| უნიფიცირებული დასახელება: | პინდოლოლიPindolol | ||
| ა.თ.ქ. კლასიფიკაცია: | |||
C07AA03 | C გულ-სისხლძარღვთა სისტემა | ||
| 07 ბეტა- ადრენობლოკატორები | |||
| A ბეტა- ადრენობლოკატორები | |||
| A არასტეროიდული ბეტა- ადრენობლოკატორები | |||
| ანოტაცია: | |||
| ფარმაკოლოგიური თვისება: | პინდოლოლი წარმოადგენს არასელექტიურ ბეტა-ადრენობლოკატორს, რომელიც აბლოკირებს ბეტა1- და ბეტა2- ადრენორეცეპტორებს. შინაგანი სიმპათომიმეტური აქტივობის გამო, სხვა ბეტა-ბლოკატორებისაგან განსხვავებით იგი ამცირებს გულის უკმარისობის, ბრონქოსპაზმის და პერიფერიული სისხლმიმოქცევის დარღვევის რისკს. ხასიათდება ანტიჰიპერტენზიული, ანტიანგინალური და ანტიარითმიული მოქმედებით. პრეპარატის მოქმედების მექანიზმი განპირობებულია: დატვირთვისადმი ტოლერანტობის გაზრდით; რენინის გამოყოფის ბლოკადით; - ვაზომოტორული ცენტრებიდან მომავალი ეფერენტური სიმპათიკური იმპულსების დაქვეითებით და სიმპათიკური ტონუსის შემცირებით. პრეპარატი აქვეითებს გულის კუნთის მოთხოვნილებას ჟანგბადის მიმართ, რითაც განპირობებულია მისი ანტიიშემიური ეფექტი. იგი პრაქტიკულად არ მოქმედებს ლიპიდურ და ნახშირწყლოვან ცღლაზე. | ||
| ჩვენება: | არტერიული ჰიპერტონია, სტენოკარდია, გულის არითმიები (სინუსური ტაქიკარდია, პაროქსიზმული ტაქიკარდია, სუპრავენტრიკულური და ექსტრასისტოლიები), ჰიპერკინეტიკური კარდიული სინდრომი, ფალოს ტეტრადა, ობსტრუქციული კარდიომიოპათია. არტერიული ჰიპერტონია: დაავადების მსუბუქი ფორმების დროს პრეპარატს იყენებენ მონოთერაპიის სახით, შედარებით მძიმე შემთხვევებში, სხვა ჰიპოტენზიურ საშუალებებთან ერთად, ხოლო ფეეოქრომოციტომის სამკურნალოდ ალფაადრენორეცეპტორების ბლოკატორებთან კომბინაციაში. | ||
| დოზირება და მიღების წესი: | ინდივიდუალურია. მოზრდილებში: სტენოკარდია: 7.5-20 მგ 3-ჯერ დღეში. გულის არითმიები: 15-30 მგ 3-ჯერ დღეში. გულის ადრენერგული სტიმულაციით (მაგ. თირეიტოქსიკოზის დროს) გამოწვეული ფუნქციური ცვლილებები: 10-20 მგ 3ჯერ დღვში არტერიული ჰიპერტონია: ძირითადად ინიშნება 10-30 მგ დღეში. პრეპარატის დოზებს 10, 15, ან 20 მგ-ს იღებენ ერთჯერადად დილას, ხოლო 20-30 მგ-იან დოზას ყოფენ 2-3-ჯერად მიღებაზე. კომბინაციაში სხვა პიპოტენზიურ პრეპარატებთან საჭიროა ამ უკანასკნელთა დოზის შემცირება. ბავშვებში: რეკომენდებულ სადღეღამისო დოზას შეადგენს 0.2 მგ/კგ წონაზე. პარენტერული გამოყენება: პრეპარატის პარენტერული მიღება წარმოებს მხოლოდ სტაციონარის პირობებში. საწყისი დოზა 2 მლ (0.4 მგ) შეჰყავთ ვენაში. 20 წთ-იანი შესვენების შემდეგ დოზა შეიძლება გაიზარდოს 1 მლ-ით მაქსიმალურ დოზამდე - 6 მლ (1.2 მგ). მკურნალობის პროცესში აუცილებელია ელექტროკარდიოგრაფიული მაჩვენებლების და არტერიული წნევის სისტემატური კონტროლი. | ||
| გვერდითი მოვლენები: | ბრადიკარდია, ბრონქოსპაზმი, ალერგიული რეაქციები, ორთოსტატული ჰიპოტენზია, თავბრუსხვევა, თავის ტკივილი, დაღლის შეგრძნება, ძილის დარღვევა, ჩივილები კუჭ-ნაწლავის ტრაქტის მხრივ, ღებინება. გვერდითი მოვლენები ძირითადად სუსტად არის გამოხატული და არ საჭიროებს პრეპარატით მკურნალობის შეწყვეტას. | ||
| უკუჩვენება: | - მომატებული მგრძნობელობა პრეპარატის მიმართ; - გულის გამოხატული უკმარისობა, სინუსური ბრადიკარდია (50 დარტყმაზე ნაკლები წთ-ში), AV-ბლოკადა, ფილტვისმიერი ჰიპერტენზიით გამოწვეული მარჯვენა პარკუჭის უკმარისობა, მეტაბოლური აციდოზი, ეთილის ეთერის და ქლოროფორმის ნარკოზი, ბრონქოსპაზმით მიმდინარე რესპირატორული დაავადებები; - ორსულობა და ლაქტაციის პერიოდი. არ შეიძლება პრეპარატის დანიშვნა კალციუმის ანტაგონისტებთან ერთად. | ||
| განსაკუთრებული მითითებები: | სუნთქვის გაძნელების შემთხვევაში საჭიროა მკურნალობის შეწყვეტა. პინდოლოლით მკურნალობის შეწყვეტა წარმოებს ოპერაციამდე 48 სთ-ით ადრე. დოზის შემცირება ხდება თანდათანობით, ვინაიდან პრეპარატის სწრაფი მოხსნით (“მოხსნის ფენომენი”) შესაძლებელია ავადმყოფთა მდგომარეობის გაუარესება, განსაკუთრებით გულის იშემიური დაავადების დროს. | ||
| ჭარბი დოზირება: | ბრონქოსპაზმი: ვენაში გადასასხმელად ინიშნება ამინოფილინი ან იზოპრენალინი, რომელსაც იღებენ ინჰალაციის სახითაც. ბრადიკარდია და არტერიული წნევის უეცარი დაქვეითება: ვენაში შეჰყავთ ატროპინი 0.5-1.0 მგ, 25 მკგ იზოპრენალინი ან 500 მკგ ორციპრენალინი ნელი ინექციის სახით (დაახლოებით 5 მკგ/წთ-ში) სიჩქარით. | ||
| ურთიერთქმედება სხვა მედიკამენტებთან: | პრეპარატი არ ინიშნება ანტიარითმულ საშუალებებთან და იმ პრეპარატებთან ერთად, რომლებიც თრგუნავენ კატექოლამინების გამოყოფის პროცესს. სიმპატოლიზური და პერიფერიული სიხხლძარღვთა გამაფართოვებელი საშუალებები აძლიერებენ პინდოლოლის სამკურნალო ეფექტს, ხოლო მაო-ს ინჰიბიტორები და სიმპათომიმეტური საშუალებები - აქვეითებენ მას. პინდოლოლი აძლიერებს ანტიდიაბეტური საშუალებების და ინსულინის მოქმედების ეფექტს, რის გამოც საჭიროა მათი დოზირების კორექცია. |
Page generation time: 0. 021727875 sec.
