This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ანტიტეტანური შრატი
Serum antitetanus
ა.თ.ქ. კლასიფიკაცია:
	
 
J06AA02	
J მიკრობების საწინააღმდეგო პრეპარატები სისტემური გამოყენებისათვის
	
06 იმუნური შრატები და იმუნოგლობულინები
	
A იმუნური შრატები
	
A იმუნური შრატები
ანოტაცია:
	
	
ფარმაკოლოგიური თვისება:
	
პრეპარატი წარმოადგენს სპეციფიური იმუნოგლობულინების შემცველ ცხენის სისხლის შრატის ცილოვან ფრაქციას, ჰიპერიმუნიზირებულს ტეტანუსის ანატოქსინით ან ტოქსინით, რომელიც გაწმენდილია და კონცენტრირებულია პეპტიური გადახარშვის ერთ-ერთი მეთოდით. პრეპარატი წარმოადგენს გამჭირვალე ან სუსტად ოპალესცირებულ უფერო ან მოყვითალო ხსნარს ნალექის გარეშე. ბიოლოგიური და იმუნობიოლოგიური თვისებები: პრეპარატი შეიცავს ანტოტოქსინებს, რომლებიც ანეიტრალებენ ტეტანუსის ტოქსინს.
ჩვენება:
	
ტეტანუსის მკურნალობა და მისი სასწრაფო სპეციფიური პროფილაქტიკა.
დოზირება და მიღების წესი:
	
ტეტანუსის მკურნალობა: სამკურნალოდ პრეპარატი შეჰყავთ დაავადების დაწყებიდან ადრეულ პერიოდში დოზით 100000-200000სე. შრატი შეჰყავთ. დაავადების სიმძიმის მიხედვით შრატის შეყვანა მეორდება რეფლექტორული კრუნ-ჩხვების გაქრობამდე. ტეტანუსის სასწრაფო პროფილაქტიკა: იგი ითვალისწინებს ჭრილობის პირველად ქირურგიულ დამუშავებას და აუცილებლობის შემთხვევაში ტეტანუსის საწინააღმდეგო სპეციფიკური იმუნიტეტის ჩამოყალიბებას. ტეტანუსის სასწრაფო პროფილაქტიკა ტარდება: - ტრავმები, კანის და ლორწოვანი გარსების მთლიანობის დარღვევით; - მოყინულობა და დამწვრობა მეორე, მესამე და მეოთხე ხარისხის; -აბორტები, ჩატარებული სტაციონარის გარეთ; - მშობიარობა სამედიცინო დაწესებულების გარეთ; -ქსოვილების ნებისმიერი სახის განგრენა ან ნეკროზი, აბსცესი; - ცხოველების ნაკბენები; - კუჭ-ნაწლავის ტრაქტის გამჭოლი დაზიანებები. ტეტანუსის სასწრაფო პროფილაქტიკისათვის გამოიყენებენ: - ტეტანუსის საწინააღმდეგო ანატოქსინს; - ტეტანუსის საწინააღმდეგო ადამიანის იმუნოგლობულინს ან ტეტანუსის საწინააღმდეგო თხიერ შრატს გაწმენდილს პეპტიური გადახარშვით. პროფილაქტიკური საშუალებების ამორჩევის სქემა მოყვანილია ცხრილში 1. ტეტანუსის საწინააღმდეგო ანატოქსინი შეჰყავთ კანქვეშ ბეჭის ქვეშ. ტეტანუსის საწინააღმდეგო ადამიანის იმუნოგლობულინი დოზით 250სე შეყავთ კუნთებში დუნდულოს ზედა გარეთა კვადრანტში. ტეტანუსის საწინააღმდეგო შრატი სასწრაფო პროფილაქტიკის საჭიროებისათვის შეჰყავთ კანქვეშ დოზით 3000სე. მისი შეყვანის წინ აუცილებელია კანის სინჯის ჩატარება უცხო ცილაზე მგრძნობელობის დასადგენად განზავებული 1:100შრატით, რომელიც ინახება კოლოფში პრეპარატით (ამპულა მარკირებულია წითელი ფერით). კანქვეშა სინჯის ჩასატარებლად იყენებენ ინდივიდუალურ ამპულას, აგრეთვე სტერილურ შპრიცს განაყოფით 0,1მლ და წვრილ ნემს. განზავებული შრატი შეჰყავთ კანში წინა მხრის მომხრელ ზედაპირზე. რეაქციის აღრიცხვა ხდება 20 წუთის შემდეგ. სინჯი უარყოფითია, თუ შეშუპება ან შეწითლება შეყვანის ადგილას ნაკლებია 1სმ-ზე. სინჯი დადებითია, თუ შეშუპება ან გაწითლება აღწევს დიამეტრში 1 სმ-ზე მეტს. კანის უარყოფითი სინჯის შემდეგ ტეტანუსის საწინააღმდეგო შრატის 0,1 მლ (ამპულა მარკირებულია ლურჯი ფერით) შეყავთ კანქვეშ. თუ რეაქცია არ აღინიშნება, 30 წუთის შემდეგ შეყავთ სტერილური შპრიცით დარჩენილი დოზა. ამპულა დარჩენილი შრატით ინახება დახურული სტერილური საფენით. პაციენტებში დადებითი კანქვეშა სინჯით ან ანაფილაქსიური რეაქციის შემ-თხვევაში კანქვეშა ინექციის 0,1მლ-ს შეყვანის დროს დარჩენილი დოზის შეყვანა წინააღმდეგნაჩვენებია. ასეთ შემთხვევაში შეყავთ ტეტანუსის საწინააღმდეგო ადამიანის იმუნოგლობულინი. ტეტანუსის სპეციფიური პროფილაქტიკა ხორციელდება შემდეგი პირობების დაცვით: - ამპულის გახსნა და ტეტანუსის საწინააღმდეგო შრატის და ანატოქსინის შეყვანა ხდება ასეპტიკის და ანტისეპტიკის წესების მკაცრი დაცვით; - დაუშვებელია პრეპარატის გამოყენება თუ დარღვეულია ამპულის მთლიანობა, მარკირებით, მისი ფიზიკური თვისებების შეცვლით (ნალექი, ჩანართი, ამღვრეული შრატი, იმუნოგლობულინები); - ტეტანუსის ანატოქსინის შეყვანის წინ საჭიროა ამპულის შენჯღრევა ჰომოგენური სითხის მიღებამდე; - გახსნილი ამპულის შენახვა დაუშვებელია. პრეპარატის შეყვანა რეგისტრირდება სპეციალურ ფორმებში, სადაც მითითებულია აცრის თარიღი, დოზა, პრეპარატის გამომშვები დაწესებულება, სერიის ნომერი, რეაქცია პრეპარატის შეყვანაზე. რეაქცია პრეპარატის შეყვანაზე: პრეპარატის შეყვანის შემდეგ შეიძლება განვითარდეს სხვადასხვა ალერგიული რეაქციები: დაუყოვნებლივი, რომელიც აღინიშნება შეყვანიდან მაშინვე ან რამდენიმე საათის შემდეგ; ადრეული - მე-2-6 დღეს შეყვანიდან და მოგვიანებითი- შეყვანიდან მეორე კვირას და უფრო გვიან. ეს რეაქციები გამოვლინდება შრატისმიერი დაავადების სიმპტომოკომპლექსით (სხეულის ტემპერატური მომატება, ქავილი, გამონაყარი კანზე, ტკივილი სახსრებში და სხვა), იშვიათ შემთხვევაში ანაფილაქსიური შოკით. შოკის განვითარების საშიშროების გამო აცრილი პაციენტი უნდა იმყოფებოდეს ექიმის მეთვალყურეობის ქვეშ 1 საათის განმავლობაში. აცრების ჩატარების ადგილი უზრუნველყოფილი უნდა იყოს შოკის საწინააღმდეგო თერაპიის საშუალებებით. ტეტანუსის საწინააღმდეგო შრატით აცრილი პირები უნდა იყვნენ გაფრთხილებულნი, რომ უნდა მიმართონ სამედიცინო დაწესებულებას შრატისმიერი დაავადების სიმპტომების გაჩენის შემთხვევაში. ტეტანუსის საწინააღმდეგო შრატის შეყვანისას აღინიშნება როგორც ზოგადი რეაქციები, რომელიც გამოიხატება შეუძლოდ ყოფნაში და სხეულის ტემპერატურის მომატებაში, ასევე ადგილობრივ რეაქციებში - შეწითლება, შეშუპება, მტკივნეულობა, რომელიც გაივლის 24-48 საათის შემდეგ. იშვიათ შემთხვევაში შეიძლება განვითარდეს შოკი.
უკუჩვენება:
	
ტეტანუსის საწინააღმდეგო შრატის სამკურნალოდ გამოყენებას წინააღმდეგჩვენება არ აქვს. წინააღმდეგჩვენება სპეციფიური საშუალებების გამოსაყენებლად ტეტანუსის სასწრაფო პროფილაქტიკისათვის: 1. მომატებული მგრძნობელობა პრეპარატის მიმართ ანამნეზში; 2. ორსულობა: - პირველ ნახევარში წინააღმდეგნაჩვენებია ტეტანუსის საწინააღმდეგო ანატოქსინის და ტეტანუსის საწინააღმდეგო შრატის შეყვანა; - მეორე ნახევარში წინააღმდეგნაჩვენებია ტეტანუსის საწინააღმდეგო შრატის შეყვანა.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021812819 sec.