This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
აცეტაზოლამიდი
Acetazolamide
ა.თ.ქ. კლასიფიკაცია:
	
 
S01EC01	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
E გლაუკომის საწინააღმდეგო პრეპარატები და მიოზური საშუალებები
	
C კარბოანჰიდრაზას ინჰიბიტორები
ანოტაცია:
	
	
დოზირება და მიღების წესი:
	
პრეპარატის გამოყენება რეკომენდებულია შემდეგი დოზირებით: შეშუპების დროს: პერორალურად საშუალოდ 0.125-0.25 გ 1-2-ჯერ დღეში 2 დღის განმავლობაში. ეპილეფსიის დროს: პერორალურაღ 0.25 გ 3-4-ჯერ დღეში. გლაუკომის დროს: პრეპარატის საწყისი დოზაა 0.25-0.5გ, შემდგომში 0.25გ ყოველ 6 საათში ერთხელ. დოზა თანდათან მცირდება 0.25 გ 2-3-ჯერ დღეში. მკურნალობის ხანგრძლივობა შეადგენს 4-5 ღღეს.
ფარმაკოლოგიური თვისება:
	
აცეტაზოლამიდი შარდმდენი საშუალებაა, რომელიც იწვევს დიურეზს გარკვეული ელექტროლიტების გამოყოფის გზით. იგი რაოდენობრივი შეფარდების მხრივ არ არღვევს ელექტროლიტურ წონასწორობას ორგანიზმში. პრეპარატის მოქმედების მექანიზმი განპირობებულია თირკმლის კლაკნილი მილაკების პროქსიმალურ ნაწილში ფერმენტ-კარბოანჰიდრაზას დათრგუნვით, რომელიც მნიშვნელოვან როლს ასრულებს იონების ტრანსპორტში ღა ორგანიზმში იონური წონასწორობის შენარჩუნებაში. ამის შედეგად ორგანიზმში ადგილი აქვს ნატრიუმის, კალიუმის და ბიკარბონატების გამოყოფის გაძლიერებას, დიურეზის და შარდის pH-ს მომატებას.
ფარმაკოკინეტიკა:
	
აცეტაზოლამიდი პერორალური მიღებისას სწრაფად შეიწოვება კუჭ-ნაწლავის ტრაქტიდან. პრეპარატის ელიმინაცია წარმოებს ძირითადათ თირკმელებით ( 50-70%) უცვლელი სახით 24 საათის განმავლობაში.
ჩვენება:
	
აცეტაზოლამიდი გამოიყენება ორგანიზმში ნატრიუმის და წყლის შეკავების დროს, შემდეგი ჩვენებების მიხედვით: შეშუპება, რომელიც გამოწვეულია: - სისხლმიმოქცევის უკმარისობით, განსაკუთრებით როდესაც არ არის საჭირო სწრაფი ენერგიული დეჰიდრატაცია; - ღვიძლის ციროზი და თირკმელების უკმარისობა; - კარდიო-პულმონური სინდრომი; - ფილტვების ემფიზემა, ბრონქული ასთმა; - პირველადი და მეორადი გლაუკომა (პრეპარატი ამცირებს თვალშიდა წნევას), ეპილეფსია (petit mal), პრეეკლამფსიური მდგომარეობა, მენიერის დაავადება. აცეტაზოლამიდი ამცირებს თავის ტვინის ქერქის აგზნებადობას და შეტევების განვითარებას, თავის ტვინში კარბოანჰიდრაზას ინჰიბირების შედეგად. - ტეტანია (ვარაუდობენ, რომ პოსტმედიკამენტური აციდოზი აფერხებს შეტევების განვითარებას. - პრემენსტრუალური დაძაბულობის მდგომარეობა და პოდაგრა.
გვერდითი მოვლენები:
	
როგორც წესი, აცეტაზოლამიდი ორგანიზმის მხრივ კარგი ტოლერანტობით ხასიათდება. გვერდითი მოვლენები შეიძლება აღინიშნოს აცეტაზოლამიდის დოზების გადაჭარბების და ხანგრძლივი მიღების შემთხვევაში. ჰიპოკალიემიით გამოწვეული სიმპტომებია: ძილიანობა, დაღლილობა, თავბრუსხვევა, თავის ტკივილი, დეზორიენტაცია. ასევე შეიძლება აღინიშნოს პარესთეზიები, ალერგიული რეაქციები (სულფანილამიდური ერითემა); ძალიან იშვიათად ცხელება, ლეიკოპენია, ჰემოლიზური ანემია, ძვლის ტვინის ფუნქციის დათრგუნვა.
უკუჩვენება:
	
ღვიძლის და თირკმელების ფუნქციის გამოხატული დარღვევა. პრეპარატი არ გამოიყენება დიაგნოსტირებული აციდოზის, ადისონის დაავადების (შესაძლებელია გამოიწვიოს ელეტროლიტების დიდი რაოდენობიო დაკარგვა), ჰიპოქლორურიის, ჰიპოკალიემიის და შაქრიანი დიაბეტის შემთხვვეაში. იგი უკუნაჩვენებია ორსულობის დროს. არ შეიძლება მისი ხანგრძლივი გამოყენება ზოგიერთი სახის გლაუკომის დროს. პრეპარატის ხმარება არ არის რეკომენდებული ერითდროულად ამონიუმის ქლორიდთან, რომელიც თავისთავად იწვევს აციდოზს და თრგუნავს აცეტაზოლამიდის მოქმედებას.
განსაკუთრებული მითითებები:
	
პრეპარატის ხანგრძლივი გამოყენების შემთხვევაში აუცილებელია სისხლის შრატში ელექტროლიტების და ტუტე რესურსების კონტროლი, ვინაიდან შესაძლებელია მეტაბოლური აციდოზის განვითარება.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022100351 sec.