| უნიფიცირებული დასახელება: | ბისმუთის კოლოიდური დიციტრატიBismuthate tripotassium dicitrate | ||
| ა.თ.ქ. კლასიფიკაცია: | |||
A02BX | A საჭმლის მომნელებელი ტრაქტი და ნივთიერებათა ცვლა | ||
| 02 ანტაციდები, კუჭისა და 12-გოჯა ნაწლავის წყლულის საწინააღმდეგო პრეპარატები და ნაწლავებში მეტეორიზმის შესამცირებელი პრეპარატები | |||
| B კუჭისა და 12-გოჯა ნაწლავის წყლულის საწინააღმდეგო პრეპარატები | |||
| X კუჭისა და 12-გოჯა ნაწლავის წყლულის საწინააღმდეგო სხვა პრეპარატები | |||
| ანოტაცია: | |||
| ფარმაკოლოგიური თვისება: | წყლულის საწინააღმდეგო საშუალება ბაქტერიოციდული აქტივობით Helicobacter pylori–ის მიმართ. ასევე ახასიათებს ანთების საწინააღმდეგო და შემკვრელი მოქმედება. კუჭის მჟავე გარემოში წარმოქმნის არახსნად ბისმუტის ოქსიქლორიდსა და ციტრატს, ასევე წარმოიქმნება ხელატური შენაერთი ცილოვან სუბსტრატთან დამცავი აპკის სახით წყლულისა და ეროზიის ზედაპირზე. მატულობს პროსტაგლანდინ Е–ს სინთეზი, ლორწოს წარმოქმნა და ჰიდროკარბონატის სეკრეცია, ასტიმულირებს ციტოპროტექტორული მექანიზმების აქტივობას, ზრდის კნტ–ის ლორწოვანი გარსის მდგრადობას პეპსინის მიმართ, ქლორწყალბად მჟავის(მარიმჟავის), ფერმენტებისა და ნაღვლის მჟავების მარილების. იწვევს ზრდის ეპიდერმული ფაქტორის დაგროვებას დეფექტის ზონაში. აქვეითებს პეპსინისა და პეპსინოგენის აქტივობას. | ||
| ფარმაკოკინეტიკა: | ბისმუტ ტრიკალია დიციტრატი პრაქტიკულად არ შეიწოვება კნტ–დან. თუმცა ბისმუტის უმნიშვნელო რაოდენობა შეიძლება გადავიდეს სისხლის ნაკადში. გამოიყოფა უპირატესად განავალთან ერთად. პლაზმაში მოხვედრილი ბისმუტის უმნიშვნელო რაოდენობა, გამოიყოფა თირკმელებით. | ||
| ჩვენება: | კუჭისა და თორმეტგოჯა ნაწლავის წყლულოვანი დაავადება გამწვავების ფაზაში (მათ შორის ასოცირებული Helicobacter pylori–თან); ქრონიკული გასტრიტი და გასტროდუოდენიტი გამწვავების ფაზაში (მათ შორის ასოცირებული Helicobacter pylori–თან); გაღიზიანებული ნაწლავის სინდრომი, რომელიც მიმდინარეობს უპირატესად დიარეის სიმპტომებით; ფუნქციური დისპეპსია, რომელიც არ არის დაკავშირებული კნტ–ის ორგანულ დაავადებებთან. | ||
| დოზირება და მიღების წესი: | მოზრდილებსა და ბავშვებში 4 წლის ზევით – შინაგანად 2-4 საკვების მიღებამდე 30 წუთით ადრე. მკურნალობის კურსია 4 - 8 კვირა. მომდევნო 8 კვირის განმავლობაში არ შეიძლება ბისმუტის შემცველი პრეპარატების მიღება. Helicobacter pylori–ის ერადიკაციისათვის მიზანშეწონილია ბისმუტ ტრიკალია დიციტრატის მიღება ანტიბაქტერიულ პრეპარატებთან კომბინაციაში, რომლებსაც აქვთ ანტიქელიკობაქტერიული აქტივობა. | ||
| გვერდითი მოვლენები: | საჭმლის მიმნელებელი სისტემის მხრივ: შესაძლოა ტრანზიტორული ეფექტები – გულისრევა, რებინება, კუჭის მოქმედების გახშირება, შეკრულობა. დერმატოლოგიური რეაქციები: კანის გამონაყარი, ქავილი. ცნს–ის მხრივ: მაღალ დოზებში ხანგრძლივი გამოყენების დროს – ენცეფალოპათია, რაც დაკავშირებულია ბისმუტის დაგროვებასთან ცნს–ში. | ||
| უკუჩვენება: | თირკმლის ფუნქციის გამოხატული დარღვევა, ორსულობა, ლაქტაციის პერიოდი, მომატებული მგრძნობელობა ბისმუთის კოლოიდური დიციტრატის მიმართ. | ||
| ორსულობა და ლაქტაცია: | უკუნაჩვენებია ორსულობისა და ლაქტაციის პერიოდში. | ||
| განსაკუთრებული მითითებები: | არ შეიძლება 8 კვირაზე ხანგრძლივად მიღება. მკურნალობის დროს არ არის რეკომენდებული გადაჭარბება დადგენილი სადღეღამისო დოზებისა მოზრდილებსა და ბავშვებში. რეკომენდებულ დოზებში მკურნალობის კურსის დამთავრებისას აქტიური ნივთიერების კონცენტრაცია სისხლის პლაზმაში არ აღემატება 3-58 მკგ/ლ, ხოლო ინტოქსიკაცია შეიმჩნევა მხოლოდ 100მკგ/ლ–ზე მაღალი კონცენტრაციის დროს. მიღების ფონზე შესაძლოა განავლის შავ ფერად შეღებვა ბისმუთის სულფიდის წარმოქმნის შედეგად. ზოგჯერ აღინიშნება ენის უმნიშვნელო დამუქება. | ||
| ურთიერთქმედება სხვა მედიკამენტებთან: | ერთდროულად მიღებისას სხვა სამკურნალო საშუალებებთან, ასევე საკვებსა და სითხესთან, კერძოდ, ანტაციდებთან, რძესთან, ხილსა და ხილის წვენებთან შესაძლოა ბისმუთის კოლოიდური დიციტრატის ეფექტურობის შეცვლა. |
Page generation time: 0. 020272261 sec.
