This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
აციტრეტინი
Acitretin
ა.თ.ქ. კლასიფიკაცია:
	
 
D05BB02	
D დერმატოლოგია
	
05 პრეპარატები ფსორიაზის მკურნალობისათვის
	
B ფსორიაზის სამკურნალო პრეპარატები სისტემური გამოყენებისათვის
	
B ფსორიაზის სამკურნალო რეტინოიდები
ანოტაცია:
	
	
ფარმაკოლოგიური თვისება:
	
რეტინოიდი, ეტრეტინატის მეტაბოლიტია. იგი არეგულირებს კანის უჯრედების რეგენერაციის, დიფერენციაციისა და გარქოვანების პროცესებს.
ფარმაკოკინეტიკა:
	
პერორალური მიღების შემდეგ აციტრეტინი აბსორბირდება კუჭნაწლავის ტრაქტში, სისხლის პლაზმაში Cmax მიიღწევა 1-6 საათის შემდეგ. საკვებთან ერთად მიღების შემთხვევაში შესაძლებელია პრეპარატის ბიოშეღწევადობის გაზრდა. აციტრეტინი მაღალი ხარისხით უკავშირდება პლაზმის ცილებს. აციტრეტინი მეტაბოლიზდება 13-cis-აციტრეტინის წარმოქმნით, ზოგიერთ პაციენტს პლაზმაში ასევე აღენიშნება ეტრეტინატი. აციტრეტინის T1/2 შეადგენს დაახლოებით 2 დღე-ღამეს, მაგრამ ყოველთვის უნდა გვახსოვდეს, რომ ეტრეტინატის T1/2 ბევრად ხანგრძლივია და შეადგენს დაახლოებით 120 საათს. აციტრეტინი გამოიყოფა შარდსა და ნაღველთან ერთად.
ჩვენება:
	
კანის დაავადებები, რომლებსაც თან ახლავთ მძიმე კერატოზები, მათ შორის ფსორიაზული ერითროდერმია, ლოკალური ან გენერალიზირებული პუსტულოზური ფსორიაზი, თანდაყოლილი იხთიოზი, თმის წითელი ქერცლოვანი პიტირიაზი, დარიეს დაავადება (ფოლიკულური დისკერატოზი).
დოზირება და მიღების წესი:
	
პერორალური მიღებისას: მოზრდილებში სადღეღამისო დოზა შეადგენს 25-50მგ-ს; ბავშვებში სადღეღამისო დოზაა 0.5-1 მგ/კგ. მიიღება 1-ჯერ დღეში. მოზრდილების მაქსიმალური დოზაა -75მგ, ბავშვების-35მგ.
გვერდითი მოვლენები:
	
დერმატოლოგიური რეაქციები: ლორწოვანი გარსების სიმშრალე, ჰეილიტი (ტუჩების ლორწოვანის ანთება), ნახეთქები პირის კუთხეებთან, მთელ სხეულზე კანის განლევა და აქერცვლა, ალოპეცია, ფრჩხილების მტვრევადობა, პარონიქია, ფოტოსენსიბილიზაცია. ცნს-ის მხრივ: თავის ტკივილი, ღამის ხედვის მოშლა, კონუქტივიტი. ძვალ-კუნთოვანი სისტემის მხრივ: ძვლებისა და კუნთების ტკივილი, ქსოვილების ჰიპეროსტოზი და კალცინოზი. აღწერილია შემთხვევები ხერხემლის მალების დამაკავშირებელი მყესის ჰიპეროსტოზისა და კალცინოზისა ზურგის ტვინის შემდგომი კომპრესიით. ლაბორატორიული მაჩვენებლების მხრივ: ტრანსამინაზისა და ტუტე ფოსფატაზის აქტივობის ტრანზიტორული მომატება, ჰიპერკალციემია, ТГ(თირეოგლობულინი) და ქოლესტერინის კონცეტრაციის მომატება სისხლის პლაზმაში.
უკუჩვენება:
	
თირკმლის და/ან ღვიძლის ფუნქციების განოხატული დარღვევა, ჰიპერლიპიდემია; ტეტრაციკლინის, რეტინოლის (ვიტამინი A), სხვა რეტინოიდების, მეტოტრექსატის მასთან ერთდროული მიღება,
ორსულობა და ლაქტაცია:
	
უკუნაჩვენებია ორსულობისა და ლაქტაციის პერიოდში. აცეტრეტინი გამოიყოფა დედის რძით. რეპროდუქციული ასაკის ქალებში საჭიროა გამოყენებულ იქნას კონტრაცეფციის ყველაზე სანდო მეთოდები შეუწყვეტლად: თერაპიის დაწყებამდე 4 კვირის განმავლობაში, მკურნალობის კურსის დროს და მისი ჩამთავრებიდან 2 წლის განმავლობაში.
განსაკუთრებული მითითებები:
	
აციტრეტინით მკურნალობის დაწყებამდე და მკურნალობის პერიოდში, ასევე 3 თვის განმავლობაში პრეპარატის მოხსნიდან, საჭიროა ღვიძლის ფუნქციის კონტროლი. მკურნალობის პერიოდში აუცილებელია შემდეგი პარამეტრების კონტროლი: ქოლესტერინის, შრატში უზმოზე ТГ(თირეოგლობულინის) (განსაკუთრებით ლიპიდური ცვლის მოშლის, შაქრიანი დიაბეტის, სიმსუქნის, ქრონიკული ალკოგოლიზმის, ასევე ხანგრძლივი თერაპიის დროს); გლიკემიის დონე შაქრიანი დიაბეტის მქონე პაციენტებში; ბავშვებში – ძვლების ზრდისა და განვითარების მაჩვენებლები. ბავშვებში აციტრეტინის გამოყენება გამართლებულია იმ შემთხვევებში, როდესაც მკურნალობის ალტერნატიული მეთოდები არაეფექტურია. დღეისათვის აციტრეტინით მკურნალობის ყველა მოსალოდნელი შედეგი დადგენილი არ არის. პაციენტებს, რომლებიც აცეტრეტინით მკურნალობენ, სისხლის პლაზმაში ზოგჯერ აღენიშნებათ ეტრეტინატი.
ურთიერთქმედება სხვა მედიკამენტებთან:
	
აციტრეტინისა და ეთანოლის ერთდროულად მიღებისას ეტრეტინატის წარმოქმნის ალბათობა იზრდება. ეთრეტინატისა და მეთოტრექსატის ერთდროულად მიღებისას მატულობს ჰეპატოტოქსიური მოქმედების რისკი (საჭიროა აციტრეტინისა და მეთოტრექსატის კომბინაციის თავიდან აცილება). აციტრეტინი რამდენადმე ამცირებს ფენიტოინის პლაზმის ცილებთან შეკავშირების უნარს (კლინიკური მნიშვნელობა არ არის ცნობილი).აციტრეტინი რამდენადმე ამცირებს ფენიტოინის პლაზმის ცილებთან შეკავშირების უნარს (კლინიკური მნიშვნელობა არ არის ცნობილი)







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021681486 sec.