| უნიფიცირებული დასახელება: | უროფოლიტროპინიUrofollitropine | ||
| ა.თ.ქ. კლასიფიკაცია: | |||
G03GA04 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| G გონადოტროპინი და ოვულაციის სხვა სტიმულატორები | |||
| A გონადოტროპინები | |||
| ანოტაცია: | |||
| ფარმაკოლოგიური თვისება: | ფოლიკულომასტიმულირებელი პრეპარატი. იგი იწვევს საკვერცხეების ფოლიკულების ზრდის და მომწიფების სტიმულაციას, ესტროგენების კონცენტრაციის მატებას, ენდომეტრიუმის პროლიფერაციის სტიმულირებას. მას არ გააჩნია მალუთეინიზირებელი მოქმედება. | ||
| ჩვენება: | პრეპარატი ინიშნება საკვერცხეების ფოლიკულების ზრდის სტიმულაციისათვის ქალებში უნაყოფობის დროს ჰიპოთალამოჰიპოფიზური დარღვევებით (ერთი მადომინირებელი ფოლიკულის ზრდის სტიმულაციით); დამხმარე რეპროდუქციული ღონისძიებების ჩატარებისას ჩასახვამდე (მრავალი ფოლიკულების ზრდის სტიმულაცია). | ||
| დოზირება და მიღების წესი: | ინდივიდუალურია. პრეპარატის ოპტიმალური დოზა და მკურნალობის ხანგრძლივობა დგინდება საკვერცხეების ულტრაბგერითი კვლევის, ასევე სისხლში და შარდში ესტროგენების კონცენტრაციის კვლევის და კლინიკური დაკვირვების საფუძველზე. პრეპარატის საწყისი დოზა მერყეობს 75სე-დან 375სე-მდე. იგი შეჰყავთ კუნთებში. | ||
| გვერდითი მოვლენები: | შესაძლებელია განვითარდეს დარღვევები კუჭ-ნაწლავის ტრაქტის მხრივ, ტკივილი ეპიგასტრიუმის არეში და საზარდულის მიდამოში, საკვერცხეების ზომიერი (გაურთულებელი) ჰიპერტროფია და საკვერცხეების კისტების წარმოქმნა, გულისრევა, ღებინება, სხეულის წონის მომატება (საკვერცხეების სტიმულაციის ადრეული ნიშანი); ჰიპოვოლემია, ჰემოკონცენტრაცია, ელექტროლიტების დისბალანსი, ასციტი, ჰემოპერიტონიუმი, ჰიდროთორაქსი, თრომბოემბოლური სინდრომი, ციება, ართრალგია, სარძევე ჯირკვლების ტკივილი, ტკივილი ინექციის ადგილას. | ||
| უკუჩვენება: | ანამნეზში მომატებული მგრძნობელობა მენოტროპინის და ასევე პრეპარატების მიმართ, რომლებიც შეიცავენ ფოლიკულმასტიმულირებელ და მალუთეინეიზირებელ ჰირმონებს, საკვერცხეების ზომაში პერსისტირებადი მომატება და საკვერცხეების კისტების წარმოქმნა, რომელიც არ არის გამოწვეული საკვერცხეების პოლიკისტოზური სინდრომით; სასქესო ორგანოების ანომალური განვითარება ან საშვილოსნოს მიომა, რომელიც შეუთავსებადია ორსულობასთან; უცნობი ეტიოლოგიის გინეკოლოგიური სისხლდენები; საკვერცხეების, საშვილოსნოს ან სარძევე ჯირკვლის კიბო; საკვერცხეების პირველადი უკმარისობა; ორსულობა და ლაქტაციის პერიოდი. | ||
| განსაკუთრებული მითითებები: | პრეპარატით მკურნალობის დაწყების წინ რეკომედებულია სქესობრივი პარტნიორის სპერმის ანალიზის ჩატარება; საჭიროების შემთხვევაში ჰიპოთირეოზის, თირკმელზედა ჯირკვლის ქერქის უკმარისობის, ჰიპერპროლაქტინემიის, ჰიპოფიზის და ჰიპო-თალამუსის სიმსივნის მკურნალობა. პაციენტის გინეკოლოგიური შემოწმება ჰიპერტროფიული საკვერცხეებით ტარდება სიფრთხილით, რათა თავიდან ავიცილოთ საკვერცხის კისტის გასკდომა, რის გამოც არ არის რეკომენდებული სქესობრივი კავშირი. ფოლიკულების მომწიფების და ოვულაციის შემდეგ მატულობას მრავალნაყოფიანი ორსულობის არსებობის ალბათობა ბუნებრივი განაყოფიერების პირობებში. ხელოვნური განაყოფიერების პირობებში მრავალნაყოფიანი ორსულობა დამოკიდებულია შეყვანილი ოოციტების რაოდენობაზე. შესაძლებელია ექტოპური ორსულობის არსებობა, განსაკუთრებით ანამნეზში არსებული საშვილოსნოს მილების დაავადებით. სპონტანური აბორტების სიხშირე უფრო მაღალია პრეპარატით მკურნალობის დროს, ვიდრე ჯანმრთელ პაციენტებში. საკვერცხეების ჰიპერსტიმულაციის სინდრომი უფრო ხშირად ვითარდება ოვულაციიდან მე-7-10 დღეს, რომლის სტიმულაცია ხორციელდება ადამიანის ქორიონული გონადოტროპინის შეყვანით (იგი შეიძლება განვითარდეს უფრო ადრე სხვა დამხმარე რეპროდუქციული ღონისძიებების ჩატარებისას). საკვერცხეების ჰიპერსტიმულაციის სინდრომის განვითარება ქალებში “სუპეროვულაციის” დროს, რომელიც გამოწვეულია დამხმარე რეპროდუქციული ღონისძიებების ჩატარებით, შესაძლოა შემცირდეს, თუ ტარდება ყველა ფოლიკულის შიგთავსის ასპირაცია ოვულაციის დაწყებამდე. |
Page generation time: 0. 021169197 sec.
