| უნიფიცირებული დასახელება: | ტრამადოლიTramadol | ||
| ა.თ.ქ. კლასიფიკაცია: | |||
N02AX02 | N ნერვული სისტემა | ||
| 02 ანალგეზიური საშუალებები | |||
| A ოპიოიდები | |||
| X სხვა ოპიოიდები | |||
| ანოტაცია: | |||
| ფარმაკოლოგიური თვისება: | ტრამადოლი წარმოადგენს სინთეზურ, ცენტრალური მოქმედების ოპიოიდურ საშუალებას, მოქმედებს ც.ნ.ს. სპეციფიკურ ოპიოიდურ რეცეპტორებზე ზეგავლენის შედეგად იწვევს ტკივილის შეგრძნების შესუსტებას. მოქმედების სხვა სავარაუდო მექანიზმით, იგი ხელს უწყობს ც.ნ.ს-ის ტკივილის გამტარი დაღმავალი გზების სინაფსურ კონტაქტებში ნეიროტრანსმიტერებისნორადრენალინისა და სეროტონინის გამონთავისუფლებას. | ||
| ჩვენება: | სხვადასხვა ეტიოლოგიის საშუალო და ძლიერი ინტენსივობის მწვავე ან ქრონიკული ტკივილები. იყენებენ ძირითადად ქირურგიაში, ორთოპედიაში, ონკოლოგიაში, გინეკოლოგიაში, რევმატოლოგიაში, ნევროლოგიაში, სტომატოლოგიაში (პირველ რიგში სტომატოლოგიური ოპერაციების დროს). პრეპარატს იყენებენ აგრეთვე გულის იშემიური დაავადებების დროს (მიოკარდიუმის ინფარქტი, ქვედა კიდურების იშემიური დაავადებების დროს და სხვა). | ||
| დოზირება და მიღების წესი: | პრეპარატის დოზა და მკურნალობის ხანგრძლივობა ინდივიდუალურია და დამოკიდებულია ავადმყოფთა მდგომარეობაზე. მოზრდილებს და ბავშვებს 14 წლის ასაკის ზემოთ (50კგ-ზე მეტი სხეულის წონით) როგორც წესი ენიშნებათ 100-200მგ ტრამადოლი (1-2ტაბ) ყოველ 12 სთ-ში (სასურველია დილით და საღამოს) მცირე რაოდენობით სითხის დაყოლებით. რეკომენდებული არ არის დოზის გადაჭარბება 400მგ-ზე მეტი, არასასურველი გვერდითი ეფექტების განვითარების გამო. გამონაკლისს წარმოადგენს ძლიერი ხასია-თის ტკივილები ონკოლოგიურ ავადმყოფებში და ქირურგიული ჩარევის შემდეგ. ავადმყოფებში თირკმელების და ღვიძლის ფუნქციის მოშლით რეკომენდებულია პრეპარატის დოზის შემცირება და მიღებებს შორის ინტერვალის გაზრდა ან პრეპარატის დანიშვნა არაპროლონგირებული სამკურნალო ფორმით (კაფსულები, სანთლები, წვეთები, ინექციები). | ||
| გვერდითი მოვლენები: | ტაქიკარდია, ორთოსტატული ჰიპოტენზია, კოლაფსი, გულისრევა, ღებინება, პირის სიმშრალე, მეტეორიზმი, თავბრუსხვევა, ოფლიანობა, დაღლილობა, ეიფორია, ტრემორი, კუნთების სპასტიურობა, ჰალუცინაციები, ცნობიერების დაბინდვა, პრეპარატისადმი დამოკიდებულება, აბსტინენციის სინდრომი პრეპარატის უეცარი მოხსნის დროს. კანის ალერგიული რეაქციები: ქავილი, გამონაყარი; იშვიათად აღინიშნება მოძრაობითი დაავადება (“რწევა”), მადის და შარდის გამოყოფის დარღვევა. | ||
| უკუჩვენება: | - მომატებული მგრძნობელობა პრეპარატის მიმართ. - მწვავე ინტოქსიკაცია იმ პრეპარატებით, რომლებიც თრგუნავს ც.ნ.ს-ს (ალკოჰოლი, ანტიდეპრესანტები, ნეიროლეფსიური საშუალებები, სედატიური საშუალებები, ანქსიოლიზურები, საძილე საშუალებები); - მაო-ს ინჰიბიტორებით მკურნალობა; - 14 წლამდე ასაკის ბავშვებში. | ||
| ორსულობა და ლაქტაცია: | პრეპარატის მაღალი დოზები დამღუპველად მოქმედებს ნაყოფზე და ახალშობილზე, ამიტომ ფეხმძიმობის დროს პრეპარატი ენიშნებათ ექიმის მეთვალყურეობის ქვეშ. რადგან პრეპრატის 0.1% გადადის დედის რძეში, მისი დანიშვნა ლაქტაციის პერიოდ-ში რეკომენდებული არ არის. ტრამადოლი ძლიერად მოქმედებს ფსიქომოტორულ აქტივობაზე, განსაკუთრებით ალკოჰოლთან მისი ერთდროული მიღებისას. მკურნალობის პროცესში არ შეიძლება ავტოტრანსპორტის მართვა ან მუშაობა იმ დანადგარებთან, რომლებიც მოითხოვს ყურადღების მაქსიმალურ კონცენტრაციას. | ||
| განსაკუთრებული მითითებები: | ტრამადოლი დიდი სიფრთხილით ენიშნებათ ოპიოიდური რიგის პრეპარატების მიმართ მომატებული მგრძნობელობის მქონე ავადმყოფებს. პრეპარატი არ ენიშნებათ იმ ავადმყოფებს, რომლებიც ბოროტად იყენებენ ფსიქოტროპულ საშუალებებს. ტრამადოლის ხანგრძლივად მიღების დროს არ არის გამორიცხული წამლისმიერი დამოკიდებულების განვითარება. | ||
| ჭარბი დოზირება: | აღინიშნება კრუნჩხვები, სუნთქვის დათრგუნვა. სუნთქვის ცენტრის დათრგუნვის დროს ანტიდოტს წარმოადგენს ნალოქსონი. | ||
| ურთიერთქმედება სხვა მედიკამენტებთან: | მაო-ს ინჰიბიტორები აძლიერებენ ტრამადოლის ტოქსიურ ეფექტს. ტრამადოლის კომბინაციით იმ პრეპარატებთან, რომლებიც მოქმედებენ ც.ნ.ს-ზე (ანალგეზიურები, ნეიროლეფსიური, სედატიური საშუალებები, ანქსიოლიზურები, საძილე საშუალებები) ან ალკოჰოლთან ერთად, შესაძლებელია სინერგიზმის განვითარება, რომელიც გამოიხატება სედატიური და ანალგეზიური მოქმედების გაძლიერებაში. ავადმყოფებში, რომლებიც ერთდროულად იღებენ სეროტონინის ინჰიბიტორებს, ანტიდეპრესანტებს ან ნეიროლეფსიურ საშუალებებს, შესაძლებელია კრუნჩხვების განვითარების რისკის გაზრდა. შესაძლებელია ტრამადოლის კომბინაციით არასტეროიდულ ანთების საწინააღმდეგო საშუალებებთან, მიორელაქსანტებთან და სპაზმოლიზურ საშუალებებთან. |
Page generation time: 0. 024455928 sec.
