| უნიფიცირებული დასახელება: | ანტიდიფტერიული შრატიSerum antidiphthericum | ||
| ა.თ.ქ. კლასიფიკაცია: | |||
J06AA01 | J მიკრობების საწინააღმდეგო პრეპარატები სისტემური გამოყენებისათვის | ||
| 06 იმუნური შრატები და იმუნოგლობულინები | |||
| A იმუნური შრატები | |||
| A იმუნური შრატები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს სპეციფიური იმუნოგლობულინების შემცველ ცხენის სისხლის შრატის ცილოვან ფრაქციას, ჰიპერიმუნიზირებულს დიფთერიული ანატოქსინით, რომელიც გაწმენდილია და კონცენტრირებულია პეპტიური გადახარშვის და მარილოვანი ფრაქციონირების მეთოდით. პრეპარატი წარმოადგენს გამჭირვალე ან ოპალესცირებულ უფერო ან მოყვითალო ხსნარს ნალექის გარეშე. ბიოლოგიური და იმუნობიოლოგიური თვისებები: შრატის 1მლ შეიცავს ანტიტოქსიური აქტივობის არანაკლებ 1500სე, რომელიც იწვევს დიფთერიული ბაქტერიების ტოქსინის ნეიტრალიზაციას. | ||
| ჩვენება: | დიფთერიით დაავადებული ავდმყოფების სამკურნალოდ. | ||
| დოზირება და მიღების წესი: | სასის დიფთერიის ლოკალიზებული ფორმების დროს შეჰყავთ 10000სე-20000სე (ერთჯერადი დოზა) , სუბტოქსიური ფორ მის დროს - 40000-50000სე, I ხარისხის ტოქსიური ფორმის დროს - 50000სე-70000სე; II ხარისხის - 60000სე-80000სე; III ხარისხის და ჰემორაგიული ფორმის დროს - 100000-120000სე. ხორხის დიფთერიის დროს - 40000-50000სე. კურსობრივი დოზა 2-2.5 ჯერ აღემატება ერთჯერად დოზას. ეფექტის არ არსებობის შემთხვევაში შრატის შეყვანა მეორდება 1 დღეღამის შემდეგ, ხოლო დიფთერიის ტოქსიური ფორმების დროს - პირველი 2 დღეღამის განმავლობაში შრატის შეყვანა ხდება 12 საათის შემდეგ. შრატი შეჰყავთ კუნთებში ბარძაყის ზედაგარეთა 1/3-ში ან დუნდულოში. პირველი შეყვანის წინ აუცილებლად კეთდება კანის სინჯი განზავებული ცხენის შრატით 1:100 (ამპულა მარკირებულია წითელი ფერით), რათა დადგინდეს მგრძნობელობა ცხენის შრატის მიმართ. შრატი, განზავებული 1:100, მოცულობით 0.1მლ, შეყავთ კანში წინა მხრის მომხრელ ზედაპირზე. რეაქციის აღრიცხვა ხდება 20 წუთის შემდეგ. სინჯი უარყოფითია, თუ შეშუპება ან შეწითლების დიამეტრი შეყვანის ადგილას ნაკლებია 1სმ-ზე. სინჯი დადებითია, თუ შეშუპება ან შეწითლება აღწევს დიამეტრში 1 სმ-ს ან მეტს. კანის უარყოფითი სინჯის შემდეგ დიფთერიის საწინააღმდეგო შრატის 0.1 მლ (ამპულა მარკირებულია ლურჯი ფერით) შეჰყავთ კანქვეშ წინა მხრის ზედა 1/3-ში. თუ ადგილობრივი და საერთო რეაქცია არ აღინიშნება 45±15 წუთის შემდეგ, კუნთებში შეჰყავთ შრატის დანიშნული დოზა, რომელსაც ათბობენ (36±1)’C. პრეპარატის მაქსიმალური მოცულობა შეყვანილი ერთ ადგილას არ უნდა აღემატებოდეს (8±2)მლ-ს. ავადმყოფი აცრის შემდეგ იმყოფება ექიმის მეთვალყურეობის ქვეშ 1 საათის განმავლობაში. კანის დადებითი სინჯის ან კანქვეშ შეყვანილი 0.1 მლ შრატის შემთხვევაში რეაქციის განვითარებისას პრეპარატი გამოიყენება მხოლოდ სასიცოხლო ჩვენების მიხედვით. დესენსიბილიზაციისათვის შეჰყავთ კანქვეშ შრატი, განზავებული 1:100, მოცულობით 0.5მლ, 2.0მლ, 5.0მლ ინტერვალით 15-20 წუთი, შემდეგ იგივე ინტერვალებით შეჰყავთ კანქვეშ 0.1მლ და 1.0მლ გაუზავებელი შრატი. თუ რეაქცია არ აღინიშნება, შეჰყავთ დიფთერიის საწინააღმდეგო შრატის დანიშნული დოზა. დესენსიბილიზაციასთან ერთად ავადმყოფს უკეთდება შოკის საწინააღმდეგო საშუალებები. ერთ-ერთი შეყვანილი დოზის მიმართ ანაფილაქსიური შოკის სიმპტომების გამოვლენის შემთხვევაში შრატის შეყვანა გრძელდება ნარკოზის ქვეშ. ამპულის გახსნა და პროცედურის ჩატარება წარმოებს ასეპტიკის და ანტისეპტიკის წესების მკაცრი დაცვით. შრატის გახსნილი ამპულა ინახება დახურული სტერილური საფენით არა უმეტეს 1 საათისა 20±2’C. გახსნილი ამპულა განზავებული 1:100 შენახვას არ ექვემდებარება. არ შეიძლება ვადაგასული, არასწორად შენახული, მთლიანობა, გამჭვირვალობა და მარკირება დარღვეული ამპულის გამოყენება. | ||
| გვერდითი მოვლენები: | რეაქცია შეყვანაზე: პრეპარატის შეყვანის შემდეგ შეიძლება განვითარდეს ალერგიული რეაქციები: ანაფილაქსიური შოკი, შრატისმიერი დაავადება, რის გამოც აცრების გაკეთების ადგილი აუცილებებლად უნდა იყოს აღჭურვილი საშუალებებით შოკის საწინააღმდეგო თერაპიის ჩასატარებლად. |
Page generation time: 0. 021932980 sec.
