| უნიფიცირებული დასახელება: | ატრაკურიუმის ბეზილატიAtracurium besilate | ||
| ა.თ.ქ. კლასიფიკაცია: | |||
M03AC04 | M ძვალ-კუნთოვანი სისტემა | ||
| 03 მიორელაქსანტები | |||
| A პერიფერიული მოქმედების მიორელაქსანტები | |||
| C მეოთხეული ამონიუმის ნაერთები | |||
| ანოტაცია: | |||
| ფარმაკოლოგიური თვისება: | ატრაკურიუმის ბეზილატი პერიფერიული მოქმედების მაღალ სელექტური არამადეპოლარიზირებელი მიორელაქსანტია. იგი წარმოადგენს პოსტსინაფსური მემბრანის ნ-ქოლინორეცეპტორების მაბლოკირებელ საშუალებას, რომელიც ხასიათდება კონკურენტული ანტაგონიზმით მედიატორ აცეტილქოლინის მიმართ. ატრაკურიუმი იწვევს ჩონ-ჩხის, მათ შორის სუნთქვის კუნთების დროებით მოდუნებას. | ||
| ფარმაკოკინეტიკა: | ატრაკურიუმის მეტაბოლიზმი მიმდინარეობს ჰოფმანის (ავადმყოფის სისხლის Pდა სხეულის ტემპერატურის ფიზიოლოგიური მაჩვენებლებით მიმდინარე არაენზიმური პროცესი) ელიმინაციის გზით, აგრეთვე სისხლის პლაზმის არასპეციფიური ესთერაზების თანმხლებით მიმდინარე ეთერის ჰიდროლიზით. ატრაკურიუმით გამოწვეული ნერვ-კუნთოვანი ბლოკადა დამოკიდებული არ არის ღვიძლში მის მეტაბოლიზმზე და თირკმელების მიერ მისი გამოყოფის პროცესზე. ამიტომ პრეპარატის ხანგრძლივი მოქმედების ეფექტზე ღვიძლის, თირკმელებისა და სისხლის მიმოქცევის ფუნქციის დარღვევა პრაქტიკულად გავლენას არ ახდენს. სისხლის პლაზმის ქოლინესთერაზის დაბალი მაჩვენებლების მქონე პაციენტებში ატრაკურიუმის ინაქტივაცია არ იცვლება. ჰიპოთერმიის პირობებში ადგილი აქვს ატრაკურიუმის ინაქტივაციის პროცესის დაქვეითებას. | ||
| ჩვენება: | ჩონჩხის კუნთების მოდუნების მიზნით ქირურგიული ოპერაციებისა და დიაგნოსტიკური პროცედურების ჩატარების დროს (ენდოტრაქეული ინტუბაცია და ფილტვების ხელოვნური ვენტილაცია). | ||
| გვერდითი მოვლენები: | კანის და მისი დანამატების ჰიპერემია, ტრანზიტორული არტერიული ჰიპოტენზია. იშვიათად: ბრონქოსპაზმი, ანაფილაქსიური რეაქციები (ატრაკურიუმის შეყვანის დროს ერთ ან რამოდენიმე საანესთეზიო საშუალებებეთან ერთად), კრუნჩხვები (ინტენსიური თერაპიის განყოფილებაში მყოფ პაციენტებ-ში, რომლებიც ატრაკურიუმთან ერთად იღებენ სხვა პრეპარატებს. აღნიშნულ პაციენტებში, როგორც წესი, ადგილი აქვს კრუნჩხვების სინდრომით მიმდინარე (ქალატვინის ტრავმა, ტვინის შეშუპება, ვირუსული ენცეფალიტი, ჰიპოქსიით გამოწვეული ენცეფალოპათია, ურემია) თანმხლებ პათოლოგიას. კლინიკური გამოკვლევებით სისხლის პლაზმაში ატრაკურიუმის მეტაბოლიტისლაუდონაზინის და კრუნჩხვითი სინდრომის გამომწვევ კონცენტრაციებს შორის კორელაცია დადგენილი არ არის. | ||
| უკუჩვენება: | მომატებული მგრძნობელობა პრეპარატის მიმართ. | ||
| ორსულობა და ლაქტაცია: | ორსულობის პერიოდში ატრაკურიუმის გამოყენება მხოლოდ იმ შემთხვევაშია შესაძლებელი, როდესაც დედისათვის სასარგებლო შედეგი მკვეთრად სჭარბობს ნაყოფზე უარყოფითი მოქმედების პოტენციურ რისკს. რეკომენდებულ დოზებში ატრაკურიუმის ბეზილატი არ გაივლის პლაცენტურ ბარიერს კლინიკურად მნიშვნელოვან კონცენტრაციებში მას, როგორც მიორელაქსანტს იყენებენ საკეისრო კვეთის დროს. | ||
| დოზირება და მიღების წესი: | მოზრდილებს და ბავშვებს 1 თვის ასაკის ზემოთ მიორელაქსაციის მიზნით ატრაკურიუმი ენიშნებათ ვენაში წვეთობრივად 300-600მკგ/კგ 15-35 წთ-ის განმავლობაში. ტრაქეის ინტუბაცია ძირითადად შესაძლებელია 90წთ-ის შემდეგ პრეპარატის ვენაში შეყვანით 500-600მკგ/კგ დოზით. ნერვ-კუნ-თოვანი ბლოკადის მთლიანად პროლონგირების მიზნით პრეპარატი დამატებით შეჰყავთ ვენაში 100-200მკგ/კგ დოზით. დამატებითი დოზების შეყვანას არ ახლავს პრეპარატის კუმულაციური ეფექტი. საწყისი დოზით 300-600მკგ/კგ პრეპარატის შეყვანის შემდეგ, ხანგრძლივად მიმდინარე ქირურგიული ოპერაციების დროს ნერვ-კუნთოვანი ბლოკადის შენარჩუნების მიზნით შესაძლებელია ვენაში უწყვეტი ინფუზიის ჩაატარება 300600მკგ/კგ სთ-ში. ატრაკურიუმის შეყვანა რეკომენდებულ დოზებში ინფუზიის გზით შესაძლებელია აორტოკორონარული შუნტირების დროს. ატრაკურიუმით გამოწვეული ნერვ-კუნთოვანი ბლოკადის მოხსნა შესაძლებელია ანტიქოლინესთერაზული საშუალებების საშუალო დოზებით, რომელსაც წინ უსწრებს ატროპინის ინექცია. ჰიპოთერმიის პირობებში (ავადმყოფის ტემპერატურით 25-26’C) საჭიროა ატრაკურიუმის დოზების 2-ჯერ შემცირება. პრეპარატის გამოყენება ინტენსიური თერაპიის განყოფილებაში: საწყისი დოზით 300-600მკგ/კგ პრეპარატის შეყვანის შემდეგ, ნერვ-კუნთოვანი ბლოკადის შენარჩუნების მიზნით შესაძლებელია ვენაში უწყვეტი ინფუზიის ჩაატარება 11-დან 13მკგ/კგწთ-ში (650-780 მკგ/კგ/სთ-ში). მკურნალობის ეფექტი აღინიშნება 60წთ-ის შემდეგ. პაციენტებში ღვიძლისა და თირკმელების ფუნქციის მოშლის დროს: ატრაკურიუმს იყენებენ რეკომენდებულ დოზებში. გულ-სისხლძარღვთა დაავადებების დროს ატრაკურიუმის საწყისი დოზა შეჰყავთ 60წთ-ის განმავლობაში. ხანდაზმულ პაციენტებში რეკომენდებულია ატრაკურიუმის მაქსიმალურად დაბალ დოზებში გამოყენება და პრეპარატის შეყვანის სიჩქარის შემცირება. | ||
| განსაკუთრებული მითითებები: | ატრაკურიუმი იწვევს სუნთქვის და ჩონჩხის კუნთების დამბლას, გავლენას არ ახდენს ადამიანის მეხსიერების პროცესზე, რის გამოც პრეპარატს იყენებენ გამოცდილი ანესთეზიოლოგის და ენდოტრაქეული ინტუბაციისა და ფილტვების ხელოვნური ვენტილაციის ჩასატარებელი საშუალებების თანხლებით მხოლოდ ადექვატურ ზოგად საანესთეზიო საშუალებებთან ერთად. ისევე როგორც სხვა მიორელაქსანტები ატრაკურიუმი ხელს უწყობს ჰისტამინის გამონთავისუფლების პროცესს. ამიტომ პრეპარატი განსაკუთრებული სიფრთხილით ენიშნებათ ჰისტამინის მიმართ მომატებული მგრძნობელობის მქონე პაციენტებს. რეკომენდებულ დოზებში ატრაკურიუმი არ იწვევს მნიშვნელოვან ვაგუს ან განგლიომაბლოკირებელ მოქმედებას და მისი გამოყენება არ წარმოადგენს წინააღმდეგჩვენებას ბრადიკარდიის დროს, რომელიც დაკავშირებულია ოპერაციის დროს მრავალი ზოგადი საანესთეზიო ან ვაგუს მასტიმულირებელი საშუალებების გამოყენებასთან. ატრაკურიუმის დოზირების ინდივიდუალური რეჟიმის დროს რეკომენდებულია ნერვკუნთოვანი ფუნქციის კონტროლი. ისევე როგორც სხვა მიორელაქსანტების გამოყენებისას, მიასთენიით, სხვა ნერვ-კუნ-თოვანი პათოლოგიით, მკვეთრად გამოხატული ელექტროლიტური დარღვევებით დაავადებულ პაციენტებში აღინიშნება ატრაკურიუმის მიმართ მომატებული მგრძნობელობა. არტერიული წნევის მკვეთრად დაქვეითებული რისკის მქონე პაციენტებში, მაგ. ჰიპოვოლემიის დროს, საჭიროა ატრაკურიუმის შეყვანა 60წთ-ის განმავლობაში. კლინიკურად დამტკიცებულია, რომ ატრაკურიუმი არ იწვევს ავთვისებიან ჰიპერთერმიებს. დამწვრობის მქონე პაციენტებში შესაძლებელია ატრაკურიუმის მიმართ რეზისტენტობის განვითარება, რომლის დროსაც საჭიროა ატრაკურიუმის დოზის გაზრდა დამწვრობის მიღების დროისა და დამწვრობის ზედაპირის ფართის გათვალისწინებით. ატრაკურიუმის ვენაში ინექციის შემდეგ ან იგივე ნემსით სხვა პრეპარატების ხსნარების შეყვანის დროს საჭიროა საინფუზიო სისტემის გამორეცხვა შესაბამისი რაოდენობის ფიზიოლოგიური ხსნარით. ატრაკურიუმის კომბინაცია შესაძლებელია შემდეგ საინფუზიო ხსნარებთან; ნატრიუმის ქლორიდის 0.9% ხსნარი, გლუკოზის 5% ხსნარი, რინგერის ხსნარი, ნატრიუმის მკურნალობა: ფილტვების ხელოვნური ვენტილაცია. ამ დროს საჭიროა ავადმყოფის სრული სედაცია. ნერვ-კუნთოვანი ფუნქციის აღდგენის პირველი ნიშნების გამოვლენისთანავე საჭიროა მისი დაჩქარება ანტიქოლინესთერაზული პრეპარატების ატროპინთან ერთად შეყვანით. | ||
| ურთიერთქმედება სხვა მედიკამენტებთან: | ატრაკურიუმით გამოწვეული ნერვ-კუნთოვანი ბლოკადა ძლიერდება ისეთი საინჰალაციო სანარკოზო საშუალებებით როგორიცაა: ჰალოტანი, იზოფლურანი, ენფლურანი. ატრაკურიუმის კომბინაციით ზოგიერთ ანტიბიოტიკებთან (ამინოგლიკოზიდები, პოლიმიქსინები, სპექტინომიცინი, ტეტრაციკლინი, ლინკომიცინი, კლინდამიცინი), ანტიარითმიულ პრეპარატებთან (პროპრანოლოლი, კალციუმის არხების ბლოკატორები, ლიდოკაინი, პროკაინამიდი, ქინიდინი), დიურეზულ საშუალებებთან (ფუროსემიდი და, შესაძლებელია მანიტოლი, თიაზიდური დიურეზული საშუალებები, აცეტაზოლამიდი), მაგნიუმის სულფატთან, კეტამინთან, ლითიუმის მარილებთან, განგლიობლოკატორებ-თან (ტრიმეტაფანი, ჰექსამეტონიუმი) ადგილი აქვს ნერვ-კუნთოვანი ბლოკადის გახანგრძლივებას. ცალკეულ შემთხვევებში ზოგიერთი პრეპარატების მიერ შესაძლებელია ლატენტურად მიმდინარე მიასთენიის გაძლიერება და მასკირება ან მიასთენიური სინდრომის გამოწვევა, რაც თავის მხრივ იწვევს ტრაკრიუმზე ჰიპერმგრძნობელობის მომატებას. აღნიშნულ პრეპარატებს მიეკუთვნება: სხვადასხვა ანტიბიოტიკები, ბეტა-ადრენობლოკატორები (პროპრანოლოლი, ოქსპრენოლოლი), ანტიარითმიული საშუალებები (პროკაინამიდი, ქინიდინი), ანტირევმატიული პრეპარატები (ქლოროქინი, D-პენიცილინამინი), ტრიმეტაფანი, ქლორპრომაზინი, სტეროიდები, ფენიტოინი და ლითიუმის პრეპარატები. სხვა მიორელაქსანტებთან ერთად ატრაკურიუმის შეყვანა იწვევს უფრო მკვეთრად გამოხატულ ნერვ-კუნთოვან ბლოკადას. სინერგული ეფექტი იცვლება პრეპარატებთან კომბინაციის და მიხედვით. ფარმაცევტული ურთიერთქმედება: ტუტე ხსნარებში მიმდინარეობს ატრაკურიუმის ინაქტივაცია, ამიტომ მისი შერევა ერთ შპრიცში თიოპენტონთან ან სხვა ტუტე ხსნარებთან არ არის ნებადართული. |
Page generation time: 0. 020844795 sec.
