| უნიფიცირებული დასახელება: | ნალიდიქსის მჟავაNalidixic acid | ||
| ა.თ.ქ. კლასიფიკაცია: | |||
J01MB02 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| M ანტიბაქტერიული პრეპარატები - ქინოლონის წარმოებულები | |||
| B სხვა ქინოლონები (პ. G04AB-ში ჩამონათვალის გარდა) | |||
G04AB01 | G შარდსასქესო სისტემა და სასქესო ჰორმონები | ||
| 04 პრეპარატები უროლოგიური დაავადებების მკურნალობისათვის | |||
| A უროანტისეპტიკური საშუალებები | |||
| B ქინოლონის წარმოებულები (JO1M ჯგუფში შემავალთა გარდა) | |||
| ანოტაცია: | |||
| ფარმაკოლოგიური თვისება: | ნალიდიქსის მჟავას გააჩნია გამოხატული ანტიბაქტერიული აქტივობა გრამ-უარყოფითი ბაქტერიების მიმართ, მათ შორის Proteus mirabilis, P. morganii, P. vulgaris, P. rettgeri; Escherichia coli, Enterobacter (Aerobacter) და Klebsiella მიმართ. Pseudomonas aeruginosaე-ს შტამები ჩვეულებრივ მდგრადნი არიან პრეპარატის მოქმედების მიმართ. პრეპარატი მოქმედებს ბაქტერიულ უჯრედებში დნმ-ის ფერმენტის დმნ-ჰირაზას ბლოკირების და დნმ-ისსპირალიზაცის პროცესის სელექტიური დათრგუნვის გზით. მას გააჩნია ბაქტერიციდული თვისება და ეფექტურია საშარდე გზების ინფექციების დროს. მცირე კონცენტრაციით მოქმედებს მხოლოდ გამრავლების სტადიაში მყოფ მიკროორგანიზმებზე დნმ-ის რეპლიკაციის დათრგუნვის შედეგად. შედარებით ხანგრძლივი ურთიერთქმედებისას იგი აინჰიბირებს აგრეთვე რნმ-ისა და ბაქტერიული ცილების სინთეზს. მიკროორგანიზმების მიმართ მისი მინიმალური დამთრგუნველი კონცენტრაცია შეადგენს 5-75 მკგ/მლ-ს, თუმცა 10 მკგ/მლ კონცენტრაციაზე ქვემოთ იგი ეფექტურია მრავალი ბაქტერიის მიმართ. | ||
| ფარმაკოკინეტიკა: | იგი სწრაფად შეიწოვება კუჭ-ნაწლავის ტრაქტიდან. პრეპარატი ნაწილობრივ მეტაბოლიზდება ღვიძლში და სწრაფად გამოიყოფა თირკმელებით. პრეპარატი გამოიყოფა შარდში უცვლელი და აქტიური მეტაბოლიტის-ჰიდროქსინალიდიქსის მჟავას სახით, რომელსაც გააჩნია ანტიმიკრობული მოქმედება. სხვა მეტაბოლიტები: ნალიდიქსისა და ჰიდროქსინალიდიქსის მჟავას გლუკურონის კონიუგატები. ბიოლოგიურად აქტიური პრეპარატის ჰიდროქსი-მეტაბოლიტის კონცენტრაცია სისხლში შეადგენს 30 %-ს, ხოლო შარდში - 85%-ს. ჯანმრთელ მოხალისეებში უზმოზე 1 გ პრეპარატის მიღებისას შრატში აქტიური პრეპარატის მაქსიმალური დონე 20-40 მკგ/მლ საშუალოდ აღინიშნება 1-2 საათის შემდეგ. პრეპარატის დაახლოვებით 93 % და ჰიდროქსინალიდიქსის მჟავის 63 % უკავშირდებიან პლაზმის ცილებს. ნახევრადგამოყოფის პერიოდი შეადგენს 6-7 საათს. აქტიური პრეპარატის მაქსიმალური დონე 150-200 მკგ/მლ შარდში აღინიშნება მიღებიდან საშუალოდ 3-4 საათის შემდეგ, ხოლო ნახევრადგამოყოფის პერიოდი შეადგენს 6 საათს. შარდის ტუტე რეაქცია ზრდის მასში უცვლელი პრეპარატის კონცენტრაციას. პრეპარატის დაახლოვებით 4% გამოიყოფა განავალით. იგი აღწევს პლაცენტაში და მისი მცირე კონცენტრაცია აღინიშნება დედის რძეში. | ||
| ჩვენება: | პრეპარატი გამოიყენება საშარდე გზების ინფექციური დაავადებების დროს, რომლებიც გამოწვეულია გრამ-უარყოფითი პათოგენური მიკროორგანიზმებით (Proteus, Escherichia coli, Enterobacter, Klebsiella-ს შტამები). პრეპარატის გამოყენება შესაძლებელია აგრეთვე ბაქტერიული დიზენტერიის სამკურნალოდ, რომლის გამომწვევი მგრძნობიარეა პრეპარატის მიმართ. | ||
| დოზირება და მიღების წესი: | მოზრდილებში საშუალო დღეღამური დოზა შედგენს 2-2 კაფსულას 4-ჯერ დღეში, არანაკლებ 7 დღის განმავლობაში. იმ შემთხვევაში, თუკი აუცილებელია პრეპარატის გამოყენების გახანგრძლივება, საჭიროა დოზის შემცირება, რომელიც ინიშნება დღეში 4-ჯერ 1 კაფსულის ოდენობით. პრეპარატი გამოიყენება ჭამამდე 1 საათით ადრე. ბავშვებში 30კგ-ზე მეტი წონით ინიშნება 60მგ/კგ წონაზე დაყოფილი 4 მიღებაზე. | ||
| გვერდითი მოვლენები: | კუჭ-ნაწლავის ტრაქტის მხრივ: ტკივილი მუცლის არეში, გულისრევა, ღებინება, ყაბზობა, ქოლესტაზი, გასტროინტესტინალური სისხლდენა. ალერგიული რეაქციები: ქავილი, ურტიკარია, ანგიონევროზული შეშუპება, ეოზინოფილია, სახსრების შეშუპებით და მათი მოძრაობის შეზღუდვით გამოწვეული ართრალგია გვხვდება ძალიან იშვიათად. ცნს-ის მხრივ: შესაძლებელია ძილიანობა, გონების დაბინდვა, თავბრუსხვევა, თავის ტკივილი, მხედველობის დაქვეითება, კუნთების ტკივილი (ეპილეფსია, პარკინსონიზმი, არტერიოსკლეროზი) - ტოქსიკური ფსიქოზი (კონვულსია), ქალასშიდა წნევის მომატება. ჰემოპოეზის მხრივ: თრომბოციტოპენია, ლეიკოპენია, ჰემოლიზური ანემია. ფოტოსენსიბილიზაციის დროს: მკურნალობის პერიოდში სინათლის მიმართ მომატებული მგრძნობელობის თავიდან აცილების მიზნით საჭიროა თავი ავარიდოთ მზის სხივებს. ზემოთჩამოთვლილი გვერდითი მოვლენები ატარებს დროებით ხასიათს და ქრება სპონტანურად. მკურნალობის შეწყვეტის აუცილებლობა გვერდითი მოვლენების არსებობის გამო, თითქმის არასოდეს არ არის საჭირო. ფოტოსენსიბილიზაციის სიმპტომებია: ერითემა და კანის ექსპონირებულ ზედაპირზე არსებული ბუშტუკები. | ||
| უკუჩვენება: | პრეპარატის მიღება წინააღმდეგნაჩვენებია მის მიმართ მომატებული მგრძნობელობის დროს; აგრეთვე ღვიძლის ან თირკმელების უკმარისობის, ეპილეფსიის, პარკინსონის დაავადების, მძიმე ცერებრული ათეროსკლეროზის, ორსულობის პირველ ტრიმესტრში, განვითარების პერიოდში მყოფ ბავშვებში, გლუკოზა-6-ფოსფატდეჰიდროგენაზას დეფიციტის (შეიძლება განვითარდეს ჰემოლიზი) და პორფირიის დროს. | ||
| ორსულობა და ლაქტაცია: | ორსულობის პირველ ტრიმესტრში პრეპარატის გამოყენების უსაფრთხოება არ არის დადგენილი. იგი გამოიყენება ორსულობის ბოლო ორი ტრიმესტრის განმავლობაში ყველა შესაძლო უარყოფითი მოვლენების გათვალისწინებით როგორც დედის, ასევე ნაყოფის მხრივ. ვინაიდან პრეპარატი გამოიყოფა დედის რძეში, მისი გამოყენება ლაქტაციის პერიოდში არ არის რეკომენდებული. | ||
| განსაკუთრებული მითითებები: | პრეპარატი სიფრთხილით და მხოლოდ აუცილებლობის შემთხვევაში გამოიყენება ორსულობის II და III ტრიმესტრსა, აგრეთვე პრეპუბერტული ასაკის პაციენტებში. იმ შემთხვევაში, როდესაც აღინიშნება ართრალგიის სიმპტომები, მას იყენებენ სიფრთხილით. სუნთქვის გაძნელების და მძიმე ფორმის ათეროსკლეროზის დროს პრეპარატი ინიშნება სიფრთხილით. იმ დროს, როდესაც აღინიშნება ქალასშიდა წნევის მომატება, ფსიქოზი ან სხვა ტოქსიკური მოვლენები, პრეპარატის მიღებისაგან თავი უნდა შევიკავოთ. იმის გამო, რომ პრეპარატის მიმართ რეზისტენტობა ადვილად ვითარდება, აუცილებელია შარდის ბაქტერიოლოგიური შემოწმება, როგორც მკურნალობის პერიოდში, ასევე მის შემდეგ. იმ შემთხვევაში, როდესაც მკურნალობა გრძელდება 2 კვირაზე მეტი ხნის განმავლობაში, რეკომენდებულია სისხლის ანალიზის ჩატარება, ღვიძლისა და თირკმელების ფუნქციის კონტროლი. რეკომენდებულია პაციენტებმა პრეპარატით მკურნალობის დროს თავი შეიკავონ მზის სხივების ზემოქმედებისაგან. სატრანსპორტო საშუალებების მართვის უნარზე ზეგავლენა: არ მოიპოვება მონაცემები. | ||
| ჭარბი დოზირება: | პრეპარატის ჭარბი დოზით მიღების შემ-თხვევაში აღინიშნება ტოქსიკური ფსიქოზი, კონვულსია, ქალასშიდა წნევის მომატება ან მეტაბოლური აციდოზი; აგრეთვე გულისრევა, ღებინება და ლეთარგია. აღნიშნული მოვლენები ატარებენ დროებით ხასიათს, ვინაიდან პრეპარატი სწრაფად გამოიყოფა ორგანიზმიდან. იმ შემთხვევაში, როდესაც ჭარბი დოზირება ვლინდება ადრეულ პერიოდში, საკმარისია კუჭის ამორეცხვა. თუკი პრეპარატი უკვე აბსორბირებულია, რეკომენდებულია სითხის დიდი რაოდენობით მიღება, აგრეთვე ისეთი ღონისძიებების ჩატარება, როგორიცაა ჟანგბადის მიწოდება და ხელოვნური სუნთქვა. მძიმე შემთხვევების დროს შესაძლებელია ანტიკონვულსიური თერაპიის ჩატარება. | ||
| ურთიერთქმედება სხვა მედიკამენტებთან: | ნიტროფურანტოინი ურთიერთქმედებს მასთან. პრეპარატისა და ოქსოლინის მჟავას შორის აღინიშნება ჯვარედინი მდგრადობა. პრეპარატის მოქმედება ითრგუნება სხვა ანტიბაქტერიული საშუალებებით, განსაკუთრებით ბაქტერიოსტატული პრეპარატებით, როგორიცაა: ტეტრაციკლინი და ლევომიცეტინი. ანტაციდები, რომლებიც შეიცავენ მაგნიუმსა და ალუმინს, თრგუნავენ პრეპარატის შეწოვას. პრეპარატი აძლიერებს პერორალური ანტიკოაგულანტების, ვარფარინის ან ბისჰიდროკუმარინების ეფექტს. პრეპარატისა და კუმარინების კომბინაციამ შესაძლოა გამოიწვიოს ამ უკანასკნელის დოზის კორექციის აუცილებლობა. ცრუ დადებითი რეაქცია მიიღება გლუკოზაზე, რომელიც გამოიყოფა მეტაბოლიტებიდან გლუკურონის მჟავას გამონთავისუფლებით იმ პაციენტებში, რომელთაც ესაჭიროებათ შარდის ანალიზი და იყენებდნენ ბენედიქტს ან ფელინგს, აგრეთვე კლინინტესტ რეაგენტის აბებს. |
Page generation time: 0. 021753368 sec.
