This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ლაციდიპინი
Lacidipine
ა.თ.ქ. კლასიფიკაცია:
	
 
C08CA09	
C გულ-სისხლძარღვთა სისტემა
	
08 კალციუმის არხების ბლოკატორები
	
C კალციუმის არხების სელექტიური ბლოკატორები სისხლძარღვებზე უპირატესი მოქმედებით
	
A დიჰიდროპირიდინის წარმოებულები
ანოტაცია:
	
	
ფარმაკოლოგიური თვისება:
	
ლაციდიპინი წარმოადგენს დიჰიდროპირიდინის ჯგუფის კალციუმის არხების ბლოკატორს. გააჩნია სპეციფიკური მოქმედება უპირატესად სისხლძარღვების გლუვ კუნთოვან ელემენტებზე კალციუმის ნელი არხების ბლოკადის შედეგად. ლაციდიპილის ძირითადი ეფექტებია - პერიფერიული არტერიოლების გაფართოება, არტერიული წნევის დაქვეითება, სისხლძარღვთა საერთო პერიფერიული წინააღმდეგობის შემცირება და არტერიული წნევის დაქვეითება. სპეციალური გამოკვლევებით დადგენილ იქნა, რომ ლაციდიპილი არ მოქმედებს სინოატრიული კვანძის ავტომატიზმზე და არ ანელებს აგზნების გატარებას ატრიოვენტრიკულურ კვანძში. ამასთან ერთად, ჯანმრთელ მოხალისეებში და ავადმყოფებში ლაციდიპინი არ იწვევს მიოკარდიუმის კუმშვადობის დათრგუნვას.
ფარმაკოკინეტიკა:
	
შეწოვა: პერორალური მიღებისას ლაციდიპინი სწრაფად, მაგრამ უმნიშვნელო ხარისხით შეიწოვება კუჭ-ნაწლავის ტრაქტიდან. მისი აბსოლუტური ბიოშეღწევადობა შეადგენს დაახლოებით 10%. სისხლის პლაზმაში პრეპარატის მაქსიმალური კონცენტრაცია აღინიშნება 30-150 წუთში. განაწილება: ლაციდიპინის 95 %-ზე მეტი უკავშირდება პლაზმის ცილებს. მეტაბოლიზმი: ლაციდიპინი ინტენსიურად მეტაბოლიზდება ღვიძლში “პირველი გავლის დროს” 4 ძირითადი მეტაბოლიტის წარმოქმნით, რომელთაც გააჩნიათ უმნიშვნელო ფარმაკოლოგიური აქტივობა. ამავე დროს, არ მოიპოვება მონაცემები ლაციდიპიპნის მიერ ღვიძლის ფერმენტების ინდუცირების ან ინჰიბირების შესახებ. გამოყოფა: პლაზმაში მდგრადი კონცენტრაციის მიღწევისას ლაციდიპინის საშუალო ნახევრადგამოყოფის პერიოდი შეადგენს 13-19 საათს. მიღებული დოზის 70% გამოიყოფა მეტაბოლიტების სახით ნაწლავებით, ხოლო დანარჩები ნაწილი - შარდით.
ჩვენება:
	
არტერიული ჰიპერტონიის მკურნალობა მონოთერაპიის ან კომბინირებული თერაპიის სახით სხვა ჰიპოტენზიურ საშუალებებთან ერთად (ბეტა ადრენობლოკატორები, დიურეზული საშუალებები, ამფ ინჰიბიტორები).
დოზირება და მიღების წესი:
	
საწყისი დოზა შეადგენს 2 მგ ერთხელ დღეში. ლაციდიპინის აბი მიიღება ერთსა და იმავე დროს, სასურველია დილას, საკვებისაგან დამოუკიდებლად. დოზის შემდგომი შერჩევისას აუცილებელია გათვალისწინებულ იქნას დაავადების სიმძიმე და პაციენტის ინდივიდუალური რეაქცია. საჭიროების შემთხვევაში შესაძლებელია დოზის გაზრდა 4 მგ დღეში სრული თერაპიული ეფექტის მიღწევის შემდეგ. ჩვეულებრივ კლინიკურ პრაქტიკაში აღნიშნული პერიოდი შეადგენს 3-4 კვირას, თუ პაციენტის მდგომარეობა არ მოითხოვს დოზის უფრო სწრაფ გაზრდას.
გვერდითი მოვლენები:
	
გულ-სისხლძარღვთა სისტემის მხრივ: შესაძლებელია პერიფერიული სისხლძარ-ღვების გაფართოება და აქედან გამომდინარე შემდეგი ეფექტების განვითარება: თავის ტკივილი, შეშუპება, თავბრუსხვევა, ტაქიკარდია. ყველა ეს ეფექტი გარდამავალ ხასიათს ატარებს და როგორც წესი დროთა განმავლობაში ქრება. იშვიათად აღინიშნება სტენოკარდიის გამწვავება, განსაკუთრებით მკურნალობის დასაწყისში, რაც უფრო ხშირად აღინიშნება პაციენტებში იშემიური დაავადების გამოხატული კლინიკური გამოვლინებით. დერმატოლოგიური რეაქციები: იშვიათად - გამონაყარი კანზე, რომელსაც თან ერთვის ქავილი და ერითემა. ღვიძლის და კუჭ-ნაწლავის მხრივ: იშვიათად- ფუნქციური დარღვევები კუჭნაწლავის მხრივ, გულისრევა, ღრძილების ჰიპერპლაზია; ძალიან იშვიათად - ტუტე ფოსფატაზას შექცევადი მომატება. შარდგამომყოფი სისტემის მხრივ: იშვიათად -პოლიურია. სხვადასხვა: იშვიათად - საერთო სისუსტე.
უკუჩვენება:
	
მომატებული მგრძნობელობა პრეპარატის რომელიმე კომპონენტის მიმართ.
ორსულობა და ლაქტაცია:
	
არ მოიპოვება მონაცემები ლაციდიპინის გამოყენების შესახებ ორსულებში. აუცილებელია გათვალისწინებულ იქნას, რომ ლაციდიპინს შეუძლია გამოიწვიოს მიომეტრიუმის შეკუმშვის ძალაზე ზემოქმედება მშობიარობის დროს. ლაციდიპინის გამოყენება ორსულობის და ლაქტაციის დროს შესაძლებელია მხოლოდ იმ შემთხვევებში, როდესაც მკურნალობის მოსალოდნელი სასარგებლო შედეგი დედისათვის აღემატება ნაყოფზე ან ახალშობილზე მისი უარყოფითი მოქმედების პოტენციურ რისკს. ექსპერიმენტული კვლევებით დადგენილია, რომ ლაციდიპილი არ ავლენს ტერატოგენულ მოქმედებას და არ აფერხებს ნაყოფის ზრდას. ცხოველებში ლაციდიპინი და მისი მეტაბოლიტები სავარაუდოდ ექსკრეგირებენ რძეში.
განსაკუთრებული მითითებები:
	
ლაციდიპინი სიფრთხილით გამოიყენება პაციენტებში, რომელთაც დარღვეულია აქვთ სინოატრიალური და ატრიოვენტრიკულური გამტარებლობა. აგრეთვე პაციენტებში, გულის განდევნის ფრაქციის დაბალი მაჩვენებლებით, არასტაბილური სტენოკარდიით და ახლად გადატანილი ინფარქტის შემდეგ. ლაციდიპინი სიფრთხილით ინიშნება ღვიძლის უკმარისობის დროს, ვინაიდან ამ შემთხვევებში პრეპარატის ჰიპოტენზიური ეფექტი უფრო გამოხატულია. თირკმლების ფუნქციის დარღვევისას და ხანდაზმულ პაციენტებში პრეპარატის დოზირება კორექციას არ საჭიროებს. არ მოიპოვება მონაცემები ლაციპიდინის გამოყენების შესახებ პედიატრიულ პრაქტიკაში, ისევე როგორც ლაციდიპინის მიერ გლუკოზის მიმართ ტოლერანტობის შემცირების ან ანტიდიაბეტიური მკურნალობის ეფექტის დაქვეითების შესახებ. როგორც დიჰიდროპირიდინის ჯგუფის სხვა პრეპარატებთან მიმართებაში არ არის რეკომენდებული ლაციდიპინის მიღება გრეიფრუტის წვენთან ერთად, ვინაიდან ამ დროს შეიძლება შემცირდეს მისი ბიოშეღწევადობა.
ჭარბი დოზირება:
	
სიმპტომები: სამედიცინო ლიტერატურაში არ არის აღწერილი ლაციდიპინით ჭარბი დოზირების შემთხვევები. ამ დროს ყველაზე ხშირი სიმპტომები დაკავშირებულია პერიფერიულ სისხლძარღვების ხანგრძლივ გაფართოებასთან, რაც გამოიხატება არტერიული ჰიპოტენზიით და ტაქიკარდიით. თეორიულად ლაციპინს შეუძლია გამოიწვიოს ბრადიკარდია და ატრიოვენტრიკულური გამტარებლობის შენელება. მკურნალობა: ლაციდიპინის სპეციფიკური ანტიდოტი არ არსებობს. რეკომენდებულია შემანარჩუნებელი და სიმპტომატური მკურნალობის ჩატარება.
ურთიერთქმედება სხვა მედიკამენტებთან:
	
ლაციდიპინის და სხვა ჰიპოტენზიური საშუალებების კომბინირებისას, მაგალითად დიურეზულ საშუალებებთან, ბეტა-ადრენობლოკატორებთან ან ამფ ინჰიბიტორებთან, შესაძლებელია ადიტიური ჰიპოტენზიური ეფექტის განვითარება. ციმეტიდინის და ლაციდიპინის კომბინირებისას შესაძლებელია ლაციდიპინის კონცენტრაციის მომატება სისხლის პლაზმაში. არ არის გამოვლენილი ლაციდიპინის სპეციფიკური ურთიერთქმედება ბეტა-ადრენობლოკატორებთან, დიურეზულ საშუალებებთან, დიგოქსინთან და ვარფარინთან მისი ერთდროული მიღებისას. კლინიკურ კვლევებში პაციენტებში თირკმლის ტრანსპლანტაციით, რომლებიც ღებულობდნენ ციკლოსპორინს, ლაციდიპინი ავლენდა პრევენციულ მოქმედებას ციკლოსპორინით გამოწვეული თირკმლის სისხლმიმოქცევისა და გორგლოვანი ფილტრაციის სიჩქარის დაქვეითების მიმართ.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020724130 sec.