This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
თიამინი
Thiamin
ა.თ.ქ. კლასიფიკაცია:
	
 
A11DA01	
A საჭმლის მომნელებელი ტრაქტი და ნივთიერებათა ცვლა
	
11 ვიტამინები
	
D ვიტამინი B-1 და მისი კომბინაცია ვიტამინებთან B-6 და B-12
	
A ვიტამინი B-1
ანოტაცია:
	
	
ფარმაკოლოგიური თვისება:
	
იგი ორგანიზმში ფოსფოლირების პროცესის შედეგად გარდაიქმნება კოკარბოქსილაზად, რომელიც წარმოადგენს მრავალი ფერმენტული რეაქციის კოფერმენტს. თიამინის ქლორიდი ვიტამინური პრეპარატია, რომელიც ხელს უწყობს ვიტამინ B1-ის (თიამინის) დეფიციტის შევსებას მისი უკმარისობის შემთხვევაში. იგი მნიშვნელოვან როლს ასრულებს ცილოვან, ცხიმოვან და ნახშირწყლოვან ცვლაში. პრეპარატი ხელს უწყობს ნერვული იმპულსების გატარებას სინაფსებში, აუცილებელია ნერვული, გულ-სისხლძარღვთა და ენდოკრინული სისტემების ფუნქციონირებისათვის.
ჩვენება:
	
ვიტამინ B1-ზე ორგანიზმის დღიური მოთხოვნილება მოზრდილებში შეადგენს 1,22,1 მგ-ს, ბავშვებში და მოზარდებში ასაკის მიხედვით 0,3-1,5 მგ-ს. თიამინის ქლორიდი გამოიყენება B1 (თიამინის)-ვიტამინის ჰიპო- და ავიტამინოზის პროფილაქტიკისათვის, ასევე ნევრიტების, პოლინევრიტების, რადიკულიტის, ნევრალგიის, პერიფერიული პარეზის, ენცეფალოპათიის, კუჭისა და 12-გოჯა ნაწლავის წყლულოვანი დაავადების, ნაწლავების ატონიის, ღვიძლის დაავადებების, მიოკარდიუმის დისტროფიის, პერიფერიული სისხლძარ-ღვების დაავადებების (ენდარტერიტის და სხვა), ნეიროგენული წარმოშობის დერმატოზების, კანის ქავილის, პიოდერმიის, ეგზემის და ფსორიაზის სამკურნალოდ.
დოზირება და მიღების წესი:
	
თიამინის ქლორიდის საინექციო ხსნარი მოზრდილებში შეჰყავთ კუნთებში 0,025-0.05 გ (1 მლ 5% ხსნარი), ბავშვებში - 0.0125 გ (0.25 მლ 5% ხსნარი) ერთხელ დღეში ყოველდღიურად. მკურნალობის კურსის დროს რეკომენდებულია 10-30 ინექცია. ინექციის ადგილას მოსალოდნელია ტკივილის შეგრძნება, რაც განპირობებულია ხსნარის pH-ის სიმცირით. პრეპარატის ერთჯერადი დოზა, სიხშირე და მისი გამოყენების ხანგრძლივობა დგინდება ინდივიდუალურად მხოლოდ მკურნალი ექიმის მიერ. შიგნით მისაღებად მოზრდილებში ინიშნება 0,01 გ 1-3-ჯერ დღე-ში (ზოგჯერ 5-ჯერ დღეში), ხოლო ბავშვებში: 3 წლამდე 5 მგ დღეგამოშვებით; 3-8 წლამდე 5 მგ 3-ჯერ დღეში დღეგამოშვებით; 8 წლის ასაკის ზევით-10 მგ 13-ჯერ დღეში. მკურნალობის კურსის ხანგრძლივობით შეადგენს 30 დღეს.
გვერდითი მოვლენები:
	
პრეპარატს ჩვეულებრივ კარგად იტანენ პაციენტები. შესაძლებელია ტაქიკარდია, ოფლიანობა, ალერგიული რეაქციები (კანის ქავილი, კვინკეს შეშუპება), ანაფილაქსიური შოკი. აღნიშნული რეაქციები ვითარდება ალერგიის მიმართ მიდრეკილებისას, კლიმაქსის ან პრეკლიმაქსის პერიოდში მყოფ ქალებში, აგრეთვე ქრონიკული ალკოჰოლიზმით შეპყრობილ პაციენტებში.
უკუჩვენება:
	
თიამინის მიმართ მომატებული მგრძნობელობა. ამიტომ თუკი პაციენტს გააჩნია მიდრეკილება ალერგიული დაავადებების მიმართ ან აღენიშნებოდა B ჯგუფის ვიტამინებზე ალერგიული რეაქციები, საჭიროა ამის შესახებ ექიმის ინფორმირება.
განსაკუთრებული მითითებები:
	
პრეპარატის მიღების შემთხვევაში აუცილებელია რეკომენდებული დოზის შენარჩუნება.
ჭარბი დოზირება:
	
თიამინის ქლორიდის შერევა სულფიტების შემცველ ხსნარებთან არ შეიძლება მათი ინაქტივაციის გამო.პრეპარატის ერთდროული შეყვანა ვიტამინ B6 და B12 საინექციო ხსნართან არ არის რეკომენდებული. შესაძლებელია მათი ინაქტივაცია თიამინის დაშლის პროდუქტებით. ერთ შპრიცში თიამინის ქლორიდის პენიცილინთან ან სტრეპტომიცინთან, აგრეთვე ნიკოტინის მჟავასთან შერევა დაუშვებელია.








Page generation time: 0. 020974006 sec.