This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
სალმეტეროლი
Salmeterol
ა.თ.ქ. კლასიფიკაცია:
	
 
R03AC12	
R სასუნთქი სისტემა
	
03 პრეპარატები ბრონქული ასთმის მკურნალობისათვის
	
A სიმპატომიმეტური საშუალებები ინჰალაციური გამოყენებისათვის
	
C სელექტიური ბეტა2- ადრენომიმეტური საშუალებები
ანოტაცია:
	
	
ფარმაკოლოგიური თვისება:
	
სალმეტეროლი ახალი თაობის, ხანგრძლივად მოქმედი სელექტიური ბეტა2-ადრენორეცეპტორების აგონისტია. თერაპიულ დოზებში იგი არ მოქმედებს გულ-სისხლძარღვთა სისტემაზე. დადგენილია, რომ სალმეტეროლი ავადმყოფებში, სასუნთქი გზების შექცევადი ობსტრუქციით, იწვევს (12 საათის განმავლობაში) ბრონქების ხანგრძლივ გაფართოვებას. პრეპარატის რეგულარული გამოყენება უზრუნველყოფს ფილტვების ფუნქციის გაუმჯობესებას, ამცირებს სასუნთქი გზების ობსტრუქციის გამოხატულებას და ბრონქული ასთმის ღამის შეტევებს. In vitro ცდებმა ცხადყო, რომ სალმეტეროლი მძლავრად და ხანგრძლივად აინჰიბირებს ჰისტამინის, ლეიკოტრიენების და პროსტაგლანდინების გამოყოფას. ადამიანში სალმეტეროლი თრგუნავს ბრონქების ადრეულ და მოგვიანებით რეაქტიულობას. სალმეტეროლის მოქმედების დასაწყისი აღინიშნება პრეპარატის მიღებიდან 5-10 წუთში. ბრონქოლიზური ეფექტი გრძელდება 12 საათი. პრეპარატი არ გამოიყენება ბრონქოსპაზმის კუპირებისათვის. იგი ინიშნება მხოლოდ ბრონქული ასთმის სიმპტომების ხანგრძლივი კონტროლის მიზნით.
ფარმაკოკინეტიკა:
	
შეწოვა: სალმეტეროლის გამოყენებისას დოზით 50 მკგ 2-ჯერ დღეში პლაზმაში მისი მაქსიმალური კონცენტრაცია შეადგენს 200 პგ/მლ, რის შემდეგაც ის სწრაფად კლებულობს. გამოყოფა: სალმეტეროლი ძირითადათ გამოიყოფა კუჭ-ნაწლავის ტრაქტით. სალმეტეროლი ექსკრეტირდება ძირითადათ სალმეტეროლის ჰიდროქსილირებული მეტაბოლიტების სახით.
ჩვენება:
	
პრეპარატით ხანგრძლივი რეგულარული მკურნალობა სასუნთქი გზების შექცევადი ობსტრუქციული დაავადებების, ბრონქული ასთმის (მათ შორის პაციენტებში ასთმის ღამის შეტევებით და ფიზიკური დატვირ-თვით გამოწვეული შეტევებით) და ქრონიკული ბრონქიტების დროს.
დოზირება და მიღების წესი:
	
სალმეტეროლი ნაჩვენებია მხოლოდ ინჰალაციის გზით მიღებისათვის. მოზრდილებში: 2 ინჰალაცია (2X25 მკგ სალმეტეროლი) 2-ჯერ დღეში. საჭიროების შემთხვევაში შესაძლებელია დოზის გაზრდა 2 ინჰალაცია 50 მკგ 2-ჯერ დღე-ში. ბავშვებში 4 წლის ასაკის ზემოთ: 25-50 მკგ 2-ჯერ დღეში.
გვერდითი მოვლენები:
	
სასუნთქი სისტემის მხრივ: შესაძლებელია პარადოქსული ბრონქოსპაზმის განვითარება (ამ შემთხვევაში საჭიროა პრეპარატის მიღების შეწყვეტა და ალტერნატიული მკურნალობის დანიშვნა). გულ-სისხლძარღვთა სისტემის მხრივ: იშვიათად - თავის ტკივილი, ტაქიკარდია. სხვა: შესაძლებელია ჰიპოკალიემია, იშვიათად - ტრემორი (რომელიც მცირდება მკურნალობის დროს და შესაძლებელია გაქრეს ადექვატური დოზის შერჩევისას.)
უკუჩვენება:
	
მომატებული მგრძნობელობა პრეპარატის რომელიმე კომპონენტის მიმართ.
ორსულობა და ლაქტაცია:
	
ორსულობის და ლაქტაციის დროს ინიშნება მხოლოდ იმ შემთხვევაში თუ პრეპარატის მოსალოდნელი ეფექტი აღემატება პოტენციურ რისკს.
განსაკუთრებული მითითებები:
	
პრეპარატის ინიშნება მხოლოდ მოზრდილებში. პრეპარატის ხანგრძლივი მოქმედებიდან გამომდინარე შესაძლებელია მისი გამოყენება ფიზიკური დატვირთვით გამოწვეული ასთმის შეტევების და ღამის შეტევების პროფილაქტიკისათვის. სალმეტეროლი სიფრთხილით ინიშნება თირეოტოქსიკოზით შეპყრობილ პაციენტებში. პაციენტებში ღვიძლის ფუნქციის დარღვევისას და ხანდაზმულებში დოზის შეცვლა არ არის აუცილებელი. სევერენტის რეგულარული გამოყენებისას პაციენტების უმრავლესობაში შეიძლება შემცირებულ იქნას სხვა ხანმოკლე მოქმედების სიმპატომიმეტური საშუალებების გამოყენება. სევერენტის მიღებისას არ არის რეკომენდებული ინჰალაციური გლუკოკორტიკოიდების და სხვა პროფილაქტიკური საშუალებების მიღების შეწყვეტა.
ჭარბი დოზირება:
	
სიმპტომები: ტრემორი, თავის ტკივილი, გულისცემა. მკურნალობა: კარდიოსელექტიური ბეტაადრენობლოკატორების შეყვანა.
ურთიერთქმედება სხვა მედიკამენტებთან:
	
სალმეტეროლის, ქსანტანის წარმოებულებ-თან, გლუკოკორტიკოიდებთან და დიურეზულ საშუალებებთან კომბინირებისას იზრდება ჰიპოკალიემიის განვითარების რისკი, განსაკუთრებით ბრონქული ასთმის გამწვავების დროს და ჰიპოქსიის შემთხვევაში. ასეთ დროს აუცილებელია სისხლის პლაზმაში კალიუმის შემცველობის მკაცრი კონტროლი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020997665 sec.