This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
გლუკაგონი
Glucagon
ა.თ.ქ. კლასიფიკაცია:
	
 
H04AA01	
H ჰორმონები სისტემური გამოყენებისათვის (სასქესო ჰორმონების გარდა)
	
04 კუჭქვეშა ჯირკვლის ჰორმონები
	
A გლიკოგენის დამშლელი ჰორმონები
	
A გლიკოგენის დამშლელი ჰორმონები
ანოტაცია:
	
	
ფარმაკოლოგიური თვისება:
	
გლუკაგონს ღებულობენ ღორის ან ხარის კუჭქვეშა ჯირკვლიდან ექსტრაქციის გზით. პრეპარატი გათვალისწინებულია ჰიპოგლიკემიური მდგომარეობის კორეგირებისათვის. გლუკაგონი მოქმედებს ღვიძლში გლიკოგენის მარაგზე, გარდაქმნის მას გლუკოზად და იწვევს სისხლში შაქრის კონცენტრაციის მომატებას. პრეპარატი ეფექტურია მცირე დოზებში. გლუკაგონის პარენტერული შეყვანა იწვევს კუჭისა და ნაწლავების გლუვი მუსკულატურის ტონუსის შესუსტებას. პრეპარატის ეფექტი კუნთებში შეყვანისას ვლინდება 4-7 წთ-ში, მისი მოქმედების ხანგრძლივობა დამოკიდებულია შეყვანილ დოზაზე და შეადგენს 1 მგ-ისთვის 12-27 წთ-ს, ხოლო 2 მგ-ისთვის 21-32 წთ-ს. პრეპარატის ინტრავენური შეყვანისას მისი ეფექტი ვლინდება 1 წთ-ის შემდეგ. მოქმედების ხანგრძლივობა 0.25-0.5 მგ დოზის მიღებისას შეადგენს 9-17 წთ-ს, ხოლო 2 მგ-ის შემთხვევაში 22-25 წთს. პრეპარატი ასტიმულირებს კატექოლამინების გამონთავისუფლებას. ინტრავენური შეყვანისას გლუკაგონი იწვევს დადებით ინოტროპულ და ქრონოტროპულ ეფექტებს.
ფარმაკოკინეტიკა:
	
პრეპარატის ნახევრადდაშლის პერიოდი შეადგენს 3-6 სთ-ს.
ჩვენება:
	
მძიმე ჰიპოგლიკემიური მდგომარეობის კორექცია (განსაკუთრებით 1 ტიპის შაქრიანი დიაბეტის დროს). დამატებითი დიაგნოსტიკური საშუალების სახით კუჭისა და ნაწლავების რენტგენოლოგიური გამოკვლევის დროს.
დოზირება და მიღების წესი:
	
მძიმე ჰიპოგლიკემიური მდგომარეობის დროს მოზრდილებში და ბავშვებში სხეულის წონით 20 კგ-ზე მეტი შეჰყავთ 1 მგ კანქვეშ, კუნთებში ან ინტრავენურად. ბავშვებში სხეულის წონით 20 კგ-ზე ნაკლები კანქვეშ, კუნთებსა და ინტრავენურად 0.5 მგ, ან დოზა, რომელიც ექვივალენტურია სხეულის წონის 20-30 მკგ/კგზე. თუ პაციენტი არ რეაგირებს გლუკაგონის შეყვანაზე, მაშინ აუცილებელია გლუკოზის ინტრავენური შეყვანა. 15 წთ-ის განმავლობაში პრეპარატის საწყისი მიღებიდან შესაძლებელია მისი ერთი ან ორი დამატებითი შეყვანა იგივე დოზით. თუ პაციენტმა რეაგირება მოახდინა პრეპარატზე, მაშინ მას უნდა მიეცეს ნახშირწყლების დამატებითი რაოდენობა, რათა აღდგეს გლიკოგენის რაოდენობა ღვიძლში და თავიდან იქნას აცილებული მეორადი ჰიპოგლიკემია. დამატებითი დიაგნოსტიკური საშუალების სახით გამოყენებისას პრეპარატის შეყვანის გზა და დოზა განისაზღვრება ეფექტის ხანგრძლივობითა და დროით. კუჭის გამოკვლევისას რეკომენდებულია 0.5 მგის შეყვანა ინტრავენურად ან 2 მგ კუნ-თებში. მსხვილი ნაწლავის გამოკვლევისას მიზანშეწონილია 2 მგ-ის კუნთებში შეყვანა პროცედურის დაწყებამდე დაახლოებით 10 წთ-ით ადრე. პრეპარატი გამოყენებისას უნდა გაიხსნასს სათანადო გამხსნელში. იგი არ გამოიყენება კონცენტრაციით, რომელიც აღემატება 1 მგ/1 მლ-ში. გლუკაგონის შეყვანისას 2 მგ-ზე მეტი დოზით იგი იხსნება ინექციისათვის განკუთვნილ სტერილურ წყალში და არა სათანადო გამხსნელში.
გვერდითი მოვლენები:
	
საჭმლისმომნელებელი სისტემის მხრივ: ღებინება, გულისრევა (განსაკუთრებით დიდი დოზების შეყვანისას). ალერგიული რეაქციები: ბრონქოსპაზმი, არტერიული ჰიპოტონია, ურტიკარია. გულ-სისხლძარღვთა სისტემების მხრივ: არტერიული წნევის გარდამავალი მომატება, ტაქიკარდია.
უკუჩვენება:
	
- ფეოქრომოციტომა; - პრეპარატის მიმართ მომატებული მგრძნობელობა.
ორსულობა და ლაქტაცია:
	
ორსულობისა და ლაქტაციის პერიოდში პრეპარატი გამოიყენება მხოლოდ მკაცრი აუცილებლობის შემთხვევაში. შაქრიანი დიაბეტით შეპყრობილი ავადმყოფები მკაცრად უნდა იცავდნენ რეკომენდაციებს, რომლებიც მიმართულია ჰიპოგლიკემიური მდგომარეობის პროფილაქტიკისათვის. იმ შემთხვევაში, როდესაც პაციენტს აღენიშნება ჰიპოგლიკემიური რეაქცია და იგი ღებულობს გლუკაგონს, საჭიროა რაც შეიძლება სწრაფად მკურნალი ექიმის ინფორმირება, ვინაიდან გლუკაგონი წარმოადგენს პოლიპეპტიდს და მისი შემთხვევით მიღებისას იგი სწრაფად დაიშლება საჭმლისმომნელებელ ტრაქტში. პრეპარატის ხსნარი, რომელიც დამზადებულია თანმხლებ გამხსნელთან ერთად, ინახება 48 სთ-ის განმავლობაში. გლუკაგონის ხსნარი, დამზადებული სტერილურ წყალზე ინექციისათვის, უნდა იქნას გამოყენებული დაუყოვნებლივ.
განსაკუთრებული მითითებები:
	
პრეპარატი განსაკუთრებული სიფრთხილით ინიშნება პაციენტებში ინსულინომას ან ფეოქრომოციტომაზე ეჭვის დროს. ინსულინომით დაავადებულებში გლუკაგონის ინტრავენური შეყვანა თავდაპირველად იწვევს სისხლში გლუკოზის რაოდენობის მომატებას, თუმცა შემდგომში, პრეპარატს შეუძლია ინსულინის გამოყოფის სტიმულირება სიმსივნით შეპყრობილ ავადმყოფებში და მეორადი ჰიპოგლიკემიის განვითარება. ავადმყოფებში, რომელთაც გლუკაგონის შეყვანის შემდეგ აღენიშნებათ ჰიპოგლიკემიის სიმპტომები, საჭიროა შევუყვანოთ გლუკოზის ინტრავენური შეყვანა ან მისი პერორალური მიღება, სიტუაციის მიხედვით. ფეოქრომოციტომით დაავადებულებში გლუკაგონმა შეიძლება ხელი შეუწყოს კატექოლამინების გამოყოფას, რაც ვლინდება არტერიული წნევის სწრაფი და მნიშვნელოვანი მომატებით. თუ ავადმყოფს გლუკაგონის შეყვანის შემდეგ უეცრად აღენიშნება ჰიპერტენზია, შეიძლება ინტრავენურად 5-10 მგ ფენტოლამინის შეყვანა. პრეპარატის გამოყენებისას ჰიპოგლიკემიური მდგომარეობის დროს საჭიროა სისხლის პლაზმაში გლუკოზის რაოდენობის კონტროლი.
ჭარბი დოზირება:
	
შესაძლებელია ღებინება, გულისრევა, დიარეა, სისხლის პლაზმაში კალიუმის კონცენტრაციის შემცირება, არტერიული წნევის მომატება და ტაქიკარდია. მკურნალობა სიმპტომატურია და მიმართულია ღებინების, გულისრევის და შესაძლებელი ჰიპოკალიემიის საწინააღმდეგოდ. ფორსირებული დიურეზის და ჰემოდიალიზის გამოყენება ნაკლებად ეფექტურია.
ურთიერთქმედება სხვა მედიკამენტებთან:
	
ავადმყოფებს, რომლებიც ღებულობდნენ ბეტა-ადრენობლოკატორებს, გლუკაგონის შეყვანისას აღენიშნებათ გამოხატული არტერიული ჰიპერტენზია.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020946297 sec.