This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
მიდოდრინი
Midodrine
ა.თ.ქ. კლასიფიკაცია:
	
 
C01CA17	
C გულ-სისხლძარღვთა სისტემა
	
01 პრეპერატები გულის დაავადებების მკურნალობისათვის
	
C კარდიოტონური პრეპარატები (გარდა საგულე გლიკოზიდებისა)
	
A ადრენო- და დოპამინომიმეტური საშუალებები
ანოტაცია:
	
	
ფარმაკოლოგიური თვისება:
	
მიდოდრინი წარმოადგენს პირდაპირი მოქმედების ალფა-ადრენომიმეტურ საშუალებას. იგი შერჩევითად ასტიმულირებს პერიფერიულ ალფა-ადრენორეცეპტორებს, იწვევს სისხლძარღვთა ტონუსის მომატებას, რაც თავის მხრივ ზრდის საერთო პერიფერიულ წინააღმდეგობას, არტერიულ წნევას და ხელს უშლის (ორთოსტატული დარღვევების დროს) ვენურ სისტემაში სისხლის შეგუბებას. ამის გამო ადგილი აქვს ცირკულაციაში მყოფი სისხლის მოცულობისა და არტერიული წნევის მუდმივ დონეზე შენარჩუნებას, იზრდება ორგანოებისთვის სისხლის მიწოდება და მცირდება ორთოსტატული ხასიათის დარღვევები (დილის სისუსტე და დაღლილობა, ხშირი მთქნარება, თავბრუსხვევა და ა. შ.). მიდოდრინი არ ახდენს ზემოქმედებას გულის მუშაობაზე, თუმცა შესაძლებელია გულის რითმის გაიშვიათება რეფლექსური მექანიზმების მეშვეობით. პრეპარატი არ იწვევს ცნს-ის აგზნებადობის მომატებას.
ფარმაკოკინეტიკა:
	
ვენაში შეყვანილი პრეპარატის მოქმედება შედარებით ნელა იწყება. მიღებიდან უკვე 10 წთ-ის შემდეგ იგი განიცდის მეტაბოლიზმს აქტიური მეტაბოლიტის წარმოქმნით, რომლის ბიოშეღწევადობა შეადგენს 100%-ს. აქტიური მეტაბოლიტის ნახევრადდაშლის პერიოდი პლაზმაში (ბეტა ფაზა) შეადგენს 3-4 საათს. მიდოდრინი და მისი მეტაბოლიტები ორგანიზმიდან გამოიყოფიან მიღებიდან 24 სთ-ის შემდეგ. შარდის მეშვეობით ელიმინირდება 40% აქტიური მეტაბოლიტის სახით, 5% - უცვლელი, ხოლო დაახლოებით 55% - ფარმაკოლოგიურად არააქტიური მგტაბოლიტის სახით. ვინაიდან მას გააჩნია მხოლოდ უმნიშვნელოდ გამოხატული ლიპოფილური თვისებები, იგი თითქმის ვერ აღწევს ჰემატოენცეფალურ ბარიერში, რის გამო ვერ ახდენს გავლენას ცნს-ზე.
ჩვენება:
	
- სისხლძარღვთა ტონუსის რეგულაციის ორთოსტატული დარღვევა; - კონსტიტუციური ჰიპოტონია; - სიმპტომატური ჰიპოტონია რეკონვალესცენციის პერიოდში, ოპერაციის ან მშობიარობის შემდეგ და ა. შ.; - ჰიპოტონური ლაბილობა ამინდის ცვალებადობისას; -ორთოსტატული დარღვევები დილას ადგომისას; - უნებლიე შარდვა შარდის ბუშტის სფინქტერის ფუნქციის მოშლის დროს. დოზირების რეჟიმი თუ არ არსებობს სხვა დანიშნულება, საჭიროა დოზების მკაცრი დაცვა. - სისხლძარღვთა ტონუსის რეგულაციის დარღვევის დროს: მოზრდილებში და 12 წლის ასაკის ზევით მოზარდებში ინიშნება თითო აბი დღეში 2-ჯერ (დილას და საღამოს), ხოლო საჭიროების შემთხვევაში თითო აბი 3-ჯერ დღეში. შესაძლებელია ზოგჯერ დოზის შემცირება 1/2 აბამდე 2-ჯერ დღეში. პაციენტებმა, რომლებიც იყენებენ ფსიქოტროპულ პრეპარატებს, მკურნალობის დასაწყისში უნდა მიიღონ პრეპარატის თითო აბი 2ჯერ დღეში, საჭიროებისას დოზის გაზრდით 2 აბამდე 2-3-ჯერ დღეში. - უნებლიე შარდვა: მოზრდილებში: 1-2 აბი 2-3-ჯერ დღეში. ბავშვებში: ბავშვების დოზა ინდივიდუალურია ბავშვის წონის გათვალისწინებით. გულ-სისხლძარღვთა სისტემის მძიმე ორგანული დაზიანების შემთხვევაში, გულის რითმისა და თირკმელების ფუნქციის დარღვევის დროს პრეპარატი სიფრთხილით გამოიყენება. -პრეპარატით ხანგრძლივი მკურნალობის შემთხვევაში აუცილებელია თირკმელების ფუნქციის გამოკვლევა. მისი მიღება სხვა მედიკამენტებთან ერთად, რომლებიც უშუალო ან ირიბ ზეგავლენას ახდენენ არტერიულ წნევაზე ან გულის შეკუმშვათა სიხშირეზე (მაგ. გუანეტიდინი, β1-ადრებლოკატორები, არასელექტიური β ბლოკატორები), საჭიროებს არტერიული წნევისა და გულის შეკუმშვათა სიხშირის გულდასმით კონტროლს. - პაციენტებს, რომლებსაც აღენიშნებათ ამინდის ცვალებადობასთან დაკავშირებული ლაბილური ჰიპოტონია, დოზის შერჩევისას ესაჭიროებათ განსაკუთრებული ყურადღება.
გვერდითი მოვლენები:
	
ცალკეულ შემთხვევაში შეიძლება აღინიშნოს გულის რითმის დარღვევა, კარდიალგია, კანის რეაქციები.
უკუჩვენება:
	
არტერიული ჰიპერტენზია, ფეოქრომოციტომა, მწვავე ნეფრიტი, თირკმელების მძიმე უკმარისობა, დახურულკუთხოვანი გლაუკომა, წინამდებარე ჯირკვლის ადენომა ნარჩენი შარდის მოვლენებით, საშარდე გზების მექანიკური ობსტრუქცია, ჰიპერთირეოზი.
ორსულობა და ლაქტაცია:
	
უსაფრთხოების მიზნით ორსულობის და ლაქტაციის პერიოდში მისი მიღების საკითხი წყდება მოსალოდნელი სარგებლიანობისა და პოტენციური რისკის განსაზღვრის შემდეგ.
ჭარბი დოზირება:
	
დოზის გადაჭარბებისას ადგილი აქვს პილომოტორულ რეაქციას (“ბატის კანი”), განსაკუთრებით თავისა და კეფის არეში, სიცივის შეგრძნებას, მოშარდვის სურვილს შარდის შეკავების პირობებში. ამ შემთხვევაში საჭიროა ან პრეპარატის დოზის შემცირება, ან მისი მიღების შეწყვეტა. შესაძლებელია გულის შეკუმშვათა სიხშირის რეფლექსური შენელება რეფლექსური ბრადიკარდია, (როდესაც გულის შკუმშვათა სიხშირე მოსვენების პერიოდში წთ-ში 60 დარტყმაზე ნაკლებია), რომლის ეფექტის სწრაფი ნიველირება შესაძლებელია ატროპინის თერაპიული დოზების გამოყენებით.
ურთიერთქმედება სხვა მედიკამენტებთან:
	
მისი ეფექტი შეიძლება შემცირდეს (ისევე როგორც სხვა ალფა-ადრენომასტიმულირებელი საშუალებების) ალფა-ადრენობლოკატორების მეშვეობით (მაგ. პრაზოზინით, ფენტოლამინით). საგულე გლიკოზიდების ერთდროული მიღება მასთან ერთად არ არის რეკომენდებული შესაძლო რეფლექსური ბრადიკარდიის განვითარების და გულის გამტარებლობის შესაძლო დარღვევის გამო. ატროპინი და კორტიზონი მასთან ერთად მიღებისას აძლიერებენ არტერიულ ჰიპერტენზიას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022427504 sec.