| უნიფიცირებული დასახელება: | ოუაბაინიOuabain | ||
| ა.თ.ქ. კლასიფიკაცია: | |||
C01AC | C გულ-სისხლძარღვთა სისტემა | ||
| 01 პრეპერატები გულის დაავადებების მკურნალობისათვის | |||
| A საგულე გლიკოზიდები | |||
| C სტროფანტინის გლიკოზიდები | |||
| ანოტაცია: | |||
| ფარმაკოლოგიური თვისება: | ოუაბაინი წარმოადგენს საგულე გლიკოზიდს. იგი აძლიერებს გულის შეკუმშვის ძალას (დადებითი ინოტროპული ეფექტი), აიშვიათებს გულის რითმს (უარყოფითი ქრონოტროპული ეფექტი), აფერხებს გულის გამტარებლობას (უარყოფითი დრომოტროპული ეფექტი), ზრდის გულის კუნთის აგზნებადობას (დადებითი ბათმოტროპული ეფექტი). გულის უკმარისობის დროს ზრდის სისტოლურ და წუთმოცულობას, აქვეითებს ვენურ წნევას და ამცირებს შეშუპებებს, აძლიერებს დიურეზს. ვენაში შეყვანისას დადებითი ინოტროპული ეფექტი ვითარდება რამოდენიმე წუთში, მაქსიმუმს აღწევს 0,5-2 სთ-ში და გრძელდება 1-3 დღე. მისი მოქმედების მექანიზმი დაკავშირებულია მემბრანული N+ K+ ატფაზას ბლოკირებასთან და უჯრედის შიგნით Ca+ +-ის იონების დაგროვებასთან, რაც იწვევს გულის შეკუმშვის გაძლიერებას. | ||
| ფარმაკოკინეტიკა: | პრეპარატი არ განიცდის ბიოტრანსფორმაციას და გამოიყოფა თირკმელებით უცვლელი სახით. | ||
| ჩვენება: | III- IV ხარისხის გულის ქრონიკული უკმარისობა, პაროქსიზმული წინაგულოვანი მოციმციმე არითმია და სუპრავენტრიკულური ტაქიკარდია. | ||
| დოზირება და მიღების წესი: | მოზრდილებში პრეპარატის ერთჯერადი მაქსიმალური დოზა ვენაში შეადგენს 0.25 მგ-ს-(1 ამპულას). დოზის მომატებისას 0.5 მგ-მდე საჭიროა 0.250 მგ პრეპარატის ორი ინექცია ე.ი. თითო ამპულა 12 სთ-იანი ინტერვალით. ვინაიდან დღეღამის განმავლობაში ორგანიზმიდან გამოიყოფა აქტიური ნივთიერების 50%, აუცილებელია ყოველ მეორე დღეს პრეპარატის ინექციის განმეორება. შენიშვნა: ოუაბაინი განსაკუთრებული სიფრთხილით ინიშნება საგულე გლიკოზიდების მიმართმომატებული მგრძნობელობის დროს: - პაციენტებში მჟავა-ტუტოვანი და ელექტროლიტური ბალანსის დარღვევის შემთხვევაში; - თირკმელების უკმარისობით გამოწვეული საგულე გლიკოზიდების ორგანიზმიდან გამოყოფის პროცესის დარღვევის დროს; - მიოკარდიტის დროს; - ჟანგბადის უკმარისობით და ატფ-ის დეფიციტით გამოწვეული გულის კორონალური დაავადების დროს; - ჰიპოთირეოზის დროს; - ჭარბი წონის დროს; - აგრეთვე ხანდაზმული ასაკის პაციენტებ-ში. პრეპარატი ვენაში შეყავთ ძალიან ნელა. მისი მოქმედება იწყება ინექციიდან 3-10 წთ-ის შემდეგ, ხოლო მაქსიმალური ეფექტი აღინიშნება 0.5-2 სთ-ის შემდეგ, რომელიც გრძელდება 1-3 დღის განმავლობაში. პრეპარატის ვენაში სწრაფი შეყვანისას შეიძლება განვითარდეს შოკი. ვენაში ინექცია წარმოებს ამპულის გატეხვისა და ხსნარის ამოღებისთანავე. გამოუყენებელი ხსნარი საჭიროა განადგურდეს. პრეპარატის დოზა და მკურნალობის ხანგრძლივობა ინდივიდუალურია, იგი დამოკიდებულია დაავადების სიმძიმეზე და პაციენტის მდგომარეობაზე. | ||
| გვერდითი მოვლენები: | ოუაბაინი ხასიათდება მცირე თერაპიული სიგანით. სრული თერაპიული ეფექტის მიუღწევლობის შემთხვევაში კი შესაძლებელია შემდეგი გვერდითი ეფექტები: კუჭ-ნაწლავის ტრაქტის მხრივ: გულისრევა, ღებინება, მადის დაკარგვა, იშვიათადდიარეა, ცალკეულ შემთხვევებში - ჯორჯლის არტერიის ინფარქტი. ც.ნ.ს-ის მხრივ: თავის ტკივილი, საერთო სისუსტე, უძილობა, დეპრესია, ფსიქოზი, ჰალუცინაციები, იშვიათად-მხედველობის დარღვევა (ფერადი მხედველობის დარღვევა), მისი სიმახვილის დაქვეითება, სკოტომები, მაკრო და მიკროფსია, ზოგჯერ ცნობიერების დაბინდვა, სინკოპალური მდგომარეობა. ხანდაზმულ მამაკაცებში იშვიათად ადგილი აქვს სარძევე ჯირკვლების გადიდებას. იშვიათად - ალერგიული რეაქციები. გულის რითმის დარღვევა, ვენტრიკულური ტაქიკარდია, ატრიოვენტრიკულური ბლოკადა, პარკუჭების ციმციმი და გულის გაჩერება. გვერდითი მოვლენების სიხშირე შეადგენს დაახლოებით 20%-ს. | ||
| უკუჩვენება: | გლიკოზიდური ინტოქსიკაცია, მიოკარდიუმის მწვავე ინფარქტი, ვენტრიკულური ტაქიკარდია, ატრიოვენტრიკულური ბლოკადა II და III ხარისხის, ჰიპერკალციემია, ჰიპერკალიემია, ჰიპოკალიემია, ჰიპერტროფული ობსტრუქციული კარდიომიოპათიები და კონსტრიქციული პერიკარდიტი, კაროტიდული სინუსის სინდრომი, აორტის თორაკალური ანევრიზმა, ვოლფ-პარკინსონუაიტის სინდრომი. პრეპარატი განსაკუთრებული სიფრთხილით ინიშნება ბრადიკარდიით გამოწვეული არითმიის, გულის სხვადასხვა სახის ბლოკადების, ღვიძლისა და თირკმელების ფუნქციის დარღვევის, ჰიპომაგნიემიის დროს, ჰიპოთირეოზით შეპყრობილ ხანდაზმულ პაციენტებში და საგულე გლიკოზიდების მიმართ მომატებული მგრძნობელობის დროს (ჰიპოქსია). | ||
| ორსულობა და ლაქტაცია: | ოუბაინის გამოყენება ორსულობის და ლაქტაციის პერიოდში რეკომენდებული არ არის. | ||
| ურთიერთქმედება სხვა მედიკამენტებთან: | ოუაბაინის კომბინაციით სიმპათომიმეტურ საშუალებებთან, მეთილქსანტინებთან, რეზერპინთან, ტრიციკლურ ანტიდეპრესანტებთან, ფოსფოდიესთერაზას ბლოკატორებთან (მაგ, თეოფილინთან) იზრდება გულის რითმის დარღვევის საშიშროება. ოუაბაინის კომბინაციით ქინიდინთან, ამიოდარონთან, კაპტოპრილთან, კალციუმის ანტაგონისტებთან, ერითრომიცინთან და ტეტრაციკლინებთან იზრდება ოუაბაინის კონცენტრაცია სისხლის პლაზმაში. პრეპარატის კომბინაცია მარყუჟოვან დიურეზულ, საფაღარათო საშუალებებთან, ინსულინთან, გლუკოკორტიკოსტეროიდებთან, კარბენოქსოლონთან, ამფოტერიცინთან, ბენზილპენიცილინთან, სალიცილატებთან, ადრენოკორტიკოტროპულ ჰორმონთან იწვევს ოუაბაინის მიმართ მომატებულ მგრძნობელობას. ბეტა-ბლოკატორებთან და ანტიარითმიულ პრეპარატებთან ოუაბაინის კომბინაციით ძლიერდება უარყოფითი ქრონოტროპული და დრომოტროპული ეფექტები. ოუაბაინის კომბინაციით ფენიტოინთან, რიფამპიცინთან, ფენობარბიტალთან, ფენილბუტაზონთან, სპირონოლაქტონთან, აგრეთვე ნეომიცინთან და ციტოსტატურ საშუალებებთან მცირდება ოუაბაინის კონცენტრაციები სისხლის პლაზმაში. პრეპარატის კალციუმის პრეპარატებთან კომბინაცია იწვევს გლიკოზიდის მიმართ მომატებულ მგრძნობელობას. | ||
| განსაკუთრებული მითითებები: | თირკმელების ფუნქციის უკმარისობა საჭიროებს პრეპარატის დოზის და შეყვანის სიხშირის კორეგირებას. გლიკოზიდური ინტოქსიკაციის ალბათობა იზრდება: ჰიპოკალიემიის; ჰიპომაგნიემიის; ჰიპერკალციემიის და ჰიპერნატრიემიის დროს. აგრეთვე გულის კამერების დილატაციის, ფილტვისმიერი გულის, ჰიპოთირეოზის, ალკალოზის, ხანდაზმულებში და ოუაბაინის კომბინაციით-გლუკოკორტიკოიდებთან, სალურეზულ საშუალებებთან, ინსულინთან, კალციუმის პრეპარატებთან. |
Page generation time: 0. 020974120 sec.
