This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
რეტინოლი
Retinol
ა.თ.ქ. კლასიფიკაცია:
	
 
S01XA02	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
X სხვა პრეპარატები თვალის დაავადებების მკურნალობისათვის
	
A სხვა პრეპარატები თვალის დაავადებების მკურნალობისათვის
R01AX02	
R სასუნთქი სისტემა
	
01 პრეპარატები ცხვირის დაავადებების მკურნალობისათვის
	
A დეკოგესტანტები და სხვა პრეპარატები ადგილობრივი გამოყენებისათვის
	
X სხვა პრეპარატები ცხვირის დაავადებების დროს ადგილობრივი გამოყენებისათვის
D10AD02	
D დერმატოლოგია
	
10 პრეპარატები ფერიმჭამელების მკურნალობისათვის
	
A პრეპარატები გარეგანი გამოყენებისათვის ფერიმჭამელების მკურნალობისათვის
	
D რეტინოიდების შემცველი პრეპარატები გარეგანი გამოყენებისათვის ფერიმჭამელების მკურნალობისათვის
A11CA01	
A საჭმლის მომნელებელი ტრაქტი და ნივთიერებათა ცვლა
	
11 ვიტამინები
	
C A და D ვიტამინები და მათი კომბინაციები
	
A ვიტამინი A
ანოტაცია:
	
	
ფარმაკოლოგიური თვისება:
	
ვიტამინი A-რეტინოლი მოიპოვება ცხოველური წრმოშობის პროდუქტებში: ღვიძლში, კვერცხის გულში, თევზის ქონში და ა. შ. მცენარეული საკვები პროდუქტების შემადგენლობაში იგი არ შედის, თუმცა მრავალი მათგანი - მწვანე ხახვი, სალათი, ოხრახუში, სტაფილო და სხვა შეიცავენ კაროტინს, რომელიც წარმოადგენს A ვიტამინის პროვიტამინს, რომლისგანაც ორგანიზმში სინთეზირდება ვიტამინი. იგი დიდ როლს ასრულებს ჟანგვა-აღდგენით პროცესებში. მუკოპოლისაქარიდების ცილების, ცხიმების სინთეზში მას დიდი მნიშვნელობა ენიჭება ფოტორეცეფციის, კერძოდ მხედველობითი პურპურის სინთეზის პროცესში. მისი დეფიციტისათვის დამახასიათებელია ლორწოვანი გარსების და კანის ეპითელიუმის დაზიანება, მხედველობის დაქვეითება (განსაკუთრებით სიბნელეში), მძიმე შემთხვევებში ადგილი აქვს სუნთქვის, კუჭ-ნაწლავის ტრაქტის, შარდგამომყოფი სისტემის დაზიანებას და ანემიის განვითარებას.
ჩვენება:
	
ვიტამინი A-ს დეფიციტი ქსეროფთალმიის გარეშე (თვალებში სიმშრალის შეგრძნება); ვიტამინის დეფიციტი ქსეროფთალმიით; მალაბსორბციის სინდრომის პროფილაქტიკა. - კომპლექსურ თერაპიაში: სხვადასხვა დისკერატოზი და ჰიპერკერატოზი, სებორეული ეკზემა, ფოლიკულური კერატოზი, დამწვრობა, მოყინვა, ნაწოლები და სხვა მდგომარეობები, რომელიც მიმდინარეობს დუნე ეპითელიზაციით. - ოტორინოლარინგოლოგიაში: მშრალი ქრონიკული რინოფარინგიტი, ინფექციური დაავადებები, სტრესული მდგომარეობა. - კუჭ-ნაწლავის ტრაქტის დაავადებების დროს: კუჭის რეზექცია, ცელიაკია, სპრუ, ადგილობრივი ენტერული სინდრომი, სტეატორეა, დიარეა, მალაბსორბციის სინდრომი პანკრეასის ფუნქციის უკმარისობით. - პრეპარატზე გაზრდილი მოთხოვნილების დროს; - ორსულობა და ლაქტაციის პერიოდი.
დოზირება და მიღების წესი:
	
იტამინი A-ს დეფიციტის პროფილაქტიკა და მკურნალობა ქსეროფთალმიის გარეშე: - მოზრდილებში - 100000 სე დღეში დაყოფილი 2-3 მიღებაზე3 დღის განმავლობაში, შემდგომში მკურნალობის 14-დღიანი კურსი დღეში 50000 სე. - ბავშვებში 1-დან 8 წლამდე - 5000 - 10000 სე დღეში 5 დღის განმავლობაში, შემდგომში 3500 სე დღეში 10 დღის განმავლობაში. - ბავშვებში 8 წლის ასაკის ზევით-10 000 სე დღეში 5 დღის განმავლობაში, შემდგომში 5000 სე 10 დღის განმავლობაში. - ბავშვებში 1 წლის ასაკის ქვევით 50007500 სე დღეში 5 დღის განმავლობაში, შემდგომში 10 დღიანი კურსით 1500 სე დღეში. ვიტამინი A-ს დეფიციტის სამკურნალოდ ქსეროფთალმიით: - მოზრდილებში - 100000 სე დღეში 3 დღე, შემდგომში 14 დღიანი კურსით 50000 სე დღეში, შემდგომში 2 თვიანი კურსით 20000 სე დღეში. - ბავშვებში 1-დან 8 წლამდე - 500010000 სე 5 დღის განმავლობაში ან მდგომარეობის გაუმჯობესებამდე. - ბავშვებში 8 წლის ასაკის ზევით-10 000-15000 სე დღეში 5 დღის განმავლობაში დაყოფილი სახით 2-3 მიღებაზე ან მდგომარეობის გაუმჯობესებამდე. მალაბსორბციის სინდრომის პრაფილაქტიკისათვის: - მოზრდილებში - 10000- 50000 სე დღეში. სხვა პათოლოგიების დროს ჩვენების მიხედვით: - მოზრდილებში /ქალებში - 4000 სე დღეში; - მოზრდილებში /მამაკაცებში- 5000 სე დღეში; - ბავშვებში 10 წლის ასაკის ზევით -3500-4000 სე დღეში; - ბავშვებში 7 დან 10 წლამდე 3300-3500სე დღეში; - ბავშვებში 4 დან 6 წლამდე 2500 სე დღეში; - ბავშვებში 6 თვიდან 3 წლამდე 1500-2000 სე დღეში. რეკომენდებული სადღეღამისო დოზები პრეპარატზე გაზრდილი მოთხოვნილების დროს: - ორსულობა - 5000 სე დღეში; - ლაქტაციის პერიოდში 6000 სე დღეში. სხვა პათოლოგიების დროს ხდება პრეპარატის დოზის ინდივიდუალური დადგენა.
გვერდითი მოვლენები:
	
რეტინოლის მაღალი დოზების ხანგრძლივი მიღებისას აღინიშნება ძილიანობა, მადის დაქვეითება, თავის ტკივილი, მაცერაცია ტუჩების კუთხეებში, გამონაყარი, გაღიზიანებადობა, ტკივილი ძვლებში, ალოპეცია, მენსტრუალური ციკლის დარღვევა, სხეულის ტემპერატურის მომატება, ალერგიული რეაქციები. თუ ვიტამინი A-ს პლაზმური დონე შეადგენს 50000 სე / 100 მლ-ში აღინიშნება ღებინება, ქავილი, მხედველობის გაორება, კანის ჰიპერპლაზია, ჰიპერვიტამინოზის დროს ბავშვებში ცერებროსპინალური სითხის წნევის მომატება, ჩვილ ბავშვებში ჰიდროცეფალიის განვითარება.
უკუჩვენება:
	
- მომატებული მგრძნობელობა პრეპარატის მიმართ; - ჰიპერვიტამინოზი A; -ორსულობის I ტრიმესტრი; - ღვიძლის და თირკმელების მძიმე დაავადებები, ქრონიკული პანკრეატიტი (დაავადება მწვავდება), ქოლელითიაზი.
ორსულობა და ლაქტაცია:
	
დოზის მიღების ვადების დადგენისას საჭიროა სიფრთხილე პრეპარატის დანიშვნისას ორსულობისა და ლაქტაციის პერიოდში. არსებობს მონაცემები, რომ პრეპრატი დოზით 6000 სე იწვევს ნაყოფის დაზიანებას (საშარდე ტრაქტის ანომალია, ზრდის შენელება). პრეპარატი არ ინიშნება ორსულობის I ტრიმესტრში. ლაქტაციის პერიოდში პრეპარატი გადადის დედის რძეში, რის გამოც სიფრთხილეა საჭირო მისი გამოყენებისას.
განსაკუთრებული მითითებები:
	
პრეპარატი არ მოქმედებს ყურადღების კონცენტრაციაზე. იგი ნაკლებად ეფექტურია მშრალი და დანაოჭებული კანის სამკურნალოდ, ასევე ინფექციური დაავადებების პროფილაქტიკისათვის და სამკურნალოდ, როდესაც არ აღინიშნება ვიტამინის დეფიციტი. პრეპარატი დიდი სიფრთხილით ინიშნება გულის უკმარისობის, მიოკარდიუმის მწვავე ინფარქტის, მიოკარდიოსკლეროზის, ჰიპერქოლესტერინემიის და თირკმელების დაავადების დროს, რადგანაც მისმა გამოყენებამ შეიძლება გამოიწვიოს ქოლესტერინის გაზრდა სისხლში. ასევე შეისაძლებელია გამოიწვიოს ნეფროლითიაზის, ქოლელითიაზის და ქრონიკული პანკრეატიტის გამწვავება.
ჭარბი დოზირება:
	
ჭარბი დოზირებისას აღინიშნება: ჰიპერემია, თავის ტკივილი, სისუსტე, ძილიანობა, უმადობა, წონის დაკლება, სხეულის ტემპერატურის მომატება, ტაქიკარდია, სისხლჩაქცევები კონიუნქტივაში და პირის ღრუს ლორწოვან გარსში, ღვიძლის უმნიშვნელო გადიდება, მენსტრუალური ციკლის დარღვევა, თმების ცვენა. პრეპარატის მიღების შეწყვეტისას აღნიშნული მოვლენები ქრება.
ურთიერთქმედება სხვა მედიკამენტებთან:
	
რეტინოლის ტოქსიურობა ძლიერდება ალკოჰოლით და რეტინოიდებით. კონტრაცეპტივები იწვევენ პრეპარატის დონის გაზრდას ორგანიზმში. არ შეიძლება პრეპარატის ერთდროული მიღება: ნიტრატებთან, ქოლესტირამინთან, ნეომიცინთან, სუკრალფატთან, ანტაციდურ და საფაღარათო პრეპარატებთან, რადგანაც ისინი ცვლიან მისი რეზორბციის ინტენსივობას. ვიტამინი A-ს კომბინაციას ვიტამინ E-თან იყენებენ გინეკოლოგიაში, დერმატოლოგიაში და გერიატრიაში. ვიტამინი E ხელს უწყობს რეტინოლის აქტიური ფორმის შენარჩუნებას და იცავს მას დაჟანგვისაგან. ხშირად ვიტამინ A-ს იღებენ ვიტამინ D-თან ერთად.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 023881710 sec.