| უნიფიცირებული დასახელება: | ჰექსოპრენალინიHexoprenaline | ||
| ა.თ.ქ. კლასიფიკაცია: | |||
G02CA | G შარდსასქესო სისტემა და სასქესო ჰორმონები | ||
| 02 სხვა პრეპარატები გინეკოლოგიური დაავადებების მკურნალობისათვის | |||
| C სხვა პრეპარატები გინეკოლოგიური დაავადებების მკურნალობისათვის | |||
| A ტოკოლიზური პრეპარატები - სიმპათომიმეტური საშუალებები | |||
R03CC05 | R სასუნთქი სისტემა | ||
| 03 პრეპარატები ბრონქული ასთმის მკურნალობისათვის | |||
| C სიმპატომიმეტური საშუალებები სისტემური გამოყენებისათვის | |||
| C სელექტიური ბეტა2- ადრენომიმეტური საშუალებები | |||
R03AC06 | R სასუნთქი სისტემა | ||
| 03 პრეპარატები ბრონქული ასთმის მკურნალობისათვის | |||
| A სიმპატომიმეტური საშუალებები ინჰალაციური გამოყენებისათვის | |||
| C სელექტიური ბეტა2- ადრენომიმეტური საშუალებები | |||
| ანოტაცია: | |||
| ფარმაკოლოგიური თვისება: | ჰექსოპრენალინი წარმოადგენს საშვილოსნოს კუნთების მომადუნებელ, β2-ადრენომიმეტურ საშუალებას. ჰექსოპრენალინის მოქმედებით მცირდება საშვილოსნოს შეკუმშვის სიხშირე და ინტენსივობა. პრეპარატი თრგუნავს სპონტანურ და ასევე ოქსიტოცინით გამოწვეულ სამშობიარო შეტევებს. ჰექსოპრენალინის მოქმედებით უმრავლეს შემთხვევაში შესაძლებელი ხდება ნაადრევი სამშობიარო აქტივის შეჩერება და ორსულობის გახანგრძლივება ნორმალურ ვადამდე. ჰექსოპრენალინი თავისი β2-სელექტიური ეფექტით იგი უმნიშვნელო მოქმედებას ახდენს, როგორც ორსულთა გულის მუშაობაზე, ასევე ნაყოფის სისხლმიმოქცევაზე. | ||
| ფარმაკოკინეტიკა: | ჰექსოპრენალინი შედგება ორი კატექოლამინური ჯგუფისაგან, რომლებიც კატექოლამინ-O-მეთილტრანსფერაზას საშუალებით ორგანიზმში განიცდიან მეთილირებას. ჰექსოპრენალინი ბიოლოგიურ აქტივობას კარგავს მხოლოდ ორივე კატექოლამინური ჯგუფის მეთილირების შემთხვევაში. ჰექსოპრენალინის აღნიშნული თვისება და ზედაპირზე ადჰეზიის მაღალი უნარი განაპირობებს მის ხანგრძლივ მოქმედებას. | ||
| ჩვენება: | - ტოკოლიზური მოქმედებისათვის: მშობიარობის დროს სამშობიარო შეტევების შეკავება, საშვილოსნოსშიდა ასფიქსია, საკეისრო კვეთის წინ საშვილოსნოს იმობილიზაცია, ნაყოფის გარდიგარდმო მდგომარეობიდან შემობრუნების წინ, ჭიპლარის პროლაფსის შემთხვევაში, სამშობიარო შეტევების გართულებისას; აგრეთვე ნაადრევი მშობიარობის შემთხვევაში, ორსულის საავადმყოფოში გადაყვანის წინ ექსტრემალური საშუალების სახით. - ტოკოლიზი: ნაადრევი სამშობიარო შეტევების შეკავება საშვილოსნოს გახსნილი ყელის დროს. - ხანგრძლივი ტოკოლიზის მიზნით: საშვილოსნოს გაუხსნელი ყელის მდგომარეობაში დაწყებული გაძლიერებული და გახშირებული სამშობიარო შეტევების დროს ნაადრევი მშობიარობის პროფილაქტიკისათვის. საშვილოსნოს იმობილიზაციისათვის ოპერაციამდე, მისი მსვლელობის დროს და მას შემდეგ. | ||
| დოზირება და მიღების წესი: | მწვავე ტოკოლოზის მიზნით: ინტრავენურად ნელა შეჰყავთ 10 მლ ნატრიუმის ქლორიდში ან 5% გლუკოზაში გახსნილი 10 მკგ ჰექსოპრენალინი 10-15 წთ-ის განმავლობაში. აუცილებლობის შემთხვევაში პრეპარატის შეყვანა გრძელდება 0.3 მკგ/წთ ინტრავენური ინფუზიით. ინტენსიური ტოკოლოზის მიზნით: თავდაპირველად ნელა შეჰყავთ ინტრავენურად 10 მკგ ჰექსოპრენალინი, ხოლო შემდგომში აგრძელებენ მის შეყვანას ინტრავენური ინფუზიით 0.3 მკგ/წთ სიჩქარით. შეიძლება პრეპარატის 0.3 მკგ/წთ სიჩქარით შეყვანა წინასწარი ინტრავენური ინექციის გარეშე. ინტრავენურად წვეთოვანის სახით შეყვანა (20 წვ=1 მლ): საინფუზიო კონცენტრატი იხსნება 500 მლ ნატრიუმის ქლორიდის იზოტონურ ხსნარში ან 5% გლუკოზის ხსნარში. დოზირების გამოთვლა: ამპულების რაოდენობა: 1 (25მკგ), ინტრავენური შეყვანის სიჩქარე: 120წვთ/წთ-ში; ამპულების რაოდენობა: 2 (50მკგ), ინტრავენური შეყვანის სიჩქარე: 60წვთ/წთ-ში; ამპულების რაოდენობა: 3 (75მკგ), ინტრავენური შეყვანის სიჩქარე: 40წვთ/წთ-ში; ამპულების რაოდენობა: 4 (100მკგ), ინტრავენური შეყვანის სიჩქარე: 30წვთ/წთ-ში; სადღეღამისო დოზის 430 მკგ-ს გადაჭარბება ხდება მხოლოდ განსაკუთრებულ შემთხვევაში. ხანგრძლივი ტოკოლიზი: რეკომენდებული დოზა -0.075 მკგ/წთ საინფუზიო კონცენტრატი იხსნება 500 მლ ნატრიუმის ქლორიდის იზოტონურ ხსნარში ან 5% გლუკოზის ხსნარში. თუ 48 სთ-ში არა აქვს ადგილი სამშობიარო შეტევების განახლებას, მკურნალობის გაგრძელება შეიძლება 500 მკგ-ანი აბებით. მითითებული დოზირების გამოყენება შეიძლება ორიენტირის სახით. ტოკოლიზის დროს მისი რეგულირება წარმოებს ინდივიდუალურად. ჰექსოპრენალინის მიღებისას საჭიროა დედის პულსის, არტერიული წნევის და ნაყოფის გულისცემის კონტროლი. რეკომენდებულია ეკგ-ს რეგისტრირება მკურნალობამდე და მის პროცესში. პაციენტებს, რომელთაც აღენიშნებათ მომატებული მგრძნობელობა სიმპათომიმეტური საშუალებებისადმი ჰექსოპრენალინი ენიშნებათ მცირე დოზებით, ექიმის მუდმივი მეთვალყურეობის ქვეშ. დედის გულისცემის სიხშირის მნიშვნელოვანი მომატების შემთხვევაში (წთ-ში 130 დარტყმაზე მეტი) და/ან არტერიული წნევის მნიშვნელოვნად დაქვეითებისას საჭიროა დოზის შემცირება; სუნთქვის გაძნელების, გულის არეში ტკივილის შეგრძნებისას და გულის უკმარისობის ნიშნების მანიფესტირების დროს ჰექსოპრენალინის მიღება უნდა შეწყდეს. შაქრიანი დიაბეტით დაავადებულ ორსულებში საჭიროა ნახშირწყლოვანი ცვლის მონიტორინგი, ვინაიდან ჰექსოპრენალინის მიღების საწყის სტადიაში მოსალოდნელია სისხლში შაქრის დონის გაზრდა. თუ მშობიარობა უშუალოდ ჰექსოპრენალინის გამოყენებას მოჰყვება, გასათვალისწინებელია ახალშობილებში ჰიპერგლიკემიისა და აციდოზის განვითარების შესაძლებლობა, ვინაიდან ამ დროს ადგილი აქვს ნივთიერებათა ცვლის მჟავე პროდუქტების ტრანსპლაცენტურ შეღწევას. ცალკეულ შემთხვევებში ჰექსოპრენალინის ინფუზიის დროს კორტიკოსტეროიდების ერთდროულმა მიღებამ შესაძლოა გამოიწვიოს ფილტვების შეშუპება, რის გამოც ინფუზიური თერაპიის ჩატარებისას აუცილებელია პაციენტი იმყოფებოდეს მუდმივი მეთვალყურეობის ქვეშ. ეს განსაკუთრებით მნიშვნელოვანია თანმხლები დაავადებების მქონე პაციენტების კომბინირებული მკურნალობისას კორტიკოსტეროიდებით, რაც სითხის შეკავებას უწყობს ხელს (თირკმელების დაავადებები). ფილტვების შეშუპების განვითარების საშიშროება შესაძლებლობის მიხედვით მოითხოვს ინფუზიის მოცულობის შეზღუდვას. ამ დროს გამხსნელად უნდა გამოვიყენოთ ხსნარები, რომლებიც არ შეიცავენ ელექტროლიტებს. უნდა შეიზღუდოს საკვებთან ერთად მარილის მიღება. ტოკოლიზური თერაპიის წინ აუცილებელია კალიუმის პრეპარატების მიღება, ვინაიდან ჰიპოკალიემიის დროს ძლიერდება სიმპათომიმეტური საშუალებების მოქმედება მიოკარდზე. ზოგიერთი სანარკოზე (ჰალოტანი) და სიმპათომიმეტური საშუალებების ერთდროულმა გამოყენებამ შესაძლოა გამოიწვიოს გულის რითმის დარღვევა. ნარკოზისთვის ჰალოტანის გამოყენების შემთხვევაში უნდა შეწყდეს ჰექსოპრენალინის მიღება. ტოკოლიზური საშუალებებით ხანგრძლივი მკურნალობისას აუცილებელია დავრწმუნდეთ, რომ პლაცენტა არ არის მოცილებული. ტოკოლიზური თერაპიის ფონზე შეიძლება შეინიღბოს პლაცენტის ნაადრევი მოცილების ნიშნები. სანაყოფე ბუშტის დაზიანებისა და საშვილოსნოს ყელის 2-3 სმმდე გახსნის შემთხვევაში ტოკოლიზური თერაპია ნაკლებ ეფექტურია. | ||
| გვერდითი მოვლენები: | ჰექსოპრენალინის მიღება კარგი ტოლერანტობით ხასიათდება. მისი გამოყენებისას გვერდითი ეფექტებიდან შესაძლებელია განვითარდეს: თავის ტკივილი, ტრემორი, ოფლიანობა, ტაქიკარდია, თავბრუსხვევა, უფრო იშვიათად -გულისრევა და პირღებინება. ბრონქული ასთმითა და სულფატებისადმი მგრძნობიარე პაციენტებში პრეპარატმა შეიძლება გამოიწვიოს ალერგიული რეაქციები, რომელთა შესაძლო სიმპტომებია: დიარეა, გაძნელებული სუნთქვა, ცნობიერების დაბინდვა ან დაკარგვა, ბრონქოსპაზმი ან ანაფილაქსიური შოკი. შესაძლებელია დედის გულისცემის უმნიშვნელო გახშირება. ამ დროს ნაყოფის გულისცემის სიხშირე უცვლელი რჩება ან სუსტად იცვლება. ამასთანავე, შესაძლებელია არტერიული წნევის, განსაკუთრებით დიასტოლურის დაქვეითება. იშვიათად აღინიშნება პარკუჭოვანი ექსტრასისტოლები და გულის არეში ტკივილი. პრეპარატის მიღების შეწყვეტის შემდეგ ყველა ეს სიმპტომები სწრაფად ქრება. პრეპარატის გლიკოგენოლიზური მოქმედება ვლინდება შაქრის შემცველობის ზრდით სისხლში, რომელიც უფრო გამოხატულია შაქრიანი დიაბეტის შემთხვევაში. დიურეზი მცირდება, განსაკუთრებით მკურნალობის დასაწყისში. მკურნალობის პირველ დღეებში სისხლის შრატში მცირდება კალიუმის რაოდენობა, ხოლო მკურნალობის შემდგომ პროცესში ხდება მისი ნორმალიზება. სისხლის შრატში შესაძლებელია ტრანსამინაზების აქტივობის დროებითი მომატება, ნაწლავების პერისტალტიკის შესუსტება, იშვიათ შემთხვევებში ადგილი აქვს ნაწლავების ატონიას, რის გამოც ტოკოლიზური თერაპიის დროს აუცილებელია ყურადღება მიექცეს კუჭის მოქმედების რეგულაციას. პრეპარატის დოზის გადაჭარბება: ჰექსოპრენალინის დოზის გადაჭარბება განისაზღვრება: დედის გულისცემის სიხშირის განსაკუთრებული ზრდით, ტრემორით, თავის ტკივილით და ოფლიანობის განვითარებით. როგორც წესი პრეპარატის დოზის შემცირებისას ყველა ეს მოვლენა ქრება. პრეპარატის დოზის გადაჭარბების მძიმე სიმპტომების მოხსნა წარმოებს ჰექსოპრენალინის ანტაგონისტებით -არასელექტიური ბეტა-ადრენომაბლოკირებელი პრეპარატებით, რომლებიც იწვევენ ჰექსოპრენალინის მოქმედების სრულ ნიველირებას. | ||
| უკუჩვენება: | - პრეპარატის კომპონენტებისადმი მომატებული მგრძნობელობა (განსაკუთრებით ბრონქული ასთმით დაავადებული და სულფატებისადმი მგრძნობიარე პაციენტები); - ჰიპერთირეოზი; - გულ-სისხლძარღვთა სისტემის დაავადებისას, განსაკუთრებით ტაქიკარდიით მიმდინარე გულის რითმის დარღვევა, მიოკარდიტი, მიტრალური სარქვლის მანკი და აორტის სტენოზი; - ღვიძლისა და ოირკმელების მძიმე დაავადებები; - დახურულკუთხოვანი გლაუკომა; - საშვილოსნოსშიდა ინფექციები; - ლაქტაციის პერიოდი. გართულებების თავიდან აცილების მიზნით პრეპარატის მიღება შეიძლება მხოლოდ ექიმის დანიშნულებით. | ||
| ურთიერთქმედება სხვა მედიკამენტებთან: | არასელექტიური β-ადრენობლოკატორები ასუსტებენ ან ხსნიან ჰექსოპრენალინის ეფექტს. მეთილქსანტინები (მაგ. თეოფილინი) აძლიერებენ ჰექსოპრენალინის მოქმედებას. ჰექსოპრენალინის მოქმედებით მცირდება ღვიძლში გლუკოკორტიკოიდების მიღებით განპირობებული გლიკოგენის დაგროვების ინტენსივობა. ჰექსოპრენალინი ამცირებს ანტიდიაბეტური საშუალებების ჰიპოგლიკემიურ ეფექტს. საჭიროა თავის შეკავება ჰექსოპრენალინისა და სხვა სიმპათომიმეტური საშუალებების (სისხლმიმოქცევის მარეგულირებელი და ასთმის საწინააღმდეგო საშუალებები) ერთდროული მიღებისაგან, ვინაიდან შესაძლებელია გულზე მასტიმულირებელი ზემოქმედების გაძლიერება და დოზის გადაჭარბების სიმპტომების განვითარება. ჰექსოპრენალინის მიღება ჭვავის რქის ალკალოიდებთან, ვიტამინ D-სთან, კალციუმის შემცველ პრეპარატებთან, დიჰიდროტაქისტერინთან ან მინერალოკორტიკოიდებთან რეკომენდებული არ არის. სულფატი მაღალაქტიური კომპონეტია, რის გამოც საჭიროა თავის შეკავება ჰექსოპრენალინის სხვა ხსნარებთან შერევისაგან ნატრიუმის ქლორიდის იზოტონური ხსნარისა და 5% გლუკოზის ხსნარის გარდა. |
Page generation time: 0. 022842619 sec.
