| უნიფიცირებული დასახელება: | პრენოქსიდაზინიPrenoxdiazine | ||
| ა.თ.ქ. კლასიფიკაცია: | |||
R05DB18 | R სასუნთქი სისტემა | ||
| 05 ხველებისა და გაციების დროს გამოსაყენებელი პრეპარატები | |||
| D ხველების საწინააღმდეგო პრეპარატები (ამოსახველებელ პრეპარატებთან კომბინაციის გარდა) | |||
| B ხველების საწინააღმდეგო სხვა პრეპარატები | |||
| ანოტაცია: | |||
| ჭარბი დოზირება: | არ მოიპოვება მონაცემები. | ||
| ურთიერთქმედება სხვა მედიკამენტებთან: | არ არსებობს როგორც კლინიკური, ასევე წინაკლინიკური მონაცემები პრედოქსდიაზინის სხვა პრეპარატებთან ურთიერთქმედების შესახებ. | ||
| ფარმაკოლოგიური თვისება: | პრეპარატი წარმოადგენს პერიფერიული მოქმედების ხველის საწინააღმდეგო პრეპარატს ბრონქებზე უშუალო ზემოქმედებით. ადგილობრივი მაანესთეზირებელი თვისებების გამო იგი ამცირებს როგორც პერიფერიული სენსორული, ასევე ფილტვების რეცეპტორების აგზნებას. სპაზმოლიზური ეფექტის გამო პრედოქსდიაზინი აქვეითებს ბრონქოკონსტრიქციას, ხოლო ცენტრალური ზეგავლენით მცირე ხარისხით თრგუნავს ხველების ცენტრის ფუნქციას სუნთქვის დათრგუნვის გარეშე. ხველის საწინააღმდეგო ეფექტი გრძელდება 3-4 სთ-ის განმავლობაში. კლინიკური კვლევის შედეგად დადგენილ იქნა, რომ პრეპარატი არ აქვეითებს სისხლის არტერიულ წნევას, არ იწვევს ყაბზობას და მცირედ გამოხატული ანქსიოლიზური ეფექტის მიუხედავად არ ახდენს რაიმე მნიშვნელოვან ზეგავლენას ცნს-ის ფუნქციაზე. | ||
| ფარმაკოკინეტიკა: | პრედოქსდიაზინი სწრაფად და კარგად აბსორბირდება კუჭ-ნაწლავის ტრაქტიდან. სისხლში მისი მაქსიმალური კონცენტრაცია აღინიშნება მიღებიდან 30 წუთის შემდეგ, ხოლო თერაპიული კონცენტრაცია 6-8 საათის განმავლობაში. დამატებით, უცვლელი სახის პროდუქტებთან ერთად გამოყოფილია და რაოდენობრივად განსაზღვრულია მისი 4 მეტაბოლიტი. პირველი საათის განმავლობაში პრედოქსდიაზინის 55-59% მიღებისთანავე უკავშირდება პლაზმის ცილებს. იგი მეტაბოლიზდება ღვიძლში და მხოლოდ 30 % გამოიყოფა უცვლელი სახით. ნაღვლის სეკრეცია დიდ როლს თამაშობს პრეპარატის მეტაბოლურ პროცესებში მისი მიღებიდან 12 საათის განმავლობაში. სისხლიდან პრეპარატის ნახევრადგამოყოფის პერიოდი შეადგენს 2,6 საათს. 24 საათის განმავლობაში შეყვანილი პრეპარატის 50% გამოიყოფა შარდით, ხოლო 50% კი ფეკალიებით. | ||
| ჩვენება: | პრედოქსდიაზინი გამოიყენება მწვავე ან ქრონიკული მშრალი ხველების დროს იმ დაავადებების სამკურნალოდ, რომელთაც თან ახლავს სუნთქვისა და გაზთა ცვლის დარღვევა: მწვავე და ქრონიკული ბრონქიტის, გრიპის, პნევმონიის, ბრონქული ასთმის ემფიზემის და ღამის ხველის დროს გულის უკმარისობით შეპყრობილ პაციენტებში. აგრეთვე იმ პაციენტების მოსამზადებელ პერიოდში, რომელთაც ესაჭიროებათ ბრონქოსკოპული ან ბრონქოგრაფიული კვლევა. | ||
| დოზირება და მიღების წესი: | მოზრდილებში საშუალო დოზა შეადგენს 100 მგ-ს 3-4-ჯერ დღეში (1 აბი დღეში 3-4-ჯერ), უფრო მძიმე შემთხვევებში დოზა შეიძლება გაიზარდოს 200 მგ-მდე 3-4-ჯერ დღეში ან 300 მგ-მდე 3ჯერ დღეში (2 აბი 3-4-ჯერ დღეში ან 3 აბი 3-ჯერ დღეში). ბავშვებში საშუალო დოზა დამოკიდებულია ასაკსა და სხეულის წონაზე: 25-50 მგ 3 ან 4-ჯერ დღეში (ј-Ѕ აბი 3-4-ჯერ დღეში). მაქსიმალური ერთჯერადი დოზა ბავშვებში შეადგენს 1 აბს, მოზრდილებში 3 აბს. მაქსიმალური დღიური დოზა ბავშვებში შეადგენს 2 აბს, მოზრდილებში 9 აბს. ბრონქოსკოპული გამოკვლევის ჩატარებამდე 1 საათით ადრე 0,9-3,8 მგ/კგ პრეპარატი მიიღება 0,5-1 მგ ატროპინთან კომბინაციაში. | ||
| გვერდითი მოვლენები: | ობიექტური გვერდითი მოვლენები პრეპარატის მიღებისას (ღვიძლისა და თირკმელების, ასევე სისხლმბადი ორგანოების მხრივ) არ აღინიშნება. პრეპარატის მიღების შემდეგ გასტროინტესტინური სახის ჩივილები (კუჭის არეში ტკივილები, დიარეა, გულისრევა) აღენიშნებოდა პაციენტების დაახლოებით 10 %, თუმცა ყველა ჩივილი დიეტის შემდეგ გაქრა. იშვიათად აუცილებელია სუსტი მოქმედების საფაღარათო საშუალების მიღება. პრეპარატის მაღალ დოზებში გამოყენებისას შესაძლებელია გამოვლინდეს სუსტად გამოხატული სედატიური ეფექტი და/ან გადაღლილობა. ზემოთაღნიშნული სიმპტომები ვითარდება პრეპარატის მაღალ დოზებში მიღების შემთხვევაში, რომელიც მისი შეწყვეტიდან რამოდენიმე საათის შემდეგ ქრება. იშვიათად აღინიშნება პირის ღრუს ან ყელის სიმშრალე, ალერგიული რეაქციები, კანზე გამონაყარის, ანგიონევროზული შეშუპების სახით. | ||
| უკუჩვენება: | პრეპარატის მიღება წინააღმდეგჩვენებია იმ დაავადებების დროს, რომლებიც ხასიათდებიან გაძლიერებული ბრონქული სეკრეციით; აგრეთვე ოპერაციის შემდგომი მდგომარეობის დროს. პრედოქსდიაზინის გამოყენება ინჰალაციური ნარკოზის შემდგომ პერიოდში დაუშვებელია. | ||
| ორსულობა და ლაქტაცია: | იმის გამო, რომ არ არსებობს მონაცემები ემბრიოტოქსიურობის შესახებ, ამიტომ აღნიშნულ პერიოდში პრეპარატი მიიღება სიფრთხილით. | ||
| განსაკუთრებული მითითებები: | იმ შემთხვევაში, როდესაც გაძნელებულია ბლანტი ნახველის ევაკუაცია, შესაძლებელია დამატებით საჭირო გახდეს ამოსახველებელი ან მუკოლიზური საშუალებების მიღება. აბები აუცილებელია მივიღოთ მთლიანად, დაუღეჭავად, წინააღმდეგ შემთხვევაში პრეპარატმა შესაძლებელია გამოიწვიოს დროებითი ანესთეზია, რაც გამოიხატება პირის ღრუს ლორწოვანის მგრძნობელობის დაქვეითებაში. ვინაიდან პრეპარატის შემადგენლობაში შედის ლაქტოზა, ამიტომ მან შესაძლოა გამოიწვიოს კუჭ-ნაწლავის ტრაქტის მხრივ გართულება იმ პაციენტებში, რომლებსაც გააჩნიათ მომატებული მგრძნობელობა ლაქტოზის მიმართ. პრედოქსდიაზინი მოცემულ შემთხვევაში წარმოადგენს უსაფრთხო პრეპარატს. კლინიკური კვლევების შედეგად დადგინდა, რომ თერაპიულ დოზებში მისი გამოყენებისას არ აღინიშნება მწვავე გვერდითი მოვლენები როგორც კარდიო-რესპირატორული, ასევე ცნს-ის მხრივ. |
Page generation time: 0. 021118772 sec.
