| უნიფიცირებული დასახელება: | მიანსერინიMianserin | ||
| ა.თ.ქ. კლასიფიკაცია: | |||
N06AX03 | N ნერვული სისტემა | ||
| 06 ფსიქოანალეფსიური საშუალებები | |||
| A ანტიდეპრეპსანტები | |||
| X სხვა ანტიდეპრესანტები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს ანტიდეპრესანტს მოქმედების სედატიური კომპონენტით. მიანსერინი მიეკუთვნება პიპერაზინ-აზეპინური ნაერთების (ტეტრაციკლურ) ჯგუფს, რაც განასხვავებს მას ტრიციკლური ანტიდეპრესანტებისაგან. მისი ქიმიური სტრუქტურა არ შეიცავს გვერდით ჯაჭვს, რომელიც განსაზღვრავს ტრიციკლური ანტიდეპრესანტების ქოლინოლიზურ მოქმედებას. ამასთანავე, პრეპარატს ახასიათებს ანქსიოლიზური და ძილზე პოზიტიური ზემოქმედება. | ||
| ფარმაკოკინეტიკა: | პრეპარატი პერორალურად მიღების შემდეგ კარგად შეიწოვება კუჭ-ნაწლავის ტრაქტიდან. Cmax აღინიშნება 3 საათის შემდეგ. ბიოშეღწევადობა შეადგენს დაახლოებით 20%-ს. პრეპარატის სრული კურსის მიღების შემთხვევაში ჩსს ჩამოყალიბების დრო შეადგენს 6 დღეს. ექვემდებარება რა “პირველადი გავლის” ეფექტს, პრეპარატი მეტაბოლიზდება ღვიძლში მონოჰიდროქსილირების გზით და მცირე ხარისხით N-და-ჟანგვით. პრეპარატი საშუალო თერაპიული დოზებით მიღებისას არ იწვევს ღვიძლის ფერმენტების ინდუქციის ფენომენს. T1/2 შეადგენს საშუალოდ 32 საათს, რაც იძლევა თერაპიული კონცენტრაციის მიღწევის საშუალებას პრეპარატის დღეღამის განმავლობაში ერთხელ მიღებისას. პრეპარატი გამოიყოფა შარდით და ნაწილობრივ ნაღველის საშუალებით. | ||
| ჩვენება: | პრეპარატი გამოიყენება სხვადასხვა გენეზის დეპრესიული სინდრომის სამკურნალოდ. | ||
| დოზირება და მიღების წესი: | მიღების წესი დგინდება ინდივიდუალურად და მკურნალობის პროცესში კორექცია ხორციელდება პაციენტის მდგომარეობის მიხედვით. მოზრდილებში საწყისი დღეღამური დოზა შეადგენს 30-40 მგ-ს. ეფექტური სამკურნალო დოზა ვარირებს დღე-ღამეში 30-90 მგ-ის ფარგლებში. დღეღამური დოზა შესაძლებელია დაიყოს რამოდენიმე მიღებაზე, ან მიღებულ იქნას ერთხელ ძილის წინ. მიზანშეწონილია პრეპარატით მკურნალობის გაგრძელება რამოდენიმე თვის განმავლობაში კლინიკური ეფექტის მიღწევის შემდეგაც. ხანდაზმულ პაციენტებში საწყისი დღეღამური დოზა არ უნდა აჭარბებდეს 30 მგ-ს. შემანარჩუნებელი დოზა ჩვეულებრივ ნაკლებია, ვიდრე საშუალო ასაკის პაციენტებში. ბავშვებისათვის პრეპარატის მიღება არ არის რეკომენდებული საკმარისი რაოდენობის კვლევების არ არსებობის გამო. | ||
| გვერდითი მოვლენები: | პრეპარატის მიღებისას ცნს-ის მხრივ ხშირად აღინიშნება ძილიანობა. სისხლმბადი სისტემის მხრივ ძალიან იშვიათად შექცევადი სახის ლეიკოპენიისა და აგრანულოციტოზის განვითარების შემთხვევები. სხვადასხვა: აღინიშნება აგრეთვე წნევის დაქვეითება, სხეულის წონის მომატება; ძალიან იშვიათად - ართრალგია, კრუნჩხვები, შეშუპება, გინეკომასტია, ღვიძლის ფუნქციის დაქვეითება. | ||
| უკუჩვენება: | პრეპარატის მიღება არ არის რეკომენდებული მანიაკალური სინდრომისა და ღვიძლის ფუნქციის გამოხატული დარღვევის დროს. | ||
| განსაკუთრებული მითითებები: | პრეპარატი სიფრთხილით გამოიყენება შაქრიანი დიაბეტით, გულ-სისხლძარღვთა სისტემის, ღვიძლისა და თირკმელების უკმარისობით დაავადებულ პაციენტებში. პრეპარატის მიღებისას საჭიროა თავის შეკავება ალკოჰოლიანი სასმელების გამოყენებისაგან. იმ შემთხვევაში, თუ კი პაციენტს პრეპარატის მიღებისას აღენიშნება სხეულის ტემპერატურეს მომატება, ყელის ტკივილი და/ან სხვა რომელიმე ინფექციური დაავადების ნიშნები, საჭიროა პერიფერიული სისხლის სურათის გამოკვლევა. იმის გამო, რომ პრეპარატს არ გააჩნია ქოლინოლიზური მოქმედება, ამ უკანასკნელის მიღება შესაძლებელია წინამდებარე ჯირკვლის ადენომის, გლაუკომის, კუჭნაწლავის ტრაქტის ფუნქციის დარღვევისას. თუმცა, აღნიშნული დაავადებებით შეპყრობილი პაციენტები საჭიროებენ განსაკუთრებულ მეთვალყურეობას. პრეპარატის მიღებისას საჭიროა თავი შევიკავოთ ისეთი სამუშაოების შესრულებისაგან, რომლებიც მოითხოვენ ყურადღების მაღალ კონცენტრაციას (განსაკუთრებით მკურნალობის პირველ დღეებში). | ||
| ორსულობა და ლაქტაცია: | აღნიშნულ პერიოდში პრეპარატი მიიღება მხოლოდ სასიცოცხლო აუცილობლობის შემთხვევაში. | ||
| ჭარბი დოზირება: | პრეპარატით ჭარბი დოზირებისას აღინიშნება ისეთი სიმპტომები, როგორიცაა: ძილიანობა, არტერიული წნევის მომატება, იშვიათად არტერიული ჰიპოტენზია, სინუსური ტაქიკარდია ან ბრადიკარდია, ღებინება, თავბრუსხვევა, ატაქსია. ჭარბი დოზირების დროს არ აღინიშნება კრუნჩხვები, არითმია, კომა. მკურნალობა: ჭარბი დოზირებისას საჭიროა 2 საათის განმავლობაში კუჭის ამორეცხვა, ამავე დროს გულ-სისხლძარღვოვანი სისტემის ფუნქციის ნორმალიზაცია. ჰემოდიალიზისა და ჰემოპერფუზიის ჩატარება არ არის რეკომენდებული. | ||
| ურთიერთქმედება სხვა მედიკამენტებთან: | იგი არ ცვლის ორგანიზმის რეაქციას პრესორული ამინების ნორადრენალინის და თირამინის კუნთებში შეყვანისას. არ მოქმედებს პროპრანოლოლის ანტიჰიპერტენზიულ ეფექტზე (ამ უკანასკნელის მარტო და/ან ჰიდრალაზინთან და გუანეტიდინთან კომბინაციაში). პრეპარატი გავლენას არ ახდენს კლონიდინისა და მეთილდოპას გამოხატულ ეფექტზე, მათი როგორც ერთჯერადად, ისე ხანგრძლივად მიღების დროს. არ არის დადგენილი მიანსერინის ანტიკოაგულანტებთან ურთიერთქმედება. ვინაიდან არ არის გამორიცხული მისი არასასურველი ურთიერთქმედება მაო-ს ინჰიბიტორებთან, მათი მიღება უნდა შეწყდეს მინიმუმ 14 დღით ადრე მიანსერინით მკურნალობის დაწყებამდე. |
Page generation time: 0. 021104953 sec.
