| უნიფიცირებული დასახელება: | თიამაზოლიThiamazole | ||
| ა.თ.ქ. კლასიფიკაცია: | |||
H03BB02 | H ჰორმონები სისტემური გამოყენებისათვის (სასქესო ჰორმონების გარდა) | ||
| 03 პრეპარატები ფარისებრი ჯირკვლის დაავადებების მკურნალობისათვის | |||
| B ანტითირეოიდული პრეპარატები | |||
| B იმიდაზოლის წარმოებულები გოგირდის შემცველობით | |||
| ანოტაცია: | |||
| ფარმაკოლოგიური თვისება: | იგი წარმოადგენს ანთითირეოიდულ საშუალებას. პრეპარატი აბლოკირებს ფერმენტ პეროქსიდაზას, რომელიც მონაწილეობს ფარისებრი ჯირკვლის თირეოიდული ჰორმონების იოდირების პროცესში, რაც იწვევს მათი სინთეზის დარღვევას. პრეპარატის მოქმედების მექანიზმი განპირობებულია ფარისებრ ჯირკვალში თიროქსინის სინთეზის დათრგუნვით, რითაც თიამაზოლი ხელს უწყობს მეტაბოლური პროცესების ნორმალიზაციას ფარისებრი ჯირკვლის ჰიპერფუნქციის დროს. პრეპარატი იწვევს ძირითადი ცვლის დაქვეითებას. მისი ეფექტი განპირობებულია ფარისებრი ჯირკვლიდან იოდიდების ელიმინაციის დაჩქარებით და ფერმენტული სისტემების აქტივობის დათრგუნვით, რომლებიც იწვევენ იოდიდების იოდამდე დაჟანგვას. | ||
| ჩვენება: | - დიფუზური ტოქსიკური ჩიყვი, თირეოტოქსიკური კრიზი, შერეული ტოქსიკური ჩიყვი (კომბინირებული თერაპიის შემთხვევაში თირეოიდულ ჰორმონულ პრეპარატებთან); რადიაქტიურ იოდთან კომბინირებული თერაპიის შემადგენლობაში; - პაციენტების მოსამზადებლად ოპერაციისათვის თირეოტოქსიკოზის დროს. | ||
| დოზირება და მიღების წესი: | ინდივიდუალურია. პრეპარატი ინიშნება პერორალურად ჭამის შემდეგ. მსუბუქი და საშუალო სიმძიმის ფორმის თირეოტოქსიკოზი - 0.005 გ 3-4 ჯერ დღეში; მძიმე ფორმის დროს - 0.01 გ 3-4-ჯერ დღეში. რემისიის განვითარების შემთხვევაში - სადღეღამისო დოზა მცირდება ყოველ 5-10 დღეში 0.005-0.01 გ-ით; თანდათანობით ხდება მინიმალური შემანარჩუნებელი დოზის შერჩევა: 0.005 გ ერთხელ დღეში; 0.005 გ დღეგამოშვებით ან 0.005 გ 3 დღეში ერთხელ. პრეპარატი ინიშნება მყარი ეფექტის მიღწევამდე. თირეოტოქსიკოზის რეციდივის შემთხვევაში პრეპარატის დოზა იზრდება აღნიშნული სქემის მიხედვით. პრეპარატის გამოყენების ხანგრძლივობა დამოკიდებულია დაავადების ფორმაზე და მიმდინარეობის სიმძიმეზე, მკურნალობას მიღწეულ ეფექტზე. უმაღლესი დოზა მოზრდილებისათვის შეადგენს: ერთჯერადი - 0.01 გ, დღეღამური - 0.04 გ. ბავშვებში თირეოტოქსიკოზის დროს საწყისი დოზა შეადგენს 0.4 მგ/კგ-ზე ერთჯერად მიღებაზე დღეში ან გაყოფილი ორ მიღებაზე; შემანარჩუნებელი დოზა შეადგენს 0.2 მგ/კგ-ზე დღეში ერთჯერადად ან გაყოფილი ორ მიღებაზე. | ||
| გვერდითი მოვლენები: | აგრანულოციტოზი, ლეიკოპენია, თრომბოციტოპენია, დარღვევები კუჭ-ნაწლავის ტრაქტის მხრივ, ღვიძლის დაზიანება, თავბრუსხვევა, შეშუპება, გამონაყარი კანზე, პარესთეზიები, ტკივილი სახსრებში, თმის ცვენა, მხედველობის დარღვევა, მედიკამენტოზური ჰიპოთირეოზი, ჩიყვისებრი ეფექტი. იშვიათად: გენერალიზებული ლიმფადენოპათია, ნევრიტები და პოლინევრიტები, ერითემატოზური მგლურა, ქოლესტატური სიყვითლე, დისპეფსიური მოვლენები, თავის ტკივილი, პიგმენტაციის დარღვევა. გვერდითი მოვლენების განვითარების შემ-თხვევაში პრეპარატის დოზა მცირდება ან მისი მიღება წყდება. | ||
| უკუჩვენება: | - ორსულობა (მხოლოდ სასიცოცხლო ჩვენების მიხედვით მაქსიმალურად მცირე დოზებში 2,5-10 მგ) დღეში. და ლაქტაციის პერიოდი; - გამოხატული ლეიკოპენია და გრანულოციტოპენია; - ჩიყვის კვანძოვანი ფორმა (გამონაკლისი - მძიმე, პროგრესირებადი მიმდინარეობა, რაც განაპირობებს ოპერაციის დროებით გადადებას). | ||
| განსაკუთრებული მითითებები: | თიამაზოლის გამოყენების ნაადრევი შეწყვეტისას შესაძლებელია დაავადების რეციდივი. პრეპარატის გამოყენება ხორციელდება ექიმის მეთვალყურეობის ქვეშ, კვირაში ერთხელ სისხლის საერთო ანალიზის რეგულარული კონტროლით ფარისებრი ჯირკვლის მსხვილი სტრუმები ტრაქეის შევიწროვებით საჭიროებენ თიამაზოლით ხანმოკლე მკურნალობას, ვინაიდან მისი ხანგრძლივი მიღებისას შესაძლებელია სტრუმის ზრდა. იოდის დეფიციტი აძლიერებს, ხოლო სიჭარბე აქვეითებს პრეპარატის მოქმედებას. თიამაზოლის დანიშვნის წინ უნდა გამოირიცხოს აგრანულოციტოზი (კლინიკურად - ცხელება, პირის ღრუს ლოწოვანის ანთება, ფურუნკულოზი). პრეპარატის გამოყენებამ ოპერაციისათვის მოსამზადელ პერიოდში შესაძლებელია გააძლიეროს სისხლდენა ფარისებრი ჯირკვალიდან. ამის თავიდან ასაცილებლად (რემისიის განვითარების შემთხვევაში ან მდგომარეობის გაუმჯობესებისას) პრეპარატის მიღება წყდება და ინიშნება იოდის პრეპარატები. ოპერაცია ტარდება 2-3 კვირის შემდეგ. | ||
| ჭარბი დოზირება: | კლინიკური სიმპტომები: მენსტრუალური ციკლის დარღვევა, კანის სიმშრალე, თავის ტკივილი, კუნთების სისუსტე. სპეციფიკური ანტიდოტი არ არსებობს. | ||
| ურთიერთქმედება სხვა მედიკამენტებთან: | დაუშვებელია პრეპარატის ერთდროული გამოყენება პრეპარატებთან, რომლებიც იწვევენ ლეიკოპენიას: მაგ. ამიდოპირინთან და მის ანალოგებთან, სულფანილამიდურ საშუალებებთან. |
Page generation time: 0. 021776414 sec.
