| უნიფიცირებული დასახელება: | ეტაციზინიAetacizinum | ||
| ა.თ.ქ. კლასიფიკაცია: | |||
C01BC | C გულ-სისხლძარღვთა სისტემა | ||
| 01 პრეპერატები გულის დაავადებების მკურნალობისათვის | |||
| B I და III კლასის ანტიარითმიული პრეპარატები | |||
| C IC კლასის ანტიარითმიული პრეპარატები | |||
| ანოტაცია: | |||
| ჩვენება: | - ვენრტიკულური და სუპრავენრტიკულური ექსტრასისტოლია; - ვენრტიკულური და სუპრავენრტიკულური ტაქიკარდია (არაპაროქსიზმული და პაროქსიზმული); - მოციმციმე არითმიის პაროქსიზმები; - მიოკარდიუმის გადატანილი ინფარქტის შემდეგ, რომელიც გართულებულია გულის რითმის დარღვევით. | ||
| დოზირება და მიღების წესი: | ეტაციზინი ინიშნება საწყისი დოზით 50მგ 3-ჯერ დღეში. მისი გამოყენება არ არის დაკავშირებული საკვების მიღებასთან. არასაკმარისი ეფექტის შემთხვევაში პრეპარატის დოზა იზრდება (ეკგ კონტროლის ქვეშ) 50მგ-მდე 4-ჯერ დღეში (200მგ დღეში) ან 100 მგ 3-ჯერ დღეში (300მგ). სტაბილური ანტიარითმიული ეფექტის შემთხვევაში ტარდება შემანარჩუნებელი თერაპია ინდივიდუალურად შერჩეული მინიმალური ეფექტური დოზებით. ანტიარითმიული ეფექტი ვითარდება მისი პერორალური მიღებიდან მეორე-მესამე დღეს. მკურნალობის ხანგრძლივობა დამოკიდებულია არითმიის ფორმაზე, პრეპარატის ეფექტურობაზე და მის მიმართ ტოლერანტობაზე. | ||
| უკუჩვენება: | - მომატებული მგრძნობელობა პრეპარატის და მასში სემავალი კომპონენტების მიმართ. - გულის გამტარებლობის დარღვევა: სონოატრიული ბლოკადა II ხარისხის, ატრიოვენტრიკულური ბლოკადა (AV) II და III ხარისხის, პარკუჭშიდა გამტარებლობის მკვეთრი დარღვევა; - არტერიული ჰიპოტენზია; - გულის უკმარისობის მძიმე ფორმები; - ღვიძლის და თირკმელების ფუნქციის დარღვევა. | ||
| ორსულობა და ლაქტაცია: | პრეპარატის დანიშვნისას ორსულობის ან ლაქტაციის პერიოდში გასათვალისწინებელია პოტენციური სარგებლიანობა დედისათვის და მოსალოდნელი რისკი ნაყოფისათვის. ამიტომ მისი დანიშვნა ამ პერიოდში ხორციელდება მხოლოდ მათ შორის თანაფარდობის განსაზღვრის შემდეგ. | ||
| გვერდითი მოვლენები: | გულ-სისხლძარღვთა სისტემის მხრივ: AV ბლოკადა, პარკუჭშიდა გამტარებლობის დარღვევა, ჰისის კონის მარჯვენა ფეხის ბლოკადა, მიოკარდიუმის შეკუმშვის ძალის შემცირება, კორონარული სისხლმიმოქცევის დაქვეითება. იშვიათად ვითარდება არითმოგენული ეფექტი. ცნს-ის მხრივ: თავბრუსხვევა, აკომოდაციის დარღვევა. კუჭ-ნაწლავის ტრაქტის მხრივ: გულისრევა. | ||
| ფარმაკოლოგიური თვისება: | ეტაციზინი წარმოადგენს შერეული თვისებების მქონე 1C/IV ჯგუფის ანტიარითმიულ საშუალებას. გააჩნია გამოხატული და ხანგრძლივი ანტიარითმიული მოქმედება. პრეპარატი აბლოკირებს ნატრიუმის არხებს და იწვევს ნატრიუმის სწრაფი შემავალი დენის დათრგუნვას. ამასთან ერთად იგი ხელს უწყობს კალციუმის ნელი შემავალი დენის ინჰიბირებას. ეტაციზინი ანელებს გულში აგზნების გატარებას, ახანგრძლივებს რეფრაქტერულ პერიოდს, ნაკლებად მოქმედებს გულისცემის სიხშირეზე და არტერიულ წნევაზე. გულის შეკუმშვის ძალა მცირდება პრეპარატის დოზის შესაბამისად. მას გააჩნია ზომიერი ანტიიშემიური მოქმედება, ხოლო არითმოგენული ეფექტი მისი თერაპიულ დოზებში გამოყენებისას იშვიათად ვითარდება. | ||
| ფარმაკოკინეტიკა: | ეტაციზინი პერორალური გამოყენებისას სწრაფად შეიწოვება კუჭ-ნაწლავის ტრაქტიდან. იგი განიცდის ინტენსიურ მეტაბოლიზმს "ღვიძლში პირველი გავლის" დროს. პრეპარატის ფარმაკოკინეტიკური პარამეტრები განიცდის მნიშვნელოვან ფლუქტუაციას და მოითხოვს ინდივიდუალურ შესწავლას ცალკეულ ავადმყოფებში მისი ოპტიმალური კონცენტრაციის განსაზღვრისათვის. ეტაციზინის ზოგიერთ მეტაბოლიტს გააჩნია ანტიარითმიული აქტივობა. პრეპარატი აღწევს პლაცენტურ ბარიერში და გამოიყოფა დედის რძეში. |
Page generation time: 0. 020518995 sec.
