This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ტრიამცინოლონი
Triamcinolone
ა.თ.ქ. კლასიფიკაცია:
	
 
S01BA05	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
B ანთების საწინააღმდეგო პრეპარატები
	
A კორტიკოსტეროიდები
R01AD11	
R სასუნთქი სისტემა
	
01 პრეპარატები ცხვირის დაავადებების მკურნალობისათვის
	
A დეკოგესტანტები და სხვა პრეპარატები ადგილობრივი გამოყენებისათვის
	
D კორტიკოსტეროიდები
R03BA06	
R სასუნთქი სისტემა
	
03 პრეპარატები ბრონქული ასთმის მკურნალობისათვის
	
B სხვა პრეპარატები ინჰალაციური გამოყენებისათვის ბრონქული ასთმის მკურნალობისათვის
	
A გლუკოკორტიკოიდები
D07AB09	
D დერმატოლოგია
	
07 კორტიკოსტეროიდები გარეგანი გამოყენებისათვის კანის დაავადებების მკურნალობისათვის
	
A კორტიკოსტეროიდები
	
B კორტიკოსტეროიდები ზომიერი აქტივობით (II ჯგუფი)
H02AB08	
H ჰორმონები სისტემური გამოყენებისათვის (სასქესო ჰორმონების გარდა)
	
02 კორტიკოსტეროიდები სისტემური გამოყენებისათვის
	
A კორტიკოსტეროიდები სისტემური გამოყენებისათვის
	
B გლუკოკორტიკოიდები
A01AC01	
A საჭმლის მომნელებელი ტრაქტი და ნივთიერებათა ცვლა
	
01 სტომატოლოგიური პრეპარატები
	
A სტომატოლოგიური პრეპარატები
	
C კორტიკოსტეროიდები ადგილობრივი გამოყენებისათვის პირის ღრუს დაავადებების დროს
ანოტაცია:
	
	
ფარმაკოლოგიური თვისება:
	
პრეპარატი ხასიათდება გამოხატული ანთების საწინააღმდეგო, ანტიალერგიული და იმუნოდეპრესული თვისებებით, რომელსაც ნაკლებად გააჩნია მინერალოკორტიკოიდული აქტივობა.
ჩვენება:
	
პრეპარატის გამოყენება წარმოებს ყველა იმ შემთხვევაში, როდესაც ნაჩვენებია გლუკოკორტიკოიდებით ხანგრძლივი თერაპია; - ალერგიული დაავადებები: ბრონქული ასთმა, ქრონიკული ასთმური ბრონქიტი, ფილტვების ემფიზემა და ფიბროზი, თივის სურდოს მძიმე მიმდინარეობა, როდესაც ადგილობრივი თერაპია უშედეგოა; - კანის ალერგიული რეაქციები ურტიკარიის სახით; - კონტაქტური დერმატიტი, ატოპიური დერმატიტი; - წამლისმიერი ალერგია: გამონაყარი კანზე, შრატისმიერი დაავადება; - რევმატიზმი და რევმატიზმისმსგავსი დაავადებები, მაგალითად: რევმატული პოლიმიალგია (რევმატული დაავადება, რომლისათვის დამახასიათებელია კუნთებში გაფანტული ტკივილი); - კოლაგენოზების აქტიური ფაზა, მაგალითად წითელი მგლურა, კვანძოვანი პერიარტერიტი და სხვა ვასკულიტები, პოლიმიოზიტი, კოლაგენოზების შერეული ფორმები; - ქრონიკული პოლიართრიტი მაღალი აქტივობის სტადიაში (რევმატიზმის სახსროვანი ფორმა) და დაავადების მიმდინარეობის განსაკუთრებული ფორმების დროს (გამოვლინება შინაგანი ორგანოების მხრივ); - იუვენილური ართრიტი მაღალი აქტივობის ფაზაში და დაავადების განსაკუთრებული ფორმების დროს (მაგალითად, უვეიტი); - დაავადების მძიმე კლინიკური სურათის და რეზისტენტობის დროს სხვა პრეპარატების მიმართ (ანთების საწინააღმდეგო არასტეროიდული საშუალებები); - დერმატოზები პაციენტებში მიდრეკილებით ალერგიის მიმართ; - ფილტვების ფიბროზი, სარკოიდოზი (ბეკის დაავადება); - ნეფროზული სინდრომი; - ლიმფური ქსოვილის დაავადებები (ლიმფური ლეიკემია, ლიმფოგრანულემატოზი, ლიმფოსარკომა), სისხლის დაავადებები, მაგალითად, თრომბოციტოპენიური პურპურა ან ჰემოლიზური ანემია.
დოზირება და მიღების წესი:
	
პრეპარატის დოზირება წარმოებს ინდივიდუალურად კლინიკური სურათის და ორგანიზმის რეაქციის მიხედვით ჩატარებულ მკურნალობაზე. მკურნალობას იწყებენ მაღალი დოზით და თანდათანობით გადადიან შემანარჩუნებელ დოზაზე. კორტიკოიდებით მკურნალობის შეწყვეტა უეცრად დაუშვებელია. თუ სხვა მითითება არ არსებობს, მკურნალობა იწყება დოზით 4-20 მგ დღეში, ბავშვებში წონით 27 კგ-ზე ნაკლები - შესაბამისად 9 -10 წლამდე ასაკში ინიშნება 4-12 მგ დღეში. ბავშვები მეტი წონით იღებენ პრეპარატს იგივე დოზებით, რასაც მოზრდილები. სადღეღამისო დოზა იყოფა 2-4 მიღებაზე. შემანარჩუნებელი დოზა დამოკიდებულია დაავადების კლინიკურ სურათზე. მოზრდილები: საშუალო დღეღამური დოზა ბაზისური თერაპიის ჩასატარებლად: 1 და 2 დღე - 20 მგ 3 დღე - 16 მგ 4 და 5 დღე - 8 მგ შემდგომში წარმოებს დოზის კორექტირება შემანარჩუნებელი დოზის მიღწევამდე, რომელიც შეადგენს 2-8 მგ დღეში. ხანგრძლივი თერაპიის დროს შემანარჩუნებელი დოზა შეადგენს 4-12 მგ-ს. ბავშვებში წონით 27 კგ ნაკლები (9-10 წლამდე ასაკში) იგი შეადგენს მოზრდილთა შემანარჩუნებელი დოზის 1/3-დან დოზის ნახევრამდე. ნებისმიერ შემთხვევაში პრეპარატის დოზა და მისი მკურნალობის ხანგრძლივობა დგინდება ინდივიდუალურად. რეკომენდებულია სადღეღამისო დოზის მიღება ერთჯერადად, დილას 6-8 საათს შორის, უმჯობესია საუზმის შემდეგ. მკურნალობის ხანგრძლივობა დამოკიდებულია დაავადების მიმდინარეობაზე.
ორსულობა და ლაქტაცია:
	
ორსულობის პერიოდში პრეპარატის გამოყენება წარმოებს მხოლოდ სასიცოცხლო ჩვენების მიხედვით. ორსულობის პირველი 5 თვის განავლობაში ტრიამცინოლონის გამოყენება რეკომენდებული არ არის, ვინაიდან არსებობს ექსპერიმენტული მონაცემები მისი ტერატოგენული და ემბრიოტოქსიკური თვისებების შესახებ. ორსულობის ბოლო პერიოდში პრეპარატის გამოყენება იწვევს ნაყოფის თირკმელზედა ჯირკვლის ქერქის ატროფიას.
გვერდითი მოვლენები:
	
პრეპარატის გამოყენებისას შესაძლებელია შემდეგი გვერდითი მოვლენების განვითარება, რომლებიც დამახასიათებელია გლუკოკორტიკოიდებით სისტემური მკურნალობისათვის: მთვარისებრი სახე, კუშინგის სინდრომი, კუნთების სისუსტე, კუნთოვანი ქსოვილის ატროფია, ძვლების ატროფია, ტოლერანტობის შემცირება გლუკოზის მიმართ, შაქრიანი დიაბეტის მიმდინარეობის დამძიმება, და, შესაბამისად, შაქრიანი დიაბეტის ფარული ფორმების განვითარება, სასქესო ჰორმონების სეკრეციის დარღვევა (ამენორეა, მენსტრუალური ციკლის დარღვევა, ჰირსუტიზმი, იმპოტენცია), ცვლილებები კანზე ზოლების სახით (სტრიაე რუბრაე), სისხლჩაქცევები კანში ან ლორწოვან გარსებში (პეტექიები, ეკქიმოზები), სტეროიდული აკნე, კალიუმის გამოყოფის გაძლიერება ორგანიზმიდან, თირკმელზედა ჯირკვლების ქერქის ფუნქციის დათრგუნვა ან ატროფია, სისხლძარღვების ანთება (ვასკულიტი), ეზოფაგიტი, ტკივილი კუჭნაწლავის ტრაქტის მხრივ, კუჭის წყლული, ინფექციის განვითარების რისკის მომატება, იმუნური პროცესების მიმდინარეობის შენელება, ჭრილობების და ძვლების შეხორცების პროცესის შეფერხება, მყესების გაგლეჯა, ზრდის პროცესის დარღვევა ბავშვებში, ძვლების ასეფტიური ნეკროზი, თავის ტკივილი, გაძლიერებული ოფლიანობა, თავბრუსხვევა, თავის ქალას შიდა წნევის მომატება, გლაუკომა, ფსიქიკის დარღვევა, თრომბოზების განვითარების რისკის გაზრდა, პანკრეატიტი. კორტიკოიდების არასასურველი ეფექტები, როგორიცაა: წონაში მომატება, სითხის დაგროვება ორგანიზმში, არტერიული წნევის მომატება, როგორც წესი ტრიამცინოლონის გამოყენებისას არ აღინიშნება, თუმცა კონტროლი ექიმის მხრივ აუცილებელია.
უკუჩვენება:
	
მისი გამოყენება დაუშვებელია კუჭისა და 12-გოჯა ნაწლავში წყლულოვანი დაავადების დროს, ძვლების მძიმე ატროფიის შემთხვევაში, გადატანილი ფსიქიური და ვირუსული დაავადებების, მაგალითად, ჰერპესი (Herpes simplex, Herpes cornae), Herpes zoster-ის ვირემიული ფაზის, ჩუტყვავილას, ამებური ინფექციის, სოკოვანი დაავადებების, ბავშვებში დამბლის (ბულბარულ-ენცეფალური ფორმის გამოკლებით), გლაუკომის დროს. პრეპარატის გამოყენება ასევე უკუნაჩვენებია 8 კვირით ადრე პროფილაქტიკური სინჯების ჩატარებამდე. პრეპარატის გამოყენება მძიმე ინფექციების დროს დაშვებულია მხოლოდ თანმხლებ თერაპიასთან ერთად.
განსაკუთრებული მითითებები:
	
მისი გამოყენება წარმოებს სიფრთხილით ანამნეზში არსებული წყლულოვანი დაავადების, კუნთების მძიმე პათოლოგიის, ნაწლავის ანასტომოზის დროს, თრომბოზების და ემბოლიების მიმართ მიდრეკილებისას, მეტასტაზირებული კარცინომის, შაქრიანი დიაბეტის, მწვავე და ქრონიკული გლომერულონეფრიტის დროს, ლიმფური კვანძების ზომაში მომატებისას ტუბერკულოზის საწინააღმდეგო სინჯის ჩატარების შემდეგ და ბავშვებში. კორტიკოიდების ზემოქმედებით შესაძლებელია ტუბერკულოზის გამწვავება.
ურთიერთქმედება სხვა მედიკამენტებთან:
	
გლუკოკორტიკოიდების ზემოქმედებით მცირდება ანტიდიაბეტური საშუალებების მოქმედება და სუსტდება კუმარინის წარმოებულების ანტიკოაგულაციური ეფექტი. პრეპარატის ერთდროული გამოყენებისას საგულე გლიკოზიდებთან და სალურეზულ საშუალებებთან იზრდება კალიუმის ელიმინირება ორგანიზმიდან. არასტეროიდული ანთების საწინაღმდეგო საშუალებების/ანტირევმატული საშუალებების ტრიამცინოლონთან ერთდროული გამოყენება ზრდის სისხლდენის განვითარების რისკს კუჭნაწლავის ტრაქტიდან. პრეპარატის კომბინაციისას რიფამპიცინთან, ფენიტოინთან და ბარბიტურატებთან, მათ მიერ ღვიძლის მიკროსომული ფრაქციის ფერმენტების ინდუქციის გამო, გასათვალისწინებელია კორტიკოიდების ეფექტის შესაძლო შემცირება.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 024828141 sec.