This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
სალბუტამოლი
Salbutamol
ა.თ.ქ. კლასიფიკაცია:
	
 
G02CA	
G შარდსასქესო სისტემა და სასქესო ჰორმონები
	
02 სხვა პრეპარატები გინეკოლოგიური დაავადებების მკურნალობისათვის
	
C სხვა პრეპარატები გინეკოლოგიური დაავადებების მკურნალობისათვის
	
A ტოკოლიზური პრეპარატები - სიმპათომიმეტური საშუალებები
R03CC02	
R სასუნთქი სისტემა
	
03 პრეპარატები ბრონქული ასთმის მკურნალობისათვის
	
C სიმპატომიმეტური საშუალებები სისტემური გამოყენებისათვის
	
C სელექტიური ბეტა2- ადრენომიმეტური საშუალებები
R03AC02	
R სასუნთქი სისტემა
	
03 პრეპარატები ბრონქული ასთმის მკურნალობისათვის
	
A სიმპატომიმეტური საშუალებები ინჰალაციური გამოყენებისათვის
	
C სელექტიური ბეტა2- ადრენომიმეტური საშუალებები
ანოტაცია:
	
	
ფარმაკოკინეტიკა:
	
შეწოვა: ინჰალაცის შემდეგ სალბუტამოლის დოზის 10-20 % აღწევს წვრილი ყალიბის ბრონქებში, დანარჩენი ნაწილი კი რჩება ზედა სასუნთქ გზებში. განაწილება: პრეპარატის პლაზმის ცილებთან შეკავშირების ხარისხი შეადგენს 10%-ს. მეტაბოლიზმი: სალბუტამოლი პირველად მეტაბოლიზმს განიცდის ღვიძლში. გამოყოფა: ორგანიზმიდან პრეპარატი ძირითადად გამოიყოფა შარდთან ერთად შეუცვლელი და არააქტიური ფენოლსულფატური მეტაბოლიტის სახით. ინჰალაციის დროს პრეპარატის დოზის დიდი ნაწილი ელიმინირდება 72 სთ-ის განმავლობაში.
ფარმაკოლოგიური თვისება:
	
სალბუტამოლი წარმოადგენს ბეტა2-ადრენორეცეპტორების სელექტიურ აგონისტს. ბრონქების გაფართოვების გზით იგი ხსნის ბრონქოსპაზმს გულის ბეტა1-ადრენორეცეპტორებზე პრაქტიკულად ზემოქმედების გარეშე. იგი აფერხებს პოხიერი უჯრედებიდან ჰისტამინისა და ანაფილაქსიის ნელად მორეაგირე სუბსტანციის გამონთავისუფლების პროცესს. პრეპარატის მოქმედების ეფექტი იწყება სწრაფად და გრძელდება 4 სთ-ის განმავლობაში.
ჩვენება:
	
ბრონქული ასთმა: - ბრონქული ასთმის შეტევების კუპირება (მძიმედ მიმდინარე ბრონქული ასთმის გამწვავების ჩათვლით); - ალერგენებით ან ფიზიკური დატვირთვით გამოწვეული ბრონქოსპაზმის შეტევების პრევენციის მიზნით; - როგორც ერთ-ერთი კომპონენტი ბრონქული ასთმის ხანგრძლივი შემანარჩუნებელი თერაპიის დროს. სასუნთქი გზების შექცევადი ობსტრუქციით მიმდინარე დაავადებები ბრონქიტის და ემფიზემის ჩათვლით.
დოზირება და მიღების წესი:
	
მოზრდილებს - ბრონქოსპაზმის მწვავე შეტევების კუპირებისათვის - ენიშნებათ 100-200 მკგ (1-2 ინჰალაცია); დაავადების პროფილაქტიკის მიზნით რეკომენდებულ თერაპიულ დოზას წარმოადგენს 200 მკგ - 3-4ჯერ დღეში. ალერგენებით ან ფიზიკური დატვირთვით გამოწვეული ბრონქოსპაზმის შეტევის თავიდან აცილების მიზნით ენიშნებათ 200 მკგ მაპროვოცირებელი ფაქტორის ზემოქმედებამდე 10-15 წთ-ით ადრე. ბავშვებს ბრონქოსპაზმის კუპირებისათვის ენიშნებათ 100-200 მკგ (1 ინჰალაცია). სალბუტამოლის ინჰალატორის გამოყენება 4 ინჰალაციაზე მეტი რაოდენობით დღეში არ არის რეკომენდებული. მისი მაქსიმალური დოზებით ხშირად გამოყენება ან დოზების უეცარი გაზრდა მიუთითებს დაავადების მიმდინარეობის გაუარესებაზე.
გვერდითი მოვლენები:
	
ნერვული სისტემის მხრივ: ჩონჩხის კუნთების მსუბუქი ტრემორი (ძირითადად ზედა კიდურების); იშვითად - თავის ტკივილი, ბავშვებში აგზნება და მოძრაობითი აქტივობის გაზრდა. გულ-სისხლძარღვთა სისტემის მხრივ: პერიფერიული სისხლძარღვების გაფართოვება და გულის შეკუმშვათა სიხშირის უმნიშვნელო კომპენსატორული მომატება. გულის რითმის დარღვევა (მათ შორის მოციმციმე არითმია, სუპრავენტრიკულური ტაქიკარდია და ექსტრასისტოლია). სუნთქვის სისტემის მხრივ: ერთეულ შემთხვევებში - პარადოქსული ბრონქოსპაზმი, რომელიც საჭიროებს ჩანაცვლებითი თერაპიის სახით დაუყოვნებლივ, სხვა სწრაფად მოქმედ საინჰალაციო ბრონქოდილატატორის გამოყენებას. შედგომში საჭიროა სალბუტამოლით მკურნალობის დაუყოვნებლივ შეწყვეტა და პაციენტის მდგომარეობის და ჩატარებული გამოკვლევების შესაბამისად მკურნალობის კორექცია. ალერგიული რეაქციები: ერთეულ შემთხვევებში - ურტიკარია, ანგიონევროზული შეშუპება, ბრონქოსპაზმი, არტერიული ჰიპოტენზია, კოლაფსი. სხვადასხვა: ჰიპოკალიემია (რომელიც ზოგჯერ სერიოზულ საშიშროებას წარმოადგენს პაციენტებისათვის).
უკუჩვენება:
	
- პრეპარატის მიმართ მომატებული მგრძნობელობა; - ნაადრევი მშობიარობა და აბორტი.
ორსულობა და ლაქტაცია:
	
ორსულობის დროს სალბუტამოლის დანიშვნა მხოლოდ იმ შემთხვევაშია შესაძლებელი, როდესაც დედისათვის სასარგებლო შედეგი მკვეთრად სჭარბობს ნაყოფზე მოქმედების პოტენციურ რისკს. რადგან იგი ექსკრეგირებს დედის რძეში, ლაქტაციის დროს მისი გამოყენების აუცილებლობის შემთხვევაში საჭიროა ძუძუთი კვების შეწყვეტა.
განსაკუთრებული მითითებები:
	
ავადმყოფი ინფორმირებული უნდა იყოს ინჰალატორის სწორად გამოყენების შესახებ. ბრონქოდილატატორები არ წარმოადგენენ ერთ-ერთ და ამავე დროს ძირითად კომპონენტს არასტაბილურად ან მძიმედ მიმდინარე ბრონქული ასთმის სამკურნალოდ. იმ შემთხვევაში, როდესაც სალბუტამოლი რეკომენდებულ დოზებში არ იძლევა სასურველ შედეგს. - ჩვეულებრივი დოზა ნაკლებად ეფექტურია ან მისი მოქმედება ხანმოკლეა (პრეპარატის მოქმედება გრძელდება არა უმცირეს 3 სთ-ის განმავლობაში), საჭიროა ექიმთან კონსულტაცია. პრეპარატის დიდი დოზებით მიღება რეკომენდებულ დოზასთან შედარებით იწვევს სხვადასხვა გართულებების სერიოზულ საშიშროებას. პრეპარატის დოზის გაზრდა ხდება მხოლოდ ექიმის მეთვალყურეობის ქვეშ. სალბუტამოლი სიფრთხილით ენიშნებათ თირეოტოქსიკოზით შეპყრობილ პაციენტებს. ბეტა2-ადრენორეცეპტორების აგონისტებით მკურნალობის დროს შესაძლებელია ჰიპოკალიემიის განვითარება. პრეპარატი განსაკუთრებული სიფრთხილით ენიშნებათ ბრონქული ასთმის მძიმე შეტევების დროს, რადგან ქსანტინის წარმოებულებთან, გლუკოკორტიკოსტეროიდებთან, დიურეზულ პრეპარატებთან კომბინაციის დროს, აგრეთვე ჰიპოქსიის გამო ადგილი აქვს ჰიპოკალიემიის გაძლიერებას. ამ შემთხვევაში საჭიროა სისხლის პლაზმაში კალიუმის მაჩვენებლების სისტემატური კონტროლი. სალბუტამოლის დიდი დოზები იწვევს საშვილოსნოს მიომეტრიუმის შეკუმშვის დათრგუნვას, რაც გათვალისწინებული უნდა იქნას მშობიარობის დროს.
ჭარბი დოზირება:
	
მკვეთრად გამოხატული ტაქიკარდიის შემთხვევაში იყენებენ კარდიოსელექტიურ ბეტა-ბლოკატორებს.
ურთიერთქმედება სხვა მედიკამენტებთან:
	
პრეპარატის გამოყენება პროპრანოლოლთან ერთად არ არის რეკომენდებული. სალბუტამოლის კომბინაცია მაო-ს ინჰიბიტორებთან ნებადართულია.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021958186 sec.