This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
გუანფაცინი
Guanfacine
ა.თ.ქ. კლასიფიკაცია:
	
 
C02AC02	
C გულ-სისხლძარღვთა სისტემა
	
02 ანტიჰიპერტენზიული პრეპარატები
	
A ადრენერგული ინერვაციის მასტიმულირებელი ზემოქმედების შემამცირებელი ცენტრალური მოქმედების პრეპარატები
	
C იმიდაზოლინური რეცეპტორების აგონისტები
ანოტაცია:
	
	
ფარმაკოლოგიური თვისება:
	
გუანფაცინი წარმოადგენს ცენტრალური მოქმედების ანტიჰიპერტენზიულ პრეპარატს. მისი ჰიპოტენზიური ეფექტი ძირითადად განპირობებულია სოლიტარული ტრაქტის ალფა2-ადრენორეცეპტორების სტიმულაციით, რის შედეგადაც იგი აქვეითებს ცენტრალურ სიმპატიკურ ტონუსს, ამცირებს სისხლძარღვთა პერიფერიული წინააღმდეგობას, არტერიულ წნევას და გულის შეკუმშვის სიხშირეს. პრეპარატის მოქმედებით გამოწვეული რითმის შენელება კომპენსირდება მისი წუთმოცულობის გაზრდით. პრეპარატი არ მოქმედებს იმ რეფლექსებზე, რომლებიც იწვევენ არტერიული წნევის რეგულაციას, როგორც დატვირთვის, ასევე მოსვენებულ მდგომარეობაში. გუანფაცინი არ ახდენს ზეგავლენას თირკმელების ფუნქციაზე, არ იწვევს ნატრიუმისა და წყლის გამოყოფის შეფერხებას და არ ცვლის ორგანიზმიდან კალიუმის გამოყოფის პროცესს. იმ შემთხვევაშიც კი, როდესაც დარღვეულია თირკმელების ფუნქცია პრეპარატი არ იწვევს გლომერულური ფილტრაციის დარღვევას. მისი ზეგავლენით ადგილი აქვს რენინის მაჩვენებლების დაქვეითებას სისხლის პლაზმაში.
ფარმაკოკინეტიკა:
	
გუანფაცინი მთლიანად და სწრაფად შეიწოვება კუჭ-ნაწლავის ტრაქტიდან. მაქსიმალურ კონცენტრაციას პლაზმაში იგი აღწევს მიღებიდან 1-4 სთ-ის შემდეგ. გუანფაცინი სუსტად უკავშირდება პლაზმის ცილებს (დაახლოებით 60%). პლაზმაში გუანფაცინის ნახევრადდაშლის პერიოდი შეადგენს დაახლოებით 18 სთ-ს, რის გამოც პრეპარატის მოქმედების ეფექტი ხანგრძლივია, რაც იძლევა მისი დღეში ერთხელ დანიშვნის საშუალებას. ორგანიზმიდან გამოიყოფა ძირითადად შარდთან ერთად.
ჩვენება:
	
ჰიპერტონული დაავადებების ყველა ფორმა (განსაკუთრებით ესენციური და რენული ჰიპერტონია) მონოთერაპიის სახით ან კომბინაციაში დიურეზულ პრეპარატებთან ერთად. მძიმე ჰიპერტონიის დროს გუანფაცინის და დიურეზული პრეპარატის კომბინაციას ემატება ბეტა-ბლოკატორები და სისხლძარღვთა გამაფართოვებელი საშუალებები. პრეპარატის გამოყენება შეიძლება ფილტვების ობსტრუქციული დაავადებების, თირკმელების უკმარისობის დროს, აგრეთვე ჰიპერტონიით შეპყრობილ პირებში I ხარისხის ატრიო-ვენტრიკულური ბლოკადით.
დოზირება და მიღების წესი:
	
მოზრდილებში ერთჯერადი დოზა შეადგენს 0.5-1 მგ-ს (1.2-1 ტაბ.) ინიშნება საღამოს. აუცილებლობის შემთხვევაში იგი ყოველდღიურად შეიძლება გაიზარდოს 0.5-1 მგით არტერიული წნევის დაქვეითების სასურველი შედეგის მიღწევამდე. უმრავლეს შემთხვევებში ინიშნება 2-3 მგ დღეში. იმ შემთხვევაში, როდესაც გუანფაცინით მკურნალობის დროს არ ხდება არტერიული წნევის დაქვეითება, მკურნალობას ემატება დიურეზული, სისხლძარღვთა გამაფართოვებელი საშუალებები ან ბეტა-ადრენობლოკატორები, რომლებიც ხასიათდებიან შინაგანი სიმპათომიმეტური აქტივობით. ავადმყოფებში, თირკმელების მწვავე უკმარისობით (დიალიზის გარეშე მყოფი პირები), გუანფაცინით მკურნალობა ტარდება დაბალი დოზებით.
გვერდითი მოვლენები:
	
ცნს-ის მხრივ: შესაძლებელია სედატიური მოქმედება, განსაკუთრებით პრეპარატის მაღალი დოზებით მიღების დროს. იშვიათად - თავის ტკივილი, თავბრუსხვევა, უძილობა. მკურნალობის პროცესში აღნიშნული მოვლენები მალევე გაივლის. გულ-სისხლძარღვთა სისტემის მხრივ: ორთოსტატული ჰიპოტენზია. საჭმლის მომნელებელი სისტემის მხრივ: პირის სიმშრალე, იშვიათად-გულისრევა, ღებინება, მადის დაქვეითება, ყაბზობა. საერთო: სისუსტე, იშვიათად - იმპოტენცია.
უკუჩვენება:
	
- მომატებული მგრძნობელობა პრეპარატის მიმართ; - AV-ბლოკადა II და BIII ხარისხის.
განსაკუთრებული მითითებები:
	
პრეპარატი განსაკუთრებული სიფრთხილით ენიშნებათ ავადმყოფებს გულის იშემიური დაავადებით, სტენოკარდიით, მწვავე ცერებრული და კორონარული უკმარისობით, განსაკუთრებით აპოპლექსიის დროს, გულის ქრონიკული უკმარისობით, ანამნეზში მიოკარდიუმის ინფარქტით, ინსულტით და ღვიძლის ფუნქციის მოშლის დროს. ესტულიკს იშვიათად ახასიათებს მოხსნის სინდრომი, რის გამოც მიზანშეწონილია პრეპარატის სადღეღამისო დოზის თანდათანობითი შემცირება. ორსულობის და ლაქტაციის პერიოდში პრეპარატის დანიშვნა წარმოებს მხოლოდ მკაცრი სასიცოცხლო ჩვენებების მიხედვით. მკურნალობიდან 1 წლის განმავლობაში აკრძალულია ავტომობილის მართვა და იმ დანადგარებთან მუშაობა, რომლებიც მოითხოვს განსაკუთრებულ ყურადღებას.
ურთიერთქმედება სხვა მედიკამენტებთან:
	
გუანფაცინის გამოყენება ალფა-ადრენორეცეპტორების ანტაგონისტებთან (ფენტოლამინი, იოჰიმბინი) ერთად აკრძალულია, მათი მოქმედების ეფექტის დაქვეითების გამო. გუანფაცინის და სხვა ანტიჰიპერტენზიული პრეპარატების (დიურეზული საშულებების, ბეტა-ადრენობლოკატორების, პერიფერიული ვაზოდილატატორების) ერთდროული გამოყენებით ადგილი აქვს ჰიპოტენზიური ეფექტის გაძლიერებას. ბეტა-ბლოკატორებთან კომბინაციაში - განსაკუთრებით იმ პრეპარატებთან, რომლებიც არ ხასიათდებიან შინაგანი სიმპათომიმეტური აქტივობით, იზრდება მკვეთრად გამოხატული ბრადიკარდიის განვითარების რისკი. სიმპათომიმეტური პრეპარატები აქვეითებენ გუანფაცინის ანტიჰიპერტენზიულ მოქმედებას. ნეიროლეფსიურ საშუალებებთან ერთად გუანფაცინის მიღების დროს ადგილ აქვს სედატიური მოქმედების გაძლიერებას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021183892 sec.