოწვეული ციმბირის წყლული; - Leptotrichia buccalis -ით (ძველი სახელწოდება -Fusobacterium fusiform) გამოწვეული მწვავე ნეკროზულ-წყლულოვანი გინგივიტი. კომბინირებული თერაპია: ნაწლავების მწვავე ამებიაზის დროს დოქსიციკლინი ინიშნება კომბინირებული მკურნალობის სახით პროტოზოას საწინააღმდეგო პრეპარატებთან ერთად. მკურნალობა და პროფილაქტიკა: დოქსიციკლინს იყენებენ შემდეგი ინფექციების პროფილაქტიკის და მკურნალობის მიზნით: - Plasmodium falciparum-ით გამოწვეული მალარია (იმ რეგიონებში, რომლებშიც გვხვდება ქლოროქინ-რეზისტენტული P. falciparum); - PLeptospria -თი გამოწვეული ლეპტოსპიროზი; - Vibrio cholerae -ით გამოწვეული ქოლერა; პროფილაქტიკა: დოქსიციკლინს იყენებენ შემდეგი დაავადებების პროფილაქტიკის მიზნით: - Rickettsia tstsugamushi -ით გამოწვეული იაპონური მდინარისმიერი ცხელება; - Escherichia coli-ის ენტეროტოქსიგენური შტამებით გამოწვეული მოგზაურთა დიარეა. | ||
| დოზირება და მიღების წესი: | საჭიროა იმის ცოდნა, რომ დოქსიციკლინის ჩვეულებრივი დოზა და მისი მიღების სიხშირე განსხვავდება სხვა ჯგუფის ტეტრაციკლინებისაგან. პრეპარატის რეკომენდებულ დოზაზე მეტი რაოდენობით მიღებისას ადგილი აქვს გვერდითი მოვლენების გაძლიერებას. ამ დროს მკურნალობა გრძელდება არაუმეტეს 24-48 სთ-ის შემდეგ გვერდითი მოვლენების და ცხელების გაქრობისას. სტრეპტოკოკური ინფექციების დროს, რევმატიული ცხელების და გლომერულონეფრიტის თავიდან აცილების მიზნით, მკურნალობის გაგრძელება აუცილებელია 10 დღის განმავლობაში. მოზრდილებში დოქსიციკლინის ჩვეულებრივი დოზა მკურნალობის პირველ დღეს შეადგენს 200 მგ-ს (ერთჯერადად ან 100 მგ ყოველ 12 სთ-ში), ხოლო შემდგომში პრეპარატი ინიშნება შემანარჩუნებელ დოზებში 100 მგ/დღეში (ერთჯერადად ან 50 მგ ყოველ 12 სთ-ში). შედარებით მძიმე ინფექციების დროს (განსაკუთრებით საშარდე გზების ქრონიკული ინფექციების დროს) საჭიროა პრეპარატის დანიშვნა 200 მგ-იანი დოზით დღეში მკურნალობის მთელი კურსის განმავლობაში. 8 წლის ასაკის ზევით ბავშვებში: 50კგ წონაზე ნაკლები მასის მქონე ბავშვებში მკურნალობის პირველ დღეს ინიშნება 4 მგ/კგ დოქსიციკლინი (ერთხელ ან ორ მიღებაზე), ხოლო შემდგომში 2 მგ/კგ (ერთხელ ან ორ მიღებაზე). შედარებით უფრო ძლიერი ინფექციების დროს - 4 მგ/კგ-მდე დღეში. 50 კგ წონაზე მეტი წონის მქონე ბავშვებში დოქსიციკლინის დოზები იგივეა, რაც მოზრდილებში. ტკიპისმიერი შებრუნებითი ტიფის და პარტახტიანი ტიფის დროს: პერორალურად მისაღებად ინიშნება 100 მგ ან 200 მგ დოქსიციკლინი ერთხელ ინფექციის სიმძიმის მიხედვით. შებრუნებითი ტიფის პერსისტირების ან რეციდივის რისკის შემცირების მიზნით რეკომენდებულია 100 მგ დოქსიციკლინის მიღება ყოველ 12 სთ-ში 7 დღის განმავლობაში. ლაიმას დაავადების ადრეული (I და II) სტადიები: პერორალურად მისაღებად ინიშნება 100 მგ დოქსიციკლინი 2-ჯერ დღეში 10-60 დღის განმავლობაში კლინიკური სურათის და მკურნალობაზე რეაქციის მიხედვით. Chlamydia trachomatis-ით გამოწვეული გაურთულებელი ურეთრული, ენდოცერვიკალური და რექტალური ინფექციები მოზრდილებში: 100 მგ დოქსიციკლინი 2-ჯერ დღეში 7 დღის განმავლობაში. C. trachomatis ან N. gonorrhoeae-ით გამოწვეული მწვავე ეპიდიდიმოორქიტი: 250 მგ ცეფტრიაქსონის ან სხვა შესაფერისი ცეფალოსპორინის კუნთებში ინექცია ერთხელ, 100 მგ დოქსიციკლინთან ერთად 2-ჯერ დღეში 10 დღის განმავლობაში. Chlamydia trachomatis ან Ureaplasma urealyticum-ით გამოწვეული არაგონოკოკური ურეთრიტი: პერორალურად ინიშნება 100 მგ დოქსიციკლინი 2-ჯერ დღეში 7 დღის განმავლობაში. Chlamydia trachomatis-ით გამოწვეული ვენერიული ლიმფოგრანულემატოზი: პერორალურად ინიშნება 100 მგ დოქსიციკლინი 2-ჯერ დღეში არანაკლებ 21 დღის განმავლობაში. მგრძნობიარე გონოკოკებით გამოწვეული საშვილოსნოს ყელის, წვრილი ნაწლავის და ურეთრის გაურთულებელი გონოკოკური ინფექციები: ინიშნება 100 მგ დოქსიციკლინი პერორალურად 2-ჯერ დღეში 7 დღის განმავლობაში ცეფალოსპორინთან ან ქინოლონებთან კომბინაციაში, მაგ, 125 მგ ცეფტრიაქსონი კუნთებში ერთხელ, 500 მგ ციპროფლოქსაცინი პერორალურად ერთხელ ან 400 მგ ოფლოქსაცინი პერორალურად ერთხელ დღეში. მგრძნობიარე გონოკოკებით გამოწვეული ხახის გაურთულებელი გონოკოკური ინფექციები: ინიშნება 100 მგ დოქსიციკლინი პერორალურად 2-ჯერ დღეში 7 დღის განმავლობაში ცეფალოსპორინთან ან ქინოლონებთან კომბინაციაში, მაგ, 125 მგ ცეფტრიაქსონი კუნთებში ერთხელ, 500 მგ ციპროფლოქსაცინი პერორორალურაღ ერთხელ ან 400 მგ ოფლოქსაცინი პერორალურად ერთხელ დღეში. პირველადი და მეორადი ათაშანგი: ავადმყოფებში პირველადი და მეორადი ათაშანგის დროს, პენიცილინის მიმართ, ალერგიის შემთხვევაში და არაორსულებში, პენიცილინის მაგივრად ინიშნება 100 მგ დოქსიციკლინი პერორალურად 2-ჯერ დღეში 2 კვირის განმავლობაში. ლატენტური და მესამეული ათაშანგი: ავადმყოფებში ლატენტური და მესამეული ათაშანგის დროს, პენიცილინის მიმართ ალერგიის შემთხვევაში და არაორსულებში, პენიცილინის მაგივრად ინიშნება 100 მგ დოქსიციკლინი პეორალურად 2-ჯერ დღეში 2 კვირის განმავლობაში, თუ ინფექციის ხანგრძლივობა აღემატება 1 წელს. წინააღმდეგ შემთხვევაში დოქსიციკლინს იყენებენ 4 კვირის განმავლობაში. მცირე მენჯის ღრუს მწვავე ანთებითი დაავადებები: ჰოსპიტალიზირებული პაციენტები: 100 მგ დოქსიციკლინი ყოველ 12 სთ-ში კომბინაციაში 2 გ ცეფოქსიტინთან ვენაში ყო-ველ 6 სთ-ში, ან 2 გ ცეფოტეტანთან ვენაში ყოველ 12 სთ-ში, არანაკლებ 4 დღის განმავლობაში და არანაკლებ 24-48 სთ-ის განმავლობაში ავადმყოფის მდგომარეობის გაუმჯობესების შემდეგ. დოქსიციკლინით მკურნალობას განაგრძობენ დოზით 100 მგ პერორალურად 2-ჯერ დღეში 14 დღის განმავლობაში. ამბულატორიული ავადმყოფები: 100 მგ დოქსიციკლინი პერორალურად 2-ჯერ დღეში 14 დღის განმავლობაში ცეფტრიაქსონთან - 250 მგ კუნთებში ერთხელ ან ცეფოქსიტინთან - 2 გ კუნთებში, 1 გ პრობენეციდთან კომბინაციაში ან სხვა III თაობის ცეფალოსპორინებთან ერთად პარენტერული გამოყენებისათვის (მაგ. ცეფტიზოქსიმთან ან ცეფოტაქსიმთან) დამატებითი მკურნალობის სახით. აკნე: 50-100 მგ დღეში 12 კვირის განმავლობაში. ქლოროქინრეზისტენტული Plasmodium falciparum-ით გამოწვეული მალარიის მკურნალობა: 200 მგ დღეში არანაკლებ 7 დღის განმავლობაში. ინფექციის პოტენციური სიმძიმის გათვალისწინებით დოქსიციკლინთან ერთად საჭიროა სწრაფად მოქმედი შიზონტოციდური პრეპარატის გამოყენება, მაგ. ქინაქინი, რომლის რეკომენდებული დოზები სხვადასხვა რეგიონებისათვის განსხვავებულია. მალარიის პროფილაქტიკა: 100 მგ დღეში მოზრდილებში; 8 წლის ასაკის ზევით ბავშვებში - 2 მგ/კგ წონაზე ერთხელ დღეში; პროფილაქტიკა იწყება 1-2 დღით ადრე რეგიონში წასვლამდე, სადაც გვხვდება მალარია. მკურნალობა გრძელდება მთელი მოგზაურობის მანძილზე და დაბრუნებიდან 4 კვირის განმავლობაში. ქოლერის მკურნალობა და პროფილაქტიკა მოზრდილებში: პერორალურად ინიშნება 300 მგ ერთჯერადად. იაპონური მდინარისმიერი ცხელების პროფილაქტიკა: პერორალურად ინიშნება 200 მგ ერთჯერადად. ლეპტოსპიროზის მკურნალობა: პერორალურად ინიშნება 100 მგ 2-ჯერ დღეში 7 დღის განმავლობაში. საყლაპავის გაღიზიანების და დაწყლულების რისკის შემცირების მიზნით, დოქსიციკლინის კაფსულების მიღება წარმოებს განსაზღვრული რაოდენობის სითხესთან ერთად. საყლაპავის გაღიზიანების შემთხვევაში რეკომენდებულია დოქსიციკლინის მიღება საკვებთან და რძესთან ერთად. კვლევებით დადგენილია, რომ საკვების და რძის მიღება დოქსიციკლინის შეწოვის პროცესზე არსებით გავლენას არ ახდენს. | ||
| გვერდითი მოვლენები: | ალერგიული და იმუნოპათოლოგიური რეაქციები, მათ შორის ანაფილაქსიური შოკი, ანაფილაქსია, ანაფილაქტოიდური რეაქციები, ანაფილაქტოიდური პურპურა, არტერიული ჰიპოტონია, პერიკარდიტი, ანგიონევროზული შეშუპება, სისტემური წითელი მგლურას გამწვავება, ქოშინი, შრატისმიერი დაავადება, პერიფერიული შეშუპებები, ტაქიკარდია და ურტიკარია. თავის ტკივილი, ქალასშიდა კეთილთვისებიანი ჰიპერტენზია მოზრდილებში, მუცლის არეში ტკივილი, ანორექსია, გულისრევა, ღებინება, გლოსიტი, დისფაგია, დისპეფსია, ენტეროკოლიტი, ფსევდომემბრანული კოლიტი, C. difficile-თი გამოწვეული დიარეა და ანთებითი ცვლილებები (კანდიდას ტიპის სოკოების გაძლიერებული ზრდით) ანოგენიტალიუმის მიდამოში (ავამყოფებს ტეტრაციკლინების კაფსულების და აბების მიღების დროს აღენიშნებათ ეზოფაგიტი და საყლაპავის დაწყლულება). ვესტიბულური აპარატი: ყურებში შუილი. სისხლის სურათის მხრივ: ჰემოლიზური ანემია, თრომბოციტოპენია, ნეიტროპენია და ეოზინოფილია. ღვიძლის და სანაღვლე გზების მხრივ: ღვიძლის ფუნქციის დარღვევა, ჰეპატიტი. ძვალ-კუნთოვანი სისტემის მხრივ: ართრალგიები და მიალგიები. კანი: მაკულოპაპულოზური და ერითემატოზული კანის რეაქციები, მულტიფორმული ერითემა, ექსფოლიატური დერმატიტი, სტივენს-ჯონსონის სინდრომი და ტოქსიკური ეპიდერმული ნეკროლიზი. შარდოვანას ნარჩენი აზოტის მაჩვენებლების მომატება. ტეტრაციკლინებით ხანგრძლივი მკურნალობის დროს მიკროსკოპული კვლევისას შესაძლებელია ფარისებრი ჯირკვლის ქსოვილის მოყავისფრო-შავი ფერით შეფერვა. ფარისებრი ჯირკვლის ფუნქციის დარღვევა დადგენილი არ არის. | ||
| უკუჩვენება: | - მომატებული მგრძნობელობა დოქსიციკლინის და სხვა ჯგუფის ტეტრაციკლინების მიმართ; - ორსულობა და ლაქტაცია; - ორსულობის დაგეგმვა; - 8 წლამდე ასაკის ბავშვებში; - ღვიძლისა და თირკმელების ფუნქციის მძიმე დარღვევები. | ||
| განსაკუთრებული მითითებები: | ყველა ანტიბაქტერიული პრეპარატებით მკურნალობის დროს, დოქსიციკლინის ჩათვლით, შესაძლებელია ფსევდომემბრანული კოლიტის განვითარება, რომელიც იწყება მსუბუქი ფორმით და ხშირად მთავრდება ლეტალური გამოსავლით. ანტიბაქტერიული მკურნალობის ფონზე განვითარებული დიარეის დროს საჭიროა აღნიშნული დიაგნოზის გამორიცხვა. ამ დროს აუცილებელია პაციენტების სისტემატური კონტროლი. დაავადების გამომწვევი მიკროორგანიზმების მდგრადობის წარმოქმნის შემთხვევაში, საჭიროა ანტიბიოტიკის შეცვლა და შესაბამისი მკურნალობის ჩატარება. ავადმყოფებს ტეტრაციკლინების კაფსულების და აბების მიღების დროს, დოქსიციკლინის ჩათვლით, აღენიშნებათ ეზოფაგიტი და საყლაპავის დაწყლულება, განსაკუთრებით იმ პაციენტებში, რომლებიც პრეპარატს იღებდნენ უშუალოდ ძილის წინ. ანტიანაბოლური მოქმედების გამო ტეტრაციკლინები იწვევენ შარდოვანაში ნარჩენი აზოტის მაჩვენებლების მომატებას. გამოკვლევებით დადგენილია, რომ აღნიშნულ ანტიანაბოლურ ეფექტს ადგილი არა აქვს თირკმელების ფუნქციის დარღვევით შეპყრობილ ავადმყოფებში დოქსიციკლინით მკურნალობის დროს. ტეტრაციკლინების, დოქსიციკლინის ჩათვლით, პერორალური და პარენტერული მიღებისას ღვიძლის ფუნქციის დარღვევები იშვიათად აღინიშნება. პრეპარატით ხანგრძლივი მკურნალობის პროცესში აუცილებელია ლაბორატორიული კვლევის პერიოდული კონტროლი: მათ შორის პერიფერიული სისხლის სურათის, ღვიძლისა და თირკმელების ფუნქციის კონტროლი. ზოგიერთ ავადმყოფებს ტეტრაციკლინების, დოქსიციკლინის ჩათვლით მიღების დროს აღენიშნებათ მზის სხივებით გამოწვეული ფოტოსენსიბილიზაცია, რის გამოც საჭიროა მზის სხივების პირდაპირი ზემოქმედებისაგან თავის დაცვა. კანის ერითემის პირველი ნიშნების განვითარების შემთხვევაში საჭიროა პრეპარატით მკურნალობის შეწყვეტა. ისევე როგორც სხვა ტეტრაციკლინები, დოქსიციკლინი კალციუმთან წარმოქმნის კომპლექსს, ფორმირებად ძვლის ქსოვილში, რაც საჭიროა გათვალისწინებული იქნას კბილების ჩამოყალიბების პროცესში, რადგან ამ დროს შესაძლებელია კბილების შეუქცევადი შეფერვა. ვენერიული დაავადებებით შეპყრობილ პაციენტებშა, ათაშანგზე ეჭვის დროს, აუცილებელია ადექვატური კვლევის ჩატარება, ბნელ არეში კვლევის ჩათვლით. ამ შემთხვევაში საჭიროა სეროლოგიური სინჯების განმეორებითი ჩატარება ყოველთვიურად არანაკლებ 4 თვის განმავლობაში. ჯგუფის ბეტა-ჰემოლიზური სტრეპტოკოკით გამოწვეული ინფექციების დროს საჭიროა მკურნალობის გაგრძელება არანაკლებ 10 დღის განმავლობაში. დოქსიციკლინის უარყოფითი მოქმედების შესახებ არ არსებობს მონაცემები ავტოტრანსპორტის მძღოლებში და იმ პირებში, რომელთა მუშაობა ტექნიკასთან მოითხოვს გაძლიერებულ ყურადღებას. ჭარბი დოზირება ჭარბი დოზირების დროს საჭიროა პრეპარატით მკურნალობის შეწყვეტა და სიმპტომატური მკურნალობა. ამ დროს დიალიზის ჩატარება არაეფექტურია. იგი გავლენას არ ახდენს სისხლის შრატიდან პრეპარატის ნახევრადგამოყოფის პერიოდზე. | ||
| ურთიერთქმედება სხვა მედიკამენტებთან: | დოქსიციკლინის და ვარფარინის კომბინაციისას აღინიშნება პროთრომბინის დროის გახანგრძლივება. ტეტრაციკლინები აფერხებენ პლაზმის პროთრომბინის აქტივობას, ამიტომ ანტიკოაგულანტებით მკურნალობის ფონზე მათი გამოყენებისას სჭიროა ანტიკოაგულანტების დოზის შემცირება. ბაქტერიოსტატული პრეპარატები ამცირებენ პენიცილინის ბაქტერიციდულ ეფექტს, ამიტომ დოქსიციკლინისა და პენიცილინის ერთდროულად გამოყენება არ არის ნებადართული. ალუმინის, კალციუმისა და მაგნიუმის შემცვვლი ანტაციდები და აღნიშნული კათიონების შემცველი სხვა პრეპარატები, რკინის შემცველი პრეპარატები და ბისმუტის მარილები ამცირებენ ტეტრაციკლინების შეწოვის პროცესს. ალკოჰოლი, ბარბიტურატები, კარბამაზეპინი და ფენიტოინი ამცირებენ დოქსიციკლინის ნახევრადგამოყოფის პერიოდს. ტეტრაციკლინები აქვეითებენ პერორალური კონტრაცეპტივების ეფექტურობას. ფლუორესცენტული ტესტის შედეგების დარღვევის გამო შესაძლებელია შარდში კატექოლამინების რაოდენობის ცრუ მომატება. | ||
| ფარმაკოლოგიური თვისება: | დოქსიციკლინი წარმოადგენს ოქსიტეტრაციკლინის სინთეზურ წარმოებულ ტეტრაციკლინის ჯგუფის ფართო სპექტრის ანტიბიოტიკს. დოქსიციკლინის ბაქტერიციდული მოქმედება განპირობებულია მის მიერ მიკრობის უჯრედში რიბოსომების დონეზე ცილის სინთეზის ინჰიბირებით. დოქსიციკლინი აქტიურია მრავალი გრამდადებითი მიკროორგანიზმების მიმართ: აერობული კოკები - Staphylococcus spp. (მათ შორის პენიცილინაზას მაპროდუცირებელი), Streptococcus spp. მათ შორის Streptococcus pneumoniae; აერობული სპორების წარმომქმნელი ბაქტერიები - Bacillus anthracis; აერობული სპორების არწარმომქმნელი ბაქტერიები - Listeria monocytogenes; ანაერობული სპორების წარმომქმნელი ბაქტერიები - Clostridium spp. პრეპარატი აქტიურია აგრეთვე გრამუარყოფითი მიკროორგანიზმების მიმართ: აერობული ბაქტერიები - Escherichia coli, Shigella spp., Salmonella spp., Enterobacter spp., Klebsiella spp., Bordetella pertussis. დოქსიციკლინი აქტიურია Riskettsia spp., და Chlamidia spp.-ის მიმართ. პრეპარატის მიმართ მდგრადია Pseudomonas aeruginosa, Proteus spp., Serratia sp., Bacteroides fragilis-ის მრავალი შტამები. |
Page generation time: 0. 022166978 sec.
