This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
ნიტროფურალი
Nitrofural
ა.თ.ქ. კლასიფიკაცია:
	
 
D08AF01	
D დერმატოლოგია
	
08 ანტისეპტიკური საშუალებები და სადეზინფექციო პრეპარატები
	
A ანტისეპტიკური საშუალებები და სადეზინფექციო პრეპარატები
	
F ნიტროფურანის წარმოებულები
S02AA02	
S პრეპარატები გრძნობის ორგანოების დაავადებების მკურნალობისათვის
	
02 პრეპარატები ყურის დაავადებების მკურნალობისათვის
	
A მიკრობების საწინააღმდეგო პრეპარატები
	
A მიკრობების საწინააღმდეგო პრეპარატები
S01AX04	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
A მიკრობების საწინააღმდეგო პრეპარატები
	
X მიკრობების საწინააღმდეგო სხვა პრეპარატები
P01CC02	
P პარაზიტების საწინააღმდეგო პრეპარატები, ინსექტიციდები და რეპელენტები
	
01 პროტოზოას საწინააღმდეგო პრეპარატები
	
C პრეპარატები ლეიშმანიოზის და ტრიპანოსომოზის მკურნალობისათვის
	
C ნიტროფურანის წარმოებულები
D09AA03	
D დერმატოლოგია
	
09 შესახვევი მასალა სამკურნალო საშუალებებით
	
A შესახვევი მასალა
	
A შესახვევი მასალა მალამოს ფუძეზე დამზადებული მიკრობების საწინააღმდეგო პრეპარატებით
B05CA03	
B სისხლწარმოქმნა და სისხლი
	
05 პლაზმის შემცვლელი და საპერფუზის ხსნარები
	
C საირიგაციო ხსნარები
	
A მიკრობების საწინააღმდეგო ხსნარები
ანოტაცია:
	
	
ჩვენება:
	
პრეპარატი გარეგანად გამოიყენება ჩირქოვანი ანთებითი პროცესების, ხოლო პერორალურად ბაქტერიული დიზენტერიის სამკურნალოდ. იგი გამოიყენება ჩირქოვანი ჭრილობების, ნაწოლების, წყლულოვანი დაზიანებების, მეორე და მესამე ხარისხის დამწვრობის, კანის გადანერგვის დროს (დაზიანებულ ადგილს პრეპარატის წყლიანი ხსნარით დანამავენ და პრეპარატით გაჟღენთილ საფენს ადებენ). ოსტეომიელიტის გამო წარმოებული ოპერაციის შემდეგ ღრუს გამორეცხავენ პრეპარატის წყლიანი ხსნარით, რის შემდეგ აფენენ პრეპარატით გაჟღენთილ საფენს. პლევრის ემპიემის დროს ახდენენ ჩირქის ასპირაციას, პლევრის ღრუს გამორეცხავენ მიღებული მეთოდით, შემდეგ შეიყვანენ 20-100 მლ პრეპარატის წყლიან ხსნარს. ანაერობული ინფექციის დროს, სტანდარტული ქირურგიული ჩარევის გარდა, ჭრილობას ამუშავებენ ნიტროფურალით. ქრონიკული ჩირქოვანი ოტიტის დროს გამოიყენება პრეპარატის სპირტიანი ხსნარი წვეთებში. ჰაიმორის ღრუს და სხვა პარანაზალური ღრუების გამოსარეცხად გამოიყენება ნიტროფურალის წყლიანი ხსნარი. ოფთალმოლოგიაში გამოიყენება პრეპარატის წყლიანი ხსნარი, ხოლო დაზიანებული წარბების ზედაპირის სამკურნალოდ შეიზელენ ნიტროფურალის მალამოს. პრეპარატი გამოიყენება იმ ჩირქოვანი პროცესების სამკურნალოდ, რომლებიც მოითხოვენ ანტიბაქტერიულ თერაპიას.
დოზირება და მიღების წესი:
	
გარეგანი გამოყენებისათვის იყენებენ 0.02%-იან (1:50000) ნიტროფურალის წყლიან და 0.066%-იან სპირტიან ხსნარს, ასევე ნიტროფურალის მალამოს. წყლიანი ხსნარის მოსამზადებლად 1 ნაწილ პრეპარატს ხსნიან 5000 ნაწილ ნატრიუმის ქლორიდის იზოტონურ ხსნარში ან დისტილირებულ წყალში (სწრაფი გახსნისათვის გამოიყენება ცხელი ან ადუღებული წყალი), რის შემდეგ ხსნარს აცივებენ ოთახის ტემპერატურაზე და ინახავენ ხანგრძლივად (სტერილიზაცია ტარდება 30 წუთის განმავლობაში 100 გრადუსზე). სპირტიან ხსნარს (ინახება განუსაზღვრელად დიდხანს) ამზადებენ 70%-იან ეთილის სპირტზე. აუცილებლობის დროს, მაშინ, როდესაც არ არსებობს პრეპარატის მზა სამკურნალო ფორმა ამზადებენ ნიტროფურალის მალამოს: ნიტროფურალს უმატებენ მცირე რაოდენობით ვაზელინის ზეთს, აჩერებენ 10-20 საათის განმავლობაში, შემდეგ უმატებენ აბუსალათინის ზეთს, ლანოლინს, თევზის ქონს.
გვერდითი მოვლენები:
	
ნიტროფურალის გარეგანი გამოყენებისას ჩვეულებრივ კარგად იტანენ პაციენტები. იშვიათად ვითარდება ადგილობრივი ალერგიული რეაქციები, დერმატიტები, რაც საჭიროებს პრეპარატის მიღების დროებით ან საერთოდ შეწყვეტას. პრეპარატის ჭამის დროს მიღება და დიდი რაოდენობით წყლის მიყოლება ამცირებს მის გვერდით ეფექტს. გვერდითი მოქმედება მთლიანად გაივლის ან მცირდება ანტიჰისტამინური საშუალებების მიღებისას.
უკუჩვენება:
	
პრეპარატის გამოყენება წინააღმდეგნაჩვენებია ნიტროფურანების მიმართ მომატებული მგრძნობელობის, ალერგიული დერმატოზების დროს.
ფარმაკოლოგიური თვისება:
	
ნიტროფურალი წარმოადგენს ნიტროფურანის ჯგუფის ანტიბაქტერიულ საშუალებას. იგი მოქმედებს როგორც გრამდადებით, ასევე გრამუარყოფით მიკროორგანიზმებზე, როგორიცაა: სტაფილოკოკები, სტრეპტოკოკები, დიზენტერიისა და ნაწლავის ჩხირები, პარატიფის გამომწვევი, სალმონელა, აიროვანი განგრენის გამომწვევები და ა. შ.








Page generation time: 0. 025146508 sec.