This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
ტესტოსტერონი
Testosterone
ა.თ.ქ. კლასიფიკაცია:
	
 
G03BA03	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
B ანდროგენები
	
A 3-ოქსოანდროსტენის წარმოებულები
ანოტაცია:
	
	
ფარმაკოლოგიური თვისება:
	
ტესტოსტერონის მოქმედი ნივთიერება ტესტოსტერონის უნდეკანოატი წარმოადგენს ბუნებრივი ტესტოტერონის ეთერის წარმოებულს. ტესტოსტერონი სუფთა სახით პერორალურად მიღების შემთხვევაში არ არის აქტიური. ამ უკანასკნელისაგან განსხვავებით ტესტოსტერონის უნდეკანოატი, ვინაიდან ხასიათდება ცხიმში მაღალი ხსნადობით და ამავე დროს მის შემადგენლობაში შემავალი ოლეინის მჟავას არსებობის გამო, შეიწოვება ქილომიკრონებით წვრილი ნაწლავის ლიმფური სისტემის მეშვეობით, აღწევს მკერდის ლიმფურ სადინარში და ზედა ღრუ ვენის მეშვეობით სწრაფად ხვდება სისტემურ სისხლმიმოქცევაში. ამრიგად, ტესტოსტერონის საკმაო რაოდენობა არ გაივლის ღვიძლის პირველად ბარიერს, არ განიცდის ინაქტივაციას, რის გამოც სისტემურ სისხლმიმოქცევაში სწრაფად აღწევს თერაპიულ კონცენტრაციას. პრეპარატის მიღებისას პლაზმაში იზრდება როგორც ტესტოსტერონის, ასევე მისი აქტიური მეტაბოლიტების დონე, რაც უზრუნველყოფს პრეპარატის მოქმედების თერაპიული ეფექტის შენარჩუნებას. ტესტოსტერონი, ტესტოსტერონის C-17 მეთილირებულ წარმოებულებისაგან განსხვავებით პერორალურად მიღებისას არ ახდენს ზეგავლენას ღვიძლის ფუნქციის მდგომარეობაზე.
ფარმაკოკინეტიკა:
	
პრეპარატის პერორალურად მიღების შემთხვევაში ამ უკანასკნელის 45-48% აბსორბირდება წვრილი ნაწლავის მეშვეობით. ერთჯერადი მიღებისას სისხლის პლაზმაში აღინიშნება 2.5 და 5 სთ-ს შორის. ტესტოსტერონის უნდეკანოატი ჰიდროლიზდება ტესტოსტერონის წარმოქმნით, რომლის მოქმედება ენდოგენური ტესტოსტერონის ანალოგიურია. შემდგომში წარმოიქმნება ტესტოსტერონის აქტიური მეტაბოლიტები, როგორიცაა: 5-ალფა-დიჰიდროტესტოსტერონი, ანდროსტენდიონი და ესტრადიოლი, რომლებიც უკავშირდებიან შესაბამის რეცეპტორებს და უზრუნლყოფენ ტესტოსტერონის ანდროგენული აქტივობის სრულ სპექტრს. T1/2 შეადგენს 3-4 სთ-ს. პრეპარატი გამოიყოფა ძირითადად შარდით მეტაბოლიტების სახით (გლუკურონიდები და სულფატები); პირველი 24 სთ-ის განმავლობაში გამოიყოფა დაახლოებით 40%, ხოლო 1 კვირის განმავლობაში პრეპარატის 50-70%. პრეპარატის უმნიშვნელო რაოდენობა გამოიყოფა ფეკალიებით.
ჩვენება:
	
პრეპარატი გამოიყენება ჰორმონჩანაცვლებითი თერაპიის დროს ტესტოსტერონის დეფიციტის არსებობისას როგორიცაა: - პოსტკასტრაციული სინდრომი; - ევნუქოიდიზმი; - ჰიპოპიტუიტარიზმი; - ენდოკრინული იმპოტენცია; - მამაკაცებში კლიმაქტერული სახის დარღვევა, მაგ, ლიბიდოს დაქვეითება, აგრეთვე გონებრივი და ფიზიკური ჩამორჩენილობის დროს. ტესტოსტერონით მკურნალობა ნაჩვენებია ოსტეოპოროზის დროს.
დოზირება და მიღების წესი:
	
როგორც წესი, დოზა დგინდება ინდივიდუალურად და დამოკიდებულია კლინიკურ ეფექტზე. რეკომენდებული საწყისი დოზა შეადგენს 120-160მგ-ს დღეში 2-3 კვირის განმავლობაში. შემანარჩუნებელი დოზა დღეღამეში 40-120მგ-ის ტოლია. ტესტოსტერონი საჭიროა მივიღოთ ჭამის შემდეგ, მცირეოდენი სითხის მიყოლებით, არ უნდა დავღეჭოთ. სასურველია დოზის ერთი ნაწილი მივიღოთ დილით, ხოლო მეორე ნახევარი კი საღამოთი. იმ შემთხვევაში, თუ პაციენტი იღებს კაფსულის კენტ რაოდენობას, მაშინ საჭიროა შედარებით მაღალი დოზით მისი დილით მიღება.
გვერდითი მოვლენები:
	
სასქესო სისტემის მხრივ: შესაძლებელია გამოვლინდეს შემდეგი გვერდითი მოვლენები: პრიაპიზმი, მომატებული სქესობრივი აგზნება; ვაჟებში ადრეული სქესობრივი მომწიფება, ერექციის სიხშირის მომატება, ასოს ზომაში მომატება, ეაკულატის მოცულობის შემცირება, ოლიგოსპერმია. ელექტრონული ბალანსის მხრივ: ნატრიუმისა და წყლის შეკავება. სხვადასხვა: ვადაზე ადრე ძვლის სისტემის ზრდის შეჩერება, თავბრუსხვევა, გულისრევა.
უკუჩვენება:
	
პრეპარატის მიღება წინააღმდეგნაჩვენებია წინამდებარე ჯირკვლისა და სარძევე ჯირკვლების ვერიფიცირებული ან საეჭვო კარცინომის დროს; აგრეთვე ორსულობისა და ლაქტაციის პერიოდში.
განსაკუთრებული მითითებები:
	
პრეპარატის მიღებისას ანდროგენდამოკიდებული გვერდითი მოვლენების განვითარებისას მკურნალობა უნდა შეწყდეს, ხოლო მათი გაქრობის შემდეგ მკურნალობა შესაძლებელია გაგრძელდეს პრეპარატის შედარებით მცირე დოზებით. პრეპარატით მკურნალობა იმ პაციენტებში, რომლებსაც აღენიშნებათ თირკმელების ფუნქციის დარღვევა, პროსტატის ჰიპერტროფია, არტერიული ჰიპერტენზია, გულის უკმარისობა, ეპილეფსია ან შაკიკი საჭიროა ჩავატაროთ მუდმივი მეთვალყურეობის ქვეშ, ვინაიდან ანდროგენებმა ცალკეულ შემთხვევებში შესაძლოა გამოიწვიონ ნატრიუმისა და წყლის შეკავება. შესაძლებელია აგრეთვე ცილასთან შეკავ-შირებული იოდის დონის შემცირება, მაგრამ მას კლინიკური მნიშვნელობა არ გააჩნია. სტეროიდების გამოყენებამ შესაძლებელია იქონიოს გარკვეული გავლენა ლაბორატორიული ანალიზის შედეგებზე. ტესტოსტერონი შეიცავს ინგრედიენტს, რომელსაც შეუძლიათ დადებითი სინჯის გამოწვევა დოპინგ-ტესტირებისას. პედიატრიაში გამოყენება: პრეპუბერტულ ასაკში მყოფ ვაჟებში ანდროგენები მიიღება სიფრთხილით, რათა თავიდან ავიცილოთ სქესობრივი მომწიფების დაჩქარება.
ჭარბი დოზირება:
	
არ არსებობს მონაცემები.
ურთიერთქმედება სხვა მედიკამენტებთან:
	
სხვა სამკურნალო საშუალებებთან ტესტისტერონის ურთიერთქმედება არ არის აღწერილი, თუმცა ფერმენტების მაინდუცირებელმა პრეპარატებმა შეიძლება ხელი შეუწყონ ტესტოსტერონის დონის მომატებას ან დაქვეითებას.








Page generation time: 0. 020644685 sec.