| უნიფიცირებული დასახელება: | ლოვასტატინიLovastatin | ||
| ა.თ.ქ. კლასიფიკაცია: | |||
C10AA02 | C გულ-სისხლძარღვთა სისტემა | ||
| 10 ჰიპოლიპიდემიური პრეპარატები | |||
| A ჰიპოქოლესტერინემიური და ჰიპოტრიგლიცერიდემიური პრეპარატები | |||
| A HMG COA-რედუქტაზას ინჰიბიტორები | |||
| ანოტაცია: | |||
| ფარმაკოლოგიური თვისება: | ლოვასტატინი ჰიპოლიპიდემიური საშუალებაა. პრეპარატი წარმოადგენს ქოლესტერინის ენდოგენური სინთეზის ინჰიბიტორს (ღვიძლში მევალონის მჟავის სტადიაზე). იგი იწვევს საერთო ქოლესტერინის და ქოლესტერინის, რომელიც შეკავშირებულია დაბალი და ძალიან დაბალი სიმკვრივის ლიპოპროტეინებთან კონცენტრაციის შემცირებას. პრეპარატი აგრეთვე ამცირებს პლაზმაში ტრიგლიცერიდების კონცენტრაციას და ზომიერად ზრდის მაღალი სიმკვრივის ლიპოპროტეინებთან (რომელთაც გააჩნიათ ანტიათეროგენული თვისებები) დაკავშირებულ ქოლესტერინის კონცენტრაციას. | ||
| ფარმაკოკინეტიკა: | კუჭ-ნაწლავის ტრაქტიდან აბსორბციის შემდეგ პრეპარატი არააქტიური ლაქტონის სახით განიცდის ჰიდროლიზს β-ჰიდროქსი მჟავას თერაპიულად აქტიურ ფორმამდე. იგი მოქმედებს როგორც 3-ჰიდროქსი-3-მეთილ გლუტარილ კოენზიმ A (HMG-Coa) რედუქტაზას სპეციფიკური ინჰიბიტორი. მას გააჩნია კატალიზატორის როლი A რედუქტაზას გარდაქმნაში მევალონატში, რაც წარმოადგენს პირველ საფეხურს ქოლესტერინის ბიოსინთეზში. | ||
| ჩვენება: | პირველადი ჰიპერქოლესტერინემია IIა , IIბ. პრეპარატი გამოიყენება მონოთერაპიის სახით იმ შემთხვევებში, როდესაც დიეტა და მკურნალობის სხვა მეთოდები არ არის ეფექტური. ქოლესტერინის მაღალი კონცენტრაციის შესამცირებლად ავადმყოფებში ჰიპერქოლესტერინემიით და ჰიპერტრიგლიცერიდემიით, როდესაც ძირითადი დაავადება ხასიათდება ჰიპერქოლესტერინემიით. პრეპარატით მკურნალობა ტარდება სათანადო დიეტის ფონზე. თერაპიული ეფექტი აღინიშნება მკურნალობიდან რამდენიმე კვირის შემდეგ. მაქსიმალური თერაპიული ეფექტი ვლინდება მკურნალობიდან 4-6 კვირის განმავლობაში. | ||
| დოზირება და მიღების წესი: | პრეპარატის დოზა და მკურნალობის ხანგრძლივობა დგინდება ექიმის მიერ. საწყისი დოზა - 20 მგ ერთხელ დღეში ჭამის დროს საღამოთი. აუცილებლობის შემთხვევაში შეიძლება დოზის გაზრდა ყოველ 4 კვირაში ერთხელ. მაქსიმალური დოზა შეადგენს 80 მგ დღეში, რომელსაც იღებენ დაყოფილი სახით საუზმის და ვახშმის დროს. ხოლო ავადმყოფებისათვის, რომლებიც ერთდროულად იღებენ იმუნოდეპრესანტებს, დოზა შეადგენს არა უმეტეს 40 მგ-ს დღეში. დოზა ინიშნება ერთჯერადად ან 2 მიღებაზე (საუზმის და ვახშმის) დღეში. აუცილებლობის შემთხვევაში დოზის კორექტირება ხდება მკურნალობის დაწყებიდან 4 კვირის შემდეგ. თუ საერთო ქოლესტერინის დონე პლაზმაში დაქვეითდა 140 მგ/100 მლ-მდე ან დაბალი სიმკვრივის ლიპოპროტეინების დონე შემცირდება 75 მგ/100 მლ-მდე, მა-შინ პრეპარატის დოზას ამცირებენ. | ||
| გვერდითი მოვლენები: | შეიძლება აღინიშნოს ყაბზობა, გულისრევა, მეტეორიზმი, დისპეფსია, ტკივილი მუცლის არეში, დიარეა, ღებინება; იშვიათად -თავის ტკივილი, ძილის დარღვევა; იშვიათად - თავბრუსხვევა, საერთო სისუსტე, კუნთების სისუსტე; ცალკეულ შემთხვევებში - დეპრესია, გამონაყარი კანზე. უმრავლეს შემთხვევაში არ არის დადგენილი პირდაპირი კავშირი პრეპარატის მიღებასთან. ლოვასტატინმა შეიძლება გამოიწვიოს კუნთოვანი სისტემის დაავადებები (მიოპათია), რაც გამოიხატება კუნთების ტკივილში, რიგიდობაში, სისხლში ღვიძლის ტრანსამინაზების და კრეატინკინაზას დონის გაზრდაში. ამ მაჩვენებლების ატიპიური გაზრდა ატარებს დროებით ხასიათს. აგრეთვე შესაძლებელია ძილის დარღვევა, კრუნჩხვების განვითარება, პარესთეზიები, მიალგიები, ჰეპატიტის განვითარება; ცალკეულ შემთხვევებში - ქოლესტაზური სიყვითლე, ფსიქიური დარღვევები, ურტიკარია, კვინკეს შეშუპება, ტოქსიკური ეპიდერმული ნეკროლიზი, ჰემოლიზური ანემია, ლეიკოპენია, თრომბოციტოპენია. გამოხატული დარღვევები კლინიკაში იშვიათია და მოითხოვს პრეპარატით მკურნალობის დროებით ან სრულ შეწყვეტას. იშვიათ შემთხვევაში ვითარდება რაბდომიოლიზი, რაც იწვევს თირკმელების უკმარისობის განვითარებას. გვერდითი მოვლენების განვითარებისას საჭიროა ექიმთან კონსულტაცია. | ||
| უკუჩვენება: | - მომატებული მგრძნობელობა პრეპარატისმიმართ; - ღვიძლის დაავადება აქტიურ სტადიაში ან შრატში ტრანსამინაზების აქტივობის სტაბილური მომატება; - ორსულობა და ლაქტაცია. | ||
| ორსულობა და ლაქტაცია: | პრეპარატის გამოყენება ამ დროს წინააღმდეგნაჩვენებია. რეპროდუქციული ასაკის ქალებმა შეიძლება მიიღონ პრეპარატი მხოლოდ იმ შემთხვევაში, თუ ორსულობა გამორიცხულია. | ||
| განსაკუთრებული მითითებები: | პრეპარატით მკურნალობამ შეიძლება გამოიწვიოს ღვიძლის ფერმენტების მაჩვენებლების და შრატში ტრანსამინაზების დონის მომატება. უმრავლეს შემთხვევაში ეს ცვლილებები კლინიკურად შეუმჩნეველია, ამიტომ რეკომენდებულია ამ მონაცემების მონიტორინგი მკურნალობამდე და მკურალობის პროცესში. თუ ტრანსამინაზების დონე სცილდება ზემო ზღვარს 3-ჯერ, საჭიროა მკურნალობის შეწყვეტა. სიფრთხილეა საჭირო ავადმყოფებში, რომლებიც იღებენ ალკოჰოლს ან ანამნეზში აღნიშნავენ ღვიძლის დაავადებებს. ლოვასტატინმა შეიძლება გამოიწვიოს კუნთოვანი ფერმენტის-კრეატინკინაზას აქტივობის გაზრდა, ჩვეულებრივ კლინიკურად უმნიშვნელო, ხოლო ცალკეულ შემთხვევებში შეიძლება განვითარდეს მიოპათია. მიოპათიის დროს ფერმენტის შემცველობა იზრდება 10 ჯერ, რაც ვლინდება ტკივილით, რიგიდობით, კუნთოვანი სისუსტით, ცალკეულ შემთხვევაში რაბდომიოლიზით (კუნთოვანი ქსოვილის დაშლა), რასაც შეუძლია გამოიწვიოს თირკმელების უკმარისობა. მიოპათიის განვითარების რისკი მა-ღალია იმ ავადმყოფებში, რომლებიც ერთდროულად იღებენ ლოვასტატინს და ფიბრატის ან ნიაცინის შემცველ პრეპარატებს ისეთ დოზებში, რაც ამცირებს ცხიმების კონცენტრაციას. პრეპარატი დიდი სიფრთხილით ინიშნება რეპროდუქციული ასაკის ქალებში. ორსულობის დადგენისას საჭიროა პრეპარატის მიღების შეწყვეტა. | ||
| ჭარბი დოზირება: | ჭარბი დოზირების შემთხვევაში საჭიროა ექიმთან კონსულტაცია. რამოდენიმე შემთხვევაში, პრეპარატის ძალიან მაღალი დოზების მიღებით ავადმყოფებში არ დაფიქსირდა განსაკუთრებული სიმპტომები. ჭარბი დოზირების შემთხვევაში საჭიროა საერთო ღონისძიებების ჩატარება და ღვიძლის ფუნქციის კონტროლი. | ||
| ურთიერთქმედება სხვა მედიკამენტებთან: | ლოვასტატინის და ანტიკოაგულანტების ერთდროული დანიშვნა ზრდის პროთრომბინის დროს, ამიტომ მკურნალობისას საჭიროა ამ მაჩვენებლის კონტროლი. არსებობს მონაცემები იმის თაობაზე, რომ ლოვასტატინის და იმუნოდეპრესანტების (ციკლოსპორინი), გემფიბროზილის და ნიაცინის ერთდროული დანიშვნა დოზებში, რომლებიც ამცირებს ცხიმების კონცენტრაციას, იწვევს მიოპათიის განვითარების რისკს (რაბდომიოლიზი). შემდგომში თირკმელების მწვავე უკმარისობის განვითარებით. |
Page generation time: 0. 021722882 sec.
