| უნიფიცირებული დასახელება: | ამლოდიპინიAmlodipine | ||
| ა.თ.ქ. კლასიფიკაცია: | |||
C08CA01 | C გულ-სისხლძარღვთა სისტემა | ||
| 08 კალციუმის არხების ბლოკატორები | |||
| C კალციუმის არხების სელექტიური ბლოკატორები სისხლძარღვებზე უპირატესი მოქმედებით | |||
| A დიჰიდროპირიდინის წარმოებულები | |||
| ანოტაცია: | |||
| ფარმაკოლოგიური თვისება: | ამლოდიპინი მიეკუთვნება კალციუმის იონების ანტაგონისტების ჯგუფს, რომლებიც აინჰიბირებენ კალციუმის ნელ არხებს, რაც იწვევს სისხლძარღვთა გლუვი კუნთების ტონუსის და სისხლის არტერიული წნევის დაქვეითებას. პრეპარატის მოქმედების ნელი განვითარება იძლევა პოსტურალური ჰიპოტენზიის თავიდან აცილების შესაძლებლობას (თავბრუსხვევა სხეულის მდგომარეობის მკვეთრი შეცვლისას). პრეპარატის ერთი აბის მიღების შემდეგ სისხლის წნევა ქვეითდება მთელი დღეღამის განმავლობაში. სტენოკარდიით შეპყრობილ პაციენტებში (გულმკერდის არეში ტიპიური ტკივილი) პრეპარატი აძლიერებს გულის კუნთის სისხლით და ჟანგბადით მომარაგებას, ამცირებს სტენოკარდიის შეტევის სიხშირეს, რითაც ხელს უწყობს ნიტროგლიცერინზე მოთხოვნილების შემცირებას. პრეპარატი გამოიყენება სისხლის მაღალი არტერიული წნევის და მიოკარდის ჰიპოქსიის შემთხვევაში. | ||
| ჩვენება: | პრეპარატი გამოიყენება არტერიული ჰიპერტენზიისა და მიოკარდიუმის იშემიური (გულის კუნთის სისხლმომარაგების უკმარისობისას) დაავადების სამკურნალოდ. ამლოდიპინი ნაჩვენებია ცალკე ან სხვა სამკურნალო საშუალებებთან კომბინაციაში სისხლის წნევის დასაქვეითებლად და მიოკარდიუმის სისხლით მომარაგების გასაუმჯობესებლად. | ||
| დოზირება და მიღების წესი: | დოზირება დგინდება ექიმის მიერ ინდივიდუალურად. საწყისი დოზა შეადგენს 5 მგს რომელიც მიიღება დღეში ერთხელ. დოზა შესაძლებელია გაიზარდოს მხოლოდ მკურნალი ექიმის მიერ - 10 მგ-მდე. ამლოდიპინი ინიშნება ერთი აბის ოდენობით ერთხელ დღეში. მიზანშეწონილია პრეპარატის ერთსა და იმავე დროს მიღება საკმარისი რაოდენობის წყლის მიყოლებით. ექიმის რეკომენდაციის გარეშე პრეპარატის მიღების შეწყვეტა არ არის რეკომენდებული. | ||
| გვერდითი მოვლენები: | პრეპარატი ჩვეულებრივ კარგი ტოლერანტობით გამოირჩევა პაციენტების მხრივ, მაგრამ მიუხედავად ამისა მაინც მოსალოდნელია გვერდითი მოვლენების განვითარება. შესაძლებელია თავის ტკივილი, შეშუპება, ქოშინი, თმის ცვენა, საჭმლისმომნელებელი ტრაქტის მხრივ დისკომფორტი, ძილიანობა, ეპიგასტრალურ მიდამოში ტკივილი, თავბრუსხვევა, ძლიერი გულისფრიალი, რომელიც ხანდახან ხშირია ან არარეგულარული. იშვიათად აღინიშნება კუნთების სპაზმი, სახსრებისა და კუნთების ტკივილი, ერექციის დარღვევა, გახშირებული დიურეზი, მომატებული ოფლიანობა, გულისრევა, მხედველობის დაქვეითება, პერიფერიული ნერვებისა და ვენების ანთება, ღრძილების ლორწოვანი გარსის შეშუპება, პირის ღრუს სიმშრალე, მამაკაცებში გინეკომასტია, სისხლში გლუკოზის მაჩვენებლების მომატება, გონების დაკარგვა, პანკრეატიტი, ლეიკოპენია და თრომბოციტოპენია. იშვიათად მოსალოდნელია ალერგიული რეაქციები ქავილისა და გამონაყარის სახით, ხორხის შეშუპება და მულტიფორმული ერითემა (კანისა და ლორწოვანი გარსის მწვავე ბუშტუკოვანი გამონაყარი). არსებობს მონაცემები ასევე ჰეპატიტის და სიყვითლის განვითარების შესახებ, თუმცა მათი წარმოშობა უშუალოდ არ არის დამოკიდებული პრეპარატის გამოყენებასთან. დანარჩენი სიმპტომები, მაგ. გულმკერდის არეში ტკივილი შეიძლება წარმოადგენენ ნამკურნალები დაავადებების სიმპტომებს. ამ და სხვა გვერდითი მოვლენების შესახებ უნდა ეცნობოს მკურნალ ექიმს. | ||
| უკუჩვენება: | -ამლოდიპინის მიმართ მომატებული მგრძნობელობა, დიჰიდროპირიდინების ან პრეპარატში შემავალი რომელიმე კომპონენტის მიმართ მომატებული მგრძნობელობა. ამლოდიპინის გამოყენება პროგრესირებადი აორტული სტენოზის, არასტაბილური სტენოკარდიით შეპყრობილ პაციენტებში, კარდიოგენული შოკის დროს, ასევე ორსულობისა და ლაქტაციის პერიოდში. წინააღმდეგნაჩვენებია: - ამლოდიპინის გამოყენება ბავშვებსა და მოზარდებში არ არის რეკომენდებული, ვინაიდან არ არსებობს საკმარისი კვლევები ამასთან დაკავშირებით; - ხანდაზმულებსა და ღვიძლის დარღვეული ფუნქციის მქონე პაციენტებში იგი გამოიყენება მხოლოდ სასიცოცხლო ჩვენებისას; - თირკმელების ფუნქციის დარღვევისას და ხანდაზმულ პაციენტებში არ არის აუცილებელი პრეპარატის დოზის კორექცია. | ||
| განსაკუთრებული მითითებები: | პრეპარატის მოქმედება იწყება მისი მიღებიდან რამდენიმე დღეში. პრეპარატი მკურნალობის დასაწყისში იწვევს გადაღლილობის შეგრძნებას ან თავბრუსხვევას, რაც იწვევს ყურადღების კონცენტრაციაზე და სატრანსპორტო საშუალებების მართვის უნარზე ზემოქმედებას. იმ შემთხვევაში, თუკი პაციენტი გამოტოვებს დოზას, არ არის რეკომენდებული გამოტოვებული დოზის მიიღება, არამედ სა-ჭიროა მკურნალობის ჩვეულებრივი რეჟიმის გაგრძელება. | ||
| ჭარბი დოზირება: | პრეპარატის ჭარბი დოზით მიღების შემ-თხვევაში საჭიროა ექიმის ინფორმირება. | ||
| ურთიერთქმედება სხვა მედიკამენტებთან: | არ არის ცნობილი. ამლოდიპინის გამოყენება სხვა სამკურნალო საშუალებებთან დასაშვებია, მაგრამ საჭიროა ამის შესახებ მკურნალი ექიმის ინფორმირება. |
Page generation time: 0. 020952844 sec.
