| უნიფიცირებული დასახელება: | ტრიფლუოპერაზინიTrifluoperazine | ||
| ა.თ.ქ. კლასიფიკაცია: | |||
N05AB06 | N ნერვული სისტემა | ||
| 05 ფსიქოლეფსიური საშუალებები | |||
| A ანტიფსიქოზური პრეპარატები | |||
| B პიპერაზინული სტრუქტურის ფენოთიაზინის წარმოებულები | |||
| ანოტაცია: | |||
| ფარმაკოლოგიური თვისება: | პრეპარატი მიეკუთვნება ფენოტიაზინის წარმოებულ ნეიროლეფსიურ საშუალებათა ჯგუფს. პრეპარატის ანტიფსიქოზურ მოქმედებას საფუძვლად უდევს მის მიერ ცენტრალური დოფამინური-2 რეცეპტორების ბოლკადა. იგი წარმოადგენს ერთ-ერთ ყველაზე აქტიურ ანტიფსიქოზურ საშუალებას, რომელიც თავისი ანტიფსიქოზური ეფექტით სჭარბობს ამინაზინს. პრეპარატი ავლენს სედატიურ ზემოქმედებას, რომელიც განპირობებულია ცენტრალური ნორადრენერგული რეცეპტორების და რეტიკულური ფორმაციის ბლოკადით. იგი ეფექტურია ჰალუცინაციურ-ბოდვითი და ჰალუცინატორული მდგომარეობის დროს. პრეპარატს გააჩნია ღებინების საწინააღმდეგო და გამოხატული კატალეფსიური მოქმედება, ფსიქიურად დაავადებულებში ავლენს ზომიერ მასტიმულირებელ (მაენერგეზირებელ) ეფექტს. | ||
| ფარმაკოკინეტიკა: | პრეპარატს გააჩნია აბსორბციის მაღალი ხარისხი, პლაზმის ცილებთან მისი კავშირი შეადგენს 95%-ს, ხოლო ბიოშეღწევა დობა - 35%-ს. სისხლის პლაზმაში პრეპარატის მაქსიმალური კონცენტრაცია აღინიშნება მისი მიღებიდან 2-4 სთ-ის შემდეგ. იგი ინტენსიურად მეტაბოლიზდება მეტაბოლიტებად, რომლებიც ფარმაკოლოგიურად არა აქტიურნი არიან. | ||
| ჩვენება: | ტრიფლუოპერაზინი გამოიყენება შიზოფრენიის, განსაკუთრებით პარანოიდული ფორმის, აპათიურ-აბულიური სინდრომის, აგრეთვე დაავადების დუნედ მიმდინარე ფორმების სამკურნალოდ, აგრეთვე შიზოფრენიისას გამოხატული ჰალუცინაციურ-პარანოიდული სიმპტომატიკით, ინვოლუციური ფსიქოზისა და ნევროზის დროს. ასევე იპოქონდრიული, სენესტოპათური სიმპტომების შემთხვევაში. პრეპარატი გამოიყენება აგრეთვე ალკოჰოლიზმით გამოწვეული ფსიქოპათოლოგიური დარღვევისას. პრეპარატი შესაძლებელია გამოვიყენოთ როგორც ცენტრალური გენეზის ღებინების საწინააღმდეგო საშუალება. | ||
| დოზირება და მიღების წესი: | პრეპარატი ინიშნება ჭამის შემდეგ. ერ-თჯერადი დოზა მკურნალობის დასაწყისში შეადგენს 5 მგ-ს. შემდგომში მას თანდათანობით ზრდიან 5 მგ-ით, საბოლოო ჯამში დღეღამური დოზა შეადგენს 30-80 მგ-ს (ცალკეულ შემთხვევებში 100-120 მგ-მდე). დღეღამურ დოზას ყოფენ 2-4 მიღებაზე. სასურველი ეფექტის მიღწევისას შემდგომ-ში ოპტიმალურ დოზას ნიშნავენ 1-3 თვის განმავლობაში, რომელსაც თანდათანობით ამცირებენ 5-20 მგ-მდე დღეში. ბოლო დოზებს შემდგომში იყენებენ ეფექტის შემანარჩუნებელი დოზის სახით. ღებინების სიმპტომების კუპირებისათვის პრეპარატი ინიშნება 1-4 მგ-ის ოდენობით დღეში. პრეპარატის მკურნალობა მკაცრად ინდივიდუალურია და დამოკიდებულია დაავადების მიმდინარეობაზე. მკურნალობის კურსი შეადგენს 3-9 თვეს, ხოლო ცალკეულ შემ-თხვევებში უფრო მეტ ხანს. დაავადების კლინიკური სურათის მიხედვით პრეპარატი შესაძლებელია მიღებულ იქნას სხვა ნეიროლეფსიურ საშუალებებთან კომბინაციაში. | ||
| გვერდითი მოვლენები: | პრეპარატის მიღებისას ხშირად აღინიშნება ექსტრაპირამიდული დარღვევები (დისკინეზიები, აკინეტო-რიგიდული მოვლენები, აკატიზია, ჰიპერკინეზები, ტრემორი, ვეგეტატური დარღვევები). კორექციის მიზნით გამოიყენება ანტიპარკინსონული საშუალებები - ტროპაცინი, ციკლოდოლი და სხვა. იშვიათ გვერდით მოვლენებს წარმოადგენს ტოქსიკური ჰეპატიტი, აგრანულოციტოზი. შესაძლებელია აღინიშნოს ძილიანობა, არტერიული წნევის უმნიშვნელო დაქვეითება, თავბრუსხვევა, პირის სიმშრალე, ამენორეა, ანორექსია, მხედველობის დარღვევა, ქოლესტაზი, თრომბოციტოპენია, ანემია, ალერგიული რეაქციები-კანზე გამონაყარის, ანგიონევროზული შეშუპების, ურტიკარიის სახით. ზოგჯერ ვითარდება გალაქტორეა. | ||
| უკუჩვენება: | მომატებული მგრძნობელობა პრეპარატზე, მიელოსუპრესია, ღვიძლის მწვავე და ქრონიკული ანთებითი დაავადებები, აგრეთვე გულის მძიმე დაავადებები, რომლებიც მიმდინარეობს გამტარებლობის დარღვევით და დეკომპენსაციით, კომატოზური მდგომარეობა, ორსულობის და ლაქტაციის პერიოდი, თირკმელების ფუნქციის მძიმე დარღვევები. | ||
| განსაკუთრებული მითითებები: | მკურნალობის პერიოდში არ არის რეკომენდებული იმ სამუშაოების შესრულება, რომლებიც მოითხოვენ ყურადღების მაქსიმალურ კონცენტრაციას (მაგ, ავტომობილისა და მექანიზმების მართვა). პრეპარატის გამოყენებისას ხანდაზმულ პაციენტებში შესაძლებელია შეუქცევადი დისკინეზური მოვლენების განვითარება. გვიანი დისკინეზიის ნიშნების გამოვლენისას რეკომენდებულია მკურნალობის შეწყვეტა. პრეპარატს სიფრთხილით უნიშნავენ გლაუკომის დროს. ხანდაზმულ პაციენტებში საწყისი დოზა მცირდება 2-ჯერ. არ არის რეკომენდებული მისი გამოყენება დეპრესიის დროს. | ||
| ჭარბი დოზირება: | მოსალოდნელია გვერდითი მოვლენების გაძლიერება. | ||
| ურთიერთქმედება სხვა მედიკამენტებთან: | პრეპარატის გამოყენებისას ეთანოლთან, ანალგეტიკებთან, საძილე საშუალებებთან ერთად ძლიერდება ცნს-ზე დამთრგუნველი მოქმედება. |
Page generation time: 0. 021122771 sec.
