This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
კარბოპლატინი
Carboplatin
ა.თ.ქ. კლასიფიკაცია:
	
 
L01XA02	
L სიმსივნის საწინააღმდეგო პრეპარატები და იმუნომოდულატორები
	
01 სიმსივნის საწინააღმდეგო პრეპარატები
	
X სიმსივნის საწინააღმდეგო სხვა პრეპარატები
	
A პლატინის ნაერთები
ანოტაცია:
	
	
ფარმაკოლოგიური თვისება:
	
პრეპარატი წარმოადგენს მაალკილირებელი მოქმედების სიმსივნის საწინააღმდეგო საშუალებას, რომლის შემადგენლობაში შედის არაორგანული პლატინის კომპლექსური ნაერთი. მისი მოქმედების მექანიზმი დაკავშირებულია უჯრედის დნმ-ში გუანინის ფუძის მეზობელ წყვილებს შორის “ნაკერების” წარმოქმნასთან, რის გამოც იცვლება დნმ-ის სტრუქტურა და ითრგუნება მისი სინთეზი.
ფარმაკოკინეტიკა:
	
პრეპარატის ვენაში შეყვანიდან 1 სთ-ის განმავლობაში ფარმაკოკინეტური მაჩვენებლებლები აღიწერება თავისუფალი და საერთო პლატინის ორფაზიანი ფარმაკოკინეტიკური მრუდით. ცილებთან პრეპარატის შეკავშირების ხარისხი პირველი 4 სთ-ის განმავლობაში შეადგენს 29%-ს, 24 სთ-ის შემდეგ კი - 85-89%-ს. იგი ძირითადად გამოიყოფა თირკმელებით, ხოლო შეყვანილი დოზის 32% - უცვლელი სახით. თავისუფალი პლატინის ნახევრადგამოყოფის პერიოდი საწყის ეტაპზე შეადგენს 90 წთ-ს, ხოლო ტერმინალურ ეტაპზე - დაახლოებით 60 სთ-ს. საწყის ფაზაში საერთო პლატინის ნახევრადგამოყოფის პერიოდის მაჩვენებლები ემთხვევა თავისუფალი პლატინის იგივე მაჩვენებლებს, მაგრამ ტერმინალურ ფაზაში შესაძლოა აჭარბებდეს 24 სთ-ს.
ჩვენება:
	
ეპითელური წარმოშობის საკვერცხის დისიმინირებული სიმსივნე, სემინომა, ავთვისებიანი მელანომა, თავის და კისრის სიმსივნე, საშვილოსნოს ყელის კიბო, შარდის ბუშტის კიბო. დოზირების რეჟიმი მოზრდილებში ადრეულ ეტაპზე რეკომენდებული დოზაა 400 მგ/მ 2 ვენაში ინფუზიის სახით 15-60 წთ-ის განმავლობაში. თირკმელების ფუნქციის დაზიანების დროს პრეპარატის დოზა საჭიროა შევამციროთ კრეატინინის კლირენსის მაჩვენებლის მიხედვით. კრეატინინის კლირენსი: მეტი 40 მლ/წთ-ზე, კარბოპლატინის დოზა: 400 მგ/მ 2; კრეატინინის კლირენსი: 20-39 მლ/წთ-ში, კარბოპლატინის დოზა: 250 მგ/მ 2; კრეატინინის კლირენსი: 0-19 მლ/წთ-ში , კარბოპლატინის დოზა: 150 მგ/მ 2; შეყვანის განმეორება შესაძლებელია მხოლოდ 4 კვირის შემდეგ. დოზის კორექცია წარმოებს პერიფერიული სისხლის სურათის ყოველკვირეული შემოწმების საფუძველზე. ხანდაზმულ, ან იმ პაციენტებში, რომლებსაც ადრე ჩაუტარდათ მიელოდეპრესული თერაპია საწყისი დოზა უნდა იქნას 20-25 %-ით შემცირებული. ხსნარის მომზადების წესი: პრეპარატი უნდა განვაზავოთ 5% გლუკოზის ხსნარში 0,1 მგ/მლ კონცენტრაციამდე. ხსნარის შეყვანა რეკომენდებულია მომზადებისთანავე. ინფუზია უნდა იქნეს დასრულებული 24 სთ-ის განმავლობაში, ხოლო დარჩენილი ხსნარი - განადგურებული. კარბოპლატინის გამოყენება შესაძლებელია სხვა სიმსივნის საწინააღმდეგო საშუალებებთან. ასეთ შემთხვევაში დოზას ადგენენ სიმსივნის საწინააღმდეგო თერაპიის პროგრამის შესაბამისად.
გვერდითი მოვლენები:
	
სისხლმბადი ორგანოების მხრივ: ლეიკოპენია (55%), თრომბოციტოპენია (62%), ანემია (59%). თირკმელების მხრივ: სისხლის პლაზმაში კრეატინინის კლირენსის დაქვეითება, კრეატინინის, შარდოვანას და შარდმჟავას კონცენტრაციის მომატება პლაზმაში. კუჭ-ნაწლავის ტრაქტისა და ღვიძლის მხრივ: გულისრევა, ღებინება, დიარეა, ყაბზობა. სისხლში ღვიძლის ტრანსამინაზების აქტივობის მომატება. ნერვული სისტემისა და სმენის ორგანოს მხრივ: პარესთეზიები, სმენის დაქვეითება მაღალი სიხშირის დიაპაზონის მიმართ, მყესების ღრმა რეფლექსების დაქვეითება. ელექტროლიტური ბალანსის მხრივ: მაგნიუმის, კალიუმის და კალციუმის კონცენტრაციის დაქვეითება. ალერგიული რეაქციები: ერითემატოზური გამონაყარი, კანის ქავილი, ცხელება. სხვადასხვა: ალოპეცია (2%), გრიპის მსგავსი სიმპტომები (1%), ინექციის ადგილას რეაქციები (1%-ზე ნაკლები).
უკუჩვენება:
	
- ღვიძლის ფუნქციის დარღვევა; - სისხლმბადი სისტემის დარღვევა; - ორსულობა და ლაქტაციის პერიოდი; - პრეპარატისა და მის შემადგენლობაში შემავალი კომპონენტების მიმართ მომატებული მგრძნობელობა.
განსაკუთრებული მითითებები:
	
კარბოპლატინი გამოიყენება მხოლოდ სპეციალისტების მიერ, რომლებსაც გააჩნიათ ციტოსტატური პრეპარატების გამოყენების გამოცდილება. კარბოპლატინი სიფრთხილით ინიშნება პაციენტებში ჩუტყვავილით (მათ შორის ახლად გადატანილი შემთხვევები, ან ავადმყოფებთან კონტაქტი), შემომსალტველი ლიქენის და სხვა მწვავე ინფექციური დაავადებების შემთხვევაში, ასციტის და ექსუდატური პლევრიტის დროს. პრეპარატი სიფრთხილით ინიშნება პაციენტებში თირკმელების დაქვეითებული ფუნქციით, ვინაიდან ზემოთაღნიშნული ჯგუფის პაციენტებში, ისევე როგორც ხანდაზმულებში, რომლებიც ადრე იღებდნენ ქიმიოთერაპიას, ხანგრძლივი იმობილიზაციის დროს არსებობს მიელოტოქსიკურობის განვითარების რისკი. ასეთ შემთხვევაში რეკომენდებულია დოზის შემცირება და პერიფერიული სისხლის სურათის კონტროლი. თრომბოციტების რაოდენობის მაქსიმალურ შემცირებას ჩვეულებრივ ადგილი აქვს მკურნალობის დაწყებიდან 14-21 დღის შემდეგ, ხოლო ლეიკოციტების - 14-28 დღეებს შორის. თრომბოციტების მინიმალური დონე უნდა შეადგენდეს 50000/მმ 3, ხოლო ლეიკოციტების 2000/ მმ 3. თუკი აღნიშნული რიცხვი კლებულობს, მაშინ საჭიროა მკურნალობის კურსის შეწყვეტა მანამ, სანამ არ აღდგება უჯრედების საწყისი დონე, რაც საჭიროებს 5-6 კვირას. მძიმე შემთხვევების დროს საჭიროა ტრანსფუზიური თერაპია. კარბოპლატინით მკურნალობის დროს ან მის შემდეგ საჭიროა რეგულარულად ჩატარდეს ნევროლოგიური კვლევა და სმენის ფუნქციის კონტროლი. თუკი პაციენტს აღენიშნება პარესთეზიები, ისინი შესაძლებელია პროგრესირებადი გახდეს კარბოპლატინით მკურნალობისას. რეპროდუქციულ ასაკში მყოფმა ქალებმა, რომლებიც იყენებენ კარბოპლატინს, თავიდან უნდა აიცილონ ჩასახვის შესაძლებლობა. ექსპერიმენტული კვლევების შედეგად დადგენილია კარბოპლატინის მუტაგენური, ემბრიოტოქსიკური და ტერატოგენული თვისებები. პედიატრიაში პრეპარატის გამოყენების შესახებ არ მოიპოვება მონაცემები. კარბოპლატინის ხსნარის შემთხვევით კანზე ან ლორწოვან გარსზე მოხვედრისას საჭიროა იგი მოვიშოროთ საპნისა და წყლის მეშვეობით. მედპერსონალისათვის ორსულობის პერიოდში უშუალო კავშირი კარბოპლატინთან არ არის რეკომენდებული.
ურთიერთქმედება სხვა მედიკამენტებთან:
	
კარბოპლატინისა და ნეფროტოქსიკური პრეპარატების ერთდროული გამოყენება იწვევს ნეფროტოქსიკურობის გაძლიერებას. კარბოპლატინისა და სხვა მიელოდეპრესული სამკურნალო საშუალებების კომბინაციისას საჭიროა დოზის შემცირება ტოქსიკური ეფექტების თავიდან აცილების მიზნით. კარბოპლატინის და ნეირო-ან ოტოტოქსიკური პრეპარატების ერტდროული მიღებით ძლიერდება მათი ტიქსიკური ეფექტები.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020198022 sec.