This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ლატანოპროსტი
Latanoprost
ა.თ.ქ. კლასიფიკაცია:
	
 
S01EE01	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
E გლაუკომის საწინააღმდეგო პრეპარატები და მიოზური საშუალებები
	
E პროსტაგლანდინის ანალოგები
S01EX03	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
E გლაუკომის საწინააღმდეგო პრეპარატები და მიოზური საშუალებები
	
X გლაუკომის საწინააღმდეგო სხვა პრეპარატები
ანოტაცია:
	
	
ფარმაკოლოგიური თვისება:
	
პროსტაგლანდინ F2α-ს ანალოგი, რომელიც წარმოადგენს FP რეცეპტორების სელექტიურ აგონისტს. იგი ამცირებს თვალშიდა წნევას სითხის დინების გაძლიერებით. თვალშიდა წნევის დაქვეითება იწყება პრეპარატის მიღებიდან დაახლოებით 3-4 სთ-ის შემდეგ, ხოლო მაქსიმალური ეფექტი აღინიშნება 8-12 სთ-ის შემდეგ, რომელიც გრძელდება 24 სთ-ის განმავლობაში. წინაკლინიკური და კლინიკური კვლევებით დადგენილ იქნა, რომ პრეპარატის მოქმედების ძირითადი მექანიზმი დაკავშირებულია უვეოსკლერული სითხის დინების გაძლიერებასთან. მას არ ახასიათებს ჰემატოოფთალმიურ ბარიერზე მოქმედება.
ფარმაკოკინეტიკა:
	
ლატანოპროსტი ადგილობრივი გამოყენებისას ადვილად აღწევს რქოვანას, რის გამოც მიმდინარეობს მისი ჰიდროლიზი აქტიურ ფორმამდე. მისი მაქსიმალური კონცენტრაცია სითხეში აღინიშნება თითქმის 2 სთ-ის შემდეგ, პრეპარატის ადგილობრივი გამოყენებისას.
ჩვენება:
	
პირველადი ღიაკუთხოვანი გლაუკომა.; მომატებული ოფთალმოტონუსი;
დოზირება და მიღების წესი:
	
რეკომენდებულია დაზიანებულ თვალში 1 წვეთის ჩაწვეთება ერთხელ დღეღამეში. ოპტიმალური ეფექტი ვითარდება ღამით მიღებისას. პრეპარატის ხანგრძლივი გამოყენებისას მისი ეფექტურობა მცირდება.
გვერდითი მოვლენები:
	
ადგილობრივი რეაქციები: თვალში უცხო სხეულის შეგრძნება, მცირე (დაახლოებით 10%) და საშუალოდ გამოხატული (10%) კონიუნქტივის ჰიპერემია, ტრანზიტორული წერტილოვანი ეპითელური ეროზიები (უმეტეს შემთხვევებში უსიმპტომოდ მიმდინარე), ფერადი გარსის პიგმენტაციის გაძლიერება, გარკვეულ შემთხვევებში - მაკულარული შეშუპება (ძირითადად ავადმყოფებში - აფაკიური და ფსევდოაფაკიური ბროლით თვალის წინა კამერაში). დერმატოლოგიური რეაქციები: კანზე გამონაყარი.
უკუჩვენება:
	
პრეპარატის მიმართ მომატებული მგრძნობელობა;
ორსულობა და ლაქტაცია:
	
ორსულობის პერიოდში პრეპარატის გამოყენება იმ შემთხვევაშია რეკომენდებული, როდესაც დედისათვის სასარგებლო შედეგი მკვეთრად სჭარბობს ნაყოფზე მოქმედების პოტენციურ რისკს. პრეპარატს არ ახასიათებს ნაყოფის თანდაყოლილი დეფექტები. ლაქტაციის დროს პრეპარატის დანიშვნისას, პრეპარატი და მისი მეტაბოლიტები გამოიყოფა დედის რძესთან ერთად. ექსპერიმენტული კვლევებით დედგენილ იქნა, რომ ვენაში შეყვანილი პრეპარატის დაახლოებით 100-ჯერ მეტი დოზის გამოყენებას, ვიდრე ადამიანებში, ახასიათებდა ტოქსიკური მოქმედება ემბრიონზე და ნაყოფზე, რომელიც ვლინდებოდა ნაყოფის მასის დაქვეითებით და მკვდარი ნაყოფით.
განსაკუთრებული მითითებები:
	
დღეისათვის არ არსებობს მონაცემები მისი გამოყენების შესახებ თვალის ანთების, ნეოვასკულური, დახურულკუთხოვანი და თანდაყოლილი გლაუკომის დროს. შედარებით მცირე გამოცდილება არსებობს პრეპარატის გამოყენების შესახებ ავადმყოფებში ღიაკუთხოვანი გლაუკომის დროს, აგრეთვე ფსევდოაფაკიით და პიგმენტური გლაუკომების დროს. მან შეიძლება გამოიწვიოს თვალის ფერის შეცვლა, ფერად გარსში ყავისფერი პიგმენტის რაოდენობის მომატებით, რასაც განპირობებს მელანინის შემცველობის გაზრდა ფერადი გარსის სტრომალურ მელანოციტებში. კლინიკურმა კვლევებმა ნათელყო, რომ პაციენტებს- თვალების ლურჯი, ყავისფერი და მწვანე ფერებით, 2 წლიანი მკურნალობის შემდეგ თვალის ფერის შეცვლა აღენიშნებოდათ ძალიან იშვიათად. ამავე კვლევებით დადგინდა, რომ თვალის ფერის შეცვლა არ მიმდინარეობს რაიმე კლინიკური და პათოლოგიური ცვლილებებით, თუმცა მკურნალობის დაწყებამდე, აუცილებელია ავადმყოფების ინფორმირება თვალის ფერის შესაძლო შეცვლაზე. მხოლოდ ერთFთვალზე მკურნალობა იწვევს ხანგრძლივ ჰეტეროქრომიას. იგი, რომელიც შეიცავს ბენზალკონიუმის ქლორიდს, ადსორბირდება კონტაქტური ლინზებით, რის გამოც აუცილებელია პრეპარატის თვალში ჩაწვეთებამდე კონტაქტური ლინზების გამოღება და მათი ჩადგმა ჩაწვეთებიდან 15 წთ-ის შემდეგ. 3მკგ/კგ დოზით პრეპარატის ვენაში ინფუზია ჯანმრთელ მოხალისეებში უსიმპტომოდ მიმდინარეობს, ხოლო 5.5-10მკგ/კგ-ზე დოზით იწვევს ღებინებას, ტკივილებს მუცლის არეში, თავბრუსხვევას, თავის ტკივილს, საერთო სისუსტეს, ჰიპერემიას და ოფლის გაძლიერებულ გამოყოფას. პრეპარატის მიღებისას სიფრთხილე და ეფექტურობა ბავშვებში დადგენილი არ არის. მისი მიღებიდან 30 წთ-ის განმავლობაში აუცილებელია თავის შეკავება (მხედველობის ხანმოკლე შესაძლო დაქვეითების გამო) ავტომობილის მართვისაგან და იმ საქმიანობისაგან, რომელიც მოითხოვს ყურადღების მაქსიმალურ კონცენტრაციას.
ჭარბი დოზირება:
	
კონიუნქტივის ჰიპერემია, თვალის ლორწოვანის გაღიზიანება. ლატანოპროსტის 7-ჯერ გადაჭარბებული თერაპიული დოზა, ავადმყოფებში საშუალო სიმძიმის ბრონქული ასთმით, არ იწვევდა ცვლილებებს სასუნთქი სისტემის, არტერიული წნევის და გულის კუმშვადობის სისწრაფის მხრივ.
ურთიერთქმედება სხვა მედიკამენტებთან:
	
ხანმოკლე კლინიკური კვლევებით დადგინდა, რომ ლატანოპროსტის კომბინაცია ბეტა-ადრენობლოკატორებთან (თიმოლოლი), კარბოანჰიდრაზას ინჰიბიტორებთან (აცეტაზოლამიდი) და ქოლინომიმეტიურ (პილოკარპინი) საშუალებებთან ხასიათდება ადიტიური მოქმედებით თვალშიდა წნევის დაქვეითებაზე. გამოკვლევებით, In vitro დადგინდა, რომ მისი შერევით თვალის წვეთებთან, რომლებიც შეიცავენ თიომერსალს მიმდინარეობს პრეციპიტაცია
შენახვის პირობები:
	
პრეპარატი ინახება არაუმეტეს 2-8’C ტემპერატურაზე, სინათლისაგან დაცულ ადგილას. იგი გამოყენებულ უნდა იქნას ფლაკონის გახსნიდან 4 კვირის განმავლობაში, დასაშვებია მისი შენახვა ოთახის ტემპერატურაზე (არაუმეტეს 25’C ტემპერატურაზე). ვარგისიანობის ვადა - 3 წელი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022531358 sec.