| უნიფიცირებული დასახელება: | სელეგილინიSelegiline | ||
| ა.თ.ქ. კლასიფიკაცია: | |||
N04BD01 | N ნერვული სისტემა | ||
| 04 პარკინსონიზმის საწინააღმდეგო პრეპარატები | |||
| B დოპამინერგული პრეპარატები | |||
| D B ტიპის მონოამინოქსიდაზის ინჰიბიტორები | |||
| ანოტაცია: | |||
| ფარმაკოლოგიური თვისება: | პარკინსონის დაავადების ძირითად საფუძველს წარმოადგენს ნიგრო-სტრიალური დოფამინერგული რეცეპტორების რიცხვის დაქვეითება. სელეგინინი მაო “B”-ს ინჰიბირების ხარჯზე ზრდის დოფამინის დონეს, ლევოდოპასთან ერთდროული გამოყენებისას უზრუნველყოფს ნიგროსტრიალურ სისტემაში დოფამინის მაღალ კონცენტრაციას. სელეგინინი აძლიერებს ლევოდოპას მოქმედებას, რის შედეგადაც შესაძლებელია ამ უკანასკნელის დოზის შემცირება, რომელიც აუცილებელია სასურველი შედეგის მისაღწევად და ახანგრძლივებს პრეპარატის მოქმედებას. ვინაიდან სელეგინინი არ თრგუნავს სხვა მონოამინების მეტაბოლიზმს, მისი გამოყენების შემთხვევაში არ აღინიშნება ჰიპერტენზიული რეაქცია (ე. წ. “Cheese-ეფექტი”). ალცჰაიმერის დაავადება და მოხუცებულობით გამოწვეული ალცჰაიმერის ტიპის ჭკუასუსტობა წარმოადგენს იდიოპათოლოგიური წარმოშობის დეგენერაციულ პროცესს, რომლის წარმომშობი მიზეზია ქოლინერგული სისტემის აქტივობის დაქვეითება და ქერქისა და ქერქვეშა კვანძების მაო-ს სისტემის აქტივობის მომატება. მაო “B”-ს ინჰიბირებით დოფამინის დონე მატულობს და ამ უკანასკნელის მომატებული კონცენტრაციის ხარჯზე ცნობიერება უმჯობესდება, ან მცირდება ცნობიერების ფუნქციის გაუარესება. | ||
| ფარმაკოკინეტიკა: | პრეპარატი კარგად შეიწოვება პერორალურად მიღების შემდეგ. იგი ადვილად აბსორბირდება. მაო “B”-ს შეუქცევადი დათრგუნვის გამო, მისი კლინიკური მოქმედება არ არის დამოკიდებული გამოყოფის დროსთან, ამიტომ შესაძლებელია მისი დღეში ერთხელ გამოყენება. | ||
| განსაკუთრებული მითითებები: | პრეპარატი განსაკუთრებული სიფრთხილით ინიშნება კუჭისა და 12-გოჯა ნაწლავის წყლულის, ლაბილური ჰიპერტონიის, არითმიის, მძიმე ფორმის სტენოკარდიის, და ფსიქოზის დროს. ლევოდოპასა და სელეგინინიის კომბინაცია უნდა მიმდინარეობდეს ექიმის გაძლიერებული მეთვალყურეობის ქვეშ. სელეგილინის მაღალი დოზით (20 მგ) მიღებისას, აგრეთვე სელეგილინისა და მაო-ს კონვენციონალური ან მაო-“A” -ს ინჰიბიტორების ერთდროული გამოყენებისას იზრდება ჰიპერტენზიის განვითარების საშიშროება, განსაკუთრებით თირამინით მდიდარი პროდუქტების მიღების შემთხვევაში (ყველი, წითელი ღვინო, ქათმის ღვიძლი, თევზი და ა.შ.). იმის გამო, რომ პრეპარატის შემადგენლობაში შედის ლაქტოზა, პაციენტებში, რომლებსაც გააჩნიათ ლაქტოზას მიმართ ინდივიდუალური აუტანლობა შეიძლება ადგილი ჰქონდეს კუჭ-ნაწლავის ტრაქტის მხრივ ჩივილებს. | ||
| ჩვენება: | პარკინსონის დაავადების საწყისი (ადრეული) სტადიის დროს სელეგინინის გამოყენება, როგორც მონოთერაპიული საშუალების, მნიშვნელოვნად ამცირებს ლევოდოპას დანიშვნის აუცილებლობას. მას შესწევს “on-off”-ის პერიოდის დადგომის პრევენციის უნარი. სელეგინინი იძლევა სრული ან ნაწილობრივი ხარისხით შრომისუნარიანობის შენარჩუნების საშუალებას. სელეგინინით ლევოდოპას ჩანაცვლების შემთხვევაში ძლიერდება და ხანგრძლივდება ლევოდოპას მოქმედება, რაც იძლევა ლევოდოპას დოზის შემცირების საშუალებას. პარკინსონის სინდრომის მძიმე ფორმის არსებობის შემთხვევაში სელეგინინის გამოყენებისას ცალკეულ შემთხვევებში აღინიშნება დადებითი შედეგები. ალცჰაიმერის დაავადების, აგრეთვე სუსტი, საშუალო და მძიმე ფორმის მოხუცებულობით გამოწვეული ალცჰაიმერის ტიპის ჭკუასუსტობისას რეკომენდებულია სელეგინინის როგორც მონოთერაპიული საშუალების გამოყენება. დოფამინის აძლიერებს პაციენტის ინტელექტს, მისი დამახსოვრების უნარის მოტორულ და ინსტრუმენტულ აქტივობას და შესწავლის უნარს. იგი აუმჯობესებს ხასიათს, ქცევას და მზადყოფნას სოციალიზაციისადმი. | ||
| დოზირება და მიღების წესი: | პარკინსონის დაავადების დროს ჩვეულებრივი საწყისი დოზა შეადგენს 5-10 მგ-ს (1-2 აბი). იგი ინიშნება დილას ან შესაძლებელია გაიყოს ორ მიღებაზე დილით და საღამოთი. მკურნალობის მიმდინარეობის დროს შესაძლებელია დოზის შემცირება 2-ჯერ. კომბინირებული თერაპიის შემთხვევაში, ადრე დანიშნული ლევოდოპას დოზა შესაძლებელია შემცირდეს. სხვა ანტიპარკინსონული საშუალებების დოზირებაზე იგი არ ახდენს ზეგავლენას. ალცჰაიმერის დაავადებისა და მოხუცებულობით გამოწვეული ალცჰაიმერის ტიპის ჭკუასუსტობის (SDAT) დროს პრეპარატი გამოიყენება დილით დოზით 5 მგ (1 აბი). დოზა შესაძლებელია გავზარდოთ 10 მგ-მდე დღეში, რაც დამოკიდებულია პრეპარატის ეფექტურობაზე. მკურნალობის პროცესში აუცილებელია ექიმთან კონსულტაცია თვეში 3-4 -ჯერ. | ||
| გვერდითი მოვლენები: | იმ შემთხვევაში, როდესაც სელეგინინი გამოყენებულია როგორც მონოთერაპიული საშუალება იგი ჩვეულებრივ კარგად გადაიტანება. იშვიათად აღინიშნება პირის სიმშრალე, ძილის მსუბუქი ფორმით დარღვევა, რომელიც ადვილად ქრება, აგრეთვეოფთალმოლოგიური გვერდითი მოვლენები (მაგ. მხედველობის სიმახვილის დაქვეითება), აღნიშნულის შესახებ უნდა ვაცნობოთ ექიმს. | ||
| უკუჩვენება: | პრეპარატის მიღება წინააღმდეგნაჩვენებია სელეგილინის მიმართ მომატებული მგრძნობელობისას. სეროტონინის უკუმიტაცების ინჰიბიტორების, ტრიციკლური ანტიდეპრესანტების, სიმპატომიმეტური საშუალებების, პეტიდინის (ნეპერიდინი) და სელეგინინის ერთდროული გამოყენება არ არის რეკომენდებული (იხ. “ურთიერთქმედება სხვა სამკურნალო საშუალებებთან”). | ||
| ურთიერთქმედება სხვა მედიკამენტებთან: | სიმპათომიმეტური საშუალებებისა და სელეგილინის ერთდროული გამოყენება არ არის რეკომენდებული, ვინაიდან არსებობს არტერიული ჰიპერტენზიის წარმოშობის საშიშროება. პეტიდინისა და სელეგილინის ერთდროული გამოყენება წინააღმდეგნაჩვენებია ფატალური შედეგის საშიშროების გამო. სელეგინინისა და ფლუოქსეტინის კომბინაცია არ არის რეკომენდებული, ვინაიდან შესაძლებელია აგზნება, ჰიპერტენზია, ატაქსია და მანიაკალური ფსიქოზი. სელეგილინის მიღების შეწყვეტიდან მხოლოდ 14 დღის შემდეგ შესაძლებელია ფლუოქსეტინის გამოყენება. იმის გამო, რომ ფლუოქსეტინის ნახევრადგამოყოფის პერიოდი გახანგრძლივებულია, სელეგინინის გამოყენება რეკომენდებულია მისი მოხსნიდან მხოლოდ 5 კვირის შემდეგ. მსგავსი შედეგები აღინიშნება იმ პაციენტებში, რომლებიც იყენებდნენ სელეგილინს და სეროტონინის უკუ მიტაცების ისეთ ინჰიბიტორებს, როგორიცაა სერტალინი და/ან პაროქსეტინი. ამდენად, სელეგილინის ერ-თდროული გამოყენება ფლუოქსეტინთან, სერტალინთან ან პაროქსეტინთან არ არის რეკომენდებული. სელეგილინისა და ტრიციკლური ანტიდეპრესანტების კომბინაციამ შესაძლებელია გამოიწვიოს ცნს-ის მხრივ მძიმე ტოქსიური სიმპტომები (თავბრუსხვევა, ტრემორი, კონვულსია), რომლის თანმხლებია ჰიპერტენზია და გაძლიერებული ოფლიანობა. რის გამოც სელეგილინისა და ტრიციკლური ანტიდეპრესანტების ერთდროული გამოყენება არ არის მიზანშეწონილი. |
Page generation time: 0. 021912586 sec.
