| უნიფიცირებული დასახელება: | კლომიფენიClomifene | ||
| ა.თ.ქ. კლასიფიკაცია: | |||
G03GB02 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| G გონადოტროპინი და ოვულაციის სხვა სტიმულატორები | |||
| B ოვულაციის სინთეზური სტიმულატორები | |||
| ანოტაცია: | |||
| ფარმაკოლოგიური თვისება: | კლომიფენი სპეციფიკურად უერთდება ჰიპოთალამუსში და საკვერცხეებში ლოკალიზებულ ესტროგენულ რეცეპტორებს. მცირე დოზებში იგი ხელს უწყობს ჰონადოტროპული ჰორმონების სეკრეციას (მალუთეინიზირებელი, ფოლიკულომასტიმულირებელი, პროლაქტინი) და ასტიმულირებს ოვულაციას. ორგანიზმში ესტროგენების დაბალი შემცველობის დროს კლომიფენი ახდენს ზომიერ ესტროგენულ მოქმედებას, ხოლო მისი მაღალი რაოდენობისას - იწვევს ანტიესტროგენულ ეფექტს. მოცირკულირე ესტროგენების შემცირებით (რომლებიც იწვევენ დიდ კონცენტრაციებში ჰონადოტროპინების სეკრეციას), იგი ხელს უწყობს ჰონადოტროპინების სეკრეციის მომატებას. მაღალ დოზებში პრეპარატი თრგუნავს ჰონადოტროპინების პროდუქციას. მას არ ახასიათებს გესტაგენური და ანდროგენული აქტივობა. | ||
| ჩვენება: | - ოვულაციის ინდუქცია საკვერცხეების ანოვულაციური დისფუნქციის და მასთან დაკავშირებული უნაყოფობის დროს; - ცენტრალური და ჰიპოთალამური წარმოშობის ანოვულაციური ციკლის მოშლილობები; - სხდასხვა წარმოშობის მეორადი ამენორეა, ოლიგომენორეა; - კონტრაცეფციის შემდგომი ამენორეა; - გალაქტორეა (არასიმსივნური ეთიოლოგიის); - შტეინ-ლევენტალის სინდრომი; - კიარი-ფრომელის სინდრომი; - ოლიგოსპერმია. | ||
| დოზირება და მიღების წესი: | მკურნალობის ხანგრძლივობა და დოზა მკაცრად ინდივიდუალურია. ვინაიდან ეფექტი დამოკიდებულია საკვერცხეების მგრძნობელობაზე (რეაქტიულობაზე). იმ შემთხვევაში, როდესაც მენსტრუალური ციკლი შენარჩუნებულია, რეკომენდირებულია მკურნალობის კურსის დაწყება ციკლის მე-5 დღიდან. მკურნალობის I კურსი: 50მგ მომდევნო 5 დღის განმავლობაში, ამ დროს საჭიროა საკვერცხეების რეაქციაზე კონტროლი. ოვულაცია, როგორც წესი, იწყება ციკლის მე-11 და მე-15 დღეებს შორის. თუ ოვულაცია არ იწყება, მიმართავენ მკურნალობის II კურსს-100მგ კლომიფენი 5 დღის განმავლობაში. ამ შემთხვევაში ოვულაციის არ არსებობის დროს, მკურნალობის II კურსს, კიდევ ერთხელ იმეორებებენ. 3-თვიანი შესვენების შემდეგ, ტარდება კიდევ ერთი 3-თვიანი მკურნალობის კურსი. დადებითი ეფექტის არ არსებობის შემ-თხვევაში, მკურნალობის შემდგომ გაგრძელებას აზრი არა აქვს. მკურნალობის I კურსის დროს პრეპარატს იღებენ არა უმეტეს 750მგ-იანი დოზით. პოსტკონტრაცეპტიული ამენორეის დროს ენიშნებათ 50მგ დღეში 5-დღიანი კურსით. ოლიგომენორეის დროს-50მგ დღეშიკვირის განმავლობაში. | ||
| გვერდითი მოვლენები: | - თავბრუსხვევა, თავის ტკივილი, დეპრესია, დაღლილობა, გულისრევა და ღებინება პრეპარატის მხოლოდ მაღალი დოზებით მიღებისას; ალერგიული რეაქციები. - წამოხურების და მხედველობის დაქვეითების სიმპტომები პრეპარატით მკურნალობის შეწყვეტის შემდეგ მალევე ქრება; საკვერცხეების ჰიპერტროფია ორგანიზმში ესტროგენების შემცველობის მომატებით, მუცლის ტკივილი, მენორაგია, სათესლე ჯირკვლის ტკივილი. | ||
| უკუჩვენება: | - ღვიძლის ფუნქციონალური მოშლილობა და მისი დაავადებები, საკვერცხის კისტა, ჰიპოფიზის სიმსივნე ან მისი ფუნქციის უკმარისობა. დაუდგენელი გენეზის სისხლდენა საშვილოსნოდან, სასქესო ორგანოების ავთვისებიანი და კეთილთვისებიანი დაავადებები, ცნს-ის ორგანული დაზიანებები. - პრეპარატის მიღება ეკრძალებათ ავტოტრანსპორტის მძღოლებს და იმ პირებს, რომელთაც მუშაობა უხდებათ სიმაღლეზე ან დანადგარებთან, რომლებიც მოითხოვენ ყურადღების განსაკუთრებულ კონცენტრაციას. | ||
| ორსულობა და ლაქტაცია: | ორსულობის დროს პრეპარატის დანიშვნა უკუნაჩვენებია. ორსულობის დადგომისას კლომიფენით მკურნალობის შემდეგ რეკომენდებულია პროგესტერინის დანიშვნა ყვითელი სხეულის ფუნქციური უკმარისობის პროფილაქტიკისათვის. | ||
| განსაკუთრებული მითითებები: | კლომიფენით მკურნალობის დაწყებამდე საჭიროა ღვიძლის ფუნქციის გამოკვლევა. პრეპარატის დანიშვნა მაშინ არის მიზანშეწონილი, როდესაც შარდში ჰონადოტროპინების ჯამური რაოდენობა რამდენადმე დაქვეითებულია, ან ნორმის ფარგლებშია, არ არის ორგანული ცვლილებები საკვერცხეებში, ფარისებრი და თირკმელზედა ჯირკვლის ფუნქცია ნორმის ფარგლებშია. მკურნალობის პერიოდში საჭიროა საკვერცხეების ფუნქციის კონტროლი. | ||
| ჭარბი დოზირება: | გულისრევა, ღებინება, წამოხურება, მხედველობის დარღვევა, მუცლის ტკივილი. | ||
| ურთიერთქმედება სხვა მედიკამენტებთან: | რაციონალურია კომპლექსური თერაპია კლოსტილბეგიტის ჰონადოტროპულ ჰორმონებთან. |
Page generation time: 0. 021765565 sec.
