| უნიფიცირებული დასახელება: | მომეტაზონიMometasone | ||
| ა.თ.ქ. კლასიფიკაცია: | |||
R03BA07 | R სასუნთქი სისტემა | ||
| 03 პრეპარატები ბრონქული ასთმის მკურნალობისათვის | |||
| B სხვა პრეპარატები ინჰალაციური გამოყენებისათვის ბრონქული ასთმის მკურნალობისათვის | |||
| A გლუკოკორტიკოიდები | |||
R01AD09 | R სასუნთქი სისტემა | ||
| 01 პრეპარატები ცხვირის დაავადებების მკურნალობისათვის | |||
| A დეკოგესტანტები და სხვა პრეპარატები ადგილობრივი გამოყენებისათვის | |||
| D კორტიკოსტეროიდები | |||
D07AC13 | D დერმატოლოგია | ||
| 07 კორტიკოსტეროიდები გარეგანი გამოყენებისათვის კანის დაავადებების მკურნალობისათვის | |||
| A კორტიკოსტეროიდები | |||
| C კორტიკოსტეროიდები მაღალი აქტივობით (III ჯგუფი) | |||
| ანოტაცია: | |||
| ფარმაკოლოგიური თვისება: | იგი წარმოადგენს სინთეზური წარმოშობის კორტიკოსტეროიდს. ისევე როგორც სხვა ადგილობრივი მოქმედების კორტიკოსტეროიდებს გააჩნია ანთების, ქავილის, ალერგიის საწინააღმდეგო და სისხლძარღვთა შემავიწროვებელი თვისებები. სტეროიდების ანთების საწინააღმდეგო ეფექტის სრული მექანიზმი ბოლომდე არ არის შესწავლილი. ვარაუდობენ, რომ ისინი ხელს უწყობენ ლეიკოციტებში ცილა-ლიპოკორტინის სინთეზს, რომელიც თრგუნავს ფოსფოლიპაზა A2-ის აქტივობას. აღნიშნული ფერმენტი აქტივირდება უჯრედების დაზიანების შედეგად და ხელს უწყობს მემბრანული ფოსფოლიპიდებისაგან არაქიდონის მჟავას წარმოქმნას, რომელიც წარმოადგენს მრავალ ანთებითი მედიატორების, როგორიცაა: პროსტაგლანდინები, თრომბოციტების გამააქტივებელი ფაქტორი და ლეიკოტრიენები ბიოსინთეზის წინამორბედს. | ||
| ფარმაკოკინეტიკა: | ადგილობრივი გამოყენების კორტიკოსტეროიდების კანიდან შეღწევის ხარისხი დამოკიდებულია მრავალ ფაქტორზე, მათ შორის პრეპარატის შემადგენლობასა და ეპიდერმული ბარიერის მთლიანობაზე. კანის ანთებითმა და სხვა პროცესებმა, შესაძლებელია გამოიწვიონ პრეპარატის კანში შეღწევის გაძლიერება. მისი სისტემური აბსორბცია ადგილობრივი გამოყენებიდან 8სთ-ის შემდეგ შეადგენს 0.4%-ს (ოკლუზიური ნახვევის გამოყენების გარეშე). | ||
| ჩვენება: | ფსორიაზი, ატოპიური დერმატიტი და კანის სხვა დაავადებები, რომლებიც მგრძნობიარეა გლუკოკორტიკოიდების მიმართ (მათ შორის თავის თმიანი ნაწილის დაზიანების დროს). 0.1%-იანი ლოსიონის გამოყენება: დერმატიტებით გამოწვეული ანთებითი პროცესების, ქავილის შესამცირებლად და მისი ლიკვიდაციისათვის. 0.1%-ინი კრემი გამოიყენება: დერმატიტებით გამოწვეული ანთებითი პროცესების, ქავილის შესამცირებლად და მისი ლიკვიდაციისათვის. პრეპარატის გამოყენება შესაძლებელია 2 წლის ასაკის ზევით ბავშვებში, მაგრამ მხედველობაში უნდა ვიქონიოთ, რომ 3 კვირაზე მეტი ხნით პრეპარატის გამოყენების დროს, მისი უსაფრთხოებისა და ეფექტურობის შესახებ მონაცემები არ მოიპოვება. | ||
| დოზირება და მიღების წესი: | რამოდენიმე წვეთი დაიტანება კანის დაზიანებულ უბანზე დღეში ერთხელ. შემდგომში მსუბუქი მოძრაობით შეიმშრალებენ კანს ლოსიონის საბოლოო გაქრობამდე. იმისათვის, რომ პრეპარატი უფრო ეფექტურად და ეკონომიურად იქნას გამოყენებული, საჭიროა ფლაკონის წვერი მივიტანოთ კანის დაზიანებულ უბანთან ახლოს და მსუბუქად დავაფიქსიროთ. კრემის თხელი ფენა დაიტანება კანის დაზიანებულ უბანზე დღეში ერთხელ. | ||
| გვერდითი მოვლენები: | იშვიათად შესაძლებელია შემდეგი გვერდითი მოვლენების განვითარება (მათი ალბათობა იზრდება ნახვევის გამოყენებისას) კანის წვა, გაღიზიანება, სიმშრალე, ფოლიკულიტი, ჰიპერტრიქოზი, გამონაყარი ფერიმჭამელებით, ჰიპოპიგმენტაცია, დერმატიტი, ალერგიული კონტაქტური დერმატიტი, კანის მაცერაცია და ატროფია, მეორადი ინფექცია, ოფლიანობა და სტრიები. | ||
| უკუჩვენება: | პრეპარატის მიღება წინააღმდეგნაჩვენებია მასში შემავალი კომპონენტების მიმართ მომატებული მგრძნობელობისას. | ||
| ორსულობა და ლაქტაცია: | ადექვატური, კარგად კონტროლირებადი კვლევები ორსულ ქალებში მისი გამოყენებისას არ ჩატარებულა. ორსულობის პერიოდში ლოსიონი გამოიყენება მხოლოდ იმ შემთხვევაში, როდესაც მოსალოდნელი სასარგებლო ეფექტი მკვეთრად სჭარბობს ნაყოფზე შესაძლო მოქმედების პოტენციურ რისკს. კორტიკოსტეროიდის სისტემატური გამოყენებისას იგი აღწევს დედის რძეში, რაც იწვევს ბავშვის სიმაღლეში ზრდის შეფერხებას, რის გამოც ლაქტაციის პერიოდში მისი გამოყენების აუცილებლობისას საჭიროა ძუძუთი კვების შეწყვეტა. | ||
| განსაკუთრებული მითითებები: | ადგილობრივი მოქმედების სხვადასხვა კორტიკოსტეროიდული პრეპარატების სისტემური აბსორბციის შედეგად შესაძლებელია ჰიპოთალამო-ჰიპოფიზურ-თირკმელზედა ჯირკვლის სისტემის შექცევადი დათრგუნვა, აგრეთვე პრეპარატის მიღების შეწყვეტის შემდეგ ენდოგენური გლუკოკორტიკოიდული უკმარისობის გამოვლენა. პაციენტებში, კორტიკისტეროიდების ადგილობრივად გამოყენებისას, მათი სისტემური აბსორბციის შედეგად მოსალოდნელია კუშინგის სინდრომის, ჰიპერგლიკემიისა და გლუკოზურიის განვითარება. პაციენტებმა, რომლებიც იყენებენ ადგილობრივად გლუკოკორტიკოიდებს, სახის კანის დაზიანებულ უბნის სამკურნალოდ ნახვევის ხმარებისას საჭიროა პერიოდულად გამოიკვლიონ ჰოპოთალამო-ჰიპოფიზურ-თირკმელზედა ჯირკვლის სისტემის ფუნქცია მისი შესაძლო დათრგუნვის გამოსავლენად. მსგავსი შემოწმება შესაძლებელია ჩატარდეს აკტჰმასტიმულირებელი ტესტის მეშვობით, დილას კორტიზოლის რაოდენობის განსაზღვრით პლაზმაში, ან სხვა ბიოლოგიურ სითხეში შარდის გარდა. იმ შემთხვევაში, როდესაც აღინიშნება ჰიპოთალამო-ჰიპოფიზურ-თირკმელზედა ჯირკვლის სისტემის დათრგუნვა, საჭიროა გავზარდოთ პრეპარატის გამოყენებებს შორის ინტერვალი, ან თანდათან შევწყვიტოთ მისი მიღება. ჰიპო-თალამო-პიპოფიზურ-თირკმელზედა ჯირკვლის სისტემის ფუნქციის აღდგენა ჩვეულებრივ სწრაფად ხდება ადგილობრივი კორტიკოსტეროიდების მიღების შეწვეტის შემდეგ. ბავშვებში მათი გამოყენების შემთხვევაში მაღალია ჰიპოთალამო-ჰიპოფიზურ-თირკმელზედა ჯირკვლის ფუნქციის დათრგუნვის და კუშინგის სინდრომის განვითარების რისკი. ამავე მიზეზის გამო, ბავშვებში, ადგილობრივი მოქმედების კორტიკოსტეროიდის გამოყენების შეწყვეტის შემდეგ, მაღალია თირკმელზედა ჯირკვლის სისტემის ქერქის უკმარისობის წარმოშობის რისკი. ამასთან ერთად ბავშვებში ადვილად ვი-თარდება კანზე ატროფიული ცვლილებები და იზრდება ჰიპოთალამო-ჰიპოფიზურ-თირკმელზედა ჯირკვლის სისტემის ფუნქციის დათრგუნვის რისკი. არსებობს მონაცემები ბავშვებში ადგილობრივად სხვადასხვა კორტიკოსტეროიდების გამოყენებისას ჰიპოთალამო-ჰოფიზურ-თირკმელზედა ჯირკვლის სისტემის ფუნქციის დათრგუნვის, კუშინგის სინდრომის განვითარების, სიმაღლეში ზრდის, სხეულის წონაში მატების შენელების და ქალასშიდა ჰიპერტენზიის განვითარების შესახებ. თირკმელზედა ჯირკვლის ქერქის უკმარისობის განვითარების მაჩვენებლად შეიძლება ჩაითვალოს პლაზმაში კორტიზოლის რაოდენობის შემცირება და აკტჰ-მასტიმულირებელი ტესტის ჩატარებისას კორტიზოლის კონცენტრაციის მხრივ სარწმუნო ცვლილების არ არსებობა. ქალასშიდა ჰიპერტენზიის განვითარება იწვევს ყიფლიბანდის შესიებას, თავის ტკივილს, მხედველობის ნერვის დისკის ორმხრივ შეშუპებას. იმ შემთხვევაში, როდესაც ექიმის მიერ არ არის რეკომენდებული ლოსიონის ან კრემის დამცავი ნახვევის გამოყენება, მისი ამ სახით დანიშვნისაგან თავი უნდა შევიკავოთ. გაღიზიანების შემთხვევაში საჭიროა პრეპარატის გამოყენება დაუყოვნებლივ შეწყდეს. მკურნალობის პერიოდში კანის თანმხლები ინფექციის განვითარებისას რეკომენდებულია ანტიფუნგინალური და ანტიბაქტერიული პრეპარატების გამოყენება. ხანმოკლე დროში, თუკი არ იქნება მიღწეული დადებითი ეფექტი მათი გამოყენებისას, საჭიროა ლოსიონის ხმარება დროებით შეწყდეს. ისევე როგორც სხვა კორტიკოსტეროიდების დანიშვნისას, ლოსიონის და კრემის გამოყენება საჭიროა შევწყვიტოთ განკურნების შემდეგ. მკურნალობის დაწყებიდან 2 კვირის განმავლობაში თუ არ იქნა მიღწეული სასურველი ეფექტი, საჭიროა დიაგნოზის დაზუსტება. | ||
| ჭარბი დოზირება: | ელოკომის ლოსიონის და კრემის ადგილობრივად მაღალი დოზით გამოყენებისას შესაძლებელია იგი აბსორბირდეს, რაც საკმარისია სისტემური ეფექტის მისაღებად. | ||
| ურთიერთქმედება სხვა მედიკამენტებთან: | არ მოიპოვება მონაცემები. |
Page generation time: 0. 021980746 sec.
