| უნიფიცირებული დასახელება: | კარმუსტინიCarmustine | ||
| ა.თ.ქ. კლასიფიკაცია: | |||
L01AD01 | L სიმსივნის საწინააღმდეგო პრეპარატები და იმუნომოდულატორები | ||
| 01 სიმსივნის საწინააღმდეგო პრეპარატები | |||
| A მაალკილირებული პრეპარატები | |||
| D ნიტროზოშარდოვანას წარმოებულები | |||
| ანოტაცია: | |||
| ფარმაკოლოგიური თვისება: | სიმსივნის საწინააღმდეგო საშუალება მაალკილირებელი მოქმედებით ნიტროზოშარდოვანას წარმოებულების ჯგუფიდან. მოქმედებს დნმ-ის ძირითად და ფოსფატურ ჯგუფებზე, რასაც მივყავართ მისი მოლეკულების გაწყვეტასა და შეერთებასთან. წარმოადგენს ციკლოარასპეციფიურ შენაერთს. კარმუსტინის მოქმედება ასევე შეიძლება იყოს დაკავშირებული ცილების მოდიფიკაციასთან. | ||
| ფარმაკოკინეტიკა: | სწრაფად მეტაბოლიზდება ღვიძლში აქტიური მეტაბოლიტების წარმოქმნით. მეტაბოლიტები შეიძლება შენარჩუნდნენ სისხლის პლაზმაში რამდენიმე დღეღამის გამნავლობაში. ჰემატოენცეფალურ ბარიერში აღწევს. გამოიყოფა ძირითადად თირკმელებით მეტაბოლიტების სახით - 60-70%, განავლით - 1%, სასუნთქი გზებით - 10%. | ||
| ჩვენება: | ტვინის სიმსივნე (გლიობლასტომა, ტვინის ღეროს გლიომა, მედულობლასტომა, ასტროციტომა, ეპენდიმომა), ტვინის მეტასტაზირებადი სიმსივნე; მრავლობითი მიელომა (პრედნიზოლონთან კომბინაციაში); არაჰოჯკინის ლიმფომები. | ||
| დოზირება და მიღების წესი: | ადგენენ ინდივიდუალურად, ჩვენებისა და დაავადების სტადიების, სისხლმბადი სისტემის მდგომარეობის, სიმსივნის საწინააღმდეგო თერაპიის სქემის მიხედვით. | ||
| გვერდითი მოვლენები: | სისხლმბადი სისტემის მხრივ: ხშირად - მიელოდეპრესია; შესაძლოა ანემია. საჭმლის მომნელებელი სისტემის მხრივ: ხშირად - გულისრევა, ღებინება; შესაძლოა ჰეპატოტოქსიურობის გამოვლენა - ტრანსამინაზების აქტივობის, ტუტე ფოსფატაზის, ბილირუბინის დონის მომატება. სასუნთქი სისტემის მხრივ: შესაძლოა ინფილტრატის და/ან ფილტვში ფიბროზული კერების წარმოშობა. შარდგამომყოფი სისტემის მხრივ: მაღალ კუმულირებულ დოზებში ხანგრძლივად გამოყენების შემდეგ - პროგრესირებადი აზოტემია, თირკმლის ზომის შემცირება. ი/ვ სწრაფად შეყვანისას: შესაძლოა ინექციის ადგილას წვის შეგრძნება, ასევე კანის გამოხატული სიწითლე და კონიუქტივის შეშუპება 2-4სთ განმავლობაში. სხვადასხვა: შესაძლოა ნეირორეტინიტი, ტკივილი გულმკერდის არეში, თავის ტკივილი, ალერგიული რეაქცები, არტერიული ჰიპოტენზია, ტაქიკარდია. | ||
| უკუჩვენება: | მომატებული მგრძნობელობა კარმუსტინის მიმართ. | ||
| ორსულობა და ლაქტაცია: | ადექვატური და მკაცრად კონტროლირებული გამოკვლევები კარმუსტინის უსაფრთხოდ გამოყენებისა ორსულობის დროს ადამიანებში არ ჩატარებულა. არსებობს მონაცემები ადამიანებში კარმუსტინის ემბრიოტოქსიურ მოქმედებაზე ორსულობის დროს. ექსპერიმენტულ გამოკვლევებში ჩანს, რომ კარმუსტინი ახდენს ემბრიოტოქსიურ მოქმედებას ორსულობის დროს ვირთხებსა და კურდღლებში და ტერატოგენურ მოქმედებას ვირთხებში ექვივალენტურ დოზებში დოზით, რომელიც გამოიყენება ადამიანებში. რეპროდუქციული ასაკის ქალებისათვის მკურნალობის პერიოდში რეკომენდირებულია კონტრაცეპციის სანდო მეთოდების გამოყენება. ცნობილი არ არის, გამოიყოფა თუ არა კარმუსტინი დედის რძით. აუცილებლობის შემთხვევაში ლაქტაციის პერიოდში საჭიროა ძუძუთი კვების შეწყვეტა. | ||
| განსაკუთრებული მითითებები: | მკურნალობის პროცესში აუცილებელია პერიფერიული სისხლის სურათის, ღვიძლისა და თირკმლის ფუნქციების კონტროლი, ფილტვის რენტგენოლოგიური გამოკვლევა. რამდენადაც კარმუსტინის განსაკუთრებულ თავისებურებას წარმოადგენს სისხლის წარმოქმნაზე დამთრგუნველი მოქმედების დაგვიანებული გამოვლენა, სისხლის პერიფერიული სურათის კონტროლი საჭიროა ჩატარდეს ყოველკვირეულად 6 კვირის განმავლობაში მკურნალობის დამთავრების შემდეგ. | ||
| ურთიერთქმედება სხვა მედიკამენტებთან: | ერთდროულად მიღებისას სხვა პრეპარატებთან, რომლებიც იწვევენ მიელოდეპრესიას, შესაძლოა ძვლის ტვინის ფუნქციის ადიტიური დათრგუნვა; პრეპარატებთან, რომლებიც ახდენენ ჰეპატო - ან ნეფროტოქსიურ მოქმედებას - ჰეპატო ან ნეფროტოქსიური გამოვლენის გაძლიერება. |
Page generation time: 0. 021594993 sec.
