This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
კოფეინი
Caffeine
ა.თ.ქ. კლასიფიკაცია:
	
 
N06BC01	
N ნერვული სისტემა
	
06 ფსიქოანალეფსიური საშუალებები
	
B ფსიქომასტიმულირებელი და ნოოტროპული პრეპარატები
	
C ქსანტინის წარმოებულები
ანოტაცია:
	
	
ფარმაკოლოგიური თვისება:
	
ფსიქო-მასტიმულირებელი და ანალეფსიური საშუალება. ახდენს მასტიმულირებელ მოქმედებას ცნს-ზე, ძირითადად თავის ქერქზე, სასუნთქ და სისხლძარღვების მამოძრავებელ ცენტრებზე. ზრდის გონებრივ და ფიზიკურ შრომისუნარიანობას, ამცირებს ძილიანობასა და დაღლილობის გრძნობას. ასუსტებს ცნს-ის დამრთგუნველი საშუალებების მოქმედებას. ახდენს გამოხატულ ზეგავლენას გულ-სისხლძარღვთა სისტემაზე: ზრდის გულის შეკუმშვათა ძალასა და სიხშირეს, ჰიპოტენზიის დროს ზრდის არტერიულ წნევას, აქვს ზომიერი დიურეზული მოქმედება. ზრდის კუჭის ჯირკვლების სეკრეციას.
ჩვენება:
	
დაავადებები, რომლებსაც თან ახლავს დათრგუნვა ცნს-ის, გულსისხლძარღვთა და სასუნთქი სისტემების ფუნქციის (მათ შორის მოწამვლა ოპიოიდური ანალგეზიური საშუალებებით, ინფექციური დაავადებები), თავის ტვინის სისხლძარღვების სპაზმი, გონებრივი და ფიზიკური შრომისუნარიანობის დაქვეითება, ძილიანობა.
დოზირება და მიღების წესი:
	
შეყავთ კანქვეშ ან იღებენ შინაგანად. მოზრდილებში - 100-200 მგ 2-3 ჯერ; ბავშვებში - 25-100 მგ 2-3 ჯერ.
გვერდითი მოვლენები:
	
ცნს-ის მხრივ: ძილის მოშლა, აგზნება, მოუსვენრობა; ხანგრძლივად გამოყენებისას შეიძლება გამოიწვიოს მიჩვევა. გულ-სისხლძარღვთა სისტემის მხრივ: ტაქიკარდია, არტერიული წნევის მომატება, არითმია. საჭმლის მომნელებელი სისტემის მხრივ: გულისრევა, ღებინება.
უკუჩვენება:
	
არტერიული ჰიპერტენზია, ორგანული დაავადებები გულ-სისხლძარღვთა სისტემის მხრივ (მათ შორის ძილის მოშლა, ხანდაზმული ასაკი).
განსაკუთრებული მითითებები:
	
შესაძლოა მისი მიღება მონო- ან კომბინირებული თერაპიის შემადგენლობაში.
ურთიერთქმედება სხვა მედიკამენტებთან:
	
ერთდროულად მიღებისას მცირდება საძილე პრეპარატებისა და სანარკოზე საშუალებების მოქმედება. ერთდროულად მიღებისას შესაძლოა ანალგეზიურ-ანტიპირეტული საშუალებების, სალიცილამიდისა და ნაპროქსენის მოქმედების გაძლერება. ერთდროულად მიღებისას ესტროგენებთან (ჰორმონული კონტრაცეპტივები, ჩანაცვლებითი ჰორმონალური თერაპიის საშუალებები) შესაძლოა კოფეინის ინტენსივობისა და მოქმედების ხანგრძლივობის გაზრდა ესტროგენებით იზოფერმენტ CYP1A2 ინჰიბირების ხარჯზე. ადენოზინთან ერთდროულად მიღებისას კოფეინი ამცირებს მომატებული გულის შეკუმშვების სიხშირესა და არტერიული წნევის ცვლილებას, რაც გამოწვეულია ადენოზინის ინფუზიით; ამცირებს ვაზოდილატაციას, განპირობებულს ადენოზინის მოქმედებით. ერთდროულად მიღებისას შესაძლოა აცეტილსალიცილის მჟავას ბიოშეღწევადობის, შეწოვის სიჩქარისა და სისხლის პლაზმაში კონცენტრაციის მატება. ერთდროულად მიღებისას მაქსილეტინი ამცირებს კოფეინის კლირენს და ზრდის მის კონცენტრაციას პლაზმაში, როგორც ჩანს, მაქსილეტინით კოფეინის მეტაბოლიზმის ინჰიბირებით ღვიძლში. მეტოქსალენი ამცირებს კოფეინის გამოყოფას ორგანიზმიდან მისი ეფექტის შესაძლო გაძლიერებითა და ტოქსიური მოქმედების განვითარებით. ფენიტოინის ზემოქმედებით ღვიძლის მიკროსომალური ფერმენტების ინდუქციის შედეგად, მასთან ერთდროულად მიღებისას ვითარდება მეტაბოლიზმის დაჩქარება და კოფეინის გამოყოფა. ფლუკონაზოლი და ტერბინაფინი იწვევენ სისხლის პლაზმაში კოფეინის კონცენტრაციის ზომიერ მატებას, კეტოკონაზოლი კი ნაკლებად გამოხატულს. AUC (ფართი მრუდის ქვეშ „კონცენტრაცია-დრო“ ) უფრო მეტად გამოხატული მატება და კლირენსის შემცირება შეიმჩნევა კოფეინის ერთდროულად მიღებისას ენოქსაცინთან, ციპროფლოქსაცინთან, პიპემიდის მჟავასთან; ნაკლებად გამოხატული ცვლილებები - პეფლოქსაცინთან, ნორფლოქსაცინთან, ფლეროქსაცინთან. ერთდროულად მიღებისას კოფეინი აჩქარებს ერგოტამინის შეწოვას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021962737 sec.